Qendra për informim Lajmet.com

[/bar.htm]

Amerikë, jemi me ty!

Agim Vuniqi. SHBA

Me siguri nuk do të angazhohesha për të shkruar këtë tekst po të mos ishte ai i mëhershmi, ai qe ia kisha derguar kryeredaktorit të "Epoka e re" z. Muhamet Mavrajt, dhe që i njëjti ishte botuar vitin e kaluar mu në këtë ditë në shenjë përkujtimi të njëvjetorit të tragjedisë amerikane, pas atakut në binjaket e Nju Jorkut "WTC", ngjarje që kishte ndërruar rrjedhën e historisë, dhe kishte bashkuar mbi 90 shtete në luftë të përbashkët kundër terrorizmit global, këtë e dëgjova sot edhe nga ministri i mbrojtjes z. Ramsfelld në njërën nga qendrat televizive më të frekuentuara "FOXnews", i cili duke rikujtuar ngjarjen tragjike të Nju Jorkut tha se kjo ngjarje "ishte zgjim nga gjumi" dhe se sforcoi angazhimet amerikane por edhe të shumë shteteve të tjera në luftë te përbashkët kundër terrorizmit global.

Po në ate shkrim pata përmendur faktin se afro 600 shqiptarë (njëri nga ata ishte edhe autori) së bashku me ushtarët amerikanë përjetuan bashkarisht ngjarjen më të hidhur të historisë amerikane dhe vdekjen e mbi 3000 civilëve, zjarrëfikseve dhe policëve të Njujorkut-heronjë të Amerikës, por edhe të rrëzimit të dy rrokaqiejëve "WTC"(World Trade Center) të Njujorkut, ndërtesës së Pentagonit dhe të aeroplanit të rrëzuar mbi Pensilvani.

Po atë ditë më 11 shtatorin e 2001-it në bazën ushtarake në Fort Polk shqiptarët të rreshtuar në dy rende me një minutë heshtje shprehnin pikëllimin por edhe hidhërimin e thellë, duke u solidarizuar me viktimat e Nju Jorkut ngjarje e cila cila kurrë nuk do tu shlyhet nga kujtesa.

Të nesërmen në këtë bazë kishte fluturuar edhe aeroplani ushtarak amerikan në të cilin ndodhej personi më i rëndesishëm i botës presidenti amerikan George W. Bush, që ishte simboli i unitetit amerikan.

Kthimi pas dy vitesh në bazën ushtarake të Fort Polk-it

Një rrugë e gjatë me veturë nga Michigani në Georgia saktësisht në Lawrensville, një qytetzë në periferi të Atlantës, dhe takimi i shumë shqiptarëve që ishin zgjedhur për të marrë pjesë në ushtrimetushtarake një muajshe që do të mbaheshin në Fort Polk në njërën nga bazat më të mëdha ushtarake në SHBA. Ishte ky ushtrimi i tretë me radhë i KFOR-it amerikan që kishte pë qëllim parësor dhe të qëndrueshëm mbajtjen e paqës në Kosovë dhe zhvillimin e institucioneve demokratike të Kosovës dhe marrjen e përgjegjësisë së vendorëve në një të afërme të afërt.

Lokacioni ku mbaheshin ushtrimet kishte karakterin e simulimit të ngjarjeve të mundshme në Kosovë me emra konkret që vijëzojnë qartë realitetin plural në Kosovë, por edhe përceptimin gjeografik të vendbanimeve që frekuentohen nga ushtarët amerikanë në kuadër të forcave paqëruajtëse të KFOR-it, përfshirë këtu edhe bazën ushtarake të Bondstillit, që edhe ashtu si në Kosovë ishte objekti më i rëndësishëm.

Pjesa dërmuese e pjesëmarrësve mbante emrat e njerëzve që jetojnë në Kosovë dhe kështu japin një pasqyrë reale të angazhimit të njerëzve por edhe të biografive të tyre.

Zhvillimi i ushtrimeve në Lousianë ishte refklektim i realitetit në Kosovë, dhe pasqyronte në menyrë të përafërt realitein politiko-ekonomik të Kosovës.

Dialogjet e shumëta në mes të bartësve të roleve dhe ushtarëve amerikanë pasqyronin qartas përditshërinë e jetës në Kosovë, e ngërthyer me të gjitha problemet politike por edhe mjerimin ekonomik që shoqërohej nga ekonomia e hirtë, kontrabandimi i cigareve, të gjitha këto ofronin një pasqyrë reale të perditshmërisë kosovare që e tëra pasqyrohej në skenarin e përgatitur enkas për këtë ushtrim, duke u mundësuar ushtarëve amerikanë adaptimin gjuhësor, klimatik por edhe gjeografik.

Kontaktet e përditshme me ushtarakët amerikanë ishin të sinqerta dhe plotë miqësi. Në to merrnin pjesë bashkarisht shqiptarë dhe amerikanë të profesioneve të llojllojshme, miqësia vazhdohej edhe pas ushtrimeve me korespondencë të kohëpaskoheshme, ishte shumë emocionues (për autorin e ketij shkrimi) takimi me gjeneralin amerikan të pensionuar (që simbolizonte shpirtin liridashës të çdo amerikani, që vlerat e demokracisë dhe lirisë i çmon më shumë se jetën, i cili edhe tani ishte angazhuar në akcione mirëbërse në Meksikë) i cili kishte treguar interesim për fotografim të përbashkët (korespondenca me letra vazhdon edhe mëtutje), meqë fotografia ishte pasioni i tij, ishin këto ura shumë të fuqishme të miqësisë shqiptaro-amerikane.

Në kuadër të skenarit përfshiheshin të gjitha aktivitetet e përditshme të strukturave institucionale dhe organizative në Kosovë si TMK, SHPK, UNMIK-u, KFOR-i, pastaj institucionet fetare (gjatë ushtrimit ushtroheshin edhe ceremoni fetare nëpër objekte fetare të improvizuara ekskluzivisht për këtë qëllim) dhe organizatat e ndryshme jo qeveritare të vendosura në Kosovë.

Simuloheshin edhe ngjarje si: kontrabandimi i armëve (kontrollimi i veturave, autobus), autobusave) kontollimi detaj i udhëtarëve në rrugët urbane dhe ato lokale, grumbulloheshin shënimet të cilat përcilleshin në qendër, bëheshin studime të udhëheqjes së procedurës, pastaj evidentoheshin problemet e natyrës teknike si mungesa e rrymës, problemi i furnizimit me gjësende në lokalitetet më problematike ku jeton popullata e përzierë etnike etj.

Çështje parësore e ushtrimit ishte vendosja e komunikimit me strukturat lokale të pushtetit, të zgjedhura nga vota e popullit në zgjedhjet lokale, pastaj komunikimi me strukturat e UNMIK-ut në nivel lokal, biseda me pjesëtarët e SHPK-së dhe me ata të UNMIK-ut, si dhe patrullimi i përbashkët në kufirin Kosovë-Maqedoni. Ushtarët dëshmonin njohje të shkëlqyeshme të historisë shqiptare që nga koha ilire.
Kazermat e renditura njëra pas tjetrës krijonin përshtypjen se pjesëmarrësit edhe pse në rrobe civile janë ushtarë, këtë mendim e sforconte më tepër edhe zgjuarja nga gjumi në orën 4.

Ushtrimi financohej nga buxheti amerikan dhe është pjesë e pakos financiare të lejuara nga Kongresi e që akordohet për nevojat e ushtrisë amerikane me destinim - aftësimi dhe trajnimi i ushtarëve para çdo dislokimi në botë, kjo nënkupton edhe lëvizjet e kohëpaskohëshme të ushtarëve në bazë të interesave gjeostrategjike të Pentagonit.
Edhe pse shumica e pjesëmarrësve jepnin prognoza të ndryshme për zhvillimet në Kosovë unë nuk do ti jepja vetes atë të drejtë për të nxjerrë ndonjë konkluzë të veçantë që ndërlidhet me Kosovën.