Airbusit A320 i rrëzuar në Alpet Franceze, 150 të vdekur

Aeroplani_gjerman_i_rezuarTë 144 pasagjerët dhe 6 anëtarët e ekuipazhit në bordin e Airbusit A320 të rrëzuar në Alpet Franceze prezumohen të vdekur, e pohuar kjo nga vetë Presidenti Francois Hollande pas deklaratave të ngjashme nga zyrtarë të aviacionit francez dhe të policisë.

Tragjedi ajrore në FrancëRrëzohet avioni gjermanLajmi i tragjedisë bën xhiron e botësDiagrama e lartësisë dhe shpejtësisë së avionit të tragjedisë“Rrethanat e aksidentit, qe ende nuk jane sqaruar plotesisht, na shtyjne te besojme se nuk ka asnje te mbijetuar. Rrezimi i avionit eshte nje tragjedi ne token tone, ndersa qasja ne zonen e aksidentit eshte teper e veshtire”, tha Hollande.

Avioni i kompanisë gjermane Germanëings, e cila operon si kontaktuese e Lufthansa-s, udhëtonte nga Barcelona drejt Duesseldorf-it. Ne 10:47 me oren lokale ai ka leshuar nje thirrje per ndihme por ndonese e konfirmon kete lajm, Ministria e Brendeshme franceze nuk jep asnje detaj tjeter.

Raportet ne media nga ana tjeter lene te kuptohet se Airbusi po fluturonte shume ulet. Sipas ‘Le Figaro’, avioni ka rene brenda 9 minutash nga 11.500 ne 2.100 metra; piloti i ka kerkuar kontrolloreve te trafikut ajror ne Marseille qe te beje nje ulje emergjence, çka do te thote se e gjithe hapesira ajrore ne rrugen e tij duhej liruar.

‘France Info’ pohon se avioni është rrezuar ne 2.000 metra lartesi, ne komunen e Méolans-Revel, nje zone e izoluar me nje terren teper te ashper malore qe veshtireson se tepermi perpjekjet e ndihmes. Lista e pasagjereve po verifikohet, por nderkohe zevendeskryeministri i Spanjes deklaroi se 45 prej tyre jane shtetas spanjolle, ndersa Hollande pohon se shumica ishin gjermane.

Sherbimi Meterologjik i Frances thote se kushtet atomsferike kane qene relativisht te mira ne momentin e aksidentit dhe se qielli ishte pothuajse krejtesisht i hapur. 400 xhandare, zjarrfikes dhe punonjes te nderhyrjes se shpejte jane mobilizuar per operacionin e ndihmes, por eshte temrresisht e veshtire te mberrihet ne vendin e aksidentit.

Sipas nje zyrtari lokal ne resorten e skive te Val d`Allos, Gilles Gravier, ne fshat rrezimi nuk eshte degjuar. Shefi ekzekutiv i Lufthans-as, Carsten Spohr, shkroi në rrjetin Twitter se “ende nuk dihet çfarë ka ndodhur”, ndërsa u shprehu ngushëllimet familjarëve të personave që ndodheshin në avion.

“Nëse frika jonë konfirmohet, kjo është një ditë e zezë për Lufthansa-n. Shpresojmë të gjejmë të mbijetuar”, shkroi ai.

Edhe kompania Airbus, tha se ende nuk dihet asgjë për shkaqet që mund të kenë çuar në rrëzimin e avionit që thuhet të ketë qenë 24 vjet i vjetër. Historia e linjes ajrore se ciles i perkiste Airbusi nis ne 1997-ten, kur njihej si Euroëings.Pikat ku ajo operon me se shumti jane aeroporti Keln Bon, ai i Shtutgartit, i Hamburgut, Tegeli ne Berlin, Duseldorfi, aeroporti i Hanoverit e aeroporti i Dortmundit.

Kancelargja gjermane Angela Merkel u shpreh thellesisht e tronditur nga ngjarja. Ajo ka komunikuar ne telefon me shefin e Elizese, Hollande dhe me kryeministrin spanjoll Mariano Rahoi, ndersa mesohet te kete anulluar te gjitha takimet qe kishte ne axhende per te ndjekur me vemendjen me te madhe zhvillimet nga Franca. (T Ch)

Rritet numri i atyre që nuk pinë duhan

duhan Organizata Botërore e Shëndetësisë thotë se mos pirja e duhanit po bëhet norma e re në mbarë botën. Por, ajo paralajmëron se betejat ligjore po ngadalësojnë përpjekjet për një ulje edhe më të madhe të përdorimit të duhanit. OKB-ja publikoi një raport të ri të këto ditë, gjatë Konferencës së 16 Botërore për Shëndetin dhe Duhanin në Abu Dhabi.

Organizata Botërore e Shëndetësisë thotë se përdorimi i duhanit po bie, ndërsa po shtohet numri i atyre që nuk pinë duhan. Raporti Global mbi Prirjet e Pirjes së Duhanit thotë se në vitin 2010, kishte afro 4 miliardë njerëz mbi moshën 15 vjeçare që nuk pinë duhan. Eduard Tursan d’Espaignet (Ed-ward Tur-sahn des-pen-YAY) është zyrtari i OKB-së që vëzhgon epideminë e duhanit. Ai thotë se traktati 10 vjeçar i njohur si Korniza e Konventës për Kontrollin e Duahnit rezulton të ketë qqënë i efektshëm.

“Fakti që traktati ekziston, do të thotë se ka shumë debat në botë për duhanin. Ka më shumë njerëz që kanë njohuri për traktatin. Vendet kanë marrë masa të rrepta, si shtimi i taksave për mbrojtjen e popullsisë nga pirja e duhanit, mos pirja e duhanit në restorante, transportin publik apo mjedise publike.”

Rregullat po ashtu ndalojnë industrinë e duhanit për të bërë disa lloj reklamash.

“Ndalim të reklamave dhe sponsorizimit të aktiviteteve sportive dhe artistike, duke mënjanuar përpjekjet e industrisë së duhanit për të influencuar të rinjtë për të pirë duhan.”

Drejtoresha e Organizatës Botërore të Shëndetësisë, Margaret Chan e cilëson si kërcënuese zhvendosjen nëpër gjykata të betejës mes duhanit dhe shëndetit.

Eduard Tursan d’Espaignet (Ed-ward Tur-sahn des-pen-YAY) shpjegon.

“Ajo po u referohej rasteve ku industria e duhanit ka hedhur në gjyq shtete si Uruguaji, i cili kërkon të vendosë vetë paralajmërime në paketat e duhanit. Me Uruguajin po bëhet e njëjta gjë që u bë me Australinë ku industria e duhanit humbi në Gjykatën e Lartë.”

Ai thotë se industria e duhanit po ndihmon disa vende në mosmarrëveshje me Australinë.

“OKB-ja nuk mund t’i humbasë këto raste. Është betejë deri në vdekje mes nesh dhe industrisë së duhanit. Mendoj se ne do të dalim fitimtarë por industria po i zgjat këto beteja dhe shtetet e botës duhet ta kuptojnë këtë manovër.”

Zyrtari i OKB-së thotë se Irlanda, Britania, Turqia dhe Afrika e Jugut po ndjekin shembullin e Australisë për shitjen e cigareve në paketa pa mbishkrime.

Industria thotë se shtetet mbledhin miliarda dollarë nga taksat e duhanit dhe se industria krijon mijëra vende pune. Po ashtu ajo thotë se nuk duhet mbajtur përgjegjëse për problemet shëndetësore, duke thënë se njerëzit duhet ta dinë rrezikun nga pirja e duhanit pasi është e shkruar në paketë dhe nga fushatat kundër pirjes së duhanit. Delegatët në Konferencën Botërore mbi Duhanin dhe Shëndetin po ashtu po diskutojnë edhe rreth sëmundjeve që shkaktohen nga duhani.

“Këtu përfshihen sëmundje si kanceri, sëmundjet e zemrës, ato të rrugëve të frymëmarrjes dhe diabeti. Të gjitha këto sëmundje përkeqësohen nga pirja e duhanit. Konferenca po i trajtonte këto dy çëshjte sëbashku.”

Organizata Botërore e Shendetit thotë se vdekjet e parakohshme mund të parandalohen duke trajtuar katër faktorë kryesorë: djetat e pashëndetshme, mungesën e ushtrimeve fizike dhe përdorimi i dëmshëm i alkolit dhe duhanit. (voa)

Rama: BE ka krijuar ishullin e Kosovës, duke mos lejuar lëvizjen e lirë

Mbledhja shqiptare

Shqipëria dhe Kosova avancojnë, atë që tashmë njihet, si partneriteti strategjik mes dy vendeve, i cili u riktheksua edhe njëherë tjetër nga mbledhja e përbashkët e dy qeverive, në kryeqytetin shqiptar.

Të ulur bashkarisht në një tryezë me ngjyrat e BE-së, kabinetet qeverisëse dëshmuan, se rruga e përbashkët e dy vëndeve është kontinenti i vjetër.

Por, siç theksoi Kryeministri Rama, “bashkimi mes veti kalon nga Bashkimi Europian”, për të cilin, Rama si asnjëherë më parë, lëshoi kritika të ashpra, për atë që shefi i Qeverisë shqiptare, e quajti “izolim të Kosovës nga mosliberalizimi vizave”.

“Ne i kemi thënë dhe do ta themi kudo dhe kurdo që do të na jepet rasti. Regjimi i vizave sot në Kosovë është një padrejtësi cinike ndaj Kosovës dhe kjo padrejtësi duhet të marrë fund një orë e më parë, sepse nuk cënon vetëm dinjitetin e popullit të Kosovës, por cënon edhe dinjitetin e vetë Europës. Mbajtja e Kosovës, nën regjimin e vizave është turp për Bashkimin Europian”, tha Rama.

Kryeministri i Kosovës, Isa Mustafa ishte i drejtëpërdrejtë në deklarimin e tij, kur tha se duhet bërë më shumë në aspektin e marrëdhënieve ekonomike.

“Vlerësoj se marrëdhëniet tona ekonomike, ndërmjet vendeve tona, kanë mbetur më prapa nga marrëdhëniet në fusha të tjera. Ne jemi zotuar dhe punojmë intensivisht që të krijohet një sistem bashkëpunimi, i cili ka për bazë konkurrencën e lirë në treg, ndërsa Qeveritë tona do të heqin barrierat që ky bashkëpunim të jetë konkret dhe frytdhënës. Sistemi, që ne bashkarisht po krijojmë, eliminon subjektisivizimin dhe subjektivizmin për pengimin e qarkullimit të mallrave dhe shërbime në kohë reale”, tha Mustafa.

Ministri i Punëve të Jashtme i Shqipërisë, Ditmir Bushati, i cili prezantoi edhe dokumentin për partneritetin strategjik, e cilësoi atë të një rëndësie historike për ne dhe për rajonin, duke shtuar se, bashkëpunimi dypalësh në fushën e sigurisë mes nesh është shumë i rëndësishëm, në situatën e fundit të krijuar në botë.

Ndërsa zëvendëskryeministri dhe ministri i Punëve të Jashtme të Kosovës, Hashim Thaçi vlerësoi punën e bërë nga qeveria e Shqipërisë në lobimin për njohjen e shtetit të Kosovës, Me tej, ai tha se, Shqipëria po ashtu ka ndihmuar në anëtarësimin e Kosovës në disa organizata ndërkombëtare.

Nënshkruhen marreveshjet mes dy qeverive

Me moton “Një Tokë, Një Popull, Një Ëndërr”, u zhvillua mbledhja e dytë e përbashkët e Qeverisë së Shqipërisë dhe asaj të Kosovës. Delegacioni i Qeverisë së Kosovës u prit me nderime në ambientet e Pallatit të Kongreseve, në një ceremoni zyrtare që zgjati për rreth 10 minuta.

Kryeministri Edi Rama dhe kabineti i tij u takua fillimisht me homologun Isa Mustafa dhe anëtarët e Qeverisë së Kosovës.

Holli i Pallatit të Kongreseve është konceptuar i ndarë në 3 pjesë, ku bie në sy tryeza në formë rrethore me ngjyrë blu, mbi të cilën janë vendosur flamujt e BE-së, ku do të ulen të dy kabinetet qeveritare.

Në mes është vendosur një shqiponjë 3 dimensionale, kurse anash dekori parashikon vendosjen e flamujve të dy vendeve. Një kënd i veçantë është dedikuar për nënshkrimin e marrëveshjeve dhe një tjetër për konferencën e përbashkët për shtyp të kryeministrave Rama dhe Mustafa.

Me vone u krye edhe firmosja e dy qeverive me 11 marrëveshje, memorandume dhe protokolle të cilat janë:

1. Për Bashkëpunim të “Ndërsjellë në Fushën e Sigurisë”.

2. Memorandum mbi “Forcimin e Bashkëpunimit në Fushën e Kontrollit të Brendshëm”.

3. Protokoll mbi “Shfrytëzimin e Përbashkët të Pajisjeve për Kontrollin e Kufirit”.

4. Protokoll “Për Ndjekjen e Menjëhershme Ndërkufitare”.
5. Memorandum i Mirëkuptimit “Për forcimin e bashkëpunimit ndërmjet Ministrive të Financave të Republikës së Shqipërisë dhe Ministrisë së Financave të Republikës së Kosovës”.
6. Marrëveshje e Bashkëpunimit për “Organizimin e Përbashkët të Mësimit të Gjuhës Shqipe dhe të Kulturës Shqiptare në Diasporë dhe në Mërgatë”.

7. Marrëveshje e “Bashkëpunimit në Fushën e Arsimit të Lartë dhe Kërkimit Shkencor”.

8. Marrëveshje për “Bashkërendim Institucional për Përparimin dhe Zhvillimin Profesional të Mësimdhënësve në Arsimin Parauniversitar”.

9. Protokoll “Për Zbatimin e Marrëveshjes Kuadër Ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për Bashkëpunimin në Nxitjen dhe Lehtësimin e Tregtisë”.

10. Memorandum “Mbi bashkëpunimin në fushën e bujqësisë dhe zhvillimit rural”.

11. Memorandum Bashkëpunimi ndërmjet Ministrisë së Kulturës të Republikës së Shqipërisë dhe Ministrisë së Kulturës, Rinisë dhe Sportit të Republikës së Kosovës, Ministrisë së Diasporës të Republikës së Kosovës.

Kryefjala e mbledhjes së dytë të dy qeverive ishte thellimi partneritetit strategjik i Shqipërisë me Kosovën, i cili në në një vit ka njohur progres të rëndësishëm edhe në fushën e politikës së jashtme, ku Kosova është bërë pjesë e shumë nismave rajonale dhe për herë të parë në Milano u hap Konsullata e parë e përbashkët mes dy vendeve.

Hapja e kësaj Konsullate parashikohej në marrëveshjen e nënshkruar gjatë mbledhjes së parë të dy qeverive në Prizren. / Top Channel

Lini duhanin menjëherë dhe përfitoni në 20 minuta

Çdo moment është ai i duhuri për të hequr dorë nga duhanpirja. Pse? Sepse në vetëm 20 minuta do të përfitoni të mirat e heqjes dorë nga ky ves.

Një studim i shërbimeve shëndetësore britanike analizuan treguesit shëndetësorë për më shumë se 120 mijë persona ndër vite, duhanpirës dhe persona që kanë lënë duhanin dhe më pas hartuan një raport të detajuar me të mirat që përfitohen nga lënia e duhanit.

Nëse heq dorë nga duhani tani:

Pas 20 minutash presioni i gjaku dhe rrahjet e zemrës do të ulen dhe do të rikthehen në nivelet normale. Kjo ul menjëherë rrezikun e një sulmi në zemër dhe përmirëson qarkullimin e gjakut në organizëm.

Pas tetë orësh: Niveli i nikotinës dhe monoksidit të karbonit në gjak përgjysmohet. Në doza të mëdha, monoksidi i karbonit shkakton vdekjen, por në doza të vogla, sa ato që thithen nga një cigare shkakton vështirësi në frymëmarrje dhe rrit rrahjet e zemrës. Brenda këtij afati niveli i oksigjenit prek parametrat normalë duke furnizuar lëkurën dhe flokët e thatë.

Pas 24 orësh: Monoksidi i karbonit ‘zhduket’ nga organizmi dhe mushkëritë nisin të vetpastrohen dhe të rikthejnë në funksion mekanizmat mbrojtës ndaj ‘papastërtive’ që thithen së bashku me ajrin.

Në 48 orë: Organizmi pastrohet prej nikotinës dhe përmirësohet ndjeshëm shqisa e aromës dhe shijes. Efekt anësor në këtë periudhë mund të jetë një dhimbje e lehtë koke, që mund të lehtësohet akoma më shumë po të mendosh se në portofol do nisin të rëndojnë paratë që shpenzonit për cigaret.

Në 3 ditë: Frymëmarrja do të lehtësohet akoma më shumë. Në këtë fazë mund të keni probleme me përqendrimin, probleme që kompensohen me energjinë e fituar në nivele më të larta.

Në 12 javë: 60 përqind e atyre që kanë lënë duhanin pohojnë se në këtë periudhë kishin probleme me vetkontrollin dhe se dëshira për të ndezur një cigare ishte më e fortë se zakonisht. Mos u dorëzoni! Qarkullimi i gjakut dhe lëngjeve në organizëm në këtë fazë është përmirësuar akoma më shumë që reflektohet në një freski më të madhe të lëkurës.

Nga 3 deri në 9 muaj: Mushkëritë përmirësohen me 10 përqind. Në këtë fazë nis rigjenerimi i qelizave të dëmtuara nga duhanpirja. Nuk do të ndjeni më shqetësimet e kraharorit të shkaktuara nga duhani. 70 përqind e personave që kanë lënë duhanin thonë se në këtë periudhë kanë patur një rritje të fortë të oreksit. Nëse shqetësoheni se mund të fitoni kilogram të tepërta, atëherë duhet të bëni kujdes me ushqimin që përzgjidhni.

Në 1 vit: rreziku për të pësuar një sulm në zemër bie me 50 përqind të mundësive në krahasim me një duhanpirës. Ulet gjithashtu edhe mundësia e mpiksjes së gjakut në tru për shkak të mungesës së oksigjenit. Brenda pesë vitesh pasi e keni lënë duhanin, rreziku për t’u goditur nga një mpiksje rikthehet në nivelet normale, njësoj sikur të mos kishit pirë duhan kurrë.

Në 10 vjet: rreziku për t’u prekur nga kanceri në mushkëri ulet me 50 përqind në krahasim me atë të një duhanpirësi. Qelizat parakancerogjene në gjakun tuaj janë zëvendësuar të gjitha nga qeliza të reja të shëndetshme.

Në 15 vjet: rreziku për të pësuar një sulm në zemër ulet në nivelet e një personi që nuk ka pirë kurrë duhan dhe lëkura rigjeneron plotësisht dëmtimet e shkaktuara nga duhanpirja.

/ Top Channel

Shkup, ambasadori amerikan: Sistemi gjyqësor? Hahaha!

Jess_BailyAmbasadori amerikan në Shkup, Jess Baily ka zgjedhur një mënyrë jo të zakonshme për të shprehur vlerësimin e tij për sistemin e drejtësisë në Maqedoni. Ai ka shpërthyer në të qeshura kur gazetarët në Shkup i kanë kërkuar një vlerësim për gjyqësorin. &#8220;Hahaha! Pra, po më pyesni të komentoj sistemin gjyqësor&#8221;, iu përgjigj Baily reporterëve. Megjithatë, diplomati amerikan e vuri theksin te mungesa e besimit të qytetarëve tek institucionet gjyqësore. Ai u zotua se SHBA-të do të ndihmojnë në rritjen e këtij besimi dhe porositi se sfidat aktuale me të cilat përballet vendi kërkojnë një gjyqësor të pavarur dhe transparent. </p>
<p>&#8220;Çështja e besimit të qytetarëve te sistemi gjyqësor është diçka për të cilën duhet të vendosin vetë qytetarët e Maqedonisë. Ne jemi këtu për të ndihmuar në rritjen e besimit. Unë nuk dua të gjykoj nëse sistemi është i aftë të përballet me rastet e fundit, por sfidat me të cilat përballet Maqedonia kërkojnë një gjyqësor transparent dhe të pavarur. Këtë e dëshirojnë edhe qytetarët&#8221;, deklaroi Baily. Ndërkohë, një ditë më parë partia opozitare maqedonase, LSDM prezantoi disa audiomateriale të përgjuara, për të cilat tha se dëshmojnë se në Maqedoni sistemi gjyqësor kontrollohet tërësisht nga kryeministrit Nikolla Gruevski dhe bashkëpunëtorët e tij të afërt. </p>
<p>Deklarata e diplomatit amerikan nuk ka kaluar pa u vënë re edhe nga mediat ndërkombëtare. Shumë prej komenteve shprehen se gjesti i Baily nuk ishte aspak diplomatik dhe se mund të sjellë irritimin e qytetarëve për mënyrën sesi shefi i diplomacinë e ka trajtuar këtë çështje.

Zgjerohen sulmet në hapësirën kibernetike

Një raport i publikuar kohët e fundit tregon se Irani dhe Shtetet e Bashkuara kanë shtuar sulmet kibernetike ndaj njëri-tjetrit, madje edhe ndërkohë që diplomatët e lartë nga të dy vendet po punojnë drejt një marëveshjeje për të siguruar se Irani nuk do të ketë armë bërthamore dhe për heqjen e sanksioneve ndaj atij vendi. Ky zhvillim është pjesë e një prirjeje globale në rritje.

Diplomatët më të lartë amerikanë dhe iranianë kanë zhvilluar takime thuajse javore, në përpjekje për një marrëveshje brenda afatit të caktuar në fund të marsit. Por pas kësaj skene po zhvillohet një betejë kibernetike, sipas faqes elektronike The Intercept që bazohet në dokumentet e publikuara nga Edward Snowden.

Publikimi i detajeve nga këto dokumente të dy viteve më parë, kërkon reagime më të fuqishme amerikane ndaj aftësive të përmirësuara të sulmeve kibernetike nga Irani.

Raporti thotë se Irani ka nxjerrë mësime nga virusi Stuxnet i futur në programin bërthamor të atij vendi, nga siç thuhet agjencitë inteligjente amerikane dhe izraelite në vitin 2012.

Incidenti mund t’u ketë treguar udhëheqësve iranianë vlerën e sulmeve kibernetike, krahasur me armët bërthamore më të kushtueshme dhe tejet të debatueshme, thotë eksperti David Stupples me City University London.

“Irani e ka kuptuar tani se ka një armë më të fuqishme në dorë. Nëse investojnë këtu, ata mund të sulmojnë vazhdimisht dhe të arrijnë rezultate me kosto shumë të ulët.”

Një formë elementare sulmi kibernetik paraqitet në këtë video të ekipit të profesorit Stupples nga një incident i kohëve të fundit.

“Kjo faqe interneti tregon për sulmet dhe reagimet. Ngjyra e ndezur tregon se faqja e internetit është e mbingarkuar. Këtu shihen sulmet ndaj faqes dhe praktikisht, faqja e internetit është izoluar tërësisht.”

Një mbingarkesë e tillë, ose sulmet për izolimin e faqes janë irrituese. Problemi kryesor është kur ndodh grabitja e informacioneve apo shkatërrimi i tyre si në rastin e Sony-it vitin e kaluar. Sulme të tilla rrezikojnë jetën e njerëzve duke tejnxehur centralet elektrike ose bllokuar sherbime të ndryshme si trafikun tokësor dhe atë ajror.

Një vit më parë, shefi i Agjencisë për Sigurinë Kombëtare, admirali Mike Rogers, i tha Kongresit se lufta kibernetike do të vazhdojë.

“Lufta kibernetike do të jetë element i pothuajse të gjitha krizave që do të shohim në të ardhmen. Ka qënë në të kaluarën, po shihet në Ukrainë, Siri, Gjeorgji dhe gjithnjë e më shumë po bëhet normë.”

Po ashtu ka shqetësime se grupet terroriste mund të përdorin sulmet kibernetike, thotë Rachel Briggs me Institutin Londinez për Dialog Strategjik.

“Dihet që ekstremistët po përdorin teknologjinë. Me aq sa dihet ata nuk kanë qënë të suksesshëm. Por kjo është çështje kohe.”

Sulmet kibernetike janë me kosto të ulët, pa autorë dhe shpesh të panjohura për publikun, me mudësinë për përdorim më aktiv nga terroristët dhe qeveritë sesa armët konvencionale apo bërthamore. (voa)

Raporti i qeverisë së Kosovës mbi dialogun i paraqitet Brukselit

Qeveria e Kosovës kërkon që çështja e Asociacionit të komunave me shumicë serbe të mos diskutohet pa u zbatuar nga Serbia marrëveshjet e arritura. Pala serbe insiston në krijimin e shpejtë të Asociacionit.

Zyrtarë të qeverisë së Kosovës, thonë se ata nuk do të pranojnë asnjë kusht të përfaqësuesve të komunitetit serb të Kosovës që del jashtë kornizave të ligjeve dhe Kushtetutës së Kosovës. Të mërkurën e javës së kaluar, kryetarët e komunave me shumicë serbe me praninë edhe të përfaqësuesve të qeverisë se Serbisë dhe deputetëve serbë në kuvendin e Kosovës, u dakorduan në një takim në Graçanicë për një veprim të përbashkët politik, sic u tha, në mbrojtjen e të drejtave të komunitetit serb në Kosovë përmes një Asociacioni të fuqishëm të komunave serbe.
“Komuniteti serb vendos për një veprim të përbashkët politik, për mbrojtjen e të drejtave dhe realizimin e interesave të popullit serb, përmes formimit të një Asociacioni të fuqishëm të komunave serbe”, thuhej në mes tjerash në deklaratën për media pas takimit të Graçanicës.
Presioni i Listës “Serpska”
Ndërkohë, mediat lokale në Prishtinë shkruajnë se Lista “Serpska”, që përbëhet nga 10 deputetë në kuvendin e Kosovës, po bën presion për krijimin e Asociacionit të komunave me shumicë serbe, për faktin që shumë shpejt Serbia do të nisë ndryshimet kushtetuese dhe në kuadër të tyre synohet krijimi i një amendamenti të veçantë për Asociacionin. Deputetët e listës Serpska akoma po vazhdojnë të bojkotojnë institucionet e Kosovës që nga shkarkimi nga detyra i ministrit serb Aleksandër Jabllanoviq dhe ky bojkotim thuhet se do të vazhdojë deri në krijimin e Asociacionit të komunave me shumicë serbe.

Ndërsa zyrtarë të qeverisë së Kosovës nga ana e tyre, thonë se cështja e Asociacionit akoma nuk është në rend dite, sepse fillimisht sipas tyre, Serbia duhet t’i zbatojë marrëveshjet e arritura deri tash.
Edita Tahiri ministre për dialogun Kosovë-Serbi, i tha DW se përfaqësuesit e serbëve të Kosovës, shqetësimet e tyre mund dhe duhet t’i adresojnë në institucionet e Kosovës e jo jashtë tyre.
Tahiri: Të zbatohen njëherë marrëveshjet e arritura
“Çështja e Asociacionit është një çështje që jemi dakorduar në kuadër të marrëveshjes për normalizimin e marrëdhënieve Kosovë-Serbi. Por çështja e Asociacionit akoma nuk është në rend dite, sepse, akoma ka çështje të tjera që duhet të zbatohen plotësisht. Çështjet që fillimisht duhet të kryhen, përkatësisht marrëveshjet që duhet të zbatohen janë: Serbia duhet që t’i shuaj të gjitha strukturat paralele që i ka në Kosovë, të zbatohet plotësisht marrëveshja për drejtësinë, e cila u arrit në muajin shkurt, kërkojmë që struktura paramilitare mbrojtje civile të shuhet plotësisht dhe pjesëtarët e saj të integrohen në institucionet e Kosovës dhe kërkojmë që të hiqet barrikada mbi urën e Lumit Ibër. Pra, kur këto të zbatohen praktikisht dhe vërtetohet se u zbatuan, atëherë tema e Asociacionit do të jetë në rend dite”, thotë Edita Tahiri.
Ky Asociacion sipas zonjës Tahiri, do të jetë në përputhje të plotë me ligjet e Kosovës, përkatësisht me ligjin për vetëqeverisje lokale. Në bazë të këtij ligji, Asociacioni nuk mund të ketë kompetenca ekzekutive e as mbikqyrëse, por mund të ketë funksione kordinuese, konsultative për nevojat komunale. Bojkotimi i institucioneve të Kosovës nga ana e listës Serpska, nga analistë të ndyshëm u interpretua edhe si rrezik për ndërprerjen e dialogut Kosovë-Serbi.
Edita Tahiri, thotë se qeveria e Kosovës është për vazhdimin e dialogut me Serbinë, asnjëherë nuk ka thënë që do ta ndërpresë dialogun, mirëpo, fillimisht kërkon që të zbatohen nga ana e Serbisë marrëveshjet e arritura deri tash në mënyrë që të hapet rruga për tema të reja, apo sic e quan ajo, fazën e tretë të dialogut. “Që nga tetori i vitit të shkuar ne kemi vërejtur që Serbia jo që nuk po i zhbën strukturat e saja paralele në Kosovë, por përkundrazi i ka forcuar dhe ka vënë nën hije veprimtarinë e komunave legale që janë zgjedhur në zgjedhjet lokale të vitit 2013 dhe pikërisht zgjedhjet lokale të vitit 2013 janë rezultat i marrëveshjes së Brukselit Kosovë-Serbi e nënshkruar me 19 prill të po të njejtit vit. Pra, nga ana jonë unë mund të them se qeveria e Kosovës është e përkushtuar për vazhdimin e dilaogut me Serbinë, por ne kërkojmë rritje të cilësisë në zbatimin e marrëveshjeve për të krijuar kushtet për fazën e tretë të dialogut ku do të hapen tema të reja”, thotë Edita Tahiri.

Si të sigurohet progresi në dialog
Qeveria e Kosovës njoftoi të hënën me datë ( 23.03 ) se i ka paraqitur Bashkimit Evropian raportin mbi rrjedhat e dialogut të Brukselit dhe procesin e zbatimit të marrëveshjeve për periudhën 1 tetor 2014–20 mars 2015. Në këtë Raport që është nënshkruar nga ministrja Edita Tahiri, udhëheqëse e dialogut të Brukselit për procesin e zbatimit, paraqitet vlerësimi i Qeverisë së Kosovës për progresin dhe sfidat e procesit të zbatimit të marrëveshjeve të Dialogut për normalizimin e marrëdhënieve ndërshtetërore mes Kosovës dhe Serbisë dhe Dialogut teknik të lehtësuar nga Bashkimi Evropian.
Në raport ndër të tjera thuhet se Qeveria e Kosovës dëshiron të theksoj se zbatimi i marrëveshjeve është me rëndësi parësore për suksesin e plotë të këtij dialogu. “Ne e vlerësojmë shumë lehtësimin që ofron Bashkimi Evropian dhe garancitë për rezultatet e dialogut, si dhe mbështetjen e plotë të Shteteve të Bashkuara për të. Megjithatë, ne besojmë fuqishëm se politikat e matjes së performancës dhe stimujt e njëpasnjëshëm dhe kushtëzimet për të dy shtetet në rrugën e tyre të euro-integrimit, janë të nevojshëm për të siguruar progresin e kërkuar në dialog”, thuhet në raportin e dialogut që qeveria e Kosovës i dorëzoi Brukselit zyrtar. (dw)

Roli i ISIS në Bosnje

Ndaj Bosnje – Hercegovinës shpesh ngrihen dyshime se nga ky vend kanë shkuar shumë luftëtarë në Siri dhe Irak. Dyshohet se ata janë pjesë e ISIS, por realiteti është krejt tjetër.

Provokimi është rregullisht i suksesshëm: shumë shpesh në vendin e vogël Gornja Maoça në verlindje të Bosnje-Hercegovinës ngrihen flamujt e të ashtuquajturit Shteti Islamik (IS). Flamujt vendosen mbi shtëpi të ndryshme. Bëhen fotografi dhe u dërgohen gazetarëve. Shumë shpejt nga Sarajeva niset njësia antiterror SIPA (State Investigation and Protection Agency), por deri sa mbërrinë atje, flamujt janë hequr.
Autoritetet nuk janë në zë të mirë në këtë rajon. Por në rastin e islamistëve radikalë nuk mund të kritikohen se nuk po veprojnë. Pas vitit 2011 kur 23-vjeçari Mevlid Jashareviq me një kallashnikov donte të futej në ambasadën amerikane në Sarajevë, u shkaktua një alarm dhe bastisje të mëdha në Sarajevë. Ndërsa kundër terroristëve që udhëtojnë në vendet e tjera në qershor është miratuar një ligj, i cili ndalon shkuarjen e qytetarëve të këtij vendi në vendet e tjera. Luftëtarët e xhihadit, apo ata të cilët i nxisin të tjerët që të shkpojnë në këtë luftë, mund të denohen deri me 10 vjet heqje lirie.
Me rastin e Jashareviqit në këtë vend u dëgjua për herë të parë se ai vjen nga fshati i vogël Gornja Maoça. Edhe dukja e tij e vehabistit flet për përkatësinë e tij në këto grupe. Vehabistët ndonjëherë quhen atje edhe salafistë, ndonëse në disa pika dallojnë. Sidoqoftë, ata bëjnë propagandë për domosdoshmërinë e fesë islame për “back to the roots”, pra kthimin në jetën si në kohën e profetit, me të gjitha dogmat dhe rregullat.

Një fe islame evropiane
Por botëkuptimi i fesë islame në këtë vend është krejt tjetër nga koha e para disa shekujve, pohon Enes Kariq, profesor në Fakultetin e shkencave islame në Sarajevë. Në vitin 1456 ka filluar sundimi i Perandorisë Osmane në Bosnje – Hercegovinë dhe procesi i islamizimit të popullatës në këtë vend. Ky proces ka zgjatur në mënyrë sukcesive më shumë se 160 vjet, shpjegon Kariq. Është e mundur të ketë pasur edhe kalime të shumta nga feja në fe, por shumica e banorëve të këtij vendi e kanë pranuar fenë islame, shpjegon ai. Myslimanët në atë kohë kanë paguar më pak tatime për Perandorinë Osmane, për dallim prej të tjerëve. Ata kanë pasur edhe pozita të larta në shtet dhe prona. Feja islame u zhvillua si një mësim urban – nga qytetet në fshatra, ndërsa interpretimet kryesore të fesë vinin nga medresetë. Feja islame në Bosnje-Hercegovinë ka mbështetur gjithmonë shkëmbimin me fetë e tjera, atë katolike dhe ortodokse.
Më së voni që nga viti 1878, pas vendimeve të Kongresit të Berlinit, myslimanët e Bosnje – Hercegovinës jetojnë me bindjen e një shteti sekularist. Një shoqëri pra ku vlejnë parimet kryesore tokësore. Për fenë ka pasur gjithmonë vend, por ajo nuk e ka pasur rolin primar në jetën e përditshme.
Problemi i luftëtarëve të huaj
Fakti që pavarësisht këtyre traditave u ngritën grupe me botëkuptime radikale të fesë, si vehabistët nga Gornja Maoça, ndërlidhet edhe me kohën e luftës 1992-1995. Në atë kohë vende të ndryshme me shumicën e popullsisë së fesë myslimane kanë dërguar luftëtarë në Bosnje – Hercegovinë për të luftuar në emër të fesë. Vlerësohet se gjatë luftës kanë qenë 2000 luftëtarë të tillë. Pas luftës një pjesë prej tyre ka mbetur në vend. Ata kanë marrë pasaporta të Bosnje – Hercegovinës dhe janë futur në sferat me influencë, në fondacionet saudite në Bosnje – Hercegovinë. Përmes tyre janë investuar edhe shumë para për ndërtimin e xhamive dhe përhapjen e vahabizmit. Nga radhët e tyre kanë dalë edhe deri në 160 luftëtarë nga ky vend të cilët kanë shkuar për të luftuar për të ashtuquajturin Shteti Islamik në Siri dhe Irak.
Në xhamitë vendase ekstremistët hasin në rezistencë. Por ka dy faktorë, që i shkojnë në favor kësaj fushe fetare, pohon Dennis Gratz, kryetar i social-liberalëve „Nasha stranka“. Nga njëra anë është varfëria dhe gjenda e rëndë ekonomike dhe tjetra, disa politikanë të afërt me presidentin turk Rehep Tayip Erdogan. Erdogani llogaritet si një mbështetës i orientimeve neo-osmane në politikën e jashtme turke dhe ndjek fenë konsrvatore islame. 37-vjeçari Gratz, i cili ka shkuar në shkolla në Gjermani dhe ka mbrojtur doktoraturën në Institutin e Hamburgut për Studime Paqësore dhe Siguri, thotë: “edhe unë praktikoj fenë islame, por ne në Bosnje – Hercegovinë jetojmë një fe që ka një traditë të vetën. Sekularizmi dhe laicizmi janë të vetëkuptueshme dhe nuk kontestohen fare nga shumica.”
Angazhimi i Perëndimit nuk duhet të ndërpritet
Në një studim për „U.S. Military Academy“ në West Point, analisti Steven Oluiq përshkruan këtë dilemë: “Aftësia e Bosnje – Hercegovinës që t’i rezistojë ekstremistëve dhe radikalëve varet në masë të madhe edhe nga angazhimi i Perëndimit në këtë rajon. Por edhe nga fakti që boshnjakët e moderuar (myslimanët boshnjakë) të përballen me fenë dhe ideologjinë radikale islame.“ Shumica në Bosnje – Hercegovinës e refuzon interpretimin radikal të fesë. Por duhet të vazhdojë mbështetja e Perëndimit.(dw)

Cebit-i në epokën e ekonomisë digjitale

Smartfone-t, celularët inteligjentë luajnë një rol dytësor në Cebit. Ajo që ka më shumë rëndësi këtu është lidhja në rrjet e gjërave – qoftë në industri ose për jetën e përditshme. Një rol qendror në Hanover luan Kina.

Cebit-i i këtij viti ka moton: të kthehemi tek rrënjët – drejt një panairi biznesi, siç ishte në mes të viteve 1980. Më pak laraman dhe i zhurmshëm, më tepër prozaik dhe joemocional. Por jo më pak i rëndësishëm: sepse digjitalizimi është i gjithëpranishëm, ai ndërhyn jo vetëm në përditshmërinë e njerëzve, por po ashtu në modelet e biznesit të sipërmarrjeve. Organizatorët e panairit kanë menduar për këtë moton “d!conomy”, një krijesë fjalësh nga “digjital!” dhe “economy”.
Interneti për ta prekur me dorë
“Kjo përshkruan megjithatë saktësisht hyrjen e vrullshme të digjitalizimit në të gjithë sektorët ekonomikë dhe shoqërorë”, thotë shefi i Cebit-it, Oliver Frese. “Përpara se “interneti i gjërave” të kthehet në realitet, sipërmarrjeve u duhet të investojnë miliarda në infrastrukturën e telekomunikacionit, në proceset të analizimit të të dhënave, në mjetet e vlerësimit deri në qendra të kapacitetit të lartë llogaritës.”
Përparësia e Cebit-it ndaj panaireve të tjera është që këtu është e dukshme e gjithë fusha e digjitalizimit dhe nuk përqendrohet vëmendja vetëm në produkte të caktuara. Me sa duket koncepti i ri ka sukses: 3300 ekspozues nga 70 vende kanë ardhur, midis tyre shumë firma të mëdha në degën e IT, si: Samsung, Vodafone, Deutsche Telekom, Huawei, HewlettPackard, Intel, por edhe Dropbox-i dhe Xiaomi. Xiaomi? Në Gjermani nuk e njeh askush, por në Kinë kjo sipërmarrje është numri një me smartfonët e saj. Kina luan këtë vit një rol kryesor në Hanover, ajo është vendi partner i panairit. Një në pesë ekspozues ka ardhur nga Kina.
Spostim drejt Lindjes
“Kina është vendi partner më i fuqishëm, që ka patur ndonjëherë Cebiti, me më shumë se 600 sipërmarrje nga Perandoria e Mesit”, thotë shefi i Panairit, Frese. “Kina është zhvilluar nga një bankë e thjeshtë pune në një ofruese globale të zgjidhjeve për botën digjitale.” Sipërmarrje si Huawei dhe ZTE janë që tani ofruese të cilësisë më të lartë në pajisjen e rrjeteve si p.sh. në Evropë. Frese: “Ne përjetojmë shumë qartë një spostim të hartës drejt Lindjes”.
Çfarë mbetet përballë një zhvillimi të tillë të vrullshëm për degën e IT-së së Gjermanisë? Vetëm roli i spektatorit që habitet? Jo, thotë Dieter Kempf, president i shoqatës së degëve Bitkom. Sipas një sondazhi aktual, 86 përqind e 500 sipërmarrjeve të pyetura nga Bitkomi e shohin digjitalizimin më tepër si shans, se sa si rrezik. Numri i vendeve të punës në këtë degë po rritet pa ndërprerje.
Kempf pret në Cebit “një numër të madh produktesh konkrete, si në fushën e industrisë, ashtu edhe në shërbime, por edhe në sektorin privat, ku përmes digjitalizimit lindin oferta të reja për zgjidhjen e problemeve, ku gjejnë përdorim teknologji të reja.” Analiza e sasive të mëdha të të dhënave (Big Data Analytics” është një shembull i tillë. “Por edhe ndërthurrja e sistemeve klasike të IT-së me sisteme IT të afërta me produktet, si sensorika dhe përpunimi i informacionit – këtu do të shohim shumë shembuj”. (dw)

Netanyahu siguron shumicën për formimin e qeverisë, të mërkurën mandatohet nga Presidenti

netanyahuBenjamin Netanyahu siguroi sot një shumicë të qartë nga e djathta mes 120 deputetëve të Parlamentit të ri për të formuar qeverinë e ardhshme izraelite, theksoi presidenca.

“Të paktën 67 parlamentarë nga 120 mbështetën kryeministrin në ikje, Benjamin Netanyahu pranë presidentit, Reuven Rivlin, me qëllim që ky i fundit ta ngarkojë për formimin e qeverisë së re”, theksoi zëdhënësi i presidencës, Jason Pearlman.

Ndaj pritet që Presidenti të ftojë të mërkurën në mbrëmje Netanyahun, në postin e kryeministrit që prej vitit 2009, për ta ngarkuar zyrtarisht për formimin e qeverisë.

Netanyahu mori mbështetjen e deputetëve të partisë së tij të djathtë (Likud), dy partive nacionaliste (Vatra hebreje, Izrael Beiteinu), dy formacioneve ultra-ortodokse (Shass dhe Lista e Bashkuar e Torah) dhe partisë së qendrës së djathtë Kulanu.

Qendra Informative Shqiptare "Liria"