Kategoritë: Bota

Lajmet nga Bota

Pikat e nxehta të krimit të organizuar në Ballkanin Perëndimor

harta e trafikut te drogaveHarta e trafikut të drogave (marrë nga raporti i Global Initiative Against Transnational Crime)

Një raport i ri arrin në përfundimin se trafiqet ilegale që rrjedhin përmes porteve, qyteteve dhe pikave kufitare të Ballkanit Perëndimor mundësohen nga një ekonomi politike e krimit, e cila është e rrënjosur në vendet e rajonit.

Raporti i publikuar nga Observatori i Shoqërisë Civile Kundër Krimit të Organizuar në Evropën Juglindore, pasqyron pikat e nxehta të krimit të organizuar në Ballkanin Perëndimor.

Raporti thotë se në rajon marrëdhëniet e ndërthurura mes politikës, biznesit dhe elitave kriminale e kanë shndërruar aktivitetin në një sipërmarrje të përbashkët mes strukturave shtetërore dhe grupeve kriminale. Një tjetër tipar i përbashkët i rajonit të Ballkanit Perëndimor është se shumë pak raste të krimit të organizuar dërgohen në gjykata dhe edhe kur kjo ndodh, në shumë pak raste jepen dënime.

E ashtuquajtura vijë ballkanike përshkon disa vende të Ballkanit dhe mundëson trafikun e paligjshëm drejt vendeve të Bashkimit Evropian. Shqipëria dhe Kosova radhiten ndër pikat e tranzitit të heroinës, ndërsa përsa i përket kokainës, Shqipëria së bashku me Malin e Zi janë shndërruar në pika të rëndësishme hyrëse drejt Evropës të kësaj droge të ardhur nga vende të Amerikës Latine.

Shqipëria

Ballkani vazhdon të radhitet si furnizuesi kryesor i kanabisit për Bashkimin Evropian dhe Shqipëria përmended si vendi kryesor i prodhimit, megjithë një rënie të konsiderueshme të kultivimit që nga gjysma e vitit 2017, si dhe një rritje domethënëse të konfiskimit. Rajoni vazhdon të shërbejë si një territor i përshtatshëm për kontrabandën e armëve, kontrabandën e cigareve, trafikun e qenieve njerëzve dhe tashmë vihet re edhe rritja e pranisë së drogave sintetike.

Ndër pikat kufitare dhe portet hyrëse nëpërmjet të cilave zhvillohen aktivitete të shumëllojshme kriminale radhiten Shkodra, Durrësi, Vlora dhe Saranda, ndërkohë që zonat përreth Kurbinit dhe Lezhës përshkruhen si zona të nxehta të krimit të organizuar. Aktiviteti kryesor i grupeve të përqëndruara në kryeqytetin Tiranë është në funksion të aktiviteteve në vende të tjera, si në Hollandë, Belgjikë, Spanjë, Zvicër, Gjermani, Itali, Kosovë dhe Mbretëri e Bashkuar, ndërkohë që lidhjet kriminale shtrihen në Turqi dhe Amerikën Latine. Zona të tjera të nxehta janë Elbasani dhe Fieri.

Kosova

Raporti e përshkruan Kosovën si pjesë e “trekëndëshit të krizës”, zona ndërmjet Maqedonisë së Veriut dhe Serbisë Jugore, të cilat për shkak të zhvillimit të ulët ekonomik, paqëndrueshmërisë, kufijve porozë dhe qeverisjes së dobët, janë të ekspozuara ndaj krimit të organizuar. Veriu i Kosovës përmendet në veçanti si një zonë gri dhe e përshkuar nga aktivitete të paligjshme.

Nga përfundimet e raportit

Raporti arrin në përfundimin se ka shenja që popujt e Ballkanit janë të tejngopur me ndikimin e krimit të organizuar në komunitetet dhe vendet e tyre. Protestat më të fundit në disa prej vendeve të rajonit dëshmojnë për irritimin në rritje me elitat dhe korrupsionin e tyre.

Megjithatë, raporti thotë se ekonomia politike e kriminalitetit është tashmë e rrënjosur thellë. Rrjetet kriminale janë zhvilluar prej dekadash dhe ekzistojnë faktorë të jashtëm të interesuar në mbajtjen dhe shfrytëzimin e status quo-së për mundësi përfitimesh të paligjshme. Raporti thotë se do të jetë e vështirë të ndryshohet sistemi, nëse nuk krijohen institucione më efikase dhe një sistem kontrolli dhe balancimi të pushtetit për të përmirësuar llogaridhënien, transparencën dhe integritetin.

Observatori është pjesë e Iniciativës Globale Kundër Krimit të Organizuar Ndërkombëtar. Ai financohet nga Fondi për Konfliktet, Stabilitetin dhe Sigurinë i Mbretërisë së Bashkuar dhe lidh aktorët e shoqërisë civile në Ballkan.

(Teksti i plotë i raportit: https://globalinitiative.net/wp-content/uploads/2019/05/Hotspots-Report-English-16May1245-Web.pdf )

voa

Koduesja 10 vjeçare krijon lojra për të mësuar fëmijët e tjerë

lojra kodiNë “Silicon Valley” të Kalifornisë një 10 vjeçare, koduese e talentuar programesh kompjuterike që nga mosha 6 vjeçare, ka krijuar dy lojra që mund të luhen në tryezën e studimit, me synimin për të mësuar edhe fëmijët e tjerë se si të kodojnë.

Samaira Mehta nuk është një 10 vjeçare e zakonshme. Ajo ka koduar që në moshën 6 vjeçare dhe është e dhënë pas inteligjencës

artificiale. Ajo është kaq e apasionuar sa krijoi dy lojëra që mund të luhen në tryezë me shpresën që edhe fëmijë të tjerë, kryesisht vajzat, të kenë shansin të mësojnë në këtë fushë. Samaira Mehta është themeluese e lojrave “CoderBunnyz” adhe “CoderMindz”.

“Loja ‘CoderBunnyz’ të mëson konceptet e nevojshme për programimin kompjuterik, që nga bazat më të thjeshta e deri tek konceptet e përparuara të programimit kompjuterik. Ndërsa ‘CoderMindz’ është loja e parë ndonjëherë e inteligjencës artificiale që mund të luhet në tavolinë.”

“Në fillim të lojës organizojmë kartat siç duhet.”

Samaira lindi në botën e teknologjisë. Babai i saj, i cili merret me inteligjencën artificiale në gjigandin ‘Intel’, i tërhoqi asaj vëmendjen vetëm kur ishte 6 vjeçe.

“Babai më tha shtype këtë buton në kompjuter i cili shkruante, shtype këtë nëse je e bukur. Kur e shtypa, shigjeta e mausit u zhduk. U habita dhe pyeta se si bëhet kjo? Kështu më lindi kureshtja për kodimin.”

Monica Mehta është mamaja e 10 vjeçares së talentuar.

“Kjo vajzë ka shumë pasion dhe entuziazëm dhe dëshiron të bëjë një ndryshim që i buron nga zemra.”

Vogëlushja kërkon sidomos të frymëzojë vajzat e tjera.

“Besoj se vajzat nuk përfaqësohen mirë, kryesith në fushën e shkencës dhe teknologjisë.”

Ajo ka bërë prezantime për fëmijët nëpër biblioteka, në firmat Google, Microsoft dhe Intel. Madje është takuar edhe me themeluesin e Facebook-ut Mark Zuckerberg, përmes një strategjie që vetëm një fëmijë mund ta bëjë.

“Ai po jepte karamele për festën e Hallouinit kur shkuam tek shtëpia e tij. Patëm një bisedë të shkurtër.”

Aktualisht ajo ka fituar më shumë se 200 mijë dollarë nga shitja e lojërave të saj të tavolinës në mbarë botën dhe ka krijuar një nismë që quhet “Vajzat që Kodojnë”.

“Më pëlqen kodimi dhe inteligjenca artificiale dhe dua të përdor këtë për të bërë mirë për të tjerët.”

Duket se kjo vajzë gjeni është në rrugën e duhur.

voa

Skandali që prishi koalicionin qeveritar në Austri

KurzPas publikimit të skandalit të zëvendës kancelarit të Austrisë Strache, ky vend do të shkojë në zgjedhje të jashtëzakonshme. “Mjaft më”, tha kancelari i Austrisë Kurz. Presidenti vendosi.

Kancelari i Austrisë Sebastian Kurz ka vendosur të prishë koalicionin me partinë populise të djathtë FPÖ. Ai këtë vendim ia ka komunikuar edhe presidentit të vendit Alexander Van der Bellen, nga i cili ka kërkuar zgjedhje të reja, “në një kohë sa më të shpejtë të mundur”. Sebastian Kurz është takuar sot në Vjenë edhe me presidentin dhe kanë shqyrëtuar së bashku mundësitë më të mira për dalje nga kriza qeveritare, pas publikimit të skandalit të liderit djathtist, Heinz-Christian Strache, i cili i ka premtuar oligarkëve rusë favore nga paratë e taksapaguesve austriakë, nëse ata e ndihmojnë në zgjedhje. Kurz tha se pas një video të këtillë, koalicioni nuk mund të vazhdojë.

“Pas publikimit të videos më duhet të them: Mjaft më!”, tha Kurz para gazetarëve. Strache kishte premtuar gjatë fushatës së kaluar parazgjedhore se do t’u bënte favore sipërmarrjeve ruse, nëse ata e ndihmojnë në fushatë, që Kurz e ka komentuar si një pëprjekje për shpërdorimin e parave të taksapaguesve austriakë.

Presidenti Van der Bellen foli pas publikimit të videos për një veprim të turpshëm dhe veprim të papërgjegjshëm të autoriteteve austriake. Ai tha se kjo nuk do të pranohen dhe se mirëbesimi duhet të kthehet tek qytetarët, e kjo mund të bëhet vetëm me zgjedhje të reja. Presidenti vendosi pas takimin me kancelarin Kurz, që zgjedhjet e reja të mbahen në shtator. Mbewtet të shihet se si do të funksionojë qeveria deri në shtator.

Njëkohësisht krerët e partisë FPÖ duhet të japin shpjegime të hollësisht për akuzat.

Strache jep dorëheqje

Më parë shefi i partisë djathtiste FPÖ, zëvendës kancelari Heinz-Christian Strache ka dhënë dorëheqje pas publikimit të skandalit. Krerët e opozitës kanë kërkuar menjëherë që të mbahen zgjedhje të reja. Dorëheqja e Straches nuk mjafton, tha kreu i listës së partisë SPÖ, për zgjedhjet evropiane, Andreas Schieder. Politika e Ausrisë ka nevojë për një ndryshëm rrënjësor, tha ai.

Para zyrës së kancelarit menjëherë pas publikimit të videos janë mbledhur rreth 7000 qytetarë të cilët kanë kërkuar përfunidmin e mandatit të qeverisë së Kurzit, e cila është zgjedhur para një viti e gjysmë, në dhjetor të vitit 2017.

bc/uh/se (ORF, dpa, rtr, afp)

Plani i pritshëm i Presidentit Trump kufizon imigracionin përmes lidhjeve familjare

TrumpPresidenti amerikan Donald Trump pritet të shpallë të enjten propozimin e shumëpritur për imigracionin, një plan që ka si synim ta largojë procesin e miratimit të kërkesave të imigracionit nga lidhjet familjare dhe nevojat humanitare.

Një zyrtar i lartë i administratës u tha gazetarëve në Kopshtin e Trëndafilave pranë Shtëpisë së Bardhë, para komenteve të Presidentit Trump, të enjten pasdite, se plani do të forcojë sigurinë e kufijve dhe të krijojë një sistem bazuar tek merita, duke këmbëngulur se bëhet fjalë për “një çështje konkurrence”.

Propozimi i zotit Trump, do ta mbante numrin e kartave të gjelbra dhe statusit të banorit të përhershëm në rreth 1.1 milionë në vit, por do të ndryshonte mënyrën se si atë përcaktohen, duke u dhënë përparësi individëve me aftësi të veçanta dhe të arsimuar, me perspektiva punësimi apo investimesh, në vend të lidhjeve familjare me qytetarë amerikanë, ose nevojave humanitare.

Aktualisht, 12 për qind të imigrantëve lejohet të vijnë në Shtetet e Bashkuara, bazuar në aftësitë e tyre dhe 66 për qind farë lidhjeve me famljare që janë ligjërisht në Shtetet e Bashkuara. Sipas planit, 57% për qind e vizave të imigrantëve do t’u jepen individëve me aftësi të veçanta apo oferta punësimi dhe vetëm 33% personave me lidhje familjare. Vizat për arsye humanitare duhet të reduktohen nga 22% në 10%.

Plani do ta eliminonte krejtësisht programin e lotarisë amerikane, në bazë të së cilit u jepen karta të gjelbra 50,000 njerëzve nga vende me përqindje të ulëta imigrantësh në Shtetet e Bashkuara.

voa

Austria ndalon shaminë e kokës për vajzat e fillores

ShamiaNjë vendim me fuqi të madhe simbolike. Parlamenti austriak ka vendosur të ndalojë vendosjen e shamisë së kokës për vajzat në shkollën fillore. Menjëherë pasuan protestat.

Me një ligj, për të cilin e dhanë votën deputetët e koalicionit qeveritar nga partia konservatore, ÖVP dhe partia populiste, FPÖ do të ndalohet në të ardhmen në shkollat fillore “veshja për arsye të fesë apo botëkuptimit, me të cilën lidhet mbulimi i kokës.” Qeveria ka bërë të qartë, se ky ligj drejtohet vetëm kundër shamisë së kokës të myslimanëve dhe jo kundër “kipas” karakteristike të hebrenjve apo “patkës” së Sikhëve.

“Nënshtrim”

Zëdhënësi për çështjet e edukimit politik të partisë, FPÖ, Wendelin Mölzer tha, se me ndalimin e shamisë së kokës dërgohet një sinjal kundër islamit politik. Kurse deputeti konservator i ÖVP-së, Rudolf Taschner deklaroi, se bëhet fjalë për atë që vajzat myslimane të çlirohen nga “nënshtrimi”. Opozita votoi gati e gjitha e bashkuar kundër këtij ligji dhe akuzoi qeverinë, se ajo është më shumë e interesuar për publicitet dhe jo për të mirën e fëmijëve.

Para vendimit në parlament, qeveria austriake bëri të ditur, se ajo pret ankimime të ligjit në Gjykatën Kushtetuese. Ky ligj nuk ka rang kushtetues, sepse nuk u miratua me shumicën e cilësuar të dy të tretave. Shoqata Austriake e Islamit, IGGÖ e kritikoi ashpër ligjin e ri të sapomiratuar në parlament.

la/ml/gri/(dpa, afp)

Kryebashkiaku i larguar i Stambollit dënon goditjen e Erdoganit ndaj demokracisë

Ekrem ImamogluEkrem Imamoglu tronditi politikën turke kur fitoi zgjedhjet për bashkinë e Stambollit, duke i dhënë fund një sundimi 25-vjeçar të partisë së Presidentit Recep Tayyip Erdogan. Zoti Imamoglu mori detyrën rreth një muaj më parë dhe zbuloi menjëherë shpenzimet e tepruara të zyrtarëve të qytetit. Papritmas, komisioni zgjedhor urdhëroi një rinumërim të votave dhe zoti Imamoglu nuk e ushtron dot më detyrën e kryebashkiakut.

Pas fitores së tij historike, Ekrem Imamoglu premtoi pajtim në të gjithë Stambollin dhe u zotua t’i japë fund përçarjeve të thella politike të Turqisë.

Është ky mesazhi që i dha atij fitoren. Por, kryebashkiaku i ri e mbajti postin për vetëm 19 ditë. Komisioni zgjedhor e anuloi fitoren e tij dhe urdhëroi një rinumërim të votave.

Komisioni zgjedhor mbështeti pretendimet e Presidentit Erdogan se fitorja e ngushtë e Ekrem Imamoglut u shoqërua me manipulime dhe parregullsi.

“Kjo është një goditje që do të shënohet në histori si një njollë e errët. Kjo është shumë e qartë. Prandaj jam shumë i hidhëruar. Jo për veten time, por për gjithë shoqërinë tonë. Është hidhërimi që ndjej kur shikoj një goditje të tillë ndaj demokracisë së Turqisë. Por, do ta vëmë në vend të drejtën. Kjo është lufta jonë”, thotë zoti Imamoglu.

Anullimi i rezultatit ka provokuar zemërim në rrugët e Stambollit.

Protesta të përnatshme vazhdojnë në mbarë qytetin, ndërsa po afron rivotimi në Stamboll muajin e ardhshëm.

“Është e qartë se ky votim nuk është vetëm për Stambollin. Këto janë zgjedhje vendore, por edhe një luftë për demokracinë. Prandaj fushata jonë do të rritet dhe qindra mijëra njerëz do të marrin pjesë”, thotë zoti Imamoglu.

Fitorja e zotit Imamoglu në Stamboll dhe mesazhi i përfshirjes po rigjallëron partinë e tij CHP, në veçanti mes të rinjve të qytetit.

Duke ngrënë pas agjërimit të muajit të shenjtë të Ramazanit në një familje të Stambollit, zoti Imamoglu, i cili ka një prejardhje konservatore, plotëson me lehtësi hendekun mes laikes dhe fetares.

“Është e qartë se ajo çfarë po kalojmë është mbi politikat partiake. Prandaj paqtimi social, bashkimi, mund të shndërrohen në një mundësi, në një frymë më të lartë. Ajo çfarë do të pasojë mund të reflektohet tek ekonomia, tek arsimi, paqja sociale dhe liria. Nëse e shikon pamjen të plotë, çdo gjë do të jetë më e bukur”, tha zoti Imamoglu.

Ish-kryetar i një minibashkie deri disa muaj më parë, shumë pak njerëz kishin dëgjuar për zotin Imamoglu.

Por, ai mund të paraqesë rrezikun më të madh të drejtpërdrejtë për zotin Erdogan, ndërsa vendi përgatitet për rivotimin në Stamboll që mendohet të jetë procesi më i rëndësishëm për vendin.

Ndikimi i Iranit në rajon

IraniSHBA e braktisën marrëveshjen bërthamore, ndërsa Irani mbrohet. Dhe udhëheqja e Teheranit ka shumë mundësi për të shkaktuar në Lindjen e Mesme probleme për Shtetet e Bashkuara dhe aleatët e saj.

Prej vitesh, Irani e ka rritur fuqinë dhe ndikimin në Lindjen e Mesme. Për këtë shpesh ishte e mjaftueshme të shfrytëzonte gabimet e SHBA në rajon. Shembulli më i mirë: nën sundimtarin afatgjatë Saddam Hussein, Iraku ishte një kështjellë kundër Iranit. Por kur amerikanët e rrëzuan Sadamin 16 vjet më parë, ata i hapën Iranit derën dhe dritaren në Irak. Disa milicë irakianë, që luftuan kundër Shtetit Islamik, nuk janë besnikë ndaj Bagdadit, por ndaj Teheranit. Prandaj SHBA druhen tani se Irani mund t’i nxisë këta milicë për të ndërmarrë atentate kundër ushtarëve amerikanë në Irak.

Pavarësisht se ku e hedhin vështrimin elitat e formuara nga sunitët në botën arabe: në shumë vende ato shohin veprimet e Iranit, në shumicën e tij shiit. Riad Kahwaji nga Qendra Kërkimore Inegma në Dubai flet për deklaratat e Iranit.

“Kemi dëgjuar përfaqësues të qeverisë iraniane që mburren se tani kontrollojnë katër kryeqytete arabe: Sanaa-n, Bejrutin, Damaskun dhe Bagdadin. Kjo është sikur rusët të thoshin: ‘Mirë, po e shtrijmë ndikimin tonë në Lisbonë ose Madrid- pra në zemër të Evropës – dhe sikur pastaj të prisje që evropianët thjesht ta pranonin këtë.’

Hizbollatë dhe huthitë për Iranin

Një shembull tjetër për pasojat e pasynuara të politikës së gabuar amerikane në Lindjen e Mesme: hizbollatë, milicia dhe partitë politike në Liban. Shumë libanezë kritikojnë faktin se ata janë të armatosur rëndë – por pak e kundërshtojnë se vetëm Hizbollatë janë në gjendje të pengojnë Izraelin që të sulmojë Libanin. Zyrtarisht SHBA vërtet mbështesin ushtrinë libaneze, por nuk pranojnë ta furnizojnë atë me pajisje ushtarake, për të cilat ajo ka nevojë për mbrojtjen efektive të vendit. Për shkak të mbështetjes shumëvjeçare prej Iranit, Hizbollatë do të detyroheshin ta sulmonin në mënyrë masive Izraelin, nëse një sulm i përbashkët i izraelitëve dhe i amerikanëve do të kërcënonte mbijetesën e udhëheqjes iraniane.

Edhe një levë tjetër mund të përdorte Teherani: Rebelët Huthi në Jemen. Eksperti i pavarur jemenas Hafez Albukari numëron atë që kanë marrë Huthitë nga Irani vitet e fundit.

“Këshilltarë, mbështetje teknike, politike, dhe madje edhe ushtarake. Shumë herë janë zbuluar armë, me origjinë Iranin. Këtë mbështetje ata e marrin kryesisht përmes Hizbollave. Edhe në të menduarit strategjik, Hizbollatë u shërbëjnë si model Huthive.”

Po të vejë puna pisk, edhe Huthitë pritet të nxitojnë për ta ndihmuar Iranin, duke hedhur një numër të madh raketash kundër Arabisë Saudite ose duke bllokuar ngushticën detare Bab al-Mandab, aksesin në Detin e Kuq dhe në këtë mënyrë Kanalin e Suezit.

Dhe së fundi, Rripi i Gazës: Gjatë viteve të fundit, Irani i ka rritur përcjelljet financiare për Hamasët atje. Udhëheqja e Teheranit e sheh këtë si ndihmë për palestinezët e shtypur dhe si një mënyrë për të ngacmuar armikun e betuar, Izraelin.

Pas tërheqjes së kolonëve hebrenj nga Rripi i Gazës në vitin 2005, amerikanët hoqën dorë nga synimi i tyre për të zbatuar një hapje të zonës bregdetare kundër vullnetit të Izraelit. Që atëherë, epërsi atje kanë fituar ekstremistët.  Frika e politikanit të ndjerë izraelit Shimon Peres se Gaza mund të bëhet një “Somali në Mesdhe” u bë realitet.

dw

Një qytet me zero emetim CO2 tani është zgjedhje, jo fantazi

MasdarCityNe jetojmë në një botë që po bëhet më e nxehtë dhe gjithnjë e më e populluar, ndërsa ajri që marrim frymë është dëmshëm në mënyrë të rrezikshme. Sipas Organizatës Botërore të Shëndetësisë (WHO), nëntë nga 10 persona tani thithin ajrin e ndotur, i cili vret çdo vit rreth 7 milionë. Asnjë vend në grupin G20 të ekonomive të mëdha botërore nuk është në rrugë të mbarë për të përmbushur objektivat e reduktimit të ndryshimeve klimatike.

Vendet po luftojnë për të balancuar industrializimin e shpejtë dhe përparimin ekonomik me ndryshimet klimatike dhe shqetësimet e shëndetit publik. Njëzet e dy prej 30 qyteteve më të këqija në botë për ndotjen e ajrit janë në Indi, me pesë të tjerë në Kinë. Më  shumë se 40 qytete në Britani të Madhe janë në ose kanë tejkaluar limitet e ndotjes së ajrit të vendosur nga OBSH, duke përfshirë qytete si Londra, Mançester dhe Swansea.

Tërheqja e SHBA-së prej Presidentit Trump nga marrëveshja e klimës së Parisit e bën më të vështirë trajtimin e emetimeve të CO2. Për të përmbledhur këtë, sipas shkencëtarëve kryesorë të klimës në botë, mund të ketë paksa dhjetëra vite që rritjet e temperaturës globale të mbahen në një maksimum prej 1.5C. Edhe një rritje gjysmë deri në 2C do të rrisë ndjeshëm rritjen e përmbytjeve, thatësirës, ​​ngrohjes ekstreme dhe varfërisë për qindra miliona njerëz në mbarë globin.

Por reduktimet në emetimin e gazrave nuk janë vetëm të domosdoshme, por të arritshme. Edhe qytete me emetim zero emetim janë të mundshme. Dhe ka projekte që deri në vitin 2029 emetimi i gazrave të jetë 0 në disa qytete, por për këtë duhet ende shumë punë, që industria të zëvendësohet me të tjera mjete prodhimi.

Për shembull, një “marrëveshje e re e gjelbër” për të zëvendësuar kaldajat me gaz në miliona shtëpi, mund të vendoset në mënyrë që të sjellë përpara novacionin, duke reduktuar emetimet – një fitore të favorshme për mjedisin dhe shoqërinë, në vend që të fitojë para. Këto përparime në teknologji nënkuptojnë reduktimin e emetimeve duke u bërë një zgjedhje pozitive e politikave. Sidoqoftë, ka shkëmbime – nganjëherë në kosto dhe lehtësi. Dhe duhet të ketë një qasje të qëndrueshme për të reduktuar emetimet nga të gjitha burimet. Një burim shumë i rëndësishëm, megjithëse shumë emocional,  janë automjete.

Automjetet më të reja në treg do të duhet të demonstrojnë se i plotësojnë standardet e kërkuara para se të shkrihen në lagjen. Duke dekurajuar automjetet e emetimit të rëndë nga hyrja në zonë, parashikohet që skema të shohë emetimet e oksidit të azotit të bien me 45% në vitin e parë të vet të operimit. Ndërkohë, fokusi intensiv në ajër më të pastër ka rezultuar në kryebashkiakun e Londrës Sadik Kahn duke konfirmuar se në qendër të Londrës të gjithë autobusët dykatëshe do të mundësohen nga motorë hibridë, ndërsa të gjitha autobusët me një dysheme do të jenë zero emetime deri në 2020.

Duke kërkuar më tej, ambicia është që të gjitha 9.200 autobusë në të gjithë Londrën të jenë zero emetime deri në vitin 2037, ndërsa kryetari Kahn synon ta bëjë Londrën një qytet me zero karbon deri në vitin 2050. Sigurisht është një përmirësim, por nuk shkon pothuajse mjaft.

Për të arritur qëllimet zero të emetimit do të ketë nevojë për një kombinim të konsumatorëve që ndryshojnë sjelljen e tyre, qeveritë zbatojnë ndryshime efektive të politikave dhe bizneset që çojnë rrugën me avancimet teknologjike në fitime aktive.

Kjo hap mundësinë që hidrogjeni të bëhet një mjet praktik dhe me kosto të ulët për të dekarbonizuar transportin, nxehtësinë dhe fuqinë dhe do të bëjë që argumentet rreth hidrogjenit të jenë ‘gjithnjë karburanti i së nesërmes’. Lojërat Olimpike të Tokios 2020 do të tregojnë vizionin e Japonisë për një shoqëri hidrogjeni, dhe Gjermania ka trenat e parë në botë me hidrogjen.

Mbretëria e Bashkuar ka një rrjet të tubacioneve në mbarë vendin që shkon në shtëpitë e njerëzve, dhe me garën e dekarbonizimit, tani merret seriozisht hidrogjeni si një karburant zëvendësues për gazin natyror në kaldaja. Në sprovën e parë britanike të këtij lloji, projekti HyDeploy synon të shtojë disa hidrogjen në një rrjet ekzistues të gazit natyror për të reduktuar emetimet e CO2 nga gatimi në shtëpi dhe ngrohja pa ndryshuar performancën e pajisjeve të konsumatorëve.

Qytetet e shkarkimit me zero janë këtu dhe nuk duhet të jenë më të shtrenjta për konsumatorin. Por tranzicioni ka të ngjarë të jetë i çrregullt, i kushtueshëm dhe i diskutueshëm. Masdar City, një projekt i planifikuar i qytetit në Abu Dhabi, thotë se po zhvillon një “gjelbërim” për qytetet e qëndrueshme të së ardhmes “, por kjo u braktis. Data e përfundimit të saj është shtyrë përsëri në vitin 2030 dhe në vend të ‘karbonit zero’, është premtuar ‘reduktim 50%’.

Top Channel

“Ushtria na mbështet ne”

GuaidoSipas presidentit kalimtar të vetëemëruar Guaidó, në Venezuelë edhe ushtria e mbështet një ndryshim pushteti. Ushtria nuk ndodhet më në anën e kryetarit të shtetit, i tha Guaido Deutsche Welles.

Deutsche Welle:  Kur bëhet fjalë për pushtetmbajtësin e Venezuelës, Nicolás Maduro ju flisni për fillimin e fundit të uzurpimit. Cilat njësi ushtarake ju mbështesin sot?

Juan Guaidó: Ka disa elementë kyçe në këtë proces, dhe kjo do të thotë se forcat e armatosura nuk mbështesin më Nicolás Maduro-n. Ato ndodhen në anën tonë, pas kushtetutës dhe janë për një ndryshim të pushtetit. Përsa i përket gjendjes në Venezuelë bëhet fjalë për një uzurpim. Brenda ushtrisë ka pasur shumë përndjekje, jo vetëm nga shërbimi i fshehtë venezuelian, por edhe nga ai kuban. Është e dukshme që shumica e popullit, bashkësia ndërkombëtare dhe forcat e armatosura nuk e mbështesin më Maduron.

Është e dukshme, që qeveria e Maduros ka gllabëruar në mënyrë të kundraligjshme poste, që që prej vitit 2018 (vërejtje red.: rizgjedhja e Maduros në 20.5.2018 u kritikua si jodemokratike nga opozita) përçmon shtetin ligjor dhe kushtetutën, nuk mban zgjedhje të lira dhe korrekte dhe shpërdoron pushtetin. Sot, forcat e armatosura bën një hap të rëndësishëm, duke u pozicionuar pas nesh.

Ekziston frika se qeveria Maduro do ta ashpërsojë ofensivën ushtarake. A ekziston rreziku, që të ketë gjakderdhje?

Procesi ynë ecën paqësisht dhe në kuadër të kushtetutës, këtë e kemi thënë gjithmonë. Kësaj do t’i përmbahemi edhe më tej. Ata që kanë ushtruar dhunë janë paraushtarakë të armatosur, të ashtuquajturit “coletivos”. Pas tyre qëndron qeveria. Ne dhe populli venezuelian, që del në rrugë dhe proteston e kemi ruajtur qëndrimin tonë të padhunshëm.

Cila është mbështetja që kërkoni nga bashkësia ndërkombëtare? Grupi Lima, i themeluar në vitin 2017 nga 14 shtete amerikane për shkak të krizës në Venezuelë, sapo thirri një mbledhje urgjente, për të diskutuar për situatën në vend…

Në kërkojmë njohje zyrtare, siç ka ndodhur shumëfish. Dhe kërkojmë që të vendoset një qeveri kalimtare për të mbajtur zgjedhje të lira. Bota duhet ta dijë, se Maduro sot nuk e ka më mbështetjen e ushtrisë, megjithëse përhap frikë, trazira dhe pasiguri. Çfarëdo që të ndodhë, në do të vazhdojmë.

Në fotografitë që mbërrijnë tek ne nga Caracasi, ju kemi parë së bashku me drejtuesin opozitar Leopoldo López. Si u arrit të bëhet lirimi i Lópezit?

Miratuam një ligj amnestie. Veç kësaj, forcat e armatosura, që e mbanin të arrestuar atë në burg, u tërhoqën.

A keni besim që në Venezuelë do të kthehet demokracia?

Për aq kohë sa populli del në rrugë dhe ne të kemi mbështetjen e ushtrisë dhe të bashkësisë ndërkombëtare, unë nuk kam dyshim për këtë.

Señor Guaidó, ju falenderojmë që në këtë moment të vështirë folët me DW për gjendjen në Venezuelë.

 

Bisedën e zhvilloi Araceli Viceconte

“Microsoft”, gjiganti i tretë që arrin vlerën 1 trilion dollarë në bursa

MicrosoftGjiganti i programeve kompjuterike, “Microsoft” ka kapur vlerën e një trilion dollarëve në bursë, rritje që erdhi menjëherë pasi u raportua për të ardhura nga shitjet më të larta nga parashikimet.

Gjiganti amerikan e kaloi për pak minuta gjatë kësaj të enjteje këtë prag, përpara se vlera e aksioneve të binte disi.

Kjo arritje e sotme e bën “Microsoft”-in një prej 3 firmave publike që kanë mundur të kapin shifrën e 1 trilion dollarëve në tregjet e bursave, pas “Apple” dhe “Amazon”.

Aksionet e “Microsoft”-it janë rritur me një të tretën e vlerës gjatë vitit të kaluar, ndihmuar nga rritja e biznesit më të ri të quajtur “cloud”. Të mërkurën, firma njoftoi se të ardhurat ishin rritur me 14 për qind, në nivelin e 30.6 miliardë dollarëve në tremujorin e katërt, falë rritjes që pësoi shërbimi “cloud” dhe një rritjeje të papritur të programeve të saj. Fitimet neto u rritën me 19 për qind, duke shkuar në 8.8 miliardë dollarë.

“Microsoft”-i vijon të njëjtën performancë të shkëlqyer si nën drejtimin e bosit Satya Nadella, i cili kaloi 5 vite në përpjekje për të zvogëluar ndikimin e firmës nga sistemi dikur dominues i operimit “Ëindoës”.

“Apple” dhe “Amazon” e kapën këtë nivel rekord për herë të parë në muajit gusht dhe shtator të vitit të kaluar, respektivisht, por që të dyja pësuan rënie më vonë.

Top Channel