Kategoritë: Shëndeti

Mëngjeset E Shëndetit – Çfarë Duhet Të Hani Dhe Çfarë Jo

ushqimCilat ushqime të vijnë ndër mend kur mendon për mëngjesin? Zakonisht, një filxhan kos, një filxhan kafe dhe lëng i freskët portokalli plotësojnë pritshmëritë bazë për një mëngjes perfekt në dukje.

Për fat të keq, të paktë janë ata që janë të ndërgjegjshëm mbi pasojat që disa ushqime lënë në stomakun tonë kur konsumohen me të hapur sytë.

Për këtë arsye, AgroWeb.org ka krijuar këtë udhëzim, që do t’ju udhëheqë në lidhje me ushqimet që duhen konsumuar me stomakun bosh dhe ato që duhen shmangur.

Ushqimet që nuk duhen ngrënë në mëngjes

Brumërat

Gatimet që përmbajnë maja irritojnë shtresat e stomakut dhe shkaktojnë fryrje.

Ëmbëlsirat

Sheqeri rrit nivelet e insulinës, e cil nga ana tjetër shton barrën që rëndon mbi pankreasin e sapozgjuar. Një barrë e tillë ushqimore shkakton diabet.

Kosi dhe produktet e tjera të fermentuara

Nëse konsumoni kos me stomakun bosh, veçanërisht kur është i thartë, atëherë acidi hidroklorik që formohet në stomak shkatërron bakteret e acidit laktik. Ngrënia e këtyre produkteve në mëngjes nuk është e mirë për organizmin.

Domatet

Domatet përmbajnë sasi të larta të acidit tanik që rrit aciditetin në stomak, duke shtruar rrugën e formimit të ulçerës gastrike.

Trangujt dhe perimet e tjera të gjelbra

Perimet e pa gatuara janë burime të pasura amino acidesh, megjithatë ato mund të shkaktojnë urth, fryrje dhe dhimbje sidomos kur konsumohen me stomak bosh.

Erëzat pikante

Ushqimet pikante dëmtojnë dhe irritojnë mukozën gastrike dhe rrisin prodhimin e acidit në stomak. Një gjë e tillë shkakton probleme dhe çrregullime në sistemin tretës.

Pijet e ftohta të gazuara

Pijet e gazuara dëmtojnë membranën e stomakut dhe pakësojnë furnizimet me gjak në stomak duke shkaktuar urth dhe rritur rrezikun e gastritit dhe ulçerës.

Ushqimet që duhen konsumuar në mëngjes

Tërshëra

Ajo krijon një shtresë mbrojtëse në stomak dhe parandalon çlirimin e acidit hidroklorik që është mjaft i dëmshëm për muret e stomakut. Tërshëra përmban fibër të tretshme që është mjaft e mirë për uljen e kolesterolit në organizëm.

Vezët

Shkencëtarët kanë zbuluar që ngrënia e vezëve në mëngjes jep energji dhe njëkohësisht pakëson nivelin e kalorive ditore në mënyrë të ndjeshme. Ndaj ju do të ndjeheni të lehtë gjatë gjithë ditës.

Boronicat

Studime të kohëve të fundit tregojnë se ngrënia e boronicave në mënyrë të rregullt dhe veçanërisht në mëngjes përmirëson kujtesën dhe rregullon tensionin e gjakut dhe metabolizmin.

Arrorët

Arrorët duhen ngrënë për mëngjes sepse përmirësojnë sistemin tretës dhe normalizojnë pehashin në stomak. Kujdes me sasinë.

Mjalti

Mjalti zgjon organizmin dhe i jep atij forcë dhe energji. Aktiviteti i trurit përmirësohet dhe nivelet e serotoninës, hormonit të humorit të mirë rriten.

AgroWeb.org

Remdesiviri jep efekte kundër Coronës, por nuk është magjik

RemdesivirIlaçi Remdesivir ul disi numrin e vdekjeve dhe kohëzgjatjen e sëmundjes pas infektimit me Corona, por nuk është ai ilaçi magjik, siç pritej. Një studim i fundit i OBSH konfirmon rezultatet e mëparshme lidhur me ilaçin.

Menjëherë pas bërjes publike të rasteve të para me virusin Corona në Kinë, ilaçi Remdesivir u vu në fokus. Ky ilaç i zhvilluar në luftë kundër infektimeve me Ebola kishte dhënë rezultate në laborator edhe kundër SARS apo viruseve Corona MERS – dhe dihet se, virusi i ri SARS CoV-2 është një varint i infektuesit SARS të vitit 2002. Nga ana tjetër Remdesivir i zhvilluar nga koncerni farmaceutik, Gilead Sciences si GS-5734 nuk është i lejuar zyrtarisht në asnjë vend. Ai përdoret megjithatë në kuadër të një lejeje të posaçme emergjence (EUA) dhe në shumë vende në kuadër të studimeve klinike. Gliead Sciences i ka dhënë këtij ilaçi këtë vjeshtë emrin Veklury.

Studimi i parë klinik u zhvillua në maj 2020 në SHBA me rezultate pozitive, gjë që çoi në dhënien e lejes së emergjencës nga Autoriteti Federal i Ilaçeve, FDA në SHBA. Që nga kjo kohë Remdesivir lejohet të përdoret tek pacientë të veçantë që kanë zhvilluar sëmundjen e mushkërive Covid-19.

Në 15 tetor 2020 Organizata Botërore e Shëndetësisë, OBSH publikoi një studim paraprak të papërfunduar nga Peer-Review (Manuskriptet studimore kalojnë nëpër një proces të brendshëm ose të jashtëm të pavarur përmes ekspertizave të ndryshme për cilësinë e studimit, ku bëhen kritika apo korrigjime që duhen marrë parasysh deri në përfundimin e studimit, shën.red.) lidhur me Remdesivir, MedRxiv. Aty thuhet, se ky ilaç e ul shumë pak vdekshmërinë e pacientëve. Studimi ka dalë si rezultat i të ashtuquajturit SOLIDARITY Trial, ku janë vlerësuar të dhënat e më shumë se 11.266 pacientëve.

Në një prononcim të Gilead Sciences shprehet keqardhja, që nga studimi i parapublikuar “të dhënat nga kjo përpjekje e hapur globale në seri nuk kanë kaluar nëpër verifikimin rigoroz, siç është zakon për një debat konstruktiv shkencor.” Gilead Sciences iu referua një studimi tjetër me 1062 pacientë, që ishte publikuar më parë në New England Journal of Medicine, dhe që tregonte, se me Remdesivir kohëzgjatja e shërimit shkurtohet nga 15 në 10 ditë. Firma ka aplikuar më 1 gusht për lejen e rregullt të përdorimit të ilaçit, por autoritetet amerikane nuk kanë vendosur ende.

Si ndikon në trup Remdedesivir?

Efekti antiviral i Remdesivir bazohet në funksionin e tij si nukleotidanalog. Substanca frenon procesin e polimerazës RNA (RdRp) të virueseve si Ebola apo MERS, sepse struktura e saj i ngjason elementëve të RNA-së dhe në shumimin e viruseve gabimisht këto infiltrohen në genomet e dublikateve të reja të virusit. Kështu nuk krijohen dot viruse veprues. Tek Ebola ilaçi Remdesivir nuk ishte vërtet efektiv, por tregoi rezultate premtuese në mbjelljen e qelizave dhe eksperimenteve të para tek majmunët Mamakë kundër viruseve të afërta me SARS-CoV2 si SARS dhe MERS-CoV.

Shtëpia e Bardhë ngre lart efektet pozitive

Rezultate e para pozitive të studimeve të hershme klinike në SHBA janë kumtuar drejtpërdrejt nga Shtëpia e Bardhë më 29 prill. Drejtori i Institutit Kombëtar për Sëmundjet Alergjike dhe Infektimet, (NIAID) Anthony Fauci tha se “ky do të bëhet një trajtim standard.” Në një studim të financuar nga ky institut kishin marrë pjesë 1063 pacientë me shkallë të ndryshme të sëmundjes dhe që u trajtuan 10 ditë rresht me Redesivir apo placebo. Rezultatet jepnin të dhëna për një shërim më të hershëm të pacientëve. Sipas NIAID pacientët treguan shenja shërimi në 31% më pak të kohës krahasuar me pacientët që morën ilaçe placebo. Por dallimi nuk ishte shumë i qartë. Pacientët me Remdesivir u shëruan për 11 ditë ata me placebo për 15 ditë. Vdekshmëria tek pacientët e trajtuar me Remdesivir ishte 8%, kurse tek ata të patrajtuar me të 11,6%.

Studime të ndërprera

Këto rezultate u mjaftuan përgjegjësve për të dhënë lejen e përkohshme të posaçme. Instituti Kombëtar i Shëndetit bëri të ditur, se rezultatet janë të mjaftueshme. Si pasojë u ndërpre para kohe një studim i Safyte Monitoring Boards, DSMB, më 27 prill.

Paralelisht me rezultatet e suksesshme nga Uashingtoni, nga Kina erdhën rezultate disa jo entuziaste, ku Remdesivir filloi të përdorej në Vuhan në studime të kontrolluara të provuara për efektshmërinë tek pacientët në trajtim intensiv. Por ndërkohë në Vuhan mungojnë pacientët për shkak të rënies së madhe të numrit të infeksioneve, gjë që çoi sërish në ndërprerjen e studimit, bëri të ditur revista mjekësore, The Lancet.

Çfarë të thonë rezultatet?

Si të dhënat nga prilli, edhe studimi i fundit i OBSH, të thonë, se Remdesivir duhet të konsiderohet qartë si ilaç me efekt të moderuar. Ai e ul lehtë vdekshmërinë, por jo tepër, dhe ndikon që kohëzgjatja e sëmundjes të shkurtohet me pak ditë. Kjo është e gëzueshme, por nuk është ai suksesi i madh që ishte pritur nga një ilaç kaq premtues në fillim.

Ekspertë gjermanë të njohur si specialisti për infektimet Prof. Dr. Gerd Fätkenheuer nga Klinika Universitare e Kölnit, që drejtoi një studim me pacientët e trajtuar me Remdesivir në Gjermani, pret pas publikimit të studimit marrjen pa vonesë të lejes për përdorimin e ilaçit. “Për pacientët me një formë të rëndë të sëmundjes ky studim të jep shpresë, që të shërohen më shpejt dhe më të sigurtë nga infektimi”, tha Fätkenheuer në maj.

Rezultatet e studimit të fundit të OBSH të 15 tetorit, SOLIDARITY Trial me 11.266 pacientë i komenton edhe shefi i klinikës së Infektimeve dhe Mjekësisë Tropike, Prod. Dr. Clemens Wendtner. “Rezultatet e studimit të zgjeruar të OBSH, SOLIDARITY Trial me 11.266 pacientë nuk janë të papritura, prandaj edhe më pak zhgënjyese. ” Sipas tij “megjithë kufizimet që nuk kemi të dhëna të detajuara në serverat Preprint dhe ende mungon përfundimi i studimit nga Peer Review, duhet thënë, se studimi nuk e ka qëlluar objektivin kryesor final: asnjë prej ilaçeve të testuara, si Remdesivir, Hydroxychloroquin, Lopinar/Ritonavir dhe IFN-ß1a nuk e ul vdekshmërinë e pacientëve simptomatikë me Covid-19 të trajtuar në spital.

dw

Evropa reagon ndaj pandemisë korona

RomaItalia, Franca dhe Sllovenia njoftojnë për shtimin e rasteve të infektimeve dhe marrin masa të reja përballë pandemisë.

Qeveria italiane miratoi një projekt-buxhet prej rreth 40 miliardë eurosh për masa të reja kundër koronës dhe forcimin e ekonomisë së sëmurë. Qeveria njoftoi se kabineti kishte miratuar si projektligjin e paraqitur nga Ministri i Financave Roberto Gualtieri për vitin buxhetor 2021 edhe buxhetin shumëvjeçar deri në vitin 2023.

Zgjaten kontratat e përkohshme të mjekëve

Planet parashikojnë “një rritje të konsiderueshme të buxhetit” për të mbrojtur shëndetin e qytetarëve dhe stabilitetin ekonomik të Italisë. Rreth katër miliardë euro janë planifikuar për sistemin shëndetësor dhe do të përdoren edhe për zgjatjen e kontratave të përkohshme për 30,000 mjekë dhe infermierë.

Rreth gjashtë miliardë euro do të jepen për shkollat dhe universitetet, katër miliardë euro janë caktuar për ndihmë në sektorët e përfshirë nga kriza e ekonomisë. Përveç kësaj qeveria e qendrës së majtë të Kryeministrit Giuseppe Conte dëshiron të shtojë fondin e veçantë për papunësinë. Shuma të mëdha janë planifikuar për familjet. Po ashtu një reformë tatimore dhe mbështetje për Jugun e varfër të vendit. Sipas raporteve shpenzimet do të financohen pjesërisht përmes borxhit dhe pjesërisht me ndihmën e Bashkimit Evropian.

Francë – shtetrrethim natën

Situata e pandemisë së koronës në Francë po vazhdon të përkeqësohet prej disa javësh. Por për shkak rritjes së numrit të infektimeve të reja brenda 24 orësh me 32.427  raste ditën e shtunë, një vlerë maksimale kjo që nga fillimi i testimit në shkallë të gjerë në Francë, në vend janë vendosur masa shtetrrethimi  për orët e natës.

Gjendja e shtetrrethimit është shpallur për Parisin dhe tetë qytete të tjera më të mëdha dhe nga ora 21:00 deri në 6 të mëngjesit njerëzit lejohen të dalin jashtë vetëm për probleme madhore.

Sllovenia heq dorë nga gjurmimi i vargut të infeksioneve

Për shkak të rritjes së shpejtë të numrit të infeksioneve me virusin korona, Ministria e Shëndetit e Sllovenisë e ka ndërprerë gjurmimin e kontakteve të njerëzve që kanë rezultuar pozitivë me korona. Sipas njoftimeve Drejtoritë e Shëndetit nuk janë më në gjendje të përballojnë numrin e madh të rasteve.

Sidoqoftë ata që pas testimit rezultojnë pozitivë do të vazhdojnë të informohen për infeksionin e tyre nga Drejtoritë e Shëndetit dhe të urdhërohen të hyjnë në karantinë dhe të informojnë personat që kanë qenë në kontakt.

Në Slloveni u bënë të njohura të dielën 726 infeksione të reja me virusin korona, kurse një ditë më parë ishin regjistruar 897 raste. Numri i rasteve aktive në këtë vend me dy milion banorë pothuajse është dyfishuar brenda një jave.

DW (rtr, bbc, dpa, ap, afp)

 

Shqetësim në gjithë botën për rritjen e rasteve të koronavirusit

covid 19Numri i infeksioneve me koronavirus  gjithë botën ishte  shtunën  mbi 39.3 milionëndërsa mbi 1.1 milionë kanë vdekursipas Universitetit Johns Hopkins.

Shtetet e Bashkuara kanë mbi 8 milionë infektimenumri  i lartë  gjithë botënsi edhe numrin   madh  viktimave nga COVID-19, me mbi 218,000  vdekur.

Fluksi  Shtetet e Bashkuara i atribuohet rritjes  niveleve  infeksionit  shtetet e TeksasitIlinoitUiskonsitFloridës dhe Kalifornisësipas  dhënave  mbledhura nga Johns Hopkins.

India ka 7.4 milion raste dhe ka gjasa  t’ia kalojë  shpejti Shteteve  Bashkuarapasi numri i infeksioneve po rritet me shpejtësi.

Pjesë  Francës filluan zbatimin e kufizimeve  reja  shtunën  përpjekje për  frenuar koronavirusin Paris dhe  paktën shtatë qytete  tjerapërfshirë Lion, Grenoble, Aix-en-Provence, Montpellier, Lille, Rouen dhe Saint-Étienne do  ketë ndalim-qarkullim nga ora 9 deri  6  mëngjesit.

 Belgjikë do  vendoset ndalim-qarkullimi nga e hëna nga ora 12 natës  5  mëngjesit për  frenuar fluksin  rritje me raste  COVID-19. Përveç kësajBelgjika ka urdhëruar   gjitha kafenetëbaret dhe restorantet  mbyllen, duke filluar nga e hëna.

Rastet e përditshme  COVID-19 kanë arritur nivele rekord   gjithë botënveçanërisht  Evropë dhe kontinentin amerikantha Organizata Botërore e Shëndetësisë  Premten.

Drejtori i Përgjithshëm i OBSH- Tedros Adhanom Ghebreyesus tha gjatë një konference për shtyp  premten  Gjenevë se një numër rekord rastesh u raportuan  secilën prej katër ditëve  fundit.

Duhet  kemi parasysh se kjo është një pandemi e pabarabartë,” tha Ghebreyesus. “Vendet kanë reaguar ndryshe dhe vendet janë prekur ndryshePothuajse 70% e  gjitha rasteve  raportuara  shkallë globale javën e kaluar ishin nga 10 vendedhe pothuajse gjysma e  gjitha rasteve ishin nga vetëm tre vende.”

Maria Van Kerkhove e OBSH- u tha gazetarëve  Premten se 80% e vendeve  Evropës po përjetonin rritje  ndjeshme  rastet e COVID-19.

 Britani, ku Universiteti Johns Hopkins raportoi gati 19,000 raste  reja  premtenKryeministri Boris Johnson paralajmëroi se do ta detyronte Mançesterin e Madh  vendoste nivelin   rreptë  kufizimeve  koronavirusit  vendit pasi zyrtarët lokalë refuzuan  vendosnin kufizime  zonat me norma  larta infektimi.

Kancelarja gjermane Angela Merkel dhe guvernatorët e 16 shteteve  vendit kanë rënë dakord  vendosin një raund  ri kufizimesh  mbarë vendin pasi panë raste  reja rekord  COVID-19. Kufizimet përfshijnë mbylljen herët  bareve dhe restoranteve dhe kufizimin e numrit  njerëzve  lejohen  mblidhen  publik.

Merkel tha  Premten se një samit i planifikuar i Bashkimit Evropian mbi politikën e Kinës  bllokut 27-vendesh  Berlin muajin e ardhshëm ishte anuluar për shkak  pandemisë  ringjallur.

Italia raportoi  shumë se 10,000 infeksione  reja gjatë 24 orëve  fundit  premtennumri  i lartë ditor  nga fillimi i pandemisë  vend. Italia ka numrin e dytë   lartë  vdekjeve  Evropë pas Britanisë, duke raportuar  shumë se 36,400 vdekje  nga fillimi i pandemisë  shkurt.

voa

Apeli i Kancelares Merkel : „Ju lutem, qëndroni në shtëpi“

merkel-Pas rritjes së numrit të infektuarve me covid 19 në gjermani, kancelarja gjermane, Angela Merkel me anë të një video-apeli, i ka ftuar qytetarët e vendit të saj që të kenë shumë kujdes:

“Ne, tani jemi në një fazë shumë serioze të epidemisë, dita-ditës, numri i të infektuarve rritet në mënyrë rapide, më shpejt se sa në gjysmë vitin e parë.

Vera e relaksuar mbaroi, tani para nesh, i kemi muajt e vështirë. Se si do jetë dimri dhe krishtlindjet, kjo do të vendoset në ditët dhe javët në vijim“, 

„ Atë e vendosim Ne, të gjithë, nëpërmjet veprimeve tona.” tha kancellarja.

Çka do të thotë kjo:

“Ne, tani, duhet të bëjnë gjithçka, që virusi mos të përhapet pa kontroll. Tani, çdo ditë ka rëndësi të madhe. Të gjithë personat e kontaktuar nga njerëzit e infektuar, duhet të lajmërohen, me qëllim që të ndërpritet zinxhiri i përhapjes së virusit. “

“Çka mund të bëj unë dhe si mund të jap kontributin tim, që mos të kemi rritje të numrit të të infektuarve? Shumë edhe atë shumë thjeshtë:

Secili nga Ne, në mënyrë konsekuente të mbajmë distancën minimale, të mbajmë maska mbrojtëse të gojës dhe hundës dhe të respektojmë rregullat e higjienës. “

“Shkenca, e thotë qartë:

Përhapja e virusit, varet drejtpërdrejtë prej numrit të kontakteve, prej takimeve që secili prej nesh i realizon.” Nëse, secili prej nesh, për një kohë, i zvogëlon takimet jashtë familjare, atëherë mund të ndalojmë trendin e rritjes të numrit të infektuarve. Kjo edhe është apeli im:

“Takohuni me sa më pak njerëz, nuk ka rëndësi brenda apo jashtë shtëpisë,” 

“Ju lutem, kufizoni çdo udhëtim që nuk është esenciale dhe çdo festim që nuk është vërtet shumë i nevojshëm”.

 “Ju lutem, qëndroni në vendbanimin tuaj, në shtëpi, sa më shumë që të jetë e mundur, sa herë që të jetë e mundur”.

“Bëjeni këtë për shëndetin tuaj dhe të atyre që mund të shpëtojmë nga sëmundja. Për të siguruar që sistemi ynë shëndetësor nuk do kalojë në kolaps dhe që shkollat e kopshtet të qëndrojnë të hapura. Bëjeni për ekonominë tonë dhe për vendet e punës”.

“Duhet të bëjmë gjithçka për të siguruar që virusi nuk përhapet në mënyrë të pakontrolluar”, 

“Këta janë mjetet, të cilët për momentin, i kemi në dispozicion kundër pandemisë”, theksoi Merkel.

OBSH thotë se remdeziviri ka pak ose aspak efekt tek rastet e rënda me COVID-19

remdesevirOrganizata Botërore e Shëndetësisë (OBSH) njoftoi të premten se një provë me një kohëzgjatje gjashtë muaj e trajtimeve me COVID-19 gjeti “të dhëna bindëse” se remdeziviri, një ilaç që u përdor për të trajtuar Presidentin e Shteteve të Bashkuara, Donald Trump kur u sëmur, ka pak ose aspak efekt në rastet serioze të virusit.

OBSH, në një provë të kontrolluar me individë të ndarë në mënyrë të rastësishme në grupe që marrin trajtime të ndryshme dhe që e quajti më të madhen e këtij lloji për terapitë për COVID-19, testoi remdezivirin dhe tre ilaçe të tjera – hidroksiklorokuinën, lopinavir / ritonavirin dhe interferonin – si pjesë e hulumtimit të agjencisë për të përcaktuar nëse barnat ekzistuese mund të jenë efektive në trajtimin e COVID-19.

Në një konferencë për shtyp në selinë e OBSH-së në Gjenevë të premten, një zëdhënës i OBSH-së tha se rezultatet e studimit, i cili nuk është analizuar nga shkencëtarë të organizatave të tjera, “tregojnë se trajtimi me hidroksiklorokuinë, remdezivir, lopinavir / ritonavir dhe interferon duket se ka pak ose aspak efekt tek vdekshmëria në një cikël 28 ditor, ose kohëzgjatja e qëndrimit në spital për COVID-19 midis pacientëve të shtruar në spital. ”

OBSH tha se studimi, i cili mbuloi më shumë se 30 vende, shqyrtoi efektet e trajtimeve tek përqindja e përgjithshme e vdekshmërisë, nëse pacientët kanë nevojë për aparate për frymëmarrje dhe sa kohë pacientët kaluan duke u rikuperuar në spitale.

Studimet e mëparshme i kishin përjashtuar tre prej trajtimeve. Por gjetjet janë në kundërshtim me një provë klinike të remdezivirit nga Instituti Kombëtar i Shëndetit i Shteteve të Bashkuara në prill i cili tregoi se ilaçi përshpejtonte normat e rimëkëmbjes së njerëzve me raste të rënda të COVID-19.

Çmimi i aksioneve të kompanisë që prodhon remdezivirin, Gilead Sciences, Inc., filloi të binte ndërsa lajmet e studimit të OBSH-së u përhapën të premten.

Kompania lëshoi një deklaratë duke thënë se të dhënat dukeshin të kontradiktore, përfundimet ishin të parakohshme dhe iu referuan studimeve të tjera, të tilla si ai nga Instituti Amerikan i Shëndetit, i cili kishte vërtetuar përfitimet e ilaçit. Remdezivir ishte një nga ilaçet e përdorura për të trajtuar Presidentin e SHBA Donald Trump kur u prek nga COVID-19 në fillim të këtij muaji.

voa

Një kompani gjermane gati të paraqesë teste të shpejta për antigjenet e COVID-19

r-biopharmKompania R-Biopharm AG që ofron shërbime diagnostikimi klinik tha të enjten (8 tetor)  se po planifikon të paraqesë testet e shpejta për të diktuar antigjenin për koronavirusin që në fillim të këtij muaji. R-Biopharm AG bëhet kështu kompania e parë gjermane bioteknologjike e përmasave të mesme që zhvillon një provë të tillë.

Synimi i provës është që të bëhet një test që njerëzit duhet ta bëjnë vetë. Është e lehtë për t’u përdorur dhe kushton rreth 5-10 euro. Testi ofron një rezultat të besueshëm brenda 20 minutash dhe mund të përdoret direkt në të ashtuquajturat ‘Pika Kujdesi’, siç shpjegoi zyrtari kryesor për shkencën në kompani, Peter Schubert.

“Shumë njerëz do të donin të bënin një test, para se të vizitonin të afërmit e tyre në një spital ose në një azil për të moshuar. Ose kur të kthehen nga një udhëtim pune,” thotë ai.

Është i lehtë për t’u përdorur dhe sipas kompanisë një nga më të besuarit në treg. Një studim që po bëhet aktualisht, nuk e ka verifikuar ende se sa praktik është testi.

“Unë mendoj se është ideale ta përdorësh këtë test përveç atij laboratorik sepse ke një reduktim të ndjeshëm të kohës së pritjes. Dhe kjo është vetëm për të provuar nëse dikush mund ta transmetojë virusin, jo nëse është pozitiv “, thotë dr. Schubert.

Një tampon gryke ose hunde, futet në një lëndë të veçantë të lëngshme, dhe pas një periudhe inkubimi, tregon një rezultat pozitiv ose negativ të ngjashëm me testet e shtatzënisë.

Dr. Schubert thotë se testi i shpejtë i antigjenit i kompanisë R-Biopharm nuk është ai përfundimtari që duan njerëzit të kenë në shtëpi, por është një hap më pranë tij. Sidoqoftë, ai paralajmëron se sfida kryesore përpara do të ishte të shtohet prodhimi në përmasat e nevojshme.

“Nuk është aspak e rëndësishme nëse furnizimi vjen nga Kina apo Gjermania. Askush nuk është i përgatitur për ato sasi. Dhe ndonjëherë e vetmja gjë që pengon është një vidë plastike shumë e vogël për testin. Ndodh që mungesa e një pjesëze fare të vogël në një makineri, të pengojë prodhimin”, thotë Dr. Schubert.

voa

Pfizer, kërkesa për miratimin e vaksinës nga SHBA, pas zgjedhjeve

PfizerKompania farmaceutike amerikane Pfizer njoftoi të premten se në fund të nëntorit mund të paraqesë kërkesën pranë autoriteteve amerikane për përdorimin e vaksinës kundër COVID-19, për të cilën po punon së bashku me kompaninë gjermane BioTech.

Pfizer tha se mund njoftojë nëse vaksina do të jetë e sigurt deri në fund të këtij muaji, bazuar në provat klinike me 40,000 persona, por shtoi se ka nevojë për të dhëna të sigurta të cilat nuk do të jenë në dispozicion deri në nëntor.

“Më lejoni të jem i qartë, duke supozuar se kemi të dhëna pozitive, Pfizer-i do të aplikojë për të kërkuar autorizim për përdorim urgjent të vaksinës në SHBA menjëherë pasi të arrihet niveli i sigurisë, në javën e tretë të nëntorit”, shkruante shefi Ekzekutiv i Pfizer-it Albert Bourla.

Presidenti Trump ka thënë në mënyrë të përsëritur se vaksina kundër COVID-19 do të ishte në dispozicion para zgjedhjeve, ndryshe nga pohimet e ekspertëve të shëndetësisë. Mundësia e vonesave të mëtejshme në prodhimin e vaksinave u rrit pas pezullimit pak kohë më parë të provave klinike për dy vaksina rivale. Njoftimi i firmës Pfizer e bën praktikisht të pamundur prodhimin e një vaksine para zgjedhjeve të nëntorit.

Komentet e presidentit për nxjerrjen në treg të vaksinës kanë krijuar shqetësime se Administrata Amerikane e Ushqimit dhe Barnave, e ndodhur nën presion, mund të nxitojë dhe të mos kryejë procesin e duhur të kontrollit për dhënien e autorizimit për vaksinën.

Zyrtarët amerikanë të shëndetësisë janë përpjekur të zbusin shqetësimet nga frika se shumë amerikanë mund të mos pranonin ta bënin atë. Në fillim të këtij muaji, Administrata Amerikane e Ushqimit dhe Barnave u kërkoi zyrtarisht prodhuesve të vaksinave që të sigurojnë dy muaj të dhëna lidhur me sigurinë e vaksinës për gjysmën e pjesëmarrësve në prova klinike.

voa

Kompania “Eli Lilly” ndërpret provat klinike për ilaçin kundër COVID-19

Labor testimeKompania me bazë në Shtetet e Bashkuara, “Eli Lilly” njoftoi të martën se prova klinike e ilaçit të saj antiviral kundër koronavirusit ishte ndërprerë nga ekspertë të pavarur “si një masë shtesë kujdesi”, por nuk dha hollësi të tjera.

Ilaçi, të cilën “Eli Lilly” po prodhon me firmën bioteknike me bazë në Kanada “AbCellera”, është pjesë e një klase trajtimesh të njohura si antitrupa monoklonalë, që veprojnë si qeliza imune që shkencëtarët shpresojnë se mund të luftojnë virusin. Terapia me antitrupa është e ngjashme me atë që iu dha Presidentit të Shteteve të Bashkuara, Donald Trump pasi ai doli pozitiv me COVID-19 në fillim të këtij muaji.

Studimi, i cili nisi në gusht, kishte për qëllim të regjistronte 10 mijë pacientë vullnetarë me koronavirus të shtruar në spitalet në Shtetet e Bashkuara.

“Eli Lilly ” kishte paraqitur kërkesë në Administratën Amerikane të Ushqimit dhe Ilaçeve që ilaçi i saj të autorizohej me urgjencë për t’u përdorur për raste të lehta dhe të moderuara të infeksioneve me COVID-19, bazuar në rezultatet paraprake të një prove tjetër klinike të kryer më parë.

Një ditë para ndërprerjes së provave nga “Eli Lilly”, një kompani tjetër farmaceutike amerikane, “Johnson & Johnson” ndërpreu provat klinike të fazës së tretë të vaksinës së saj eksperimentale, pasi një pjesëmarrës u diagnostikua me një sëmundje të pashpjegueshme.

“Johnson & Johnson” sapo kishte nisur një provë në shkallë të gjerë të vaksinës së saj me një dozë të vetme që përfshinte 60,000 vullnetarë në më shumë se 200 zona në Shtetet e Bashkuara dhe vende të tjera të botës, duke përfshirë Argjentinën, Brazilin, Kilin, Meksikën dhe Afrikën e Jugut.

Prova klinike e vaksinës nga “Johnson & Johnson” është e dyta që ndërpritet për shkak të sëmundjes së një prej vullnetarëve.

Një kompani tjetër në Shtetet e Bashkuara, që po prodhon vaksinë kundër kovidit, “AstraZeneca”, që bashkëpunon me Universitetin e Oksfordit, ndërpreu në fillim të muajit të kaluar provat që ishin në fazën e tretë, pasi një vullnetar në Britani u diagnostikua me mielit tërthor, një sindromë inflamatore që prek palcën kurrizore dhe shpesh shkaktohet nga infeksione virale.

Provat kanë rifilluar në Britani, Brazil, Indi dhe Afrikën e Jugut, por ende jo në Shtetet e Bashkuara.

Banka Botërore tha të martën se ka miratuar një paketë prej 12 miliardë dollarësh për vendet në zhvillim për të blerë dhe shpërndarë vaksinat, testet dhe trajtimet për Covid-19.

Ndërkohë, gazetat New York Times dhe Washington Post thonë se administrata e Presidentit Trump ka përqafuar strategjinë e imunitetit të popullatës në masë, si mjet për të ndalur pandeminë e Covid-19.

Imuniteti në masë ndodh kur një popullatë është e mbrojtur nga një virus sepse është arritur një shkallë e gjëre imuniteti në shoqëri.

Gazetat thonë se zyrtarë të lartë të administratës, që nuk pranuan të identifikohen,u thanë gazetarëve të hënën se ata janë duke studiuar një strategji për të lejuar përhapjen e koronavirusit midis të rinjve të shëndetshëm, ndërsa mbrojnë të moshuarit dhe grupet e tjera të rrezikuara, në mënyrë që të mbajnë ekonominë e vendit në gjendje të mirë.

Zyrtarët cituan një peticion të titulluar “Deklarata e Madhe e Barringtonit” e postuar në internet më 4 tetor, që argumenton kundër masave kufizuese dhe injoron udhëzimet aktuale shkencore për frenimin e përhapjes së Covid-19, duke përfshirë përdorimin e maskave dhe distancimin fizik.

Peticioni thotë se strategjia, e quajtur “Mbrojtja e Përqendruar”, është “mënyra më e dhembshur që balancon rreziqet dhe përfitimet e arritjes së imunitetit të popullatës”. Autorët kryesorë të deklaratës përfshijnë Dr. Scott Atlas, një neurolog i cili është shfaqur si një nga këshilltarët kryesorë të Presidentit Trump për pandeminë.

Mbështetja eimunitetit në masë nga administrata e Presidentit Trump bie ndesh me një qëndrim të Organizatës Botërore të Shëndetësisë, e cila e quan strategjinë jo-etike.

Dr. Tedros Adhanom Ghebreyesus, drejtori i përgjithshëm i OBSH-së, u tha gazetarëve të hënën në Gjenevë se zyrtarët shëndetësorë duhet të përpiqen të arrijnë imunitet vetëm përmes vaksinimit, jo përmes ekspozimit të njerëzve ndaj virusit.

Autoritetet shëndetësore në Holandë thanë të martën se një grua 89-vjeçare është rasti i parë i njohur i dikujt që vdiq pasi u infektua me Covid-19 për herë të dytë. Studiuesit e pranojnë se sistemi imunitar i gruas ishte dobësuar nga trajtimi që ajo mori nga një formë e rrallë e kancerit të kockave.

Vdekja e holandezes 89 vjeçare përkon me një studim të ri që sugjeron se një person i infektuar me Covid-19 është ende i pambrojtur nga sëmundja. Një raport i botuar të hënën në revistën mjekësore “The Lancet” zbuloi se një 25-vjeçar në Nevada (shteti perëndimor i SHBA), i cili për herë të parë doli pozitiv me Covid-19 në prill, u infektua për herë të dytë në qershor me simptoma më të rënda që çuan në nevojën për t’i dhënë atij oksigjen.

Studiuesit thonë se ai ishte infektuar me dy lloje të ndryshme të koronavirusit të ri, por nuk ishin të sigurt pse infeksioni i dytë ishte më i rëndë. Ai mund të ketë qenë i ekspozuar ndaj një doze më të lartë të virusit herën e dytë, ose lloji i mëvonshëm ishte më virulent (i fortë) se i pari.

voa

Ndërpritet testimi i vaksinës nga kompania Johnson & Johnson

Labor testGjigandi i farmaceutikës, Johnson & Johnson, ndërpreu testimin e fazës së fundit të vaksinës për COVID-19, pasi një prej pjesëmarrësve u diagnostikua me një sëmundje të pashpjegueshme.

Ndërprerja u raportua fillimisht nga faqja në internet Stat, e cila kishte marrë një dokument që kompania ua kishte dërguar ekspertëve të jashtëm.

Kompania Johnson & Johnson sapo e kishte filluar testimin në shkallë të gjerë të vaksinës së saj eksperimentale me një dozë të vetme. Në testim u përfshinë 60 mijë vullnetarë nga mbi 200 vendndodhje në Shtetet e Bashkuara dhe në vende të tjera, si Argjentinë, Brazil, Kili, Meksikë dhe Afrikë e Jugut.

Kompania tha në një deklaratë se të ashtuquajturat “zhvillime jo të favorshme”, si sëmundjet dhe aksidentet janë pjesë e pritshme e një studimi klinik, në veçanti kur përfshin një numër kaq të madh pjesëmarrësish. Kompania gjithashtu tha se ndërprerja është e llojit studimor dhe jo një ndërprerje klinike që vendoset nga një agjensi zyrtare e shëndetësisë.

Duke qenë se jepet me një dozë të vetme, vaksina e kompanisë Johnson & Johnson ka avantazhe domethënëse mbi tre vaksinat e tjera potenciale, për të cilat do të duhen dy doza. Vaksina me një dozë gjithashtu nuk do të duhet të ruhet në temperatura shumë të ulëta, duke e bërë kështu më të lehtë përdorimin e saj në një fushatë imunizimi masiv.

Testimi i vaksinës së kompanisë Johnson & Johnson është e dyta që vendoset në pauzë pasi një vullnetar u sëmur pas marrjes së vaksinën. Edhe kompania farmaceutike me seli në Shtetet e Bashkuara, AstraZeneca, ndali testimin e saj të fazës së fundit të një vaksine të zhvilluar në bashkëpunim me Universitetin e Oksfordit muajin e kaluar, pasi një vullnetar në Britani u diagnostikua me “mielit transvers”, një sindromë inflamatore që prek shtyllën kurrizore dhe që shkaktohet shpesh prej infeksioneve virale.

AstraZeneca e ka rifilluar testimin e vaksinës në Britani, Brazil, Indi dhe Afrikë të Jugut, por jo në Shtetet e Bashkuara.

Ndërkohë, një studim i ri sugjeron se një person që e ka kaluar COVID-19 mund të preket sërisht nga sëmundja. Një raport i publikuar të hënën nga revista mjekësore Lancet për sëmundjet ngjitëse zbulon se një 25-vjeçar në shtetin amerikan Nevada, u testua fillimisht pozitiv me COVID-19 në muajin prill, si dhe për të dytën herë në qershor, me simptoma edhe më të rënda, për shkak të të cilave u vendos në oksigjen.

Studiuesit thonë se ai u infektua nga dy variante të ndryshme të koronavirusit, por mjekët nuk janë të sigurtë se përse infektimi i dytë ishte më i rëndë. Ai mund të jetë ekspozuar me një dozë më të madhe të virusit, ose ndoshta varianti i dytë ishte me i rëndë se i pari.

Ky është rasti i parë i konfirmuar i ri-infektimit me COVID-19 në Shtetet e Bashkuara, dhe vetëm i pesti në botë, pas rasteve të mëparshme në Belgjikë, Holandë, Hong Kong dhe Ekuador. Studiuesit thonë se këto ri-infektime sugjerojnë se ekspozimi i mëparshëm ndaj koronavirusit “nuk përkthehet detyrimisht në një imunitet të plotë të garantuar”.

Studimi i revistës Lancet duket se mbështet një paralajmërim të Organizatës Botërore të Shëndetësisë kundër strategjisë së imunitetit në masë për të ndalur pandeminë e koronavirusit, një strategji e cilësuar si joetike nga OBSH-ja.

Në një seancë informimi të hënën në Gjenevë, Drejtori i Përgjithshëm i OBSH-së, Tedros Adhanom Ghebreyesus, tha se zyrtarët e shëndetësisë duhet të përpiqen të arrijnë imunitetin vetëm nëpërmjet vaksinimit, dhe jo nëpërmjet ekspozimit të njerëzve ndaj virusit.

Imuniteti në masë krijohet kur një popullsi është e mbrojtur nga virusi pasi gati të gjithë individët kanë krijuar një imunitet minimal.

“Asnjëherë në historinë e shëndetit publik nuk është përdorur imuniteti në masë si një strategji reagimi ndaj një përhapjeje, dhe jo më ndaj një pandemie. Është problematike nga pikëpamje shkencore dhe etike”, tha Dr. Tedros.

OBSH-ja vlerëson se rreth 10% e popullsisë së botës është prekur nga koronavirusi. Nuk dihet ende se çfarë përqindjeje infeksioni nevojitet për të arritur imunitetin në masë.

Zoti Tedros vuri në dukje se për t’u arritur imuniteti në masë nga fruthi, u vaksinua rreth 95% e popullsisë, ndërsa për polion, pragu ishte rreth 80%.

voa