Kategoritë: Shqipëria

Lajmet nga Shqipëria

Çështja e Detit, Greqia dhe Shqipëria i drejtohen Hagës

RamaShqipëria dhe Greqia ranë dakort sot që zgjidhja e çështjes së kufijve detarë dhe përcaktimit të Shelfit Kontinental dhe Zonave Ekonomike Ekskluzive, t’i besohet Gjykatës Ndërkombëtare të Drejtësisë të Hagës. Njoftimi u bë gjatë vizitës në Tiranë të ministrit të Jashtëm grek Nikos Dendias, në përfundim të takimit që ai pati me kryeministrin dhe ministrin e Jashtëm shqiptar Edi Rama.

“Me shumë kënaqësi mund të them që kemi rënë dakort që këtë çështje ta trajtojmë në instancat ndërkombëtare. Do i drejtohemi drejtësiëë ndërkombëtare për të vendosur pikat mbi “I”, në bazë të ekspertizës dhe të drejtës ndërkombëtare të detit”, bëri të ditur kryeministri Rama.

Për shefin e diplomacisë greke “zgjidhja do të jetë e dobishme për të dy vendet. Kam dëgjuar me interes të lartë dakortësinë e zotit Rama që zgjidhja do të ketë si bazë Konventën e OKB-së, të cilën të dy vendet e kanë nënshkruar, dhe jam shumë i lumtur që kemi rënë dakort që së bashku ta kalojmë këtë çështje në Gjykatën e Hagës”, deklaroi nga ana e tij ministri Dendias.

Ideja e një zgjidhjeje përmes një arbitri ndërkombëtar, u hodh publikisht nga kryeministri shqiptar gjatë një vizite në Athinë, në muajin shtator. Për shumë vite, çështja e kufijve detarë mes dy vendeve mbeti pa zgjidhje, që kur marrëveshja e arritur në vitin 2009 mes qeverive të atëhershme të të dy vendeve, u rrëzua nga Gjykata Kushtetuese shqiptare, e cila e cilësoi atë në shkelje të kushtetutës dhe normave ndërkombëtare që rregullojnë çështjet e detit.

Vendimi nuk u gëlltit nga Athina e cila për një kohë të gjatë këmbënguli për t’ju rikthyer asaj marrëveshjeje. Por në vitin 2017 palët ranë dakort të rinisnin bisedimet, në kuadër të një pakete çështjesh që të dy vendet do të duhej të zgjidhnin mes tyre. Bisedimet u ndërprenë, me ndërrimin e qeverive, dhe ardhjen në pushtet të kryeministrit Kyriakos Mitsotakis.

Tani të dyja qeveritë kanë rishprehur angazhimin për zgjidhjen e të gjitha çështjeve të mbetura pezull. Edhe vendimi i sotëm, sipas ministrit grek “mbështetet në qëndrimin e të dyja vendeve për zgjidhjen e çdo divergjence që mund të kemi”.

“Kjo çështje do të jetë në diskrecionin e drejtësisë ndërkombëtare dhe ne do fokusohemi te bashëpunimi ekonomik, rajonal, te njerëzit dhe të bëjmë më të mirën për qytetarët”, u shpreh zoti Rama duke bërë të ditur se dhe për një tjetër temë të ndjeshme, atë të ligjit të luftës, që Greqia mban ende formalisht në fuqi, ndaj Shqipërisë “ka një diskutim shumë pozitiv dhe së shpejti kam shumë besim se do përfundojë në mënyrë pozitive, heqja e ligjit të luftës”. Nga ana e tij ministri grek e cilësoi ligjin e luftës “një anakronizëm dhe jam i sigurt që do ta zgjidhim së bashë dhe kam kënaqësinë ta them këtë nga Tirana”, theksoi zoti Dendias.

Ministri i Jashtëm grek u takua gjatë pasdites dhe me kryetarin e opozitës Lulzim Basha dhe presidentin Ilir Meta. Zoti Basha nga ana e tij njoftoi se “gjatë bisedës, nënvizuam domosdoshmërinë që në frymën e mirëkuptimit dhe respektit reciprok, të zgjidhim çështjet e mbetura pezull dhe të intensifikojmë bashkëpunimin dypalësh në të gjitha fushat, përfshirë edhe lehtësitë për shqiptarët që jetojnë e punojnë në Greqi”. Lidhur me çështjen e Detit, duket se kreu i opozitës bie dakort me zgjidhjen e dakortësuar sot mes Tiranës dhe Athinës. “ Riktheksova qëndrimin e shprehur prej 10 vitesh, se zgjidhja për çështjen e detit duhet të vijë përmes Gjykatës Ndërkombëtare dhe i përsërita ministrit Dendias domosdoshmërinë për abrogimin e ligjit të luftës”, bëri të ditur zoti Basha përmes një postimi në Twitter.

Nga ana e tij presidenti Ilir Meta, njoftoi se për çështjen e delimitimit të hapësirës detare ndërmjet dy vendeve, gjatë takimit me ministrin grek ka inkurajuar që kjo temë “të trajtohet përmes një dialogu të sinqertë dhe respekti reciprok, duke synuar një zgjidhje të përhershme dhe të qëndrueshme. Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë”, ka theksuar zoti Meta.

Vizita e ministrit grek u shoqërua me protesta të organizuara nga Partia për Drejtësi, Integrim dhe Unitet dhe shoqata Çamëria, ku nuk munguan dhe tensionet mes manifestuesve dhe policisë, para Ministrisë së Jashtme. “Kjo që po ndodh është një turp i vërtetë për Ramën. Ne donim të protestonim e t’i tregonim ministrit, atë që Rama s’ka këllqe ta tregojë, të heqë ligjin e luftës, se Shqipëria nuk ka 12 milje për t’i dhënë Greqisë dhe se ata nuk mund ta injorojnë gjenocidin e Çamërisë”, deklaroi kryetari i PDIU-së Shpëtim Idrizi

Disa prej manifestuesve u shoqëruan në komisariate. Policia njoftoi më pas se 18 persona, mes tyre 3 organizatorët e protestës janë proceduar për veprat penale “Organizimi dhe pjesëmarrja në grumbullime e manifestime të paligjshme” dhe “Mosbindja ndaj urdhrit të punonjësit të policisë”. Ndërsa disa të tjerë kanë marë gjoba për mospërdorimin e maskave.

voa

Ministria e Shëndetësisë: 1407 testime, 301 raste të reja, 4 humbje jete dhe 58 të shëruar

Tabela-20-TetorMinistria e Shëndetësisë informon se në 24 orët e fundit janë kryer 1407 testime , nga të cilët 301 qytetarë kanë rezultuar pozitivë gjegjësisht janë prekur nga virusi SARS-COV2.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 56 vjeçare nga Fieri, një 60 vjeçare nga Lezha, një 69 vjeçare nga Tirana dhe një 73 vjeçar nga Korça.

Rastet pozitive të konfirmuara në 24 orët e fundit janë identifikuar në këto bashki:144 raste në Tiranë, 30 raste në Korçë,27 raste në Fier, 26 raste në Vlorë,12 raste në Berat, 10 raste në Elbasan,
7 raste në Durrës, 6 raste në Gramsh,5 raste në Patos, 4 raste në Kavajë, 3 raste në Dibër, Roskovec,2 raste në Shkodër, Devoll, Has, Mallakastër, Sarandë, Tepelenë, Klos, Skrapar, Ura Vajgurore.
1 rast në Krujë, Kamëz, Gjirokastër, Pogradec, Bulqizë, Memaliaj.

Aktualisht në spitalin Infektiv dhe “Shefqet Ndroqi” po trajtohen 255 pacientë, 22 në terapi intensive nga të cilët 5 pacientë janë të intubuar.

Janë shëruar 58 qytetarë, duke e çuar në 10225 numrin e të shëruarve në vend që prej fillimit të epidemisë.

Ministria e Shëndetësisë dhe Mbrojtjes Sociale i drejtohet me një thirrje secilit prej jush: Tregoni kujdes me respektimin e rregullave sepse shkujdesja e vërejtur favorizon përhapjen e virusit, i cili po prek çdo moshë, pa dallim.
Përdoreni maskën kudo në ambientet jashtë shtëpisë, ruani distancën dhe kujdesuni për higjienën.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (20 Tetor 2020)
Raste të reja ditore 301
Të shëruar ne 24 orë 58
Humbje jete në 24 orë 4
Testime ditore 1407

Testime totale 110,189
Raste pozitive 17651
Raste të shëruara 10225
Raste Aktive 6968
Humbje jete 458

Shpërndarja gjeografike e rasteve aktive sipas qarqeve:
Tiranë 3430
Durrës 700
Shkodër 473
Fier 444
Korçë 432
Lezhë 349
Elbasan 302
Vlorë 270
Berat 215
Kukës 176
Dibër 91
Gjirokastër 86

Tre muajt e ardhshëm të vështirë, rruga që po ndjekim me më pak efekte, për të shmangur një mbyllje të dytë

Kryeministri Edi Rama dhe Ministrja e Shëndetësisë dhe Mbrojtjes Sociale, Ogerta Manastirliu kanë zhvilluar një takim me task-forcën anticovid të ngritur nga Kryeministri për inspektimin e respektimit të masave të vendosura për kufizimin e përhapjes së Covid19.
Manastirliu gjatë fjalës saj tha se është zgjedhur një rrugë e drejtuar nga Komiteti Teknik i Ekspertëve që ka më pak efekte, për të shmangur një mbyllje të dytë apo një rritje të kufizimeve.
“Ne kemi zgjedhur një rrugë që besojmë që ka më pak efekte. Por që është një rrugë e drejtuar nga një Komitet Ekspertësh që do të na sjellë një ulje të numrit të infektimeve, apo një mbajtje të numrit të infektimeve në raport me popullatën. Tre muajt e ardhshëm do të jenë të vështirë, por ashtu sikurse është gjithë pranuar nga institucionet ndërkombëtare vendosja e maskës kudo ul ndjeshëm rrezikun e përhapjes së këtij virusi të rrezikshëm. Pavarësisht punës që do bëni në terren, dhe punës që po bëjnë policia e shtetit dhe ajo bashkiake në raport me detyrën për zbatimin e ligjit dhe do të përgatitemi sa më mirë të mundemi që kapacitetet tona të kenë mundësi të përballojnë flukset e rritura. Nuk do të dëshironim asnjë mbyllje të dytë, as kufizime drastike, por as mbingarkesën e sistemit shëndetësor”, tha Manastirliu në fjalën e saj.
Ministrja e Shëndetësisë tha se inspektorët deri tani ka kryer më shumë se 200 mijë inspektime për zbatimin e protokolleve të sigurisë duke shtuar se duhet ridimensionur fokusi i inspektimeve drejt shëndetit.
“Që në fillim të pandemisë janë kryer më shumë se 200 mijë inspektime për zbatimin e protokolleve të sigurisë. Ne u hapëm me protokolle të miratuara nga Komitetit Teknik i Ekspertëve. Por ju duhet të ridimensiononi funksionin tuaj. Duhet të ridimensionojmë këtë funksion që kemi dhe të jemi aty ku risku është më i madh. Staregjia e riskut që ju përdorni për protokollet që ju kontrolloni, tani duhet ridimensionuar me një fokus të veçantë, pro shëndetit”, tha Manastirliu.
Gjatë fjalës saj Manastirliu bëri me dije se aktualisht 25 % e kapaciteteve të dy spitaleve Covid janë të lira, por nëse do të ketë shtim të rasteve spitalet Covid 3 dhe Covid4 janë gati për të ofruar shërbim.
“25 % e kapaciteteve të dy spitaleve Covid janë të lira. Dy strukturat e tjera Covid janë gati nëse do të kemi rritje të numrave më të gjitha pajisjet dhe burimet e nevojshme njerëzore. Edhe në strategjinë e vjeshtë dimrit kemi parashikuar për të përfshirë spitalet rajonale nësë do të këtë rritje të rasteve pozitive, pacientë që do kenë nevojë për shërbim spitalor dhe në këtë mënyrë për të ofruar shërbim sa më cilësor për të gjithë”, u shpreh Ministrja e Shëndetësisë.

A do të ketë një marrëveshje Greqi-Shqipëri për detin Jon?

Ministri i Jashtëm i Greqisë, Nikolaus DendiasBurime diplomatike nga Ambasada greke në Tiranë, bëjnë me dije për DW programin e vizitës zyrtare që do zhvillojë sot, e martë ( 20.10) në Tiranë, Ministri i Jashtëm i Greqisë, Nikolaus Dendias.

Kreu i diplomacisë greke Nikolaus Dendias do të takohet sot me autoritetet drejtuese të Shqipërisë. Vizita e Dendias nis me takimin me Ministrin e Jashtëm në detyrë, Gent Cakaj, ku bëhet me dije se tema qendrore e bisedimeve do të jenë marrëdhëniet dypalëshe, çështje europiane dhe rajonale, zhvillimet ne Mesdheun Lindor dhe perspektiva europiane e BallkanIt Perëndimor.

Programi i ministrit Dendias vijon me takime me kryeministrin Rama dhe Presidentin Meta, liderin e Partisë Demokratike (PD) dhe të opozitës jashtë parlamentit, Lulzim Basha dhe kryetarin e Partisë “Bashkimi për të Drejtat e Njeriut”, Vangjel Dule.

Në përfundim të vizitës, Ministri i Jashtëm grek do të takohet edhe me Hirësinë e Tij, Kryepeshkopin e Tiranës, Durrësit dhe gjithë Shqipërisë, Anastas Janullatos.

Vizita e Ministrit Dendias në Tiranë shihet edhe si rihapja zyrtare e negociatave për ndarjen mes dy vendeve fqinjë të Detit të përbashkët Jon dhe ecjen drejt një marrëveshjeje të re.

Vizitë e paralajmëruar: Koha për ndarjen e detit Jon

Vizita e sotme e Ministrit grek u paralajmërua që në korrik të këtij viti, kur kryeministri grek, Kyriakos Mitsotakis, tha në Parlament (26.08) se qeveria e tij “synon të zgjerojë hapësirat e saj detare edhe në detin Jon deri në 12 milje, sipas të gjitha konventave ndërkombëtare” dhe bëri me dije vizitën së shpejti në Tiranë të Ministrit të Jashtëm, Nikolaus Dendias.

Kryeministri Rama e cilësi këtë deklaratë të tillë ku “Greqia po ushtron të drejtën e saj ”gjë që shkaktoi akuzat e PD se ka një marrëveshje sekrete Rama – Mitsotakis për çështjen e detit Jon.

Kryeministri Rama ofroi një muaj më parë, në një forum të revistës “Economist” të zhvilluar në Athinë, dy alternativa për arritjen e një marrëveshjeje Shqipëri – Greqi për ndarjen e hapësirave/zonave detare mes dy vendeve në detin Jon: zgjidhjen nëpërmjet një pale të tretë apo  gjykatave ndërkombëtare për një zgjidhje “te drejtë dhe objektive”. Rama tha në Athinë se “dy palët janë në rrugën e duhur” dhe se shpreson “të arrijnë dakordësi”.

A do të arrihet më në fund një marrëveshje?

Shpresat janë por fakti është që mes dy vendeve nuk ka marrëveshje për ndarjen e Detit të përbashkët Jon. Kjo është hera e tretë që palët tentojnë të bien dakord dhe arrijnë një marrëveshje. Ndarja e Detit Jon  mes dy vendeve fqinjë ka të bëjë me ndarjen e tri hapësirave: Detit Territorial, Shelfit Kontinental dhe Zonave Ekonomike Ekskluzive, ku këto të fundit lidhen me shfrytëzimin e hapësirës dhe pasurive nëndetare, kërkimet për gaz, naftë etj. Me pak fjalë edhe Shqipëria, edhe Greqia kanë interesa strategjike në ndarjen  e Detit Jon. Duket qartë  që palët kanë kundërshti përderisa Rama flet për zgjidhje “përmes një pale të tretë apo Gjykatave Ndërkombëtare”.

Për më tepër kur kjo cështje ka dy precedent negativë: në vitin 2009 Gjykata Kushtetuese e Shqipërisë  (GJK) hodhi poshtë Marrëveshjen e Detit mes Shqipërisë dhe Greqisë, të nënshkruar nga dy palët, kur në Shqipëri në pushtet ishte PD. GJK e  konsideroi marrëveshjen e para 11 viteve “antikushtetuese, të karakterizuar nga moszbatimi i parimeve bazë të së drejtës ndërkombëtare për ndarjen e hapësirave detare midis dy vendeve dhe arritjen e një rezultati të drejtë dhe të ndershëm”.

Precedenti i dytë i takon vitit 2017 kur negociatat rinisën dhe u pezulluan në verën e vitit të kaluar, kur zgjedhjet e parakohshme parlamentare në Greqi, të humbura nga ish-kryeministri Cipras dhe të fituara nga kryeministri aktual Mitsotakis, në korrik 2019 duket se e spostuan Marrëveshjen e Detit me Shqipërinë nga prioritetet e Greqisë për ta rivendosur atë pikërisht këtë vit.

Sipas Konventës Ndërkombëtare të Detit, zgjerimi i ujërave territoriale deri në 12 milje ndodh kur këtë e lejojnë rrethanat gjeografike. Mes Shqipërisë dhe Greqisë hapësirat në Detin e përbashkët Jon, janë të kufizuara.

Nuk ka ende informacion se ꞔfarë do të ri-negociohet mes palëve, a do të fillojnë ri-negociatat ate ku mbetën në verën e kaluar apo do fillojnë nga e para, informacion që pritet të jepet në konferencën e sotme për shtyp Rama-Dendias.

dw

Ministria e Shëndetësisë: në 24 orët e fundit, prej 1413 testimeve kemi 295 raste të reja, 3 humbje jete dhe 96 të shëruar

Tabela-19-TetorMinistria e Shëndetësisë informon se në 24 orët e fundit janë kryer 1413 testime, nga të cilët 295 qytetarë kanë rezultuar pozitivë  gjegjësisht janë prekur nga virusi SARS-COV2.
Rastet pozitive të konfirmuara në 24 orët e fundit janë identifikuar në këto bashki: 74 të prekur në Tiranë, 39 të prekur në Durrës, 30 raste në Shkodër, 22 raste në Lushnje, 12 raste në Vlorë, 11 raste në Fier dhe Pogradec, 10 raste në Krujë dhe Berat, 9 raste në Elbasan dhe Lezhë, 7 raste në Gjirokastër, 6 raste në Kurbin, 5 raste në Divjakë, 4 raste në Kukës, Tropojë, Prrenjas, Skrapar, 3 raste në Sarandë, Gramsh, Kuçovë, 2 raste në Has dhe Shijak, 1 rast në Fushë- Arrëz, Devollë, Kavajë, Mirditë, Rrogozhinë, Mallakastër, Librazhd, Mat, Përmet, Roskovec, Klos.

Aktualisht në spitalin Infektiv dhe “Shefqet Ndroqi” po trajtohen 259 pacientë, 22 në terapi intensive nga të cilët 4 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 47 vjeçar nga Tirana, një 53 vjeçare dhe një 64 vjeçar nga Durrësi, me sëmundje bashkëshoqëruese.

Janë shëruar 96 qytetarë, duke e çuar në 10167 numrin e të shëruarve në vend që prej fillimit të epidemisë.

Ministria e Shëndetësisë dhe Mbrojtjes Sociale i drejtohet me një thirrje secilit prej jush: Tregoni kujdes me respektimin e rregullave sepse shkujdesja e vërejtur favorizon përhapjen e virusit, i cili po prek çdo moshë, pa dallim.
Përdoreni maskën kudo në ambientet jashtë shtëpisë, ruani distancën dhe kujdesuni për higjienën.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (19 Tetor 2020)
Raste të reja ditore 295
Të shëruar ne 24 orë 96
Humbje jete në 24 orë 3
Testime ditore 1413

Testime totale 108.782
Raste pozitive 17350
Raste të shëruara 10167
Raste Aktive 6729
Humbje jete 454

Shpërndarja gjeografike e rasteve aktive sipas qarqeve:
Tiranë 3307
Durrës 693
Shkodër 477
Fier 419
Korçë 404
Lezhë 350
Elbasan 293
Vlorë 243
Berat 202
Kukës 172
Dibër 86
Gjirokastër 83

Ministria e Shëndetësisë: 1276 testime, 281 raste të reja, 3 humbje jete dhe 70 të shëruar

Tabela-18-Tetor-Ministria e Shëndetësisë informo se në 24 orët e fundit janë kryer 1276 testime, nga të cilët 281 qytetarë kanë rezultuar pozitivë. Rastet pozitive të konfirmuara në 24 orët e fundit janë identifikuar në këto bashki: 151 raste në Tiranë, 30 raste në Korçë, 18 raste në Fier, 14 raste në Elbasan, 12 raste në Pogradec, 7 raste në Lezhë, Mirditë, Kuçovë, 5 raste në Kavajë, Kamëz, 4 raste në Berat, 3 në Devoll, 2 raste në Durrës, Vlorë, Rrogozhinë, Roskovec, Cerrik, 1 rast në Shkodër, Kurbin, Mallakastër, Librazhd, Gjirokastër, Peqin, Kolonjë, Maliq. Aktualisht në spitalin Infektiv dhe “Shefqet Ndroqi” po trajtohen 256 pacientë, 25 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 61 vjeçar nga Lezha, një 81 vjeçare nga Tirana, një 87 vjeçar nga Elbasani.

Janë shëruar 70 qytetarë, duke e çuar në 10,071 numrin e të shëruarve në vend që prej fillimit të epidemisë.

Ministria e Shëndetësisë dhe Mbrojtjes Sociale i drejtohet me një thirrje ndërgjegjes individuale të secilit prej jush: Tregoni kujdes me respektimin e rregullave sepse shkujdesja e vërejtur favorizon përhapjen e virusit, i cili po prek çdo moshë, pa dallim.
Përdoreni maskën kudo në ambientet jashtë shtëpisë, ruani distancën dhe kujdesuni për higjienën.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (18 Tetor 2020)
Raste të reja ditore 281
Të shëruar ne 24 orë 70
Humbje jete në 24 orë 3
Testime ditore 1,276

Testime totale 107,369
Raste pozitive 17,055
Raste të shëruara 10,071
Raste Aktive 6,533
Humbje jete 451

Shpërndarja gjeografike e rasteve aktive sipas qarqeve:
Tiranë 3281
Durrës 653
Shkodër 452
Fier 383
Korçë 397
Lezhë 338
Elbasan 279
Vlorë 233
Berat 191
Kukës 165
Dibër 84
Gjirokastër 77

Ministria e Shëndetësisë: në 24 orët e fundit, prej 1289 testimeve kemi 273 raste të reja, 5 humbje jete dhe 44 të shëruar

tabela covid 17 tetorMinistria e Shëndetësisë informo se në 24 orët e fundit janë kryer 1289 testime, nga të cilët 273 qytetarë kanë rezultuar pozitivë edhe atë  në këto bashki: 192 raste në Tiranë, 17 raste në Korçë, 12 raste në Lezhë, 10 raste në Gjirokastër, 8 raste në Shkodër, 7 raste në Sarandë, 5 raste në Kavajë, 4 raste në Durrës, 3 raste në Fier, 2 raste në Kurbin, Kamëz, Tepelenë, Gramsh, 1 rast në Lushnje, Mirditë, Mallakastër, Mat, Divjakë, Malësi e Madhe, Patos.

Aktualisht në spitalin Infektiv dhe “Shefqet Ndroqi” po trajtohen 259 pacientë, 20 në terapi intensive nga të cilët 3 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 74 vjeçar nga Durrësi, një 76 vjeçar nga Tirana, një 81 vjeçar nga Rrogozhina, një 82 vjeçar nga Shkodra, një 91 vjeçar nga Korça.

Janë shëruar 44 qytetarë, duke e çuar në 10,001 numrin e të shëruarve në vend që prej fillimit të epidemisë.

Nisur nga rritja e numrit të rasteve positive në ditët e fundit, Ministria e Shëndetësisë dhe Mbrojtjes Sociale u bën thirrje qytetarëve të zbatojnë me rigorozitet masat e vendosura. Të mbajnë maskën detyrimisht edhe në ambientet jashtë shtëpisë, të respektojnë distancën fizike prej së paku 1.5 metër dhe të kujdesen vazhdimisht për higjienën personale, si të vetmet mjete që kemi në dispozion për mbrojtur veten dhe të afërmit tanë.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për shërbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (17 Tetor 2020)
Raste të reja ditore 273
Të shëruar ne 24 orë 44
Humbje jete në 24 orë 5
Testime ditore 1,289

Testime totale 106,093
Raste pozitive 16,774
Raste të shëruara 10,001
Raste Aktive 6,325
Humbje jete 448

Shpërndarja gjeografike e rasteve aktive sipas qarqeve:
Tiranë 3176
Durrës 651
Shkodër 451
Fier 364
Korçë 356
Lezhë 324
Elbasan 265
Vlorë 231
Berat 182
Kukës 165
Dibër 84
Gjirokastër 76

Fshati që serbo-malazezët masakruan barbarisht, Geghysen i Tropojës

GeghyseniGeghyseni i Tropojës nuk ishte një fshat nga ata të thellët dhe të izoluarit prej ku mund të shkohet veç me helikopter.

I njohur si Malësia e Gjakovës, në mesin e Alpeve të Veriut aty gjendesh pas një dritare nga ato që kur i hap vëren një kompozim të natyrës, a një paqe të pakrahasuar me fjalë. Ilnisa Agolli na çon mes bjeshkëve kësaj here, as 11-të km larg Bajram Currit në një fshat që nuk ka folur askush më parë.

Ku pak ia njohin potencialin dhe ca akoma më pak nuk kanë udhëtuar drejt tij, ndërsa të tjerë asfare nuk e përmendin se si ky fshat u kthye në një nga simbolet më të qarta të qëndresës antiserbo-malazeze. As kur Fishta i madh shkruan për të në veprën “Lahuta e Malësisë”. As për verën e vitit 1915 , kur do të lihej një tjetër shenjë ndaj popullit qëndrestar në fshatin që serbo-malazezët e masakruan barbarisht. E shumë fakte të tjera historike që i takojnë së shkuarës, me figura që çan aso kohe me trimëri të hekurt fatin e fshatit. Por sot çfarë ndodh?

Duhet parë ky dokumentar sepse jeton mes dy kulmeve. Më e hidhura është familja që jetonte 6-të muaj në dimër pa dalë nga shtëpia në kushte tronditëse e të mungesës sociale, ndërsa jashtë oborrit mblidhen të uritur në një dimër dhe borë mbi 6-të metra, ujqër. Si mund të jetohet aty? Gruaja e re i rrëfen të gjitha.

Mandej shkojmë tek vlerat e fshatit të hershëm me natyrën e tij të mrekullueshme, me shtrirje gjeografike vertikale nga brigjet e Valbonës e deri në bjeshkët e larta, për ta mbyllur në një bujtinë që të lë pa fjalë. E vetmja që gjendet aty me një tjetër histori të madhe e arsye për mos rënë në vesh të shurdhër. Në fund të udhëtimit, mes bujarisë dhe mikëpritjes aty takon Luanin. Tironsin që i braktisi te gjitha për të jetuar dhe punuar në një cep të veriut braktisur dhe fshirë nga lista e fundjavës turistike. Cila është arsyeja?

Geghysenin e Tropojës bota do e kishte zili ndërsa shqiptarët nuk ia njohin potencialin dhe historinë ende… Shiheni videon e plotë për më shumë.

tch

Ministria e Shëndetësisë: prej 1402 testimeve kemi 289 raste të reja, 4 humbje jete dhe 93 të shëruar

 

Instituti i Shëndetit PublikMinistria e Shëndetësisë informon se në 24 orët e fundit janë kryer 1402 testime, nga të cilët 289 qytetarë kanë rezultuar pozitivë.

Rastet pozitive të konfirmuara në 24 orët e fundit janë identifikuar në këto bashki: 113 raste në Tiranë,34 raste në Fier,23 raste në Durrës,19 raste në Vlorë,16 raste në Korçë,12 raste në Shkodër, Elbasan,10 raste në Krujë,9 raste në Lezhë,6 raste në Berat,5 raste në Kurbin, Pogradec, Dibër,4 raste në Kuçovë,3 raste në Patos,2 raste në Kavajë, Lushnje, Malësi e Madhe, Klos,1 rast në Mallakastër, Librazhd, Delvinë, Tepelenë, Peqin.
Aktualisht në spitalin Infektiv dhe “Shefqet Ndroqi” po trajtohen 255 pacientë, 21 në terapi intensive nga të cilët 4 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një i ri 37 vjeçar nga Korça pa sëmundje bashkëshoqëruese, një 52 vjeçare nga Mirdita, një 81 vjeçar nga Tirana dhe një 85 vjeçar nga Fier.

Janë shëruar 93 qytetarë, duke e çuar në 9957 numrin e të shëruarve në vend që prej fillimit të epidemisë.

Ministria e Shëndetësisë dhe Mbrojtjes Sociale u rikujtuar qytetarëve se mbajtja e detyrueshme e maskës edhe në ambientet jashtë shtëpisë duhet të shoqërohet patjetër me ruajtjen e distancës fizike prej të paktën 1.5 metër, dhe kujdesin e vazhdueshëm të higjienës personale.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për shërbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (16 Tetor 2020)
Raste të reja ditore 289
Të shëruar ne 24 orë 93
Humbje jete në 24 orë 4
Testime ditore 1402

Testime totale 104,804
Raste pozitive 16501
Raste të shëruara 9957
Raste Aktive 6101
Humbje jete 443

Shpërndarja gjeografike e rasteve aktive sipas qarqeve:
Tiranë 3001
Durrës 648
Shkodër 450
Fier 364
Korçë 342
Lezhë 311
Elbasan 265
Vlorë 224
Berat 182
Kukës 165
Dibër 84
Gjirokastër 65

Shqipëri: Maskat të detyrueshme në të gjitha hapësirat publike

MaskaRastet e infeksioneve të reja në Shqipëri arrijnë shifrën rekord prej 257 në ditë. Në këto kushte qeveria vendosi masa kufizuese duke aplikuar edhe detyrimin e mbajtjes së maskës në hapësirat publike.

Java e dytë e tetorit  po sjell edhe në Shqipëri ꞔdo ditë rritje shqetësuese të rasteve të reja të infektimeve dhe të viktimave duke shënuar ndofta valën e dytë, të paralajmëruar nga virologët, të pandemisë COVID-19.

Shifra më e lartë e deritanishme është ajo e së enjtes, (15.10) me 257 raste të reja. Autoritetet e Shëndetësisë njoftuan të enjten se numri i përgjithshëm i rasteve pozitive ka arritur  në 16.212 persona ndër të cilat 5909 raste aktive. Numri i viktimave ka arritur në 439 vetë. Rastet e reja janë shfaqur në 31 bashki, Tirana vazhdon të jetë vatra më e nxehtë e infektimeve të reja, e ndjekur nga Fieri, Durrësi, Korꞔa.

Për të ulur këtë trend rritjeje rastesh të reja, të enjten hyri në fuqi vendimi i qeverisë, që detyron ꞔdo qytetar të mbajë maskën, si barrierë mbrojtëse nga COVID-19, sapo del nga banesa. Me këtë vendim qeveria synon të frenojë përhapjen e infektimit dhe të shmangë emergjencën shëndetësore në kushtet e stinës së gripit të vjeshtës.

Maska mbrojtëse e fytyrës, sipas autoriteteve shëndetësore, ndikon në zvogëlimin e përhapjes së infeksionit në komunitet dhe ul transmetimin e tij në komunitet nëpërmjet spërklave të individëve që janë të infektuar.

Vendimi synon të parandalojë përhapjen në masë të COVID-19 dhe një izolim tjetër të vendit pas atij të tre muajve në pranverë, kur Shqipëria u përfshi në pandeminë globale të virusit corona.

“Një bllokim i dytë do të ishte shkatërrues për familjet shqiptare dhe ekonominë e vendit,” tha kryeministri i vendit Edi Rama në një thirrje drejtuar qytetarëve për të zbatuar vendimin.

Në mes të korrikut të këtij viti, Shqipëria bëri të detyrueshme mbajtjen e maskës në mjedise të mbyllura.

Drejtorja e Institutit të Shëndetit Publik, Albana Fico, në rregulloren e zbatimit të këtij  vendimi thekson se “qytetarët që janë mbi 11 vjeꞔ duhet të mbajnë maskën gjatë gjithë ditës në ꞔdo qyqan apo ose qendër tregtare, në çdo mjet transporti publik ose kur ecin në rrugë”,

Përjashtimi nga ky vendim jashtë shtëpisë bëhet vetëm me rekomandim të mjekut të familjes në rastet e sëmundjeve.

Si do të monitorohet mbajtja e maskës?

Policia e Shtetit dhe ajo Bashkiake nisën të enjten monitorimin rigoroz të gjithë hapësirave publike jashtë banesave në gjithë vendin, për të mos lejuar qytetarët të qarkullojnë pa maskë.

Cilido që nuk e zbaton këtë vendim penalizohet nga Policia e Shtetit dhe ajo Bashkiake me një gjobë prej 20 eurosh dhe në rast përsëritjeje gjoba dyfishohet. Gjoba, pas plotësimit të një formulari të përcaktuar nga vendimi i qeverisë dhe në prani të qytetarit përfshihet në pagesën e faturës mujore të energjisë elektrike.

Rreth 50 qytetarë kundërshtuan të enjten pasdite (15.10) në Tiranë vendimin e qeverisë duke protestuar para selisë  së kryeministrisë. Protestuesit e quajtën vendimin “diktaturë të maskave” dhe kundërshtimin e tyre “ꞔjerrje e maskave të  sistemit globalist”. Sipas tyre vendimi “është arbitrar , që shkel të drejtat dhe liritë e qytetarëve”. Policia shpërndau protestuesit. Në një njoftim për shtyp policia e shtetit bëri me dije se të enjten, ditën e parë  të zbatimi të vendimit në të gjithë vendin, vendosi gjoba prej 20 eurosh për 171 vetë me një shumë totale prej 3 420 Eurosh.

Vendimi që sapo ka hyrë në fuqi është në linjë me strategjinë gjithëpërfshirëse të Organizatës Botërore të Shëndetësisë, lidhur me masat për të ndaluar transmetimin e COVID-19 dhe për të shpëtuar jetë.

dw

Ministria e Shëndetësisë: 1398 testime, 102 të shëruar, 257 raste të reja dhe 5 humbje jete

Tabela-15-TetorMinistria e Shëndetësisë, Ju informojmë lidhur me situatën epidemiologjike në 24 orët e fundit të COVID19 në Shqipëri: Janë kryer 1398 testime në 24 orët e fundit, nga të cilët kanë rezultuar pozitivë 257 qytetarë të prekur nga virusi SARS-COV2.
Janë shëruar 102 qytetarë, duke e çuar në 9864 numrin e të shëruarve në vend që prej fillimit të epidemisë.
Rastet pozitive të konfirmuara në 24 orët e fundit janë identifikuar në këto bashki:
83 raste në Tiranë,
29 në Fier,
27 në Durrës,
20 në Shkodër,
14 në Korçë,
12 në Berat,
11 në Elbasan,
8 në Mirditë,
7 në Lushnje,
6 në Tropojë,
nga 4 raste në Lezhë, Librazhd, Kuçovë,
3 në Kukës, Kavajë
nga 2 raste në Has, Vlorë, Gjirokastër, Pogradec, Ura-Vajgurore, Divjakë,
nga 1 rast në Krujë, Devoll, Kamëz, Mat, Tepelenë, Dibër, Prrenjas, Roskovec, Memaliaj, Gramsh,
Aktualisht në spitalin Infektiv dhe “Shefqet Ndroqi” po trajtohen 249 pacientë, 21 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 65 vjeçar nga Kavaja, një 75 vjeçar nga Elbasani dhe 3 qytetarë nga Tirana: një 70 vjeçare, një 71 vjeçar, një 77 vjeçare.

maska obligueseMinistria e Shëndetësisë dhe Mbrojtjes Sociale apelon qytetarët për të mbajtur detyrimisht maskën edhe në ambientet e hapura jashtë shtëpisë, në mënyrë që të minimizohet përhapja e infeksionit.
Maska/Barriera mbrojtëse e fytyrës ndihmon në zvogëlimin e përhapjes së infeksionit në komunitet duke minimizuar transmetimin e tij nëpërmjet spërklave nga individë të infektuar.
Përdorimi i barrierës mbrojtëse duhet të konsiderohet vetëm si një masë plotësuese dhe jo si zëvendësim i masave parandaluese. Ajo duhet të zbatohet së bashku me distancën fizike 1.5 – 2 m dhe higjienën e duarve.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (15 Tetor 2020)
Raste të reja ditore 257
Të shëruar ne 24 orë 102
Humbje jete në 24 orë 5
Testime ditore 1398
Testime totale 103,402
Raste pozitive 16212
Raste të shëruara 9864
Raste Aktive 5909
Humbje jete 439

Shpërndarja gjeografike e rasteve aktive sipas qarqeve:
Tiranë 2935
Durrës 620
Shkodër 439
Korçë 329
Fier 336
Lezhë 299
Elbasan 257
Vlorë 210
Berat 174
Kukës 167
Dibër 78
Gjirokastër 65