All posts by V.F.

Shkon në katër numri i të vdekurve nga COVID-19 në Maqedoni të Veriut

Klinika ShkupNumri i viktimave nga koronavorusi në Maqedoninë e Veriut ka arritur në katër. Autoritetet thonë se bëhet fjalë për një grua 66-vjeçare nga Struga.

Sipas të dhënave të institucioneve shëndetësore, ajo besohet se është infektuar nga një familje në Dibër, ku e ndjera kishte qëndruar pak para se të shpallet gjendja krizës, ndërsa kishte qenë në kontakt edhe me një nga mjekët e infektuar në qytetin e Dibrës.

“Për shkak të përkeqësimit të menjëhershëm të gjendjes së pacientes, mjeku amë ka rekomanduar shtrimin në spital në repartin e sëmundjeve infektive në Spitalin e Ohrit. Ministria do të hetojë rastin për të përcaktuar nëse ka pasur lëshim mjekësor”, ka deklaruar ministri i Shëndetësisë, Venko Filipçe.

Ndërkohë, pozitivë me Covid-19 kanë rezultuar 22 persona të tjera duke e çuar numrin e të infektuarve në 241 persona. Të gjithë pacientët për momentin janë në gjendje të qëndrueshme shëndetësore.

Ministria e Punëve të Brendshme ka shprehur shqetësimin për shkak të mosrespektimin të orës policore nga një numër i konsiderueshëm i qytetarëve të cilët, siç tha ministri, Naqe Çulev do të përballen me pasoja.

“Masën nuk e kanë respektuar 502 qytetarë, shumica të moshës madhore. Deri tani janë arrestuar 199 persona, 14 të moshës deri 18 vjeç. Organet e ndjekjes kanë ngritur 123 padi penale për shkelësit e orës policore”, ka deklaruar ministri i Punëve të Brendshme, Naqe Çulev.

Mbi 10 mijë persona janë në izolim ndërkohë nga Qeveria e Maqedonisë së Veriut kanë siguruar qytetarët se objektet ku ata janë vendosur janë të sigurta dhe rreptësisht të kontrolluara.

“Objektet i siguron policia dhe ushtria. Qytetarët që janë vendosur në këto objekte nuk janë rrezik për askënd”, thuhet në një njoftim të qeverisë.

rel

COVID-19, i shndërron qelizat e pacientit në “fabrika të viruseve”

covid19Sipas ekspertëve kur COVID-19 sulmon, ai e kthen qelizën e pacientit në një “fabrikë virusesh”. Ai e nis me sipërfaqen e qelizës, ku virusi ngjitet në një proteinë që normalisht ndihmon për rregullimin e presionit të gjakut të pacientit.

Pa dashur, qeliza e fut virusin brenda, aty ku “sulmuesi” shkarkon ngarkesën e tij dhe nxit atë (qelizën) të prodhojë më shumë viruse. Virusi komandon mekanizmat e vet qelizës për t’u bërë kopje kodit të tij gjenetik, duke prodhuar më shumë viruse, e duke shpërndarë mikrobe të tëra në sipërfaqen e qelizës, gjë që çon në infektimin e më shumë qelizave të tjera.

Barnat ekzistuese në farmaci mund të veprojnë për të goditur pjesë të ndryshme të kësaj “makinerie”. Megjithëse ato nuk janë prodhuar me qëllimin për t’u përdorur si ilaçe antivirale, në përpjekjen për të trajtuar numrin në rritje të infeksioneve me COVID-19, shkencëtarët shpresojnë se këto ilaçe mund të ofrojnë ndihmë.

Ne nuk kemi luksin e një programi pesë-vjeçar për zbulimin e ilaçit. Kemi nevojë për diçka tani“, thotë Warner Greene, mjek e studiues në Institutin “Gladstone” të Virologjisë dhe Imunologjisë.

Kërkimet janë përqëndruar tek disa ilaçe që shihen si “kandidatë” potencialë e çuditshëm njëkohësisht, siç janë ilaçet kundër kancerit, ato ndaj sëmundjes së zemrës, një ilaç kundër skizofrenisë dhe një trajtim për sëmundjen e Parkinsonit. Aktualisht po kryehet testimi me klorokinën, një ilaç kundër malaries.

voa

Engel: SHBA duhet të këtë qasje të drejtpeshuar ndaj Kosovës dhe Serbisë

EngelLigjvënësi amerikan, Eliot L. Engel, kryesues i komisionit për Punë të Jashtme në Dhomën e Përfaqësuesve, tha se ka diçka të gabuar në politikën e Shteteve të Bashkuara ndaj Kosovës dhe kjo duhet të korrigjohet, duke bërë thirrje për një qasje të drejtpeshuar ndaj Kosovës dhe Serbisë.

“Të thuash se Shtetet e Bashkuara dhe Kosova kanë marrëdhënie të ngrohta dhe të afërta, do të ishte nënvlerësim i thellësisë së lidhjeve tona. Shtetet e Bashkuara udhëhoqën fushatën për t’i dhënë fund spastrimit etnik gjenocidal të (Sllobodan) Millosheviçit dhe ka qenë mikja më me ndikim dhe më këmbëngulëse e Republikës sovrane dhe të pavarur të Kosovës. E kam vizituar Kosovën shumë herë dhe mund të them me bindje se amerikanët nuk priten më ngrohtësisht diku tjetër në botë”, shkroi ai.

Ai tha se është krenar që ishte partner i qeverive të Kosovës të udhëehqura nga parti të ndryshme politike, duke mos mbajtur anë sepse ky është vendim i qytetarëve të Kosovës.

“Prandaj, po shqetësohem gjithnjë e më shumë me taktikat e ashpra që po i përdor administrata Trump kundruall Prishtinës. Departamenti i Shtetit ka kërkuar tash e sa kohë që Kosova t’i heqë tarifat. Por, kjo administratë përdori ndëshkime ekonomike vetëm pak javë pasi qeveria Kurti mori pushtetin. Në vend se ta linte qeverinë e re të merrej me pandeminë (COVID-19), me agjencitë dhe të niste procedura të brendshme, Shtetet e Bashkuara i kontribuuan krizës politike në Prishtinë, për shkak të tarifave ndaj Serbisë”, shkroi zoti Engel.

Sipas tij ka shumë arsye të mira që Kosova të heqë tarifat, në radhë të parë për faktin se ato më shumë po e dëmtojnë sesa që po i ofrojnë ndonjë mundësi për arritjen e ndonjë marrëveshjeje paqësore me Serbinë.

“Sido që të jetë, tarifat janë mjet legjitim i një shteti sovran. Si të tilla, ato janë vënë anembanë botës nga presidenti Trump, si kundër miqve ashtu edhe armiqve, për shkaqe ekonomike dhe politike”.

Ai tha se në vend të Ligjvënësi Engel shkroi se në vend të përdorimit të taktikave të rrepta me një shtet mik, që mbështetet tek përkrahja amerikane, Shtetet e Bashkuara është dashur të punojnë me durim me qeverinë tani në largim për përmirësimin e politikave që promovojnë mirëqenien dhe paqen afatgjatë.

“Për më tepër, trysnia mbi Prishtinën rreth tarifave është tejet i pa drejtpeshuar. Diplomatët serbë janë duke e shëtitur globin, për t’i nxitur shtetet që ta çnjohin Kosovën dhe Serbia është duke i thelluar marrëdhëniet e saj me Moskën teksa po blen sasi të konsiderueshme armatimesh ruse”, shkroi ai duke theksuar se këto blerje armësh do të duhej të pasoheshin me sanksione mbi Serbinë. “As që i kemi vënë këto sanksione dhe as nuk e kemi nxitur Serbinë më fuqishëm që t’u japë fund përpjekjeve të veta për çnjohje”.

“Diçka është e gabuar në politikën amerikane dhe duhet ta korrigjojmë. Duhet ta fillojmë me ri balancimin e qasjes sonë kundruall Serbisë dhe Kosovës. Duhet të bashkëpunojmë me aleatët tanë evropianë për t’i trajtuar të dyja shtetet si partnere të pavarura dhe sovrane, duke përdorur standarde të njëjta për të dyja palët, teksa përpiqemi t’i rifillojmë bisedimet paqësore. Kur ligji amerikan thotë se duhet t’i vëmë sanksione Serbisë shkaku i lidhjeve të saj të sigurisë me Rusinë, atëherë duhet ta bëjmë”.

Ligjvënësi kërkon që Shtetet e Bashkuara “të rifillojnë menjëherë ndihmën nëpërmjet Korporatës së Sfidave të Mijëvjeçarit”, duke nënvizuar se “përdorimi i kësaj ndihme si trysni detyruese për veprime që nuk lidhen me MCC-në apo misionin e saj, e bën këtë agjenci një mjet tjetër për ushtrim trysnie – duke e shndërruar pikërisht në atë që është synuar të mos jetë”, shkroi ai.

Të mërkurën, qeveria e Albin Kurtit, nuk i mbijetoi një mocioni të mosbesimit të hedhur nga Lidhja Demokratike e Kosovës, që ishte pjesë e koalicionit qeverisës. LDK-ja kërkoi që tarifat të hiqen në tërësi sipas kërkesës së Shteteve të Bashkuara që tashmë kanë pezulluar programe dhe kanë paralajmëruar sanksione të tjera nëse kjo nuk ndodhë.

Mospajtimet brenda koalicionit qeverisës kulmuan me shkarkimin e ish ministrit të Brendshëm nga radhët e LDK-së.

Përgjatë debatit të së mërkurës në parlamentin e Kosovës, kryeministri Kurti u shpreh i bindur se “ka marrëveshje të gatshme”, ndërmjet presidentit të Kosovës, Hashim Thaçi dhe atij të Serbisë, Aleksandër Vuçiç, për shkëmbim territoresh.

Të enjten në një deklaratë të përbashkët, ambasadori Richard Grenell i dërguar presidencial për bisedimet e paqes Kosovë – Serbi, ambasadori amerikan në Kosovë, Philip Kosnett dhe përfaqësuesi i posaçëm për Ballkanin Perëndimor, Mattheë Palmer, theksuan se nuk ka asnjë plan të fshehtë për shkëmbim territoresh ndërmjet Kosovës dhe Serbisë dhe se bisedimet ndërmjet të dyja vendeve duhet të çojnë në njohje të ndërsjellë.

voa

KE rigrupon fondet – futen edhe 100 milionë eurot për Shqipërinë

KEKomisioni Europian kërkon të rigrupojë fondet e buxhetit të BE. Miliona euro duhet të përdoren kundër krizës së Coronës. E re në buxhet -100 milionë eurot e premtuara për të ndihmuar rimëkëmbjen e Shqipërisë nga tërmeti.

Komisioni Europian kërkon të zhvendosë në buxhet disa dhjetëra milionë euro fonde për shkak të pandemisë Corona në Europë. Ai ka përgatitur disa propozime për ndryshime shtesë në buxhet, të cilat duhet t’i miratojnë Parlamenti Europian dhe shtetet anëtare në Këshillin e BE.

Sipas të dhënave të agjencisë gjermane të lajmeve, dpa, që i referohet autoriteteve të Brukselit, 75 milionë euro fonde do të përdoren për të marrë qytetarët e BE nga vendet e largëta të bllokuar për shkak të ndalimit të lëvizjes. Avionët që marrin qytetarët e BE në vende të ndryshme kanë marrë ndërkohë 2132 persona nga Kina, Japonia, SHBA, Maroku, Tunizia, Filipinet. Janë planifikuar edhe 80 fluturime për ditët e ardhshme. Po ashtu 80 milionë janë gati për përdorim për mjekësinë në BE për të krijuar rezerva në pajisjet mjekësore, aparate intubimi dhe maska.

Propozimi i Komisionit Europian parashikon, krahas rigrupimit të fondeve të parashikuara për vitin 2020, edhe shpenzime shtesë. Ndër to 350 milionë euro do të shkojnë drejt Greqisë për të ndihmuar emigrantët që jetojnë atje.

Premtimi i 110 milionë eurove për Shqipërinë

E re si shpenzim shtesë në buxhet janë edhe 100 milionë eurot e parashikuara si ndihmë për Shqipërinë për rimëkëmbjen dhe përballimin e pasojave të tërmetit vitin e kaluar. Komisioni Europian kishte premtuar më parë 115 milionë euro për Shqipërinë pas tërmetit të rëndë në nëntor 2019, 15 milionë euro menjëherë pas tërmetit, dhe 100 milionë euro në Konferencën Ndërkombëtare të Donatorëve për Shqipërinë të mbajtur në shkurt.

Nëse Këshilli i BE dhe Parlamenti Europian bien dakord për propozimet e reja buxhetore të Komisionit Europian, atëherë 100 milionë eurot për Shqipërinë do të jenë gati për përdorim. la/dpa

Shpresa për përdorimin e plazmës kundër COVID-19

plazmaGjaku i personave që janë prekur dhe shëruar nga COVID-19 ofron shpresa për të kuruar të sëmurët nga kjo sëmundje.

Shkencëtarët do të studiojnë nëse duke injektuar me plazmën e personit të shëruar një pacient të sëmurë, mund të shohin rezultate pozitive tek pacienti.

Kjo praktikë njihet prej kohësh dhe është përdorur edhe në kohën e gripit të vitit 1918, në epideminë e fruthit në vitet 1930 dhe kundër ebolës në 2014.

Kur një person i infektuar shërohet, gjaku i tij ende përmban anti-trupat që ka krijuar organizmi kundër mikrobit. Këto anti-trupa janë përgjigja e sistemit imunitar të personit të sëmurë për të luftuar mikrobin.

Kur një pacient injektohet me plazmën që përmban anti-trupa në formë serumi, pacienti munt të përfitojë mbrojtje shtesë imunitare.

Kjo praktikë nuk funksionon gjithnjë. Mjekët besojnë se nëse sëmundja ka avancuar, është e vështirë të arrish rezultat pozitiv.

Mjekët kinezë kanë trajtuar disa pacientë me plazmë, por vetëm në kushte eksperimentale, klinike, pra nuk është e qartë nëse praktika do të japë rezultat në shkallë të gjerë.

Kompania spanjolle Grifols ka nënshkruar një marrëveshje me qeverinë amerikane për të mbledhur plazmë në qendra të dhurimit të gjakut. Kompania ka në plan që të ndajë anti-trupat e personave të shëruar nga koronavirus, për analiza më të thella shkencore kundër sëmundjes.

Këtë javë Administrata Amerikane për Ushqimin dhe Ilaçet autorizoi mjekët amerikanë të përdorin plazmë në pacientë në gjendje të rëndë.

voa

Serweri rreth qasjes së SHBA-së ndaj Kosovës: Më lehtë të thyhet rezistenca e mikut, sesa e kundërshtarit

Daniel-Serwer

Serwer, në emisionin “Desku” të KTV-së ka thënë se fakt është që “Thaçi nuk mund ta japë Mitrovicën veriore e as Vuçiqi pjesën më të madhe të Preshevës, nuk e besoj se ka marrëveshje”.

“Porse çfarë të fortët po bëjnë është që po insistojnë të nxjerrin diçka dhe t’ua fusin me zor të tjerëve, gjë që po bëhet me heqjen e taksës – tek u bënin presion njerëzve që ta hiqnin”, ka thënë ai.

Tërë këtë gjendje ai e ka cilësuar si bullizëm diplomatik.

E për të, kjo gjë “nuk bëhet dot me miqtë e Amerikës, porse Amerikës i duket më lehtë ta thyejë rezistencën e mikut sesa të kundërshtarit”.

“Është e qartë se Serbia është nisur nga drejtimi i Kinës dhe i Rusisë. Nuk ka hequr dorë nga ambicia evropiane, porse është duke e kontrolluar me restaurimin e shumë aspekteve të autokracisë”, ka thënë ai.

Analisti Serwer vlerëson se SHBA-ja duhet të përqendrohet më shumë në këtë problem, sesa të rrëzojë një qeverinë e zgjedhur demokratikisht të Kosovës.

Sipas tij, dialogu duhet të shtyhet dhe t’i presë zgjedhjet e Serbisë, që do të duhej të mbaheshin në prill.

“Duhet të ketë qeveri demokratike edhe në Kosovë. E besoj se do të ishte e mençur për Kosovën që ta shtyjë procesin e dialogut deri në nëntor kur ndodhin zgjedhjet në Amerikë”, ka thënë ai.

Ai ka thënë se nuk ka fitore të lehtë në këtë mes.

“Nëse Grenelli do të vazhdojë me marrëveshjet për transport dhe marrëveshjet që janë të dobishme ekonomikisht për të dyja palët, këtë qasje do ta përkrahja sepse nuk e po shoh që ka ndonjë marrëveshje të mirë politike”, ka thënë ai.

Ajo që po shihet, ka thënë Serwer, janë “ca përmirësime që janë të dobishme për popujt e Kosovës dhe Serbisë”.

 

Serwer: Grenelli përçmues ndaj BE-së, kjo e vështirëson procesin

 

Për Serwerin, forma e vetme produktive sa i përket dialogut është bashkëpunimi i SHBA-së me BE-në.

E kjo, sipas tij, do të jetë shumë e zorshme.

“Grenelli e ka shprehur shumë herë përçmimin për BE-në dhe jo vetëm përçmimin. Ai madje është treguar armiqësor ndaj BE-së”, ka thënë ai.

E kjo, për të, është arsyeja që “vështirë se mund të imagjinohet bashkëpunimi amerikano-evropian, që është jetik për një marrëveshje të vërtetë”.

“Nuk mund t’ju them se kush do të fitojë porse e di se në nëntor do ta dini se kush do ta udhëheq administratën për katër vjetët e ardhshme dhe kjo do ta përcaktojë shtegun e veprimit. Nuk shoh shumë perspektivë deri nga nëntori pos me këto gjëra më të vogla, ekonomike”, ka thënë ai.

Serwer ka shtuar se shpëtimi qëndron tek bashkimi i shqiptarëve.

“Serbët thonë se vetëm bashkimi i shpëton serbët. E kjo është e vërtetë edhe për kosovarët: Vetëm bashkimi i shpëton kosovarët”, ka thënë ai.

Ai e ka konsideruar esencial dakordimin e gjërë midis forcave politike kosovare, cilado të jetë marrëveshja me Beogradin në të ardhmen.

“Duhet të jenë dy të tretat e forcave politike kosovare. Duhet të ketë pajtim për çka bëhet dhe të përfaqësohet aty ku bëhet”, ka thënë ai.

22:55

Serwer: Mbase nuk ka plan të dakorduar Thaçi-Vuçiq, por janë vizatuar harta

Serwer, eksperti amerikan i çështjeve të Ballkanit, ka thënë se duhet pyetur Thaçin rreth rolit të tij për bashkëpunimin me Grenellin.

“Porse unë mendoj se shumë presion i bëhet Thaçit. Gjithkush në Prishtinë e beson se ky presion ka të bëjë me Gjykatën Speciale. Nuk e di nëse është e vërtetë ose jo. Por e zbulon sjelljen e administratës Trump për ta përdorur Gjykatën Speciale për të bërë trysni ndaj një shefi të shtetit të huaj. Këtë e shoh si ndryshim të politikës ndaj Kosovës”, ka thënë ai në emisionin “Desku” të KTV-së.

E ai ka thënë se kjo kurrë nuk kishte ndodhur me administratat e mëparshme.

“As me administratë republikane të G.W. Bush, dhe as me ato dy demokratike

të Clintonit dhe Obamas”, ka thënë analisti Serwer.

Serwer është pyetur edhe rreth rolit të LDK-së, e cila e nisi mocionin e mosbesimit, duke e paraqitur si bazë mos-heqjen e taksës nga kryeministri Kurti, me gjithë kërkesën e Grenellit.

“Mua më duket se LDK-ja është e përçarë. Duket se një pjesë e LDK-së, sidomos Isa Mustafa dhe tjerët e donin rrëzimin e Qeverisë, kurse Vjosa Osmani dhe të tjerë nuk e donin. Se çfarë është marrëveshja që e bën një anëtar koalicioni ta braktis koalicionin janë gjëra të vështira për t’u ditur. Porse kjo punë është kryer në Prishtinë, dhe pyetjen duhet shtruar në Prishtinë”, ka thënë ai.

Të enjten, Departamenti amerikan i Shtetit lëshoi një deklaratë të përbashkët të Grenellit, ambasadorit të SHBA-së në Prishtinë, Philip Kosnett dhe përfaqësuesit të posaçëm për Ballkanin Perëndimor, Matthew Palmerit, lidhur me Kosovën.

Për Serwerin, e rëndësishme në atë letër është ajo që nuk thuhet.

“Nuk e thotë se Palmeri dhe Kosnetti nuk e kanë parë marrëveshjen e fshehtë. Thotë se vetëm Grenelli nuk i ka parë, dhe nuk e besoj se ky është një deklarim i besueshëm, për shkak se të gjithë e dimë se disa plane të tilla kanë qarkulluar publikisht e çka është më me rëndësi, që të dy Thaçi dhe Vuçiqi e kanë pranuar se kanë diskutuar këmbimin e territoreve. Grenelli di për këto biseda sikurse edhe inteligjenca amerikane që di për to”, ka thënë ai, duke shtuar se për të, nuk janë të besueshme këto përpjekje për t’i mohuar planet ekzistuese për këmbim.

“Mbase nuk ka plan të dakorduar, porse hamendësoj se ka harta që janë këmbyer dhe se ka harta”, ka thënë ai.

Deklarata e përbashkët e tre politikanëve, për të, nuk është kredibile.

“Po të donin ta bënin kredibile, në fund të saj aty ku thuhet ‘qëllimi është njohja e ndërsjellë’’, ka thënë ai.

Ai ka thënë “se plane janë diskutuar, janë vizatuar edhe harta”.

“Nuk e di se kush i vizaton dhe as çfarë ka në to. Porse, kjo punë po zhvillohet ka disa vjet dhe është e pabesueshme që të mos jenë diskutuar detaje specifike, mund ta besoj se nuk ekziston një plan i vetëm sekret i dakorduar, këtë mund ta besoj, ngase besoj se e gjithë kjo punë është e kotë dhe zhvendos vëmendjen”.

22:36

Serwer: Ndryshimi i politikës amerikane karshi Qeverisë së Kosovës nisi me Boltonin, rol pati lobimi serb

Eksperti amerikan i çështjeve të Ballkanit, Daniel Serwer, ka folur në emisionin “Desku” në KTV për ndikimin e SHBA-së në vendimmarrjen politike në Kosovë.

Ai ka thënë se në Washington, ku të gjithë janë të preokupuar me COVID-19, nuk po flitet për Kosovën, ndonëse është e qartë që zotërinjtë Grenell, Palmer dhe Kosnett janë të interesuar shumë rreth kësaj.

“Janë të interesuar, nuk e tregojnë pse saktësisht janë të interesuar. Mbase janë duke u përpjekur ta arrijnë një triumf në politikën e jashtme për këtë administratë. Presidenti e ka ofruar ceremoninë në Rose Garden. Po supozoj se ndonjëherë do të pyesë se ‘ku në djall mbeti kjo marrëveshje për Kosovën që ma keni premtuar’”, ka thënë ai, duke shtuar se “është e natyrshme që të tre duhen të kujdesen për karrierat e tyre, dhe kjo është një gjë normale”.

Të mërkuren, në Kuvendin e Kosovës u votua mocioni i mosbesimit ndaj Qeverisë, në kohën kur vendi po përballet me krizën e koronavirusit. Mbajtja seancës për votimin e këtij mocioni u përshëndet nga ambasadori amerikan në Kosovë, Philip Kosnett.

Sipas analistit Serwer, Qeveria amerikane nuk e deshi Albin Kurtin dhe Qeverinë e tij dhe vendosi që të bëjë çfarë të mundte që të ndihmojë rrëzimin e Qeverisë.

“U treguan të suksesshëm duke ushtruar trysni mbi LDK-në dhe deshën që mocioni të zhvillohej në Kuvend. Kur Qeveria e SHBA-se thotë: ‘e përkrah popullin e Kosovës’, kjo do të thotë se nuk e përkrah Qeverinë e Kosovës”, ka thënë ai.

E kërkesa e SHBA-së, sipas tij, është veprim i dënueshëm.

“Më duket shumë veprim i dënueshëm kërkesa e SHBA-së për veprim të njëanshëm nga Kosova, e jo veprim reciprok nga Serbia. Porse këtë e kërkuan. E bënë shumë të qartë që e donin shuarjen e krejt taksave në formë të njëanshme, pa veprim reciprok nga Beogradi”, ka thënë ai.

Për Serwerin, një gjë e tillë e demonstron mosmiqësinë e SHBA-së ndaj Qeverisë së Kosovës.

“Se përse e ka ndërruar Grenelli qëndrimin, pasi që në fillim kërkonte kushte edhe nga Serbia, do të duhej ta pyesnit atë, porse bindja ime është se lobimi në favor të Serbisë ka qenë i suksesshëm në Ëashington. Bindja ime është se e kanë bërë një lëvizje që arriti në Shtëpinë e Bardhë. E besoj se ka të bëjë me nacionalizmin etnik, pa që thotë ‘ne jemi serbë dhe duam t’i qeverisim vetëm serbët, pse nuk na ndihmoni’. Dhe kështu Grenelli me shokë kanë simpati për këtë qasje. Duhet theksuar se ndryshimi i politikës amerikane kundër Qeverisë së Kosovës nisi me zotin Bolton, i cili ishte kundërshtar i madh i pavarësisë së Kosovës. Atë që po e shohim është ndërrim dramatik në politikën amerikane”, ka thënë ai.

Serwer për deklaratën e SHBA-së për Kosovën: E rëndësishme është ajo që nuk thuhet
Departamenti amerikan i Shtetit e lëshoi këtë deklaratë të përbashkët të të dërguarit të posaçëm të administratës Trump, Richard Grenellit, ambasadorit Philip Kosnett dhe përfaqësuesit të posaçëm për Ballkanin Perëndimor, Matthew Palmerit, lidhur me Kosovën, të enjten:

“Shtetet e Bashkuara të Amerikës qëndrojnë pranë popullit të Kosovës. I lëvdojmë përpjekjet e vazhdueshme të profesionistëve të shëndetësisë dhe të të tjerëve që po punojnë me mund e me rrezik të madh për të zvogëluar përparimin e COVID-19 në Kosovë. Në këtë kohë pasigurie, i nxisim udhëheqësit e Kosovës që t’i përmbahen Kushteturës së Kosovës dhe sundimit të ligjit. Jemi të përkushtuar për të punuar me çfarëdo qeverie të formuar përmes procesit kushtetues. 

Përveç kësaj, vazhdojmë t’i nxisim udhëheqësit e Kosovës për ta hequr plotësisht taksën. Ne besojmë se taksa po e dëmton popullin e Kosovës duke penguar bashkëpunimin rajonal kundër COVID-19 – përshirë edhe duke vonuar hyrjen në Kosovë të furnizimeve të nevojshme – dhe po pengon rritjen ekonomike.

Dëshirojmë ta bëjmë të qartë se nuk ka asnjë plan të fshehtë për shkëmbim të tokës ndërmjet Kosovës dhe Serbisë, siç kanë spekuluar disa. I dërguari i posaçëm presidencial, Richard Grenell kurrë nuk ka parë apo diskutuar një plan të tillë. Përqendrimi i qeverisë amerikane për t’i mbështetur marrëveshjet e kohëve të fundit për rivendosjen e lidhjeve ajrore, hekurudhore dhe rrugore ndërmjet Kosovës dhe Serbisë ka për qëllim që të përmirësojë ekonominë dhe të krijojë momentum ekonomik. Ne besojmë se ky momentum do t’i japë energji të re procesit të dialogut që do të çonte te njohja e ndërsjellë”.

Deri në një masë, kjo do të mund të quhej përgjigje për analizën “Një marrëveshje e keqe” e Shaun Byrnesit, e postuar këtu në “Peacefare”, dy javë më parë, por njëkohësisht është edhe përpjekje për ta justifikuar politikën jomiqësore të administratës Trump karshi qeverisë së Kosovës, së udhëhequr nga Albin Kurti.

Ta analizojmë në vijim secilin paragraf:

Fraza “qëndron pranë popullit të” flet shumë, pasi që përdoret për ta bërë dallimin midis popullit dhe qeverisë së një shteti të jashtëm. Këtë frazë amerikanët e përdorin për armiqtë si Iranin: Ne i qëndrojmë pranë popullit të Iranit. Ambasada amerikane e kishte lëshuar një deklaratë të pazakontë, duke e mbështetur mbajtjen e votës së mosbesimit që e rrëzoi qeverinë e kryeministrit Kurti, deklaratë kjo e lëshuar në fillim të javës. Kjo ndodhi me gjithë kundërshtimin evropian ndaj votës së mosbesimit. Esenca është e qartë: Në momentin kur qeveria e Kosovës po përballej me sfidën e COVID-19, administrata e Trumpit vendosi sidoqoftë që ta shtyjë rrëzimin e qeverisë.

Duke e nxitur tërheqjen e plotë të njëanshme të tarifave, shpërfillet parimi themelor i diplomacisë: reciprociteti. Administrata Trump është duke i kërkuar Kosovës që ta përmbushë një kusht të Serbisë, pa asgjë në shkëmbim. Ajo që e ka kërkuar Prishtina është pezullimi i fushatës së çnjohjeve, e ndërmarrë nga Serbia anembanë botës. A është njëmend e tepërt që një shteti që dëshiron që Kosova t’ia blejë mallrat, t’i kërkohet t’i ndalë përpjekjet për t’i bindur shtetet tjera ta sprapsin njohjen e Kosovës? Sido që të jetë, Kurti i hoqi disa prej tarifave njëanshëm dhe shfaqi gatishmëri të shkojë më tej, madje pa sinjalin më të vogël të reciprocitetit nga Serbia. Ku është presioni mbi Serbinë për reciprocitet?

Qëndrimi se Grenelli nuk ka parë kurrë ndonjë plan, nuk është i besueshëm. Disa plane, me origjinë të paqartë, janë publikuar. Presidentët Thaçi dhe Vuçiq i janë referuar diskutimeve për shkëmbim territoresh. Madje edhe nëse SHBA-ja nuk ka qenë e përfshirë në to (gjë që ka pak gjasa të ketë ndodhur), inteligjenca amerikane do të kishte raportuar për këto diskutime, përfshirë edhe për hartat e shkëmbyera. Grenelli është ushtrues detyre i Inteligjencës Shtetërore amerikane. Vlen të theksohet se Kosnett dhe Palmer nuk përmenden në këtë mohim, pra se nuk e kanë parë ndonjë plan. Kjo lë të kuptohet se ata e kanë parë.

Ngjashëm si shumë deklarata tjera të qeverisë, edhe kjo na tregon më shumë bazuar në atë që nuk e thotë, sesa në atë që është thënë, ndonëse përfshin një gjë të rëndësishme: fjalinë në fund që i referohet njohjes reciproke. Por, duhet theksuar se edhe aty nuk përmendet një gjë. Nëse shkëmbimi i territoreve nuk është duke u negociuar, atëherë është dashur të shkruajë “njohje reciproke brenda kufijve të tyre ekzistues”, apo “njohje reciproke të sovranitetit dhe integritetit territorial”.

Ja cka shkruante ne tetor 2018:

Serweri thotë se shkëmbimi i territoreve në Ballkan do ta bëjë Kosovën provincë të Shqipërisë

Do të doja të ndreqja gjykimin tim të djeshëm se emërimi i Richard Grenellit si i Dërguar Special Presidencial për negociatat për paqe mes Serbisë dhe Kosovës është i çuditshëm. Me gjasë është më keq se aq, madje edhe tragjik. Shpejtoj të shtoj se nuk kam biseduar me Shtëpinë e Bardhë për këtë. Nuk ka nevojë: për mua, ata gënjejnë aq shumë për t’u mbështetur në çkado që thonë ata”.

Kështu ka thënë Daniel Serwer, ekspert amerikan i çështjeve të Ballkanit, në një shkrim të publikuar në blogun e tij Peacefare.net.

Ai thotë se megjithatë, disa gjëra janë të qarta. “Grenell është një protagonist i John Boltonit dhe avokat i ekstremit të djathtë i cili e ka tejkaluar veten duke ofenduar nikoqirët e tij gjermanë. Nëse do donit të krijonit një kauzë të përbashkët me Evropën në Ballkan, Grenelli është amerikani i fundit që do të zgjidhni për këtë detyrë. Gjermanët e kanë bërë të qartë se nuk do të pranojnë shkëmbimin e territoreve në Ballkan. Boltoni ishte avokat i shkëmbimit të territoreve mes Kosovës dhe Serbisë. Logjika ishte imponuese për një nacionalist etnik: serbët dëshirojnë të qeverisen nga serbët dhe shqiptarët nga shqiptarët. Çdo gjë tjetër është shumë e vështirë. Të drejtat e barabarta janë një kurth liberal-demokratik, si në shtëpi ashtu edhe jashtë”, thotë Serwer në shkrimin e tij, transmeton Koha.net.

Veç kësaj, Serweri thotë se “shkëmbimi i territoreve do të vriste dy arritjet e [Bill] Clintonit me një goditje: Kosova do të bëhej provincë lindore e Shqipërisë, herët a vonë, dhe Bosnja e Hercegovina do të ndahej”.

“Mos u shqetësoni se sa njerëz do të zhvendoseshin apo vdisnin në proces e sipër, apo edhe për radikalizimin e myslimanëve të Bosnjës nëse detyrohen në një Republikë Islamike. Serbia do të jetë aq e lumtur për të fituar veriun e Kosovës si dhe Republikën Serbe sa që do t’i duaj amerikanët përsëri. Mund të jetë e mundshme edhe arritja e një marrëveshjeje me rusët për të njohur aneksimin e Krimesë në këmbim të anëtarësimit të Kosovës në OKB, e cila nuk do të kishte shumë rëndësi për një kohë të gjatë sepse do t’i bashkohej Shqipërisë gjatë rrugës. Ky është lloji i logjikës së papërpunuar etnonacionaliste që Administrata po aplikon diku tjetër, veçanërisht për Izraelin dhe Palestinën. Pse jo në Ballkan?”, thekson më tej Daniel Serwer.

Ai pyet se çfarë do të thoshte kjo për njerëzit e mirë në Serbi, Kosovë dhe Bosnje.

Thotë se kutia e Pandorës do të hapej me ndryshimet kufitare.

“Serbët do të largoheshin nga pjesa jugore e limit Ibër në Kosovë, shqiptarët do të dëboheshin nga Serbia, myslimanët do të tentonin të merrnin Bërçkon në Bosnjë për të parandaluar ndarjen atje, kroatët e Bosnjës do të shpallnin rikrijimin e parashtetit të tyre Herceg-Bosnj”.

“Me pak fjalë, kjo është një formulë për destabilizimin e Ballkanit, dhe pikërisht këtë e lanë kërkuar rusët. A është e çuditshme nëse Administrata Trump do të tentojë ta bëjë këtë?”, pyet eksperti amerikan i Ballkanit, Daniel Serwer.

Si për ironi, vazhdon Serwer, Sekretari i Shtetit Pompeo ka vizituar Maqedoninë dhe Malin e Zi, dy anëtaret më të reja të NATO-s. Atje, thotë Serweri, Pompeo do të dëgjojë mbi rreziqet që mund të sjellë çdo shkëmbim toke.

“Mali i zi, sepse është qeverisur për shumë vjet me ndihmën e pakicave, nuk është edhe aq në rrezik, ndonëse disa prej shqiptarëve të atjeshëm mund të dëshirojnë të bashkohen me Kosovën dhe shumica e serbëve të atjeshëm janë kundër pavarësisë së saj. Maqedonia është padyshim në rrezik nëse çfarëdo lloj shkëmbimi i territoreve bëhet realitet, edhe nëse shumë shqiptarë atje do të hezitojnë të humbin ujditë e tyre të ëmbla për ndarje pushteti në Shkup”.

“Ju mund të mendoni se Administrata Trump ka mjaft shqetësime të veta të bëra në Lindje të Mesme, në Ukrainë, Kore Veriore, Kinë, Venezuelë dhe në disa vende tjera, edhe pa e ringjallur mumie-idenë e shkëmbimit të territoreve në Ballkan. Por ata duken të përkushtuar, me emërimin e Grenellit, ta fusin edhe Ballkanin në listën e dështimeve të tyre në politikën e jashtme”, ka përfunduar Daniel Serwer.

Serwer: Shqipëria dhe Kosova të largojnë me çdo mënyrë idenë e një Shqipërie të madhe
Daniel Serwer, një nga personalitetet më të njohur të politikës së jashtme dhe njohësit më të mirë të Ballkanit në Uashington D.C, ishte sot i pranishëm në konferencën me temë “Shtetet e Bashkuara të Amerikës në Ballkanin Perëndimor”.

Eksperti amerikan për Ballkanin ka nënvizuar se Shqipëria dhe Kosova duhet të largojnë me çdo mënyrë idenë e një Shqipërie të madhe, sepse do kishte pasoja destabilizuese dhe katastrofike, tha ai.

Lidhur me vendimin e 18 tetorit për negociatat, Serwer tha se Francës dhe Holandës duhet ti vijë turp për qëndrimin që mbajtën për Shqipërinë dhe Maqedoninë e Veriut, por që kjo tha ai, nuk duhet kurrsesi të pengojë Shqipërinë të ecë përpara dhe të mos rresht në këmbënguljen për anëtarësim, gjë që nuk do ndodhë eventualisht për disa vite edhe sikur të hapen negociatat u shpreh Daniel Serwr.

Fjala e plotë Daniel Serwer:

Ky vend ka bërë përparim fantastik, është anëtar i NATO dhe kandidat për në be. 22 vite më parë ishte në kaos vendi në vijim të skemave piramidale, keni kaluar zhvillim spektakolar ekonomik dhe keni përmbushur kriteret për hapje të negociatave. Rrethanat politike ishin që e ndaluan. Francës e Holandës duhet ti vijë turp si vepruan me Shqipërinë e Maqedoninë e Veriut.

Çështja është se si ti përgjigjemi kësaj vonese kaq të madhe për të njohur atë arritje që Shkupi e Tirana janë krenarë. Jeni të zhgënjyer e acaruar ju mirëkuptoj por kjo s’do ju çojë përpara, përgjigje do jetë angazhimi ndaj reformave, ju jeni ende kandidat mund të përparoni edhe pa të ashtuquajturën negociata. S’duhet të vonojnë zbatimin e kuadrit ligjor evropian. Shumica e të mirave vijnë nga reformat që do merrni. Kjo vonesë do vonojë hyrjen eventuale që nuk do ndodhë gjithsesi edhe për shumë vite

Mal i Zi nuk reshtën të kërkonin, vazhduan duke e ditur mirë që Franca e Holanda s’do i mbështesnin më shumë se sa mbështetën Shqipërinë e Maqedoninë.

Ka dy çështje kryesore, sundimi i ligjit dhe sjellja politike.

Jeni të lodhur prej atyre që predikojnë për sundimin e ligjit, po ju nevojitet jo për ne, por për veten, institucionet tuaja janë më të mira por ju mungon kultura e ligjshmërisë, nuk është e lehtë dhe e pranoj se ka dhe vende në Amerikë që mungon por sundimi i ligjit duhet të triumfojë.

E di që është e vështirë për tu pranuar, por …dita do vijë si këtu dhe në Çikago, ku unë kam jetuar që ti ofrosh punë një kushëriri të kualifikuar është abuzim me detyrën. Dita do vijë kur s’do toleroni politikanë që kanë burime financiare që s’i justifikojnë si shumica e gjyqtarëve që e kanë humbur detyrën për këto arsye. Këto janë vitale për individë të kauliifkuar që s’varen nga lidhjet por kualifikimi. Të jesh në opozitë është frustruese e kuptoj dhe e besoj, por ka rëndësi që qeverisja dhe sistemi…disa mund ti gjykojnë se po tregohem i anshëm por se kam këtë qëllim, po përpiqem t’ju bind se pjesëmarrja është detyrim edhe nëse mendoni se është një mashtrim sistemi.

Çështja është a do jetojnë shqiptarët në 6 vende të ndryshme ballkanike apo do sfidojnë marrëveshjen territoriale? Asgjë s’do ndikonte më shumë ambiciet… Shqipëria e Kosova s’duhet të kërkojë ndryshim kufijsh. Uashingtoni e Berlini nuk do e pranonin kurrë, do kishte pasoja katastrofike e destabilizuese. E duhura është që Shqipëria e Kosova të kujdesen për ato sëmundjet e brendshme të ruajnë marrëdhënie të mira e të ushqejnë marrëdhënie të mira me shqiptarët që jetojnë në vende të tjera. Asgjë që mund të bëjë Franca e Holanda s’mund t’ju pengojë të bëni atë lloj Shqipërie e shpresoj të bëni zgjedhjen e duhur e të mençur” / Koha Jonë.

tetor 2019

Itali, mbi 9 mijë të vdekur nga koronavirusi, tejkalon Kinën

kufomatTë premten në Itali humbën jetën nga koronavirusi 969 persona. Kjo është shifra më e larta ditore e shënuar nga një vend prej fillimit të shpërthimit të COVID-19.

Tashmë Italia numëron mbi 9.134 vdekje dhe 86,498 raste të konfirmuara personash bartës të virusit. Për nga numri i të prekurve Italia ka tejkaluar Kinën, vendin ku e ka zanafillën pandemia. Ndërsa Italia ka pësuar pothuajse dy herë më shumë vdekje se çdo vend tjetër, Shtetet e Bashkuara kanë regjistruar numrin më të madh të rasteve në botë.

Të premten, përpara se të publikoheshin të dhënat, kreu i Institutit Kombëtar të Shëndetësisë tha se numri i të infektuarve me koronavirus në Itali nuk e ka arritur ende kulmin. Ai paralajmëroi se masat kufizuese në mbarë vendin mund të zgjaten përtej 3 prillit.

voa

CoVid-19/ Thellohet bilanci, shkon në 186 numri i të prekurve në vend. 8 viktima

GileadNumri i të prekurve nga CoVid-19 në vend ka shkuar në 186.

Vetëm në 24 orët e fundit kemi 12 raste të reja.

Drejtoresha e Institutit të Shëndetit Publik, Albana Fico, informoi mbi situatën e COVID-19 në Shqipëri:

“Në vijim të komunikimit të përditshëm më Ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve të konfirmuara pozitive. Epidemiologët në çdo njësi vendore të kujdesit shëndetësor nga veriu në jug, janë në terren dhe po bëjnë një punë të jashtëzakonshme për të identifikuar në kohë kontaktet, pas verifikimit të rasteve të dyshuara.

Në 24 orët e fundit janë testuar 102 persona të dyshuar, prej të cilëve janë konfirmuar 12 raste të reja me COVID-19.
Deri në këto momente janë testuar 1246 raste të dyshuara dhe prej tyre janë të konfirmuar pozitivë me COVID-19, 186 raste.

Gjatë orëve të mbrëmjes së djeshme dhe në mëngjesin e sotëm kanë ndërruar jetë dy pacientë – një 85 vjeçare nga Tirana dhe një 66-vjeçar nga Fieri të konfirmuar me COVID-19 në spitalin infektiv. Për fat të keq, shkon në 8 numri i personave që kanë ndërruar jetë nga COVID-19. Ministria e Shëndetësisë i shpreh ngushëllimet familjarëve të të ndjerëve në këtë moment të vështirë.
Në shërbimin infektiv aktualisht janë 77 të shtruar dhe prej tyre 5 janë në terapi intensive. Pjesa tjetër e të shtruarve në pavion janë në gjendje të stabilizuar deri në këto momente.
Harta e të prekurve nga COVID-19 është shtrirë tashmë edhe në Pukë dhe zgjerohet në Tiranë, Korçë, Fier, Shkodër dhe Durrës, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:
– Tiranë 107 raste
– Durrës 11 raste
– Lushnje 4 raste
– Elbasan 5 raste
– Rrogozhinë 2 raste
– Fier 20 raste
– Kavajë 4 raste
– Korçë 12 raste
– Vlorë 5 raste
– Shkodër 4 raste
– Lezhë 4 rast
– Berat 1 rast
– Has 2 raste
– Krujë 1 rast
-Tropojë 2 raste
– Pukë 2 raste

Deri tani kemi një mjek dhe një infermier të shëruar dhe në total janë 31 të shëruar, pas testeve të kontrollit të kryera kanë rezultuar negativë.
Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!
Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për çdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!”.

Top Channel

Shkon në 219 numri i të prekurve me koronavirus në Maqedoninë e Veriut

FilipceNë 24 orët e fundit, përkatësisht deri në orën 12 të drekës së të premtes janë regjistruar 18 raste të reja me COVID-19 duke e çuar numrin e përgjithshëm në 219. Prej tyre vetëm nga Shkupi janë 134. Dibra radhitet menjëherë pas me 43; Kumanova ka 17 të infektuar, Shtipi – 8, Ohri -3, aq sa dhe Velesi, ndërsa Tetova dhe Kavadari nga 2, kurse në Gostivar është regjisrtuar 1 person me koronavirus.

Ministri i Shëndetësisë, Venko Filipçe tha se është mirë që numri i të prekurve “po rritet në mënyrë lineare, përafërsisht i njejtë për çdo ditë dhe nuk ka rritje eksponenciale”, ndërsa shtoi se kapacitetet spitalore janë të gatshme të pranojnë dhe trajtojnë pacientë edhe nëse numri shtohet. Ka filluar të përdoret terapia e re te pacientë sipas analizave të Eelektrokardiogarmit (EKG) të tyre. Një anëtar i ekipit rezervë i Klinikës së kardiologjisë ka shfaqur simptoma në punë, në një pjesë ku nuk ka pacientë të shtrirë.

Në klinikën e sëmundjeve ngjitëse në Shkup janë shtrirë 41 pacientë, prej të cilëve shtatë janë në gjendje më të rëndë, por të pavarur nga respiratorët. 27 janë në gjnedje mesatarisht të rëndë dhe shtatë pacientë me simptoma më të buta.

Ministri Filipçe i hodhi poshtë dilemat se nuk po tregohen shifrat e sakta të të prekurve. “Ato janë absolutisht të sakta dhe nuk mund të ketë ndryshe. Këtë e bëjmë së bashku me përfaqësuesit e OBSH-së dhe uk ka hapësirë për manipulime”, tha z. Filipçe.

voa

Maqedonia e Veriut, zyrtarisht anëtare e NATO-s

NatoSekretari amerikan i Shtetit Mike Pompeo përshëndeti finalizimin e procesit të antarësimit të Maqedonisë së Veriut në Nato.

Maqedonia e Veriut depozitoi të premten në Uashington instrumentin e NATO-s për anëtarësim. Një procedurë që shënon hapin e fundit të bërjes aleate e NATO-s. Më 30 mars, flamuri i Maqedonisë së Veriut do të ngrihet në selinë e NATO-s për herë të parë.

Në​ një​ deklaratë​ pë​r shtyp, Sekretari i Shtetit Pompeo shkruan “Sic ka thë​në​ Presidenti Trump, Aleanca e NATO-s ka qenë​ mburoja pë​r paqen dhe sigurinë ndë​rkombëtare pë​r më​ shumë​ se 70 vjet. Antarë​simi i Maqedonisë​ së​ Veriut në​ NATO sjell një​ integrim më​ të​ madh, reforma më​ të​ gjera demokratike dhe stabilitet më​ të​ madh në​ të​ gjithë​ rajonin”.

Presidenti maqedonas Stevo Pendarovski në një video-mesazh thekson se “edhe përskaj periudhës së vështirë nëpër të cilën po kalojmë nuk mundemi t’u gëzohemi dhe t’i shënojmë këto ngjarje ashtu siç ka hije, megjithatë, bëhet fjalë për suksese historike, të cilat pas tre dekadave pavarësi, përfundimisht e vërtetojnë sigurinë maqedonase dhe e garantojnë të ardhmen tonë.”

Ministri i jashtëm Nikolla Dimitrov gjatë një prononcimi të përbashkët me ambasadoren amerikane në Shkup, Kate Mary Byrnes, theksoi se anëtarësimi po bëhet në një kohë sfide globale për shkak të koronavirusit.

Ceremonia modeste nuk e zvogëlon rëndësinë historike të këtij çasti. Prej sot i kemi SHBA-të si partnere dhe 28 vende të tjera anëtare dhe asnjëherë më nuk do t jemi vetëm”, tha kryediplomati maqedonas.

Ambasadorja amerikane Kate Mary Byrnes duke e përshëndetur aktin e zyrtarizimit të Shkupit në Aleancën e NATO-s theksoi se është krenare për këtë. Edhe ambasdorja amerikane në NATO, Kay Bailey Hutchinston e ka përshëndetur këtë akt si dhe zëdhënsja e Departamentit të Shtetit, Morgan Ortagus.

Sekretari i Prgjithsëm i NATO-s Jens Stoltenberg i dëshiroi mirëseardhje Maqedonisë së Veriut në Aleancë duke thënë se “rruga ishte e gjatë por se ia vlejti”.

Autoritetet dhe një numër i madh i popullatës së Maqedonisë së Veriut gjithnjë e kanë dëshirur anëtarësimin në organizatën më të fuqishme ushtarake dhe të sigurisë në mbarë globin. Por, për shkak të koronavirusit ata janë të penguar që ta shënojnë përmes festave këtë rast.

voa