Qendra për informim Lajmet.com

Në luftë kundër krimit të organizuar

FBKSH DHE AKSH NUK GRUMBULLOJNË FINANCA NË KOSOVË DHE IRJM

-Mblidhet Sekretariati Vendimarres i FBKSH i cili merre disa vendime terëndësishme

Në datën 28 korrik 2003, në Shkup, nën drejtimin e Kryetarit të FBKSH, zotit Valdet Vardari, u mblodh Sekretariati Vendimarres i FBKSH. Në këtë mbledhje të zakonshme Sekretariati Vendimarres, si forumi me i larte udheheqes i FBKSH analizoi me përgjegjesi ngjarjet më të fundit në Kosovë dhe të gjitha trevat e okupuara shqiptare si dhe ecurinë e punëve në të gjitha strukturat, posaçerisht pas percaktimeve te objektivave te reja te punes ne mbledhjen e kaluar dhe disa ndryshimeve te bera ne kuadrot drejtuese te disa sektoreve te rendesishem te strukturave te FBKSH dhe AKSH.

Objekt diskutimi në këtë mbledhje u bënë dy raportet analitike, të argumentuara dhe vizionare të paraqitura nga Sekretari Politik i FBKSH, zoti Alban Vjosa dhe Kryetari i SKSH, zoti Bestar Kosova. Sekratariati Vendimarres i FBKSH analizoi me pergjegjesi te larte dhe me fryme te thelle kritike fenomenin negativ te shfaqjes se perfitueseve dhe matrapazeve te cilet po degjenerojne vlerat e luftrave te para qe kane bere shqiptaret keto tre vjetet e fundit si dhe këtë organizim të ri në kuadrin e FBKSH dhe të AKSH. Për fatin e keq, nxorri konkluzion Sekretariati, disa ish-pjestare të ish-UÇK, po perpiqen me te gjitha mjetet, deri edhe me kercenime me armë, për të uzurpuar "poste" në sektorët e Fondit Kombëtar Shqiptar.Ata duan të përfitojnë me anë të këtyre posteve, me qellimin e vetem që të shfrytëzojne për pasurim dhe plotësim të tekeve amorale, si dhe për qëllime të errta politike, Platformën e FBKSH, punën, luftën dhe qellimet fisnike të kësaj Levizje gjithkombëtare dhe të AKSH, qe vepron ne kuader dhe nën udhëheqjen e padiskutueshme politike të FBKSH. Këta perfiter kanë arritur deri aty sa të sajojnë vula të AKSH dhe blloqe turlifarëllojëshe dhe të shkojnë tek biznesmenët dhe populli i thjeshte, dhe gjoja "ne emër të luftës së AKSH" u kërkojnë ose u grabisin të holla.

Sekretariati Vendimarres ka siguruar raporte të hollesishme dhe prova të pakontestueshme lidhur me personat qe janë në rolin e organizatorit, të nxitësit dhe të ekzekutorit të këtyre akteve kriminale. Mjerisht na rezulton se në përbërje të këtyre bandave ka edhe ndonjë ish-drejtues në sektorët e Logjistikës apo në sektorë të tjerë të ish-strukturave të UÇK-së, çka e bejnë fenomenin sa tragjik, aq edhe te rrezikshem.

Sekretariati Vendimarrës përcaktoi detyra konkrete për ta goditur gjer në rrenjë këtë fenomen që ushqen krimin e organizuar dhe i bëri thirrje popullit që të japin ndihmesen e tyre në këtë drejtim. Me këtë rast Sekretariati Vendimarrës, organi i vetëm udhëheqës dhe dejtues i të gjitha strukturave të FBKSH dhe të AKSH, organi udhëheqës i Shtabit të Përgjithshëm të AKSH dhe Fondit Kombëtar Shqiptar u bënë me dije: të gjithë biznesmenëve, shqiptarve, institucioneve të ndryshme, masmediave elektronike dhe atyre të shkruara se në Kosovë, në IRJM, në Presheve, Bujanoc, Medvegjë dhe kudo në trojet etnike shqiptare nuk vepron Fondi Kombëtar Shqiptar.

Kushdo që u shkon shqiptarve për t'u kërkuar mjete financiare në emër të AKSH ose udhëheqjes së saj politike, FBKSH, të paisur ose jo me blloqe, me vula etj, të konsiderohen përfiter dhe mashtrues. AKSH ka nje vule të vetme e cila qendron prane Sekretariatit Vendimarres ku eshte instatuluar edhe Shtabi i Përgjithshëm i AKSH. Çdo lloj vule tjeter e hedhur në blloqe, "autorizime" apo e vendosur mbi emrat e nderuar të Udhëheqësve të lartë të FBKSH dhe të AKSH janë abuzive dhe të fallsifikuara. Populli tashmë e ka të qartë që nëse dikush i shkonë dhe i kërkonë mjete financiare për AKSH, t'i kthejë përgjigjen e prerë të Udhëheqjes më të lartë të FBKSH dhe AKSH se strukturat tona e kanë të ndaluar të dalin në popull dhe tek biznesmenët shqiptarë që të grumbullojnë mjete financiare.Populli nuk duhet të mashtrohet as nga uniformat që veshin këta përfiter, as nga vulat e falsifikuara që ata mbajnë në xhepa dhe as nga rroba apo "grada" që dikush prej tyre ka mbajtur dje në luftë në kuadër të ish-UÇK-së. Të suvensionosh elementë të tillë, t'u japësh mjete financiare përfiterëve nga luftrat, në kundërshtim me rregullat dhe vendimet e Udhëheqjes më të lartë të FBKSH dhe të AKSH, do të thotë të financosh strukturat më të errta që i kundërvihen Platformës së FBKSH dhe strukturës së saj, AKSH, që punojnë, veprojnë dhe luftojnë për çlirim dhe ribashkimi kombëtar, do të thotë të fuqizosh një bandë dhe një mafie të zezë antishqiptare.

Sekretariati Vendimarrës i FBKSH apelon dhe u kërkon ndihmën e nevojshme posaçërisht masmediave elektronike dhe të shkruara në të gjitha hapsirat shqiptare për ta ndalur këtë fenomen ogurzi për të sotmen dhe të ardhmen e popullit dhe politikes së mirfilltë kombëtare, për të ardhmen e shtetit etnik shqiptar.

Sekretariati vendimarrës mori vendime të rëndësishme lidhur me strategjinë dhe taktikat e veprimit për ta detyruar politikën servile zyrtare të Tiranës për të liruar te burgosurit politik udhëheqës të FBKSH, zotërinjtë Gafurr Adili dhe bashkëpunëtorin e tij Taip Mustafaj. Sekretariati Vendimarrës i FBKSH aprovoi objektivat qe do të realizojnë gjithe strukturat e kësaj Levizje gjithkombëtare gjatë muajit Gusht dhe Shtator 2003, si një periudhë kohore tepër e leverdishme për realizimin e Platformës së FBKSH.

ZËDHËNËSI I SEKRETARIATIT VENDIMARRËS TË FBKSH Drilon Korabi