Kategoritë: Shëndeti

Viruset që prekën botën gjatë 2016

virusetTani do t’i hedhin një vështrim tre viruseve që gjatë vitit 2016, shkaktuan tek foshnjet deformime e vdekje, si dhe sollën zhgënjime: Zika, Poliomeliti dhe virusi HIV. Në vazhdim ju njohim me mikrobet që shkaktuan panik në mbarë botën, zbulimet shkencore dhe përparimin e arritur në luftën kundër tyre.

Zika është një sëmundje kaq e fshehtë, saqë shumica e njerëzve nuk e dinë që janë të infektuar me të. Por gjatë dy viteve të fundit, shtimi i numrit të foshnjeve të lindura me kokë shumë të vogël i tregoi botës për rrezikun nga Zika.

Virusi u zbulua në Ugandë më shumë se 60 vjet më parë. Kohët e fundit u shfaq në Brazil, duke kaluar në Florida e ndoshta edhe Teksasi. Dr. Anthony Costello i Organizatës Botërore të Shëndetësisë thotë se edhe vetëm një fëmijë i prekur virusit ka ndikim të madh tek komuniteti dhe aftësitë e familjes për t’u përballur me situatën.

“Është problem i shëndetit publik dhe shqetësim i madh për mbarë botën. Gjatë dy viteve të fundit, Zika është shfaqur në 69 vende. Është një virus që shkakton dëmtim të trurit dhe paaftësi të përhershme, një goditje e madhe për familjet.”

Aktualisht, e vetmja këshillë është që grate të mos shkojnë në zonat ku po përhapet virusi, për të mënjanuar pickimin nga mushkonjat, apo të vonojnë shtatëzaninë. Deri në vitin 2018 pritet të dalë një vaksinë kundër Zikës.

Në Nigeri, virusi i poliomelitit u rishfaq në pjesën verirore vendit, të shkatërruar nga dhuna, ku vaksinimi i fëmijëve është i vështirë. Tre fëmijë u diagnostikuan me poliomelit, pikërisht atëherë kur mendohej se Nigeria ishte pranë zhdukjes së kësaj sëmundjeje.

Ky virus po ashtu ekziston në një tjetër zonë konflikti, përgjatë kufirit afgano-pakistanez. Ata që po luftojnë virusin thonë se janë të përkushtuar për eliminimin e tij. Rastet me poliomelit kanë rënë me rreth 99 përqind që nga viti 1988: nga 350 mijë raste atëherë, në më pak se 40 raste në vitin 2016.

Në fillim të dhjetorit, Instituti Kombëtar i Shëndetit njoftoi fillimin e provës së një vaksine esperimentale kundër virusit që shkakton SIDË-n..

“Nuk do të jetë e lehtë të kemi një vaksine kundër virusit HIV.”

Dr. Anthony Fauci i cilësoi spektakolare përparimet në trajtimin e SIDË-s.

“Sot, kombinimet e trajtimeve për individët e prekur nga virusi mund t’ja shtojnë atij jetën me 50 vjet. Ky është një nga përparimet më të jashtëzakonshme në fushën e mjekësisë.”- tha doktori.

Zbulimi i një vaksine të efektshme, do të sillte fundin e një virusi që ka prekur 70 milionë njerëz dhe u ka marrë jetët 35 milionë të tjerëve gjatë 50 viteve të fundit. (voa)

Bie përdorimi i drogës mes adoleshentëve amerikanë

drogaSipas një sondazhi të publikuar rishtazi, adoleshentët amerikanë po përdorin më pak drogë të ndaluar dhe më pak alkool.

Rezultatet e sondazhit trejojnë një rënie afatgjatë dhe të vazhdueshme të përdorimit të shumë substancave të paligjshme, përfshi marijuanën, alkoolin, duhanin dhe disa barna me recetë.

Anketa vjetore “Monitorimi i së Ardhmes”, financohet nga Instituti Kombëtar kundër Abuzimin me Drogën, pjesë e Institutit Kombëtar të Shëndetësisë, që mori në pyetje nxënës të klasës së tetë, dhjetë dhe 12.

Për nxënësit e klasës së tetë, anketa zbuloi se ata kanë nivelin më të ulët të përdorimit të drogës në historinë e kësaj ankete.

Me përjashtim të marijuanës, përdorimi i drogës është ulur për të gjitha moshat e analizuara nga ky sondazh.

Për nxënësit e klasës së tetë, anketa zbuloi se përdorimi i marijuanës ra ndjeshëm në vitin 2016, me 5.4 përqind që e kanë përdorur atë gjatë muajit të kaluar krahasuar me 6.5 përqind në vitin 2015. Përdorimi ditor ka rënë gjithashtu nga 1.1 përqind në 0.7 përqind.

22.5 përqind e nxënësve të klasës së 12 njoftuan përdorimin mujor të marijuanës dhe gjashtë përqind njoftuan përdorimin ditor të saj. Këto shifra janë të ngjashme me ato në vitin 2015. Përdorimi i marijuanës mes nxënësve të klasës së 10 mbeti gjithashtu i pandryshuar.

“Është e qartë se përpjekjet tona parandaluese, si dhe ndryshimet e politikave për të pakësuar qasjen ndaj tyre, janë duke vepruar për të reduktuar përdorimin e drogës nga adoleshentët, veçanërisht në mesin e nxënësve të klasës së tetë,” tha Nora Volkow, drejtoreshë e Institutit Kombëtar për Abuzimin e Drogës. “Megjithatë, kur gjashtë përqind e maturantëve të shkollave të mesme janë duke përdorur marijuanë çdo ditë, dhe droga sintetike të reja janë vazhdimisht duke hyrë ilegalisht në treg, nuk mund të vetëkënaqemi. Ne gjithashtu duhet të mësojnë më shumë rreth asaj se si adoleshentët ndërveprojnë me njëri-tjetrin në këtë epokë të mediave sociale, dhe si këto sjellje ndikojnë në shkallën e përdorimit të substancave. ”

Me marihuanë gjithnjë e më të ligjshme në Shtetet e Bashkuara, studimi gjeti se 38.3 përqind e nxënësve të klasës së 12 në shtetet ku lejohet përdorimi i marijuanës mjekësore, kanë përdorur marijuanë vitin e kaluar. Kjo ishte pesë përqind më e lartë se në shtetet që nuk e kanë legalizuar përdorimin e marijuanës.

Përdorimi i cigareve pa një rënie të madhe në të gjitha këto tre kategori. Në vitin 1991, 10.7 përqind e nxënësve të shkollave të mesme thanë se pinin një gjysmë paketë cigare në ditë ose më shumë. Ky numër është 1.8 përqind në 2016.

Sipas studimit, përdorimi i alkoolit në mesin e adoleshentëve gjithashtu ra. Por 37.3 përqind e nxënësve të klasës së 12-të thonë se janë dehur gjatë vitit të kaluar. Kjo shifër është më e ulët nga 53.2 përqind në vitin 2001.

Pavarësisht krizës së vazhdueshme së drogës që ka kapur miliona amerikanë, përdorimi i tyre tek adoleshentët është në rënie. Për klasën e 12-të, ka pasur një rënie 45 për qind në numrin e përdoruesve nga pesë vjet më parë, me 2.9 përqind të maturantëve që thonë se kanë përdorur Vicodin gjatë vitit të kaluar, nga 10 përqind 10 vjet më parë.

“Është inkurajuese të shohësh se gjithnjë e më shumë të rinj bëjnë zgjedhje të shëndetshme duke mos përdorur substanca të paligjshme,” tha Drejtori i Politikave Kombëtare të Kontrollit të Barnave Michael Botticelli. “Ne duhet të vazhdojmë të bëjmë gjithçka që mundemi për të mbështetur të rinjtë përmes përpjekjeve parandaluese të bazuara në dëshmi, si dhe trajtimet për ata që mund të zhvillojnë çrregullime nga përdorimi i drogave. Tani që Kongresi plotësoi kërkesën e presidentit për të siguruar 1 miliard dollar financime të reja për parandalimin dhe trajtimin e drogave, ne do të kemi burime të reja të konsiderueshme për ta bërë këtë. ” (voa)

Ekspozita “Mineralet në Mjekësi”

mineraletMineralet janë elemente thelbësore për shëndetin e trupit të njeriut. Ato janë përbërës të ilaçeve të rëndësishme dhe përdoren si burime ose komponente të pajisjeve të sofistikuara mjekësore. Qendra Klinike e Institutit Kombëtar të Shëndetësisë në Uashington ka hapur një ekspozitë të veçantë për të nxjerrë në pah rolin e tyre të rëndësishëm.

Mineralet ekspozuara në Qendrën Klinike të Institutit Kombëtar të Shëndetësisë duken si gurë të çmuar në dyqanet e bizhuterive. Por ekspozita me titull “Mineralet në Mjekësi” shpjegon se si substancat që mund të nxirren nga toka luajnë rol të rëndësishëm në shëndetin e njeriut, ilaçet dhe trajtimet mjekësore.

“Secili mineral ka një rol të ndryshëm. Disa janë tepër të rëndësishëm, si antibiotikët ose argjendi. Të tjerët janë të rëndësishëm sepse ndihmojnë në trnasferimin e proteinave të caktuara, si për shembull bakri. Fluori është i rëndësishëm për shëndetin e dhëmbëve. Pra, ato kanë funksione të ndryshme dhe për këtë arsye janë kaq të rëndësishme,” thotë John Gallin, drejtor i Qendrës Klinike.

Drejtori i Qendrës Klinike thotë se këto minerale janë gjithashtu komponentë të rëndësishëm në disa nga pajisjet më të sofistikuara mjekësore të përdorura në spitale në të gjithë botën.

“Për shembull berili, një kristal i bukur, është shumë i rëndësishëm në pajisjet tona të kontrollit dhe diagnostikimit si radiografia e kompjuterizuar apo mamografia”.

Les Folio, radiolog në Institutit Kombëtar të Shëndetit thekson rëndësinë e mineraleve të tjera si kuarci, të cilat janë gjithashtu komponente kritike për pajisjet mjekësore.

“Këto imazhe të radiografisë së kompjuterizuar tani na ofrojnë informacion tre-dimensional. Ju mund të shihni mushkëritë dhe organet e brendshme. Këto zona të gjelbra janë nyjet limfatike nga metastazat e kancerit. Radiografia i kap shumë mirë këto probleme falë mineraleve të paraqitura në ekspozitë”.

Gipsi, i nxjerrë kryesisht në Spanjë, ka qenë prej kohësh një element thelbësor në stomatologji.

“Gipsi, në këtë rast përdoret për të krijuar derdhjen e formës së nofullave dhe dhëmbëve të pacientit për qëllim diagnostikimi.”

Dyzet mineralet e paraqitura në ekspozitë janë huazuar nga Muzeu Kombëtar i Historisë Natyrore i Institutit Smithsonian. “Mineralet në Mjekësi” është pjesë e ekspozitave të vazhdueshme të artit në qendrën klinike të Insitutit Kombëtar të Shëndetësisë.

“Ndikimi i artit mbi shëndetin është shumë intrigues dhe ndoshta shumë i rëndësishëm. Arti mund të jetë pikturë, muzikë, apo gjëra të tilla si kristalet dhe mineralet që i bën njerëzit të buzëqeshin dhe të ndjehen më mirë.”

Zoti Gallin shpreson se vizitorët do të fillojnë të vlerësojnë rolin kritik që mineralet kanë në shëndetin dhe mirëqenien e tyre. (voa)

Fundi i sëmundjes së Sidës? Eksperimentohet një vaksinë e re

sidaPrej tre dekadash çdo 1 dhjetor dëgjojmë raste tragjike të njerëzve të prekur nga sëmundja e Sidës. Virusi ka vrarë me dhjetra milionë njerëz në mbarë botën, pjesa më e madhe e të cilëve të rinj, duke lënë jetim me miliona fëmijë. Por tashmë në prag të ditës botërore të luftës ndaj virusit HIV, vijnë lajme shprese. Në Afrikën e Jugut, një nga vendet me një shkallë të lartë prekje nga sëmundja, po eksperimentohet vaksina që mban nën kontroll virusin.

Prej ditës së parë botërore kundër Sidës në vitin 1988, ka patur shumë zhvillimeve. Vendet ku çështja konsiderohej tabu tashmë ofrojnë testim dhe trajtim. Nënat bartëse të virusit mund të kenë fëmijë të shëndetshëm dhe mund të jetojnë për t’i rritur ata. Ilaçet e mbajnë virusin nën kontroll dhe nuk e lënë të përhapet. Tashmë mjekët po flasin për një kurë ndaj sëmundjes.

Kërkuesit e fushës po testojnë një vaksinë tek mijëra vullnetarëve në Afrikën e Jugut, një proçes që sapo kanë ka nisur.

Ata po përdorin sistemin imunitar të vetë trupit për të mbajtur virusin nën kontroll. Një studim i zhvilluar nga universiteti i Pensilvanisë tregon se kjo është e mundur.

Ne injektojmë antitrupa tek pacientët, për të parë nëse ato mund të kontrollojnë virusin HIV, ta qetësojnë dhe të parandalojnë rikthimin kur ne e ndalojmë terapinë anti-retrovirale”, shpjegon doktor Pablo Tebas i Universitetit të Pensilvanisë.

Kontrollimi i virusit HIV me antitrupa është i ngjashëm me teknikën e imunoterapisë që zhvillohet për kancerin, duke përdorur proteina për të sulmuar qelizat kancerogjene. Virusi i HIV-it fshihet në qeliza. Nëse pacienti ndalon marrjen e ilaçeve kundër Sidës, virusi rikthehet.

Ajo çfarë po bëhet në onkologji dhe në terapinë ndaj kancerit, është përpjekja për të forcuar sistemin imunitar me qëllim eleminimin e qelizave kancerogjene. Problemi për të eleminuar virusin e fshehur HIV është i ngjashëm. Duhet të eleminosh qelizat që strehojnë virusin duke e bërë sistemin më aktiv në gjetjen dhe eleminimine tyre”, thotë doktor Pablo Tebas.

Kërkuesit dolën në përfundimin se antitrupat e ndrydhin virusin HIV për 21 ditë. Qëllimi është të gjendet një kombinim i antitrupave që mund të bëjë këtë për 6 muaj deri në 1 vit. Atëherë njerëzit e infektuar me HIV nuk kanë nevojë të marrin ilacë çdo ditë të jetës së tyre. Një tjetër test ku do të përdoren antitrupa do të nisë pas dy muajsh. (voa)

Diagnostikimi i sëmundjeve të rralla me sistemin “Watson”

sistemi-watson-ibmSistemi kompjuterik Watson i kompanisë IBM, po përdoret tani në projekte të ndryshme, në shëndetësi, arsim dhe për krijimin e recetave të reja. Së shpejti, sistemi Watson do të përdoret për të ndihmuar mjekët të diagnostikojnë sëmundje të rralla. Watson është në gjendje të analizojë me shpejtësi sasi të mëdha të dhënash dhe mund t’u përgjigjet pyetjeve të ndërlikuara.

Në vitin 2008 inxhinierët e kompanisë IBM ndërtuan një sistem kompjuterik të bazuar në aftësinë e përpunimit të dhënave ashtu si njeriu, që mund të kuptojë pyetjet me zë. Në shkurt të vitit 2010, sistemi i quajtur Watson filloi t’ua kalonte njerëzve në emisionin televiziv popullor të testimit të njohurive, Jeopardy. Por, Watson nuk është ndërtuar për t’u përdorur vetëm si një risi televizive.

“Ne presim që në vitin 2020, njohuritë në fushën e mjekësisië të dyfishohen çdo tre muaj. Pra, nëse duam ta përdorim këtë përmirësim të madh të njohurive mjekësore ne do të kemi nevojë për programe kompjuterike që do të mund t’i përpunonin njohuritë e reja.”

Qendra për Sëmundjet e Padiagnostikuara dhe të Rralla, në Spitalin Universitar të qytetit gjerman Marburg merret me studimin e më shumë se 8 mijë sëmundjeve të rralla. Shumica e tyre përfshijnë mutacione të gjeneve, ku nganjëherë vetëm një ndryshim tepër i vogël mund të çojë në gjetjen e një kure.

Njerëzit kanë rreth 20 mijë gjene, kështu që analizimi i shpejtë gjenomeve, krahasimi i të dhënave të tyre me historinë shëndetësore të pacientit, përpunimi i rezultateve të testeve laboratorike dhe i të dhënave mjekësore është detyrë e përkryer për sistemin Watson.

“Ajo që ne shpresojmë të arrijmë nga përdorimi i sistemit Watson është së pari, shfrytëzimi i aftësive të tij për të përpunuar të dhënat në gjuhë të natyrshme për të nxjerrë të gjithë informacionin e nevojshëm dhe simptomat kryesore nga historia e pacientit. Ne do të dëshironim që Watson të na tregonte simptomat kryesore dhe të nxjerrë rezultatet. Dhe në fund, duam që Watson të krijojë një listë të diagnozave bazuar në këto të dhëna.”

Në një projekt pilot një-vjeçar, inxhinierët e kompanisë IBM dhe shkencëtarë nga Spitali i Marburgut kanë në plan të ndërtojnë një sistem të bazuar në sistemin “cloud” të ruajtjes së të dhënave, i cili do të ndihmonte mjekët në mbarë botën t’i kuptojnë dhe diagnostikojnë sëmundjet e rralla që shumë prej tyre nuk i kanë ndeshur më parë. (voa)

Raport i ri: Mjekimet kundër HIV dhe lufta kundër SIDA-s

barnaNdërkohë që afron Dita Botërore e SIDA-s më 1 dhjetor, një raport i ri arrin në përfundimin se një numër rekord njerëzish të infektuar me virusin HIV po mjekohen me ilaçe që u shpëtojnë jetën. Kjo ka rezultuar në uljen e numrit të vdekjeve nga SIDA dhe komplikimet që sjell kjo sëmundje.

Raporti thotë se rreth 1 milion vetë gjetën vdekjen nga komplikime të shkaktuara nga SIDA vjet, krahasuar me dy herë më shumë që vdiqën një dekadë më parë. Agjencia e OKB-së për SIDA-n thotë se ky përmirësim është rezultat i mjekimeve që po marrin 18.2 milionë vetë të infektuar me HIV. Agjencia parashikon që të arrijë objektivin e saj për të mjekuar 30 milionë vetë me këto ilaçe brenda 2020.

Peter Ghys, drejtor i departamentit të informimit pranë Agjencisë së OKB për SIDA-n thotë për Zërin e Amerikës se epidemia mund të mposhtet nëse bëhen investimet e nevojshme për të shtuar shkallën e mjekimeve për pacientët e infektuar me HIV:

“Sipas përllogaritjeve tona, nëse sigurohen fondet brenda 2020, ne mund t’i japim fund epidemisë së SIDA-s brenda 2030. Por pa fonde ky objektiv është pothuajse i paarritshëm,” thotë zoti Ghys.

Aktualisht, agjencia ka 19 miliardë dollarë për të luftuar sëmundjen e SIDA-s dhe HIV-in. Sipas përllogaritjeve të OKB-së, nevojiten 26 miliardë dollarë për shtatë vjetët e ardhshëm për ta zhdukur epideminë brenda 2030.

Si në vitet e kaluara, Afrika Nënsahariane mbetet rajoni me ritmet më të larta të infektimeve me HIV-SIDA. Zoti Ghys thotë se vajza të reja në moshën e pjekurisë, janë në rrezik të madh infektimi. Kjo grup-moshë, shpjegon zyrtari i OKB-së shfaq rimet më të larta të infektimit dhe në shumë raste këto vajza nuk e dinë që janë të infektuara dhe nuk kërkojnë mjekim.

Sipas raportit në botë ka aktualisht 37 milionë vetë me HIV. Vetëm në 2015 pati 2.1 infektime të reja. Një arritje e rendësishme është rënia e infektimeve ndër fëmijë në masën 50% krahasuar me 2010. (voa)

Përhapja e bakterieve rezistente ndaj ilaçeve

bakterietBakteriet rezistente ndaj ilaçeve po shfaqen në pothuajse çdo spital. Pas dekadave të përdorimit intensivë të antibiotikëve, disa lloj bakteriesh u ndryshuan duke u bërë rezistente ndaj barnave të përdorura për t’i luftuar. Të paktën një bakterie ka krijuar rezistencë ndaj të gjitha llojeve të antibiotikëve. Shkencëtarët në Britani dhe pjesë të tjera të botës janë duke u përpjekur për të zhvilluar metoda për mbrojtjen e pacientëve nga infeksionet që janë rezistente ndaj ilaçeve.

Në një spital në Andover të Anglisë, teknikët po izolojnë një dhomë për ta pastruar me avull peroksid hidrogjeni.

Por kjo substancë e zakonshme pastrimi mund të mos jetë e efektshme ndaj të gjitha bakterieve të dëmshme, që janë gjithmonë prezente në spitale.

Rreziku vjen nga të ashtuquajturat “biofilme” koloni komplekse mikro-organizmash që përdorin metota të sofistikuara për të zhvilluar rezistencë ndaj agjentëve të zakonshëm të pastrimit.

“Këto bakterie bashkohen dhe mund të ndajnë informacion gjenetik. Kështu rezistenca mund të kalohet në mes specieve në këtë biofilm. Potencialisht këto grupe bakteriesh bëhen më të forta sa më larmishme të jenë, thotë mikrobiologu Fergus Watson.

Studiuesit thonë se jo vetëm bakteriet por edhe viruset kanë krijuar rezistencë ndaj barnave. Shkaku kryesor është mbipërdorimi i antibiotikëve, veçanërisht i atyre me spektër të gjerë.

“Bakteriet po krijojnë rezistencë pasi po sulmohen nga këta antibiotikë dhe bakteriet që zhvillojnë mekanizmin e rezistencës mbijetojnë. Biofilmet mund të jenë aty ku ato shkëmbejnë këtë rezistencë dhe më pas e ndajnë atë me bakteriet e tjera, thotë specialisti Fergus Watson.

Në vitin 2014, Organizata Botërore e Shëndetësisë nxorri një paralajmërim se “pa veprime urgjente të koordinuara, bota po shkon drejt një periudhe post-antibiotikëve, në të cilën infeksione të zakonshme dhe lëndime të lehta që janë trajtuar për dekada të tëra, mund të shkaktojnë vdekje.”

Në fillim të vitit, Qendra Amerikane për Kontrollin dhe Parandalimin e Sëmundjeve njoftoi rastin e parë të një infeksioni që nuk luftohej me asnjë lloj antibiotiku.

Zyrtarët e shëndetësisë janë të shqetësuar se një shpërthim më i gjerë i infeksioneve rezistente ndaj antibiotikëve mund të shkaktoj vdekjen e deri në 80 mijë njerëzve në mbarë botën. (voa)

Qasje e re ndaj trajtimit të vartësisë

trajtimi-i-vartesiseNjë raport i ri, i publikuar të enjten nga zyra e këshilltarit të presidentit për shëndetësinë publike, përqendrohet tek shqetësimet mbi keqpërdorimin e substancave narkotike dhe vartësisë ndaj tyre. Në raportin e titulluar “Përballë vartësisë në Amerikë” Dr. Vivek Murthy e quan atë një prej krizave më të mëdha të shëndetit publik të ditëve të sotme.

Në raportin e ri thuhet se vartësia nuk duhet të shihet më si “mungesë karakteri” dhe se trajtimi i këtij problemi kërkon ndryshimin e qasjes ndaj tij. Zoti Vivek Murthy është këshilltar i presidentit për shëndetësinë publike.

“Duhet ta pranojmë se vartësia nuk është dështim moral. Është sëmundje kronike që duhet trajtuar me aftësi, urgjencë dhe dhembshuri.”

Ai thotë se 21 milionë amerikanë përballen me abuzimin e substancave narkotike një numër më i lartë se i të gjithë të prekurve me kancer.

“Pavarësisht nga përmasat e kësaj krize, vetëm një në dhjetë individë trajtohet. Përveç kësaj, një në shtatë amerikanë pritet të preket nga një formë vartësie ndaj këtyre substancave.”

Megjithë numrin e madh të atyre që përballen me vartësinë, vetëm 10 përqind marrin trajtim.

Zyrtarët shpresojnë që raporti të nxisë hulumtime më të shumta mbi parandalimin, trajtimin dhe shërimin, në të njëjtën mënyrë sikurse raporti historik i vitit 1964 për duhanin, që përfundimisht çoi në reduktimin dramatik të pirjes së duhanit nga amerikanët, duke shpëtuar miliona jetë. Zoti Murthy tha se po bën thirrje për veprim.

“Duhet të forcojmë programet parandaluese dhe shtojmë qendrat e trajtimit. Duhet të zgjerojmë fokusin duke përfshirë tek substancat abuzuese edhe alkoolizimin e shpejtë. Duhet të ndryshojmë mënyrën se si e shohim vartësinë.”

Mënyra se si reagojmë ndaj kësaj krize, tha ai, është një provë morale për Amerikën. (voa)

Cili është sekreti i një jete të gjatë?

1899Born in the 1800s

Cili është sekreti i një jete të gjatë? Genet dhe…vezët. Këtë mund ta provojë italjanja Emma Morano, 116- vjeçare.

Ajo është njeriu më i moshuar i botës dhe e vetmja që ka lindur në shekullin e 19-të. Emma ka lindur më 27 nëntor të vitit 1899. Ajo thotë se han dy vezë në ditë, që kur mjekët i thanë se ishte anemike. Kjo ndodhi kur ajo ishte 20 vjeç, në vitin 1919. Emma Morano mendohet të ketë ngrënë mbi 100 mijë vezë gjatë jetës së saj të gjatë dhe vazhdon ende. Mjeku i saj, Dr. Carlo Bava thotë se Emma gjatë gjithë është ushqyer ndryshe nga dieta e rekomanduar sot: ajo han pak perime, pak fruta dhe…2-3 vezë në ditë.

Emma Morano ka qenë dikur e martuar, por pjesën më të madhe të jetës ajo ka jetuar vetëm. Dy nga motrat e saj jetuan mbi 100 vjeç. Mjeku i Emma Moranos thotë se genet e shkëlqyera janë sekreti i jetës së saj të gjatë, krahas me një rutinë të mirë të përditshme dhe një karakter të fortë… (voa)

20 ushqimet që duhet t’i hani dhe t’iu shmangeni kur e keni stomakun e zbrazet

what-to-eatJogurti, kafja dhe lëngu i freskët i portokallit – kjo është ajo çfarë shumica e njerëzve e imagjinojnë kur të mendojnë për mëngjesin e përkryer.

Fatkeqësisht, vetëm pak njerëz janë të vetëdijshëm se disa ushqime nuk janë të mira për njeriun kur konsumohen në stomak të zbrazur, transmeton Express.

Bright Side e ka krijuar një listë të thjesht me ushqimet që duhet të konsumohen dhe të mos konsumohen në mëngjes.

20-foods-to-eat20-foods-to-eat-120-foods-to-eat-220-foods-to-eat-3