Kategoritë: Shëndeti

Britania fillon provat klinike për trajtimin me remedesivir të pacientëve me Covid-19

remdesivirMinistria Britanike e Shëndetësisë njoftoi të martën për fillimin e provave të reja klinike të trajtimit me ilaçin antiviral remdesivirit të pacientëve me Covid-19.

Në konferencën e tij të zakonshme për koronavirusin në Londër, Ministri britanik i Shëndetësisë, Matt Hancock i quajti provat klinike për ilaçin premtues si “ndoshta hapin më të madh përpara në trajtimin e koronavirusit që prej fillimit të krizës.” Ai tha se përparësi për këtë trajtim do të kenë rastet në të cilat përfitimi është më të madh.

Ilaçi remdesivir, i prodhuar nga kompania farmaceutike amerikane Gilead, u miratua për trajtimin e pacientëve amerikanë me Covid-19 në fillim të këtij muaji pasi provat klinike nga Instituti Kombëtar i Amerikës për Alergjitë dhe Sëmundjet Infektive (NIAID) treguan rezultate pozitive. Pakë kohë më vonë, edhe Japonia e miratoi me një procedurë të shpejtë përdorimin e këtij ilaçi për trajtimin e pacientëve të infektuar me Covid-19.

Drejtori i Institutit Kombëtar të Amerikës për Alergjitë dhe Sëmundjet Infektive, Dr. Anthony Fauci, tha se ilaçi rezultoi efektiv në shkurtimin e kohës së shërimit të pacientëve me Covid-19, dhe megjithëse nuk ofron “shërim të plotë”, ai mund të ofrojë një trajtim i dobishëm.

Ministri britanik i Shëndetësisë, Hancock gjithashtu njoftoi se të hënën u raportuan 134 vdekje nga Covid-19 në të gjithë Britaninë. Dhe për herë të parë që nga 18 marsi, në Irlandën Veriore nuk u regjistruan asnjë vdekje nga koronavirusi.

voa

Punonjësit jo-mjekësore të spitaleve të ekspozuar ndaj koronavirusit

MjeketNuk janë vetëm mjekët janë ekspozuar çdo ditë ndaj koronavirusit vdekjeprurës gjithë punonjësit jo-mjekësorë spitale, përballen me njëjtat rreziqe. Korrespondentja Miaia Kay thotë se stafi jo mjekësor spitale përballet me realitetin e ashpër ditëve pandemisë.

Ndërsa infeksionet e koronavirusit vazhdojnë, mjekët dhe profesionistët e mjekësisë punojnë 24 orë për të shpëtuar jetë.

Qyteti i Nju Jorkut është ndër më të prekurit – qindra vdesin çdo ditë nga virusi.

Por nuk janë vetëm mjekët ata që e vënë veten në rrezik.

“Çdo ditë që dal nga shtëpia, mendoj: “Do të jem njëri prej tyre”, sepse punoj në qendër të epiqendrës, në qytetin e Nju Jorkut, në një spital. Unë shoh një tendë ushtarake përpara spitalit, një tendë ushtarake brenda spitalit, në korridore, dhe është një lloj frike”, thotë Katie Kakhurashvili, asistente në departamentin e ultratingujve në spitalin Mt. Sinai.

Ka edhe vështirësi të tjera për personelin e ndihmës në spitale.

“Transporti u bë problem. Autobuzët ishin të rrallë dhe në një moment, vendosa të qëndroja në një nga hotelet e qytetit”, thotë Irakli Kvetenadze, specialist i rrjetit kompjuterit në spitalin Mt. Sinai.

Për të zvogëluar rrezikun e infektimit të familjes së tij, Kvetenadze pagoi për të qëndruar dy-javë në hotel. Kur u bë e qartë se situata ishte e rëndë, spitali filloi të japë paguajë faturat e hotelit për punonjësit e tij thelbësorë.

“Një ditë e zakonshme për mua konsiston në administrimin, zgjidhjen e problemeve në rrjetin e kompjuterave; sigurimin e qasjes në të gjitha informacionet e pacientit; emailin dhe komunikimin për stafin e spitalit”.

Specialistja e ultratingujve Kakhurashvili, vlerëson faktin që restorantet japin mëngjes dhe drekë falas për stafin e spitaleve. Ky gjest e përlot.

“Isha në radhë për të marr një pica dhe një grua që po ecte në rrugë mu afrua dhe më ofroi para. Donte të më blinte picën. I thashë se nuk ishte e nevojshme dhe se ishte e paguar. E falanderova dhe I thashtë se në se donte, mund të jepte donacione për spitalin”.

Jo të gjithë punonjësit e spitalit kanë kontakt me pacientët me COVID. Por ato janë të gjithë të rëndësishëm dhe – pa ta, ndikimi i pandemisë do të kishte qenë shumë më i zymtë.

voa

Fillojnë provat klinike për trajtimin e Covid-19 me hidroksiklorokuinë

HydroxychloroquineFILE – This Monday, April 6, 2020, file photo shows an arrangement of Hydroxychloroquine pills in Las Vegas. At least 13 states have obtained a total of more than 10 million doses of malaria drugs to treat COVID-19 patients despite warnings from…

Punonjësit e kujdesit shëndetësor në spitalet britanike do të jenë pjesëmarrësit e parë në një studim global të testimit të ilaçeve kundër malarias, klorokuinës dhe hidroksiklorokuinës për të parë nëse ato mund të përdoren për trajtimin ose parandalimin e Covid-19.

Studimi i udhëhequr nga Universiteti i Oksfordit, duke filluar nga e enjtja, do të testojë mbi 40,000 punonjës të kujdesit shëndetësorë në Evropë, Afrikë, Azi dhe Amerikën e Jugut, duke bërë testime në 25 qendra vetëm në Britani, sipas agjencisë së lajmeve Reuters. Të gjithë punonjësit e kujdesit shëndetësor që nuk janë infektuar me Covid-19 i plotësojnë kushtet për të marrë pjesë në studimin “COPCOV”.

Punonjësve të kujdesit shëndetësor në Britani do t’u jepet hidroksiklorokuinë ose një placebo për tre muaj, ndërsa atyre në Azi, do t’u jepet klorokuinë ose një placebo.

Interesimi për ilaçin u intensifikua pasi Presidenti Donald Trump filloi të fliste për dobinë e tij në konferencat për shtyp në prill. Në fillim të kësaj jave Presidenti Trump njoftoi se po merrte hidroksiklorokuinë si ilaç parandalues kundër Covid-19.

Megjithëse Administrata amerikane e Ushqimit dhe Ilaçeve ka miratuar përdorimin e kufizuar të ilaçit nëpër spitale për të trajtuar pacientët me Covid-19, ajo nuk e ka miratuar përdorimin e tij jo klinik “për shkak të rrezikut të problemeve të ritmit të rrahjeve të zemrës”, thuhet në një deklaratë të organizatës.

Ndërsa provat laboratorike kanë dhënë shpresë për ilaçin, rezultatet janë jokonkluzive, duke shkaktuar krijimin e një studimi ndërkombëtar, të bazuar në një ilaç të vërtetë dhe një placebo (ilaç pa efekt).

“Ne me të vërtetë nuk e dimë nëse klorokuina ose hidroksiklorokuina është e dobishme apo e dëmshme në trajtimin e Covid-19″, tha Nicholas White, profesor i Universitetit të Oksfordit dhe bashkë-drejtues i studimit.

Interesi për një trajtim parandalues po rritet ndërsa përpjekja për prodhimin e një vaksine vazhdon.

Martin Llewelyn është profesor në Shkollën e Mjekësisë Brighton dhe Sussex dhe po udhëheq studimin me zotin White.

“Një vaksinë e disponueshme, e sigurt dhe e efektshme mund të jetë shumë largë”, tha profesor Llewelyn. “Nëse ilaçet e toleruara mirë si klorokuina dhe hidroksiklorokuina mund të zvogëlojnë shanset për tu prekur me Covid-19, kjo do të ishte tepër e vlefshme”, shtoi ai.

voa

Robotë humanoidë në hotelin për pacientët me koronavirusin

robotQyteti i Tokios ka filluar të vendosë robotë humanoidë në hotelet që po merr për të strehuar personat e infektuar nga koronavirusi. Stafi njerëzor në godinë do të jetë i përbërë nga doktorë dhe infermiere, ndërsa personat që do të qëndrojnë aty do të jenë ata me simptoma të lehta, ose pa simptoma fare.

“Pepper” është bërë gati për të përshëndetur Guvernatoren e Tokios, Yuriko Koike.

Roboti humanoid është pjesë e një sistemi të teknologjisë së lartë që mundëson kujdesin për pacientët me COVID-19 në këtë hotel.

Qeveria lokale e Tokios ka marrë përsipër edhe dy hotele të tjera për të strehuar pacientët e infektuar me koronavirusin, duke arritur një kapacitet prej 2.800 dhomash.

Guvernatorja Koike erdhi për të parë një demonstrim të punës që po bëhet. Stafi në godinë do të jetë i përbërë nga doktorë dhe infermiere, ndërsa personat që do të qëndrojnë aty do të jenë ata me simptoma të lehta, ose pa simptoma fare. Në këtë mënyrë do të lihen shtretërit në spitale për rastet më serioze.

Janë instaluar paisje të teknologjisë së lartë për të monitoruar gjendjen e secilit pacient.

“Donim në veçanti që qytetarët e Tokios të shohin hapjen e këtyre hoteleve dhe të kuptojnë meritat e qëndrimit në një hotel për t’u shëruar, dhe të ndjehen të sigurt për procesin e rimëkëmbjes së tyre. Mjekët dhe infermierët do të ndodhen këtu në çdo kohë, kështu që në krahasim me të qëndruarin në shtëpi, ka më shumë siguri”, shpjegon Naoko Kubota, Drejtore e Lartë për Planifikimin, në Byronë e Çështjeve të Përgjithshme të Qeverisjes Metropolitane të Tokios.

Dy robotë gjithashtu do të veprojnë në këto ambiente për herë të parë.

Njëri është roboti Pepper, tashmë i njohur në Japoni, i ngarkuar me përshëndetjen e njerëzve me mesazhe pozitive.

Roboti tjetër është një robot pastrimi i cili do të funksionojë në lobet e hotelit – të përcaktuara si zona të kuqe – për të zvogëluar hyrjen e stafit në ato zona. Roboti ka aftësinë të shmangë pengesat dhe njerëzit.

“Duam të përdorim teknologjinë e robotikës, për të cilën Japonia është e njohur, që të ofrojmë një ambient të rehatshëm dhe të këndshëm në hotel. Për shembull, ne po prezantojmë një robot pastrimi këtë herë për hollin që zakonisht do të konsiderohej një Zonë e Kuqe. Do t’i provojmë këta robotë pastrimi në vend të njerëzve për pastrimin e kësaj zone”, thotë Naoko Kubota.

Lobi gjithashtu do t’u mundësojë pacientëve të hyjnë në aplikacionet e menaxhimit shëndetësor në kompjutera dhe tabletë për të regjistruar temperaturat e tyre dhe për të verifikuar simptomat.

Për shumicën e njerëzve, koronavirusi i ri shkakton simptoma të buta ose të moderuara, të tilla si ethe dhe kollë, që pastrohen në dy deri në tre javë. Për disa, veçanërisht të moshuarit dhe njerëzit me probleme shëndetësore ekzistuese, mund të shkaktojë sëmundje më të rënda, përfshirë pneumoni, dhe mund të çojë në vdekje.

Shumica e njerëzve shërohen plotësisht.

voa

Shpresa për vaksinën eksperimentale të Modernas

vaksinaKompania Moderna Inc tha të hënën se vaksina e saj eksperimentale për COVID-19 po jep premtime në fazën e hershme të provave me përmasa ende të vogla.

Vaksina e kësaj kompanie prodhon antitrupa që neutralizojnë virusin, të ngjashme me ato që gjenden te pacientët e shëruar.

Kjo kompani është në pararojë të përpjekjeve për zhvillimin e një trajtimi për koronavirusin dhe javën e kaluar fitoi miratimin e agjencive amerikane të shëndetit për një proces të përshpejtuar në përputhshmërinë me rregulloret.

Moderna shpreson t’i fillojë provat e avancuara në përmasa të mëdha në muajin korrik.

Aktualisht për COVID-19n nuk ekziston asnjë trajtim ose vaksinë e miratuar dhe ekspertët parashikojnë se vaksinë e sigurt dhe e efektshme mund të kërkojë 12 deri në 18 muaj për t’u zhvilluar.

Tetë pacientë që morën vaksinën eksperimetale të firmës Moderna treguan se kishin nivele antitrupash të ngjashme me ato në mostrat e gjakut të personave që ishin shëruar nga COVID-19, sipas rezultateve të para të nxjerra në studimin e kryer nga Institutet Kombëtare të Shëndetit pranë Uashingtonit.

Të 45 pjesëmarrësve në studim u dhanë nga tre doza të ndryshme të vaksinës dhe Moderna tha se kishte vënë re se imuniteti rritej me rritjen e dozës.

“Jemi duke investuar për të rritur shkallën e prodhimit dhe maksimalizuar numrin e dozave që mund të prodhojmë, për të ndihmuar në mbrojtjen e sa më shumë njerëzve nga SARS-CoV-2, tha Shefi Ekzekutiv i kompanisë Moderna, Stéphane Bancel.

Kompania ka nënshkruar marrëveshje me firmën farmaceutike zvicerane që punon me kontratë Lonza Group AG si dhe me qeverinë amerikane për të prodhuar sasi në masë të vaksinës së re.

Vaksina, mRNA-1273, rezulton gjithashtu se është përgjithësisht e sigurt dhe tolerohet mirë nga trupi në studimin e hershëm, tha kompania, e cila shton se nuk është raportuar asnjë efekt serioz anësor.

voa

Mjekët testojnë plazmën nga individët që i mbijetuan koronavirusit

covid-19Mjekët në mbarë botën janë rikthyer tek një mënyrë e vjetër e trajtimit të infeksioneve. Fjala është për transfuzionin e plazmës së gjakut të mbushur me molekula imunitare që ndihmuan të mbijetuarit e COVID-19 të mundin virusin vdekjeprurës. Më shumë hollësi sjell materiali në vazhdim.

Në spitalin “Brigham and Women” në Boston, donatorët po japin kontributin për të përcaktuar nëse plazma nga pacientët e rikuperuar nga COVID-19 do të ndihmojë në sherimin e shpejtë të pacientëve të prekur nga virusi. Mjeku Richard M. Kaufman thotë se synimi është përpjekja për të krijuar një terapi imuniteti.

“Qëllimi është mbledhja e plazmës, që është pjesa e lëngshme e gjakut, nga individët që e kanë marrë veten nga koronavirusi dhe përdorimi i saj si një terapi imuniteti.”

Mjeku thotë se kjo praktikë e përdorimit të antitrupave për pacientët e infektuar është përdorur gjatë epidemive si SARS1, MERS dhe Ebola.

“Kjo qasje e përdorimit të antitrupave nga pacientë që e kanë marrë veten është përdorur për epidemi si SARS1, MERS, Ebola, por askush nuk e din nëse funksionon në rastin aktual me koronavirusin. Arsyeja është se nuk ka patur teste klinike të nivelit të lartë për të provuar sigurinë dhe efikasitetin e kësaj qasjeje.”

Por mjeku Clifton Mo nga Isntituti Dana Farber thonë se asyeja që kjo teknikë duket intriguese është fakti se nuk nevojitet testimi nga një kompani e madhe farmaceutike.

“Në këtë rast, një individ që e ka marrë veten nga COVID-19 dhuron gjakun. Pra nuk kemi një kompani farmaceutike që po përgatitet që të prodhojë një ilaç.”

Mjeku Richard M. Kaufman thotë se procedura po kryhet në atë mënyrë që gjysma e pjestarëve në këtë test po marrin plazmë nga individët që e kanë marrë veten nga koronavirusi.

Gjysma tjetër, thotë ai, do të marrin plazmë të rregullt. I gjithë procesi, thotë ai, po kryhet në atë mënyrë që as mjeku dhe as pacienti nuk e dinë se cilit grup i përkasin. Kjo , thotë mjeku, është e vetmja mënyrë për të gjetur nëse kjo praktikë do të sjellë përfitime apo jo nga përdorimi i plazmës së individëve që e marrin veten nga COVID-19.

voa

Misteri i sindromës që po prek fëmijët pasi kalojnë koronavirusin

voaNjë sëmundje misterioze që po prek disa fëmijë, një pjesë prej të cilëve me pasoja vdekjeprurëse dhe që mendohet të jetë e lidhur me COVID-19, po shqetëson mjekët, studiuesit dhe zyrtarët. Sindroma e Inflamacionit të Shumëfishtë tek Fëmijët, në rastet më të rënda shkakton dobësimin e funksioneve të zemrës. Dr. Robert Pass, Shefi i Kardiologjisë Pediatrike në Spitalin Mount Sinai të Nju Jorkut ku është identifikuar numri më i lartë i fëmijëve me këtë sëmundje, i thotë Zërit të Amerikës, megjithëse rastet e fëmijëve të rrezikuar janë të pakta, sëmundja është shqetësuese, sepse ende nuk dihet shumë për të. Në një bisedë me kolegen Keida Kostreci ai shpjegoi shenjat e sëmundjes që ka shkaktuar vdekjen e tre fëmjëve në Nju Jork dhe pritshmëritë për të ardhmen.

Amber Dean e kishte marrë veten nga një rast i lehtë koronavirusi dhe familja e saj, sapo kishte mbaruar periudhën e karantinës, kur djali i saj i madh, Bobby 9 vjeçar, u sëmur.

“Në fillim dukej si një virus në stomak. Dhe po e trajtonim si të tillë. Por pastaj, filloi të kishte pak temperaturë dhe të vjella dhe nuk i mbante stomaku asgjë”, thotë Amber.

Vetëm pasi gjendja e Bobby-t, u keqësua në mënyrë alarmante, mjekët e kuptuan se ai ishte një prej fëmijëve – një numër i vogël por në rritje – me një sindromë misterioze që mendohet se është e lidhur me koronavirusin.

Doktor Robert Pass, shef i kardiologjisë pediatrike në spitalin Mount Sinai, i thotë Zërit të Amerikës se kjo sëmundje misterioze që po quhet Sindromë e Inflamacionit të Shumëfishtë tek Fëmijët, është shqetësuese sepse vetëm deri para disa javësh mendohej se fëmijët ishin grupi tek të cilët COVID-19, nuk shkaktonte pasoja.

“Për arsye që nuk janë të qarta, një numër i vogël fëmijësh, pas një infeksioni që dukej shumë i butë, pothuajse pa simptoma fillimisht, katër javë më pas po shfaqin një inflamacion shumë agresiv”, thotë Dr. Pass.

“Ata kanë kruarje, temperaturë, vështirësi në frymëmarrje dhe tension shumë të ulët”, thotë ai.

Dr. Pass thotë se shumica e fëmijëve e kalojnë sëmundjen pa pasoja.

“Duket se nëse i ndihmojmë këta fëmijë me ilaçe për tensionin, me lëngje, ata në përgjithësi e marrin veten. Ka pacientë të rrallë që kanë vdekur nga kjo sindromë, por shumica janë mirë”, thotë dr.Pass.

Por rastet në rritje dhe të panjohurat janë shqetësuese.

“Nuk e dimë me saktësi se ç’përqindje e fëmijëve e kanë këtë sëmundje, sepse ne nuk i kemi testuar të gjithë. Prandaj nuk e dimë se ç’përqindje e fëmijëve kanë COVID. Dhe duke qenë se nuk e kemi këtë shifër, nuk e themi dot me saktësi se ç’përqindje e fëmijëve me COVID do të preken nga kjo sindromë”.

Edhe dr. Anthony Fauci, eksperti më i lartë i Shteteve të Bashkuara për sëmundjet infektive, tha së fundmi në një seancë të Senatit, se nuk dihet gjithçka për këtë sëmundje.

“Duhet të jemi të kujdesshëm që të mos jemi arrogantë dhe të mendojmë se fëmijët janë krejtësisht imunë ndaj efekteve të dëmshme. Vërtet numri ifëmijëve me pasoja është shumë më i ulët se sa i të rriturve dhe të moshuarve, sidomos atyre me sëmundje ekzistuese, por unë jam shumë i përmbajtur, sepse nuk dimë gjithçka dhe dua të jem i rezervuar në parashikime të gjera”, thotë ai.

Sindroma ka disa ngjashmëri me sëmundjen Kavasaki, që shkakton dëmtimin e enëve të gjakut dhe në rastet më të rënda ky dëmtim shkakton vdekjen, por dr.Pass thotë se tani është e qartë që nuk është ajo sëmundje. Megjithatë të dyja sëmundjet ndajnë disa karakteristika:

“Besoj se mund të bëhet fjalë për faktorë gjenetikë, që mund të shpjegojë se pse disa pacientë sëmuren rëndë kur ekspozohen ndaj kësaj sëmundjeje dhe kanë inflamacion të madh dhe dëmtime të trupit dhe pacientë të tjerë, preken vetëm minimalisht”, thotë Dr. Pass.

Numri më i madh i fëmijëve të prekur është në Nju Jork, me rreth 100 raste, por ka pasur raste edhe në shtete të tjera dhe të paktën 50 tek fëmijë në vende të ndryshme evropiane.

Kryebashkiaku i Nju Jorkut, Bill de Blasio tha se qyteti po ndërmerr një fushatë shërbimi publik për të informuar prindërit për sindromën e rrallë.

Dr. Pass thotë se parandalimi është tepër i rëndësishëm. Hapi tjetër kritik ështën bashkëpunimi mes mjekëve dhe ekspertëve për të mbledhur informacion.

“Po mbledhim të dhëna për mënyrën se si pacientët u përgjigjen terapive të ndryshme. Mendoj se do të dimë shumë më tepër në gjashtë muajt e ardhshëm me shtimin e njohurive për rastet dhe këmbimin e informacionit”, thotë Dr. Pass.

Duke pasur parasysh që sistemi spitalor Mount Sinai, është mëi madhi në Nju Jork dhe ka trajtuar rreth 6 mijë të sëmurë me koronavirus, dr. Pass thotë se e gjithë kjo përvojë e ka bërë t’i vlerësojë jashtë mase kolegët, për forcën dhe kurajon e tyre.

“Sepse jemi të gjithë njerëz. Dhe je në rrezik kur kujdesesh për një pacient me një problem kaq serioz”, thotë ai.

Qendra për Kontrollin dhe Parandalimin e Sëmundjeve ka thënë se së shpejti do të lëshojë një lajmërim, duke u kërkuar mjekëve që të njoftojnë për rastet e fëmijëve me simptoma të Sindromës së Inflamacionit të Dyfishtë.

Në Rochester të Nju Jorkut, Amber Dean, thotë se gjendja e Bobby-t po përmirësohet.

“Ne ishim me fat, por kam parë disa raste kur njerëzit nuk ishin kaq me fat. Pa dyshim që nuk është ende momenti i përshtatshëm për t’i lënë fëmijët jashtë në publik”, thotë ajo.

voa

Virusi Corona – sulm frontal të gjithë trupit

mushkerite covid 19Sipas studiuesve, virusi agresiv SARS-CoV-2 sulmon jo vetëm mushkëritë, por edhe zemrën, nervat, trurin, enët e gjakut, veshkat dhe lëkurën.

COVID-19 prek në radhë të parë mushkëritë dhe traktin respirator dhe shoqërohet me vështirësi në frymëmarrje, kollë të thatë, marrje fryme dhe me pneumoni. Por tani mjekët kanë vënë re në raste të shumta që virusi i ri SARS-CoV-2 mund të prekë rëndë dhe organe të tjera si zemrën, enët e gjakut, nervat, trurin, veshkat dhe lëkurën.

Zemra

Një numër studimesh dhe artikujsh nga SHBA, Kina dhe Italia, kanë arritur në përfundimin që SARS-CoV-2 sulmon dhe zemrën. Fjala nuk është vetëm për pacientë që vuajnë nga sëmundje koronare apo nga tensioni i lartë, por për raste pacientësh që para se të infektoheshin me Coronën ishin të shëndoshë dhe tek të cilët janë konstatuar raste miokarditi, inflamacion i muskujve të zemrës.

Mushkëritë

Jo vetëm prej COVID-19 por edhe në raste të tjera infeksionesh të mushkërisë në të krijohen hije opake në mushkëri, të cilat mund të shkaktojnë fibroza. Për shkak të tyre dëmtohet funksioni i mushkërive dhe furnizimi i gjakut me oksigjen. Fibroza e mushkërive është e pashërueshme, por nëse konstatohet me kohë ajo mund të ngadalësohen.

Enët e gjakut

Gjatë autopsisë së pacientëve të vdekur me COVID-19, patologët e Spitalit Universitar të Cyrihut zbuluan se tek disa prej tyre ishte infektuar e gjithë shtresa qelizore e enëve të gjakut dhe e enëve limfatike (endoteli) të organeve të ndryshme.

Studiuesit arritën në përfundimin se virusi i ri SARS-CoV-2 çon në inflamacion të përgjithshëm të endotelit përmes receptorëve ACE2. Kjo mund të çojë në çrregullime të rënda të mikrocirkulimit që dëmtojnë zemrën dhe shkaktojnë emboli pulmonare dhe okluzione vaskulare në tru dhe traktin tretës. Si rezultat ndodh insuficensë e njëkohëshme e shumë organeve, e cila mund të çojë edhe në vdekje.

Truri

Që në pararendësit e e virusit Corona MERS dhe SARS është vënë re që këto viruse depërtojnë përmes nervave deri në tru. Në rastin e një pacienti të infektuar me virusin Corona në Japoni i cili pati krizë epileptike, u diagnostikua edhe meningjit i shkaktuar nga virusi Corona që kishte depërtuar në sistemin nervor qendror.

Studiues nga Japonia dhe Kina mendojnë se virusi mund të depërtojë tek disa pacientë në tru dhe të dëmtojë qendrën e frymëmarrjes. Kjo shpjegon pse disa pacientë të moshuar të infektuar me COVID-19 ndonjëherë ndalojnë frymëmarrjen pa pasur më parë probleme masive me frymëmarrjen për shkak të infeksionit të mushkërive. Ende është e paqartë nëse SARS-CoV-2 shkakton gjithashtu apo favorizon hemoragjitë cerebrale.

Veshkat

Tek pacientë me COVID-19 që vuajnë prej infeksioneve të mushkrive ka shpesh dëmtime të veshkave dhe raste të insuficences së veshkave. Shkak është një ilaç që u jepet pacientëve për shkak se u mbushen mushkëritë me ujë. Ky ilaç pakëson sasinë e lëngjeve në trup, por nga ana tjetër ndikon që veshkat të mos furnizohen sa duhet me ujë dhe të mos e plotësojnë më funksionin e tyre.

Tek rreth 30 përqind e këtyre pacientëve funksioni i veshkave kufizohet aq shumë sa që ata kanë nevojë për dializë. Deri tani ende nuk mund të thuhet nëse veshkat shërohen pas shërimit prej SARS-Cov-2 apo nëse ky virus shkakton dëme afatgjatë të veshkave.

Lëkura

Coronavirus SARS CoV-2 duket se lë shenja të dukshme edhe në lëkurë. Nga disa vende është raportuar se pacientët me Covid-19 kanë pasur edhe ndryshime në lëkurë. Lezione të vogla dermatologjike në këmbë janë vënë re veçanërisht tek fëmijët dhe adoleshentët. Këto njolla vjollcë janë të ngjashme me ato të fruthit apo të lisë së dhenve. Disa herë janë vënë re edhe skuqje në pjesë të ndryshme trupit.

Ndryshimet dhe njollat mavi të lëkurës mund të jenë shkaktuar prej një çrregullimi të koagulimit të gjakut, i cili gjithashtu mund të shkaktohet nga virusi Corona.

dw

Prova të reja për vaksinë nga një partneritet amerikano-gjerman

PfizerNjë tjetër provë shpresë-dhënëse ka filluar për një vaksinë kundër koronavirusit. Një bashkëpunim mes dy kompanish — njëra amerikane dhe tjetra gjermane filloi javën a kaluar në Shtetet e Bashkuara. Disa pjesëmarrës janë studentë të mjekësisë. Në mbarë botën disa prova janë në proces e sipër për të gjetur një vaksinë kundër COVID-19. Korrespondentja e Zërit të Amerikës Carolyn Presutti ka përgatitur materialin:

Michael Sikorski po merr pjesë në prova historike. Ai është studenti i 17-të i mjekësisë që injektohet me vaksinën kandidate për parandalimin e COVID-19.

“Ndjej një sens përgjegjësie, detyrimi: jam i ri, i shëndetshëm dhe mund të marr pjesë në këto prova për vaksinë,” thotë ai.

Sikorski dhe 360 të tjerë po marrin pjesë në fazën e parë të provave për vaksinë që po zhvillon kompania Pfizer dhe partneri i saj gjerman, BioNTech.

Kompania po teston paralelisht katër vaksina, me një metodë të njohur si mRNA. Vaksina fut në trup një sekuencë të vogël gjenetike të virusit, të cilën organizmi e trajton si proteinë të huaj dhe krijon ndaj saj imunitet.

“Tani trupi është gati, ka krijuar memorje gjenetike. Kur organizmi has në virusin e vërtetë që mund ta infektojë, përgjigjet me shpejtësi dhe e pengon,” thotë hulumtuesi Mikael Dolsten.

Sfida kryesore për Pfizer është të zgjasë jetën e antitrupave në qelizë.

Shumë kompani farmaceutike po përpiqen të fitojnë garën për të zhvilluar vaksinën kundër koronavirusit.

Firma amerikane, Moderna, si dhe Institutet Kombëtare të Shëndetit, po përdorin metodën mRNA në prova që filluan muajin e kaluar. Inovio ka filluar provat që mbështeten tek metoda me ADN.

BioNTech/Pfizer filluan provat më 5 maj, ndërsa kompania kineze CanSino Biologics është para të tjerave, pasi ka kaluar në fazën e dytë të provave. Universiteti i Oksfordit në Angli filloi prova muajin e kaluar. Hulumtuesit në Wuhan dhe Pekin po përdorin metodën tradicionale të provave, duke injektuar vullnetarët me viruse joaktive.

Eksperti kryesor amerikan për sëmundjet ngjitëse parashikon se bota do të ketë një vaksinë efektive brenda muajit tetor:

“Më pas vjen sfida për ta prodhuar në masë që të arrijmë ta dërgojmë kudo që nevojitet,” thotë Dr. Anthony Fauci.

Ndërkaq, pjesëmarrës si Sikorski janë tani nën mbikqyrje për të garantuar se vaksina nuk ka pasoja anësore:

“Në ora 9, çdo natë, bie zilja e celularit dhe më kujton që të mbush ditarin e përditshëm mbi gjendjen shëndetësore. Mas temperaturën me termometrin që më kanë dhënë. U përgjigjem pyetjeve të formularit, për shembull nëse kam dhimbje muskujsh, temperaturë, enjtje kyçesh,” thotë student Michael Sikorski.

Nëse çdo gjë shkon mirë, pritet që vaksina të jetë në qarkullim në fund të vitit, një arritje e pashoqe për nga shpejtësia e reagimit për të imunizuar popullatën kundër një sëmundjeje.

voa

Shkencëtarët: Testet për antitrupa nuk provojnë imunitet nga COVID-19

testetAdministrata federale e Shteteve të Bashkuara ka sinjalizuar probleme serioze me testet për antitrupa kundër koronavirusit. Sipas raporteve në treg aktualisht qarkullojnë mbi 150 teste dhe shumë prej tyre japin rezultate fallso. Administrata njoftoi rregullore më strikte këtë javë për kompanitë që prodhojnë këto teste. Siç njofton kolegia Ardita Dunellari, ekspertët e shëndetit publik paralajmërojnë se testet e antitrupave nuk duhet të përdoren si garanci mbrojtëse nga koronavirusi.

Amerikanët duan të dinë nëse mund të rikthehen në aktivitetin normal pa rrezik nga koronavirusi. Testet për antitrupa ofronin premtimin se personat që rezultonin pozitivë, pra që e kishin kaluar sëmundjen ishin imunë ndaj virusit. Por ekspertët paralajmërojnë se shumë prej teksteve mund të jenë difektoze:

Disa nga testet, sipas raportimeve, rezultojnë të sakta vetëm në 30% të rasteve. Në çdo sistem vlerësimi këto quhen teste të dështuara,” thotë Dr. Gigi Kwik Gronvall.

Dr. Gigi Kwik Gronvall është autorja titullare e një studimi të ri mbi testet për antitrupa. Ajo thotë se rendja për të gjetur zgjidhje për krizën dhe heqja e disa rregulloreve nga autoritetet federale ka lënë shteg për elementët spekulantë në treg. Deri tani autoritetet federale u lejonin kompanive të bënin vetë kontrollin e efikasitetit të testeve që prodhonin:

Kur ke kërkesë aq të madhe, kur je në kushte tregu ku çdo gjë është e pranueshme, detyrimisht në treg do të futen edhe kompani të paskrupullta”.

Të hënën administrata amerikane vendosi rregulla të reja: tani kompanitë që prodhojnë teste të antitrupave duhet të kalojnë procesin e verifikimit nga Agjencia e Ilaçeve dhe Ushqimit. Disa ekspertë shqetësohen se kjo masë nuk është e mjaftueshme dhe se testet difektoze duhet të hiqen nga tregu plotësisht.

Zyrtarë të shëndetit publik kanë paralajmëruar prej kohësh për rrezikun që shoqërohet me teste që japin rezulate fallso:

Testet për antitrupa nuk duhet të përdoren për të diagnostikuar apo për të përcaktuar statusin e imunitetit ndaj COVID-19. Këto teste mund të japin rezultate pozitive fallso, apo negative fallso duke bërë që individi të ndryshojë sjellje duke hequr dorë nga distancimi fizik, duke mos përdorur maska apo doreza,” paralajmëronte në prill faqja e Departamentit të Shëndetit për Nju Jorkun.

Sipas specialistëve, nga vetë specifikat e analizave për antitrupa, këto teste nuk kanë një saktësi perfekte. Në bazë të standardit zyrtar, testet duhet të zbulojnë praninë e antitrupave në 90% të rasteve dhe të konfirmojnë se nuk ka antitrupa në 95% të rasteve. Megjithëse përqindja e rezultateve të pasakta është e vogël, rreziku për individin e testuar mbetet i madh:

Mundësia që individi të marrë pas analizave përgjigjen e gabuar se ka antitrupa do të vazhdojë të ekzistojë edhe me testet që përmbushin standardet, sepse testet nuk kanë garanci 100%. Pra individi do të mendojë se ka imunitet, kur në fakt nuk është imun”.

Ekspertët këshillojnë që individët të mos udhëhiqen nga testet e antitrupave si garanci për imunitet. Edhe kur rezultati konfirmon me saktësi prezencën e antitrupave, kjo nuk garanton që individi i testuar është imun ndaj sëmundjes, pasi shkenca nuk e ka studiuar ende efektin e antitrupave ndaj koronavirusit:

Këto teste nuk masin sasinë e antitrupave, nuk masin sa kohë zgjasin antitrupat, nuk masin çfarë aftësie kanë antitrupat për të luftuar virusin, por thjesht konfirmojnë praninë e antitrupave. Testet shërbejnë për shkencën që të dijë sa ka penetruar sëmundja në komunitet. Por askush nuk duhet të flerë mendjen se është imun thjesht se ka antitrupa”.

Imuniteti i vërtetë do të realizohet përmes vaksinës. Dr. Deborah Birx, koordinatore e grupit të Shtëpisë së Bardhë kundër koronavirusit, foli me optimizëm se deri në janar mund të jetë identifikuar “së paku në letër”, siç u shpreh ajo, një vaksinë kundër koronavirusit. Dr. Gronvall e quan këtë një parashikim tepër optimist:

Nuk parashikoj që do të kesh vaksinë te farmacia e lagjes në janar. Do të shpresoja që në janar vaksina të kalonte në procesin e prodhimit; në realitet mendoj se prodhimi do të jetë i mundur më vonë. Faktikisht çdo gjë në përgjigje të këtij virusi ka shkuar më shpejt se në pandemi të mëparshme,” thotë Dr. Gronvall, duke shtuar se ia lejon vetes të ushqejë një optimizëm të matur si rrjedhojë.

Për sa u përket analizave për të parë nëse personi është i infektuar në atë moment me koronavirus, këto teste janë tani shumë më të sakta, megjithë problemet e hasura në fillim të epidemisë. Por, Dr. Gronvall thekson se bizneset nuk duhet të ulin kontrollin dhe mbrojtjen kur të rihapin aktivitetin:

Masat e distancimit fizik, organizimi i punës me turne, vënia e maskave e strategji të tjera janë ato që lejojnë kthimin në punë pa rrezik. Nuk duhet t’i varim shpresat tek një test që të na zgjidhë të gjithë problemet”.

Kjo është një situatë mjaft komplekse e me shumë të panjohura dhe për fat të keq, thotë shkencëtarja, nuk ofron mundësi për zgjidhje të lehta.

voa