Koment: solidaritet dhe ndarje

Pegida rritet, por edhe rezistenca kundër saj. Ditët pas atentateve në Paris e bëjnë të qartë: Gjermania është e ndarë. Një konstatim alarmues, mendon Volker WagenerNumërimi i madh ka nisur. 30.000 në Lajpzig, 20.000 në Mynih, 19.000 në Hanover, 9.000 në Saarbrücken – rreth 100.000 në të gjithë Gjermaninë kanë shprehur solidaritetin me “Charlie Hebdo”-në. Por edhe numri i të vetëshpallurve shpëtimtarë të Oksidentit po shtohet. 25.000 vetë shkuan në “ndeshjen në tokën e vet” të Lëvizjes Pegida në Drezden, rekord. Nuk mund ta mohosh: pjesë të shoqërisë gjermane qendrojnë përballë njëra-tjetrës si qendrojnë përndryshe fansat e klubeve rivalizuese të futbollit. Fara e islamistëve vrastarë po çel. Kërpudha e ndarjes po rritet në barkun e shoqërisë gjermane.
Pegida rritet, “Je sui Charlie” gjithashtu
E rrezikshmja në lëvizjen e re të qytetarëve kundër fesë islame është shtrirja e tyre sociale. Nuk janë më ata me mendime përjetësisht të vjetra, që na acarojnë nervat me paranojën e tyre të dominimit të të huajve. Ata që thonë sot se duan të shpëtojnë Gjermaninë, nuk janë ata të njohurit, që nuk përmirësohen: neonazistët, huliganët, agjitatorët me kostume me vija. Për momentin janë para së gjithash qytetarë të urtë ata që marrin pjesë në demonstratat rituale të të hënave. Janë pensionistë, të cilët shohin të rrezikuar pensionin e tyre për shkak të shpenzimeve për refugjatët nga Siria. Nëna, që shqetësohen për fëmijët e tyre, të cilët gjoja mbështeten pas muri në shkolla nga numri i madh i Ahmetëve dhe Aisheve. Madje edhe shtresa e mesme akademike druhet për degradim social: gjithçka për shkak të myslimanëve tanë. Një rast për terapi.

Po të ishin vetëm këta pretendues për patriotë, Gjermania do t’i kishte keq punët. Në fakt që prej javësh – dhe aq më tepër pas atentateve të Parisit- gjithnjë e më shumë njerëz dalin në rrugë për tolerancë dhe kundër ksenofobisë se sa mund të mendosh duke parë numrin në rritje të njerëzve të Pegidas në Drezden. Por me gjithë respektin për protestën civile: Pohimi “Je sui Charlie” është i dyshimtë. Sepse solidariteti me Charlie-në nuk kushton asgjë, ai është refleks i të ndjerit i prekur i pjesëve të gjera të shtresës sonë të mesme të arsimuar.
Shumë hipokrizi te alternativat tona
Por që solidariteti i momentit të kthehet në një solidaritet të përhershëm, për këtë duhet vazhdimësi. Më shumë besueshmëri te “njerëzit tanë të prekur”. Kërkimi i së drejtës për veten, në të cilin pjesë të skenës alternative depërtojnë deri thellë në shtresën e mesme, është vetëm hipokrizi. Për aq kohë sa atraktiviteti i multikulturalizmit tonë ushqehet vetëm nga përvojat e pushimeve në Toskana dhe nga ofertat me gjellë ekzotike në restorante në lagjet e mirëqenies, solidariteti me migrantët tanë myslimanë katandiset në një ritual të njeriut të mirë.
Jo pak nga ata që e shpallin veten sot si mbështetës të Charlie, pa dëgjuar më parë kurrë për këtë gazetë satirike, i dërgojnë fëmijët e tyre me kilometra larg në shkolla të tjera, për t’i shpëtuar numrit të madh të të huajve në klasat e fëmijëve të tyre. Ose ngulin këmbë në komuna që të mos ngrihen shtëpi për refugjatët pranë shtëpive prona të tyre. Kjo është tolerancë që nuk kushton asgjë, është vetëm një qendrim liberal. Më shumë dukje, se sa realitet.
Merkeli e tha edhe njëherë: feja islame është pjesë e Gjermanisë!
Realitetin e kujtoi kancelarja Merkel. Christian Wulff, Presidenti gati i harruar i Gjermanisë ka mbetur në kujtesë pozitivisht vetëm me një akt: me fjalinë e tij: “Feja islame është pjesë e Gjermanisë!” ai shqiptoi një të vërtetë të spostuar deri atëherë. Me këtë me mjaft vonesë ai e bëri të qartë se Gjermania është vend migrantësh. Këtë Angela Merkeli e përsëriti tani shprehimisht. Ka ardhur tashmë koha që fqinjët tanë myslimanë, kolegët e punës, shokët e sportit t’i vështrojmë si normale në jetën tonë. Gjithçka tjetër do të ishte mohim i fakteve. (dw)

Jeta para vdekjes

Nga Aurel Dasareti, USA, ekspert i shkencave ushtarake-psikologjike (dasaretiaurel@yahoo.com.au)

Gjyshi im (oficer në pension) ka shkruar për mallëngjimin, humbjen, ikjen (nën presion), dhe mërgimin e pavullnetshëm prej Shqipërie në Amerikë (1943). Historia e jetës së tij, është një prej rasteve të shumta të tragjedisë shqiptare. Tani është i moshuar, megjithatë poezitë e tij manifestojnë dëshirën e zjarrtë dhe vuajtjet masive që pulsojnë në të gjitha zemrat mërgimtare. Gjyshi rrëfehet: “Së pari duhet të them se unë gjatë gjithë jetës në emigrim kam ndjerë dhe ndjejë një mallëngjim të hatashëm për prindërit e mi me të cilët nuk jam takuar më kurrë prej asaj ditës kur u detyrova ta braktisi atdheun tim të dashur. Mallëngjehem për katër stinët në Shqipëri. Mallëngjehem për të gjitha rrugët dhe të gjithë njerëzit atje, për Shkodrën time. Kur unë mendoj për Shqipërinë, unë shoh shumë fotografi të gëzimit dhe lumturisë në mendjen time. Unë gjithashtu mendoj se shteti është atje. Për shkak të gjendjes gjatë sistemit monist, nuk pata siguri për jetën të vizitoj prindërit e mi derisa ishin gjallë. Kam vizituar dhe i putha varret e tyre. Një gjë është se unë nuk isha aty kur ata vdiqën. Problemi është se unë nuk isha pranë tyre, kur ata jetonin. Të jem me ta në jetën para vdekjes.

Ndoshta ti nipi im je kureshtar se pse unë shkruaj disa gjëra të këqija nga atdheu im, por ti duhet ta mbash mend se unë e dua Shqipërinë. I dua të gjithë njerëzit atje por kam problem edhe me qeverinë e tanishme të korruptuar dhe antikombëtare. Nëse do të kishim burrështetas të mirë, shqiptarët do të mund të jetonin në atdheun tonë. Shqipëria natyrale boshatiset, zotëron mjerimi, rinia ikën në Perëndim, nataliteti zvogëlohet. Së fundi, kur unë mendoj për Shqipërinë kam kujtime të dyfishta, të mira dhe të këqija, por zemra ime rreh për Shqipërinë. Shqipëria, atdheu im.”

***

Jam lindur në Sydney, Australi, Nëntor 1976 dhe prej moshës 8 vjeçare kryesisht jetojë në USA. Me prindërit u shpërngula nga vendlindja ime, qyteti im, miqtë e mi dhe çdo gjë tjetër të dashur për mua. Vendlindjen të cilën sipas gjasave do ta përkujtojë në pjesën tjetër të jetës sime.

Prindërit e mi sakrifikuan shumë për mua dhe vëllain, motrën time. Unë jam mirënjohës dhe i kënaqur që jetoj në një vend si USA. Unë ndoshta nuk kam një emër tipik amerikan, një pamje angleze. Ndoshta nuk kam një besim tradicionalisht të lidhur me SHBA, një gjuhë amtare të lidhur me SHBA-të, megjithatë unë jam amerikan – dhe australian. E dua shumë Australinë dhe Amerikën por njëherësh e dua shumë edhe atdheun e gjyshërve të mi. Shqipëria është ende atdheu i tyre. Gjithashtu i imi

Kur disa dëgjojnë se unë jam shqiptar etnik me prejardhje, më pyesin për vlerat shqiptare. Unë jam rritur me vlerat si: ndershmëri, tolerancë për njerëzit e tjerë, barazisë, bamirësi, se duhet të punojmë shumë, se familja është e rëndësishme, që ne kujdesemi për fqinjët, se nuk duhet të dëmtojnë askënd, të respektojmë të moshuarit etj. Këto janë vlerat që prindërit mi dhanë mua, dhe këto janë vlerat sipas së cilave unë jetojë. Këto janë vlera të mirëfillta shqiptare. A nuk janë këto edhe vlera të mirëfillta amerikane?

Unë kam gjak shqiptar në venat e mia, por unë jam njësoj si një amerikan i mirëfilltë këtu. Unë nuk jam një prej tyre, unë jam njëri prej nesh. Është një ditë kur unë festoj atdheun tim Amerikën apo Australinë. Ditën tjetër festoj atdheun e gjyshërve të mi, Shqipërinë – është ajo dita kur unë jam një njeri patriotik shqiptar.

***

Çfarë është një – diaspora?

Diaspora, fillimisht një term për hebrenjtë e përhapur në mesin e kombeve të tjera. Tani paraqet gjithashtu pakicat fetare apo kombëtare që jetojnë në një mjedis të panjohur.

Diaspora ishte rezultat i dëbimeve dhe arratisjes, por edhe emigracionit vullnetar për të kërkuar fatin në tokë të huaj.
Diaspora shpesh përkufizohet si një grup që e kanë lënë atdheun e tyre, herë pas here në rrethana dramatike. Njerëzit largohen nga shtëpitë e tyre dhe vendin e tyre për shumë arsye, duke përfshirë: për shkak të konflikteve, për të kërkuar punë, për mundësi më të mira tregtare apo për të kolonizuar territore të tjera.

Për t’u përcaktuar si diasporë duhet që një grup të ketë një mit të përbashkët në lidhje me vendin e tij, ta idealizoj atë dhe të jenë të gatshëm për të mbështetur atë, nëse është e nevojshme edhe me jetën.

Një grup i tillë duhet të ketë gjithashtu plane për t`u riatdhesuar, kanë një identitet të fortë etnik, dhe herë pas here një marrëdhënie problematike me vendin pritës nëse ai vend ka një politikë jomiqësore ndaj atdheut të tyre; dhe tregojnë solidaritet me anëtarët e diasporës në vendet e tjera. Një faktor tjetër i rëndësishëm është shkalla e organizimit të këtij grupi, si në vendin e tyre të ri pritës dhe në aspektin ndërkombëtar. Sipas një qasje të tillë të gjitha grupet etnike jashtë vendit nuk mund të konsiderohen si diasporë, vetëm ata që plotësojnë kërkesat e mësipërme.

Diaspora është një lëvizje, emigrimi apo shpërndarjeje e një populli nga vendlindja e tyre ose nga tokat e tyre stërgjyshore. Termi ka ardhur për të referuar në emigrimet historike, të dhunshme, dramatike në shkallë të gjerë dhe shpërndarja e njerëzve me rrënjë të përbashkëta, sidomos lëvizjet të cilat në thelbin e saj janë të pavullnetshme si për shembull dëbimin masiv nga trojet e veta të shqiptarëve për në Turqi, etj.

***

Historia e gjyshit tim është e rrallë, ai do të vriteshe sikur të vizitonte prindërit, e tani kohërat kanë ndryshuar. Emigrantët që nuk kontaktojnë-vizitojnë prindërit nuk mund të arsyetohen para vetes dhe Perëndisë.

Një numër i konsideruar i prindërve të mërgimtarëve shqiptarë që kanë mbetur të braktisur, gjatë kohë shtrihen të vdekur në shtëpitë e tyre pa ditur dikush në lidhje me të.

Karakteristika të përbashkëta të shumë prej atyre që pas shumë kohe janë gjetur të vdekur në shtëpitë e tyre, është se ata jetonin të vetmuar. Disa ishin pa familje të ngushtë.

Shumë emigrantë u premtojnë prindërve që do t`i vizitojnë ama “nuk mund të gjejnë kohë” për të sëmurët dhe të moshuarit e tyre. Por, kur vjen puna për të trashëguar, papritmas gjejnë kohë me tepricë, i blejnë lulet për në varrezë dhe udhëtojnë në atdhe me taksistin e parë që e takojnë në rrugë. Të vdekurit kishin me u thënë: “Duheshe të gjendesh afër meje, të më ndihmosh dhe të më japish lule kur unë jetoja, e tani pasi kam vdekur kisha me dashur të më lavdërosh vetëm për atë që unë jam.”

Çfarëdo konfliktesh apo sa pak kohë të këmbimit keni ju me pleqtë e familjes së juaj, duhet të parafytyroni se si do të ndjeheshit ju nëse në momentet e fundit të jetës nuk keni asnjë familjar afër jush që të komunikoni. Njerëzit e vetmuar nuk marrin një urim për Krishtlindje, për Bajram, për Vitin e Ri apo një telefon kur ata jetojnë, por kurora të mëdha dhe fjalët lavdëruese se si ata ishin të mrekullueshëm dhe se sa shumë ata u mungojnë – pas vdekjes së tyre.

Në Maqedoni sërish bie çmimi i derivateve të naftës

Maqedoni_nafta_cmimiNë Maqedoni sërish nga mesnata do të ulen çmimet e derivateve të naftës.

Komisioni Rregullator për Energjetikë (KRE) vendosi që nga mesnata të ulen çmimet e derivateve të naftës, edhe ate për 1 denarë për benzinën, dhe 1,5 denarë për dizelin.

Çmimi i Eurosuper BS-98 do të jetë 62,5 denarë për litër. Ndërsa Eurosuper BS-95 do të jetë më lirë për 1,5 denarë për litër, edhe ate do të jetë 60,5 denarë.

Dizeli do të jetë 51 denarë për litër. Çmimi i vajit ekstra i lehtë gjithashtu ulet për 1,5 den për litër, edhe ate do të shitet për 40 denarë për litër.

Këto janë çmimet e reja të korigjuara brenda një jave dhe se Maqedonia konsiderohet si vendi me derivate më të lira në rajonin e Evropës. (INA)

Zona Ekonomike e Tetovës assesi të funksionojë

Projekti më i madh ekonomik i BDI-së, Zona e lirë ekonomike e Tetovës, assesi të funksionojë.Edhe pas paralajmërimeve dhe përgatitjeve të shumta që nga viti 2007, në këtë fushë mbeten vetëm themelet e kompanisë ‘Itek Venezia Group’ punimet për të cilën kishin filluar në gusht të vitit të kaluar. Por nuk dihen arsyet pse kjo kompani nuk ka vazhduar punimet e mëtejme. Madje edhe ministrat e BDI-së kishin paralajmëruar se Zona ekonomike do të jetë burim i zhvillimit për banorët e zonës së Pollogut.

‘Me vendosjen e gurthemelit po fillon të marrë pamjen një projekt kapital që duhet të sjellë zhvillim industrial, mirëqenie ekonomike dhe dobi për të gjithë’, kishte deklaruar Valon Saraçini,ish ministër i ekonomisë (08.11.2013).

Nga Drejtoria e Zonave Ekonomike thonë se një gjendje e tillë nuk është e habitshme pasi që procedurat për themelimin, përgatitjen dhe funksionimin e një zone është normale të jenë kaq të gjata. Zv/Drejtori Asip Useini tha për Alsat M se kompania private “Normak Investment” që ka fituar tenderin për ndërtimin e zonës përmes partneritetit publiko-privat, ka për obligim edhe ndërtimin e infrastrukturës së brendshme dhe thithjen e investimeve.

‘Prej fillimit ne mund të themi si datë, prillin e vitit 2013. Prej asaj dite e këndej kanë filluar punët sepse për të bërë një zonë duhen 2 deri në 3 vjet minimum përgatitje dhe punë në infrastrukturën e brendshme dhe të jashtme, ne jemi në atë fazë por duhet të jemi të kënaqur sepse një fabrikë gurthemelin e ka hedhur, e dyta e ka nëshkruar kontratën kurse e treta është në bisedime. Sa për informatë kemi edhe 2-3 ndërmarrje për të cilat neve jemi duke punuar’, u shpreh Asip Useini, zv/drejtor i Drejtorisë për Zona Ekonomike.

Pamjet e xhiruara sot në Zonën e lirë ekonomike në Tetovë, shfaqin po ato që i kemi parë edhe më herët. Fushë e gjerë me një objekt të vetëm dhe bimë të egra gjithandej. Ferikan Iljazi

Në Maqedoni sërish bie çmimi i derivateve të naftës

Në Maqedoni sërish nga mesnata do të ulen çmimet e derivateve të naftës.Komisioni Rregullator për Energjetikë (KRE) vendosi që nga mesnata të ulen çmimet e derivateve të naftës, edhe ate për 1 denarë për benzinën, dhe 1,5 denarë për dizelin.

Çmimi i Eurosuper BS-98 do të jetë 62,5 denarë për litër. Ndërsa Eurosuper BS-95 do të jetë më lirë për 1,5 denarë për litër, edhe ate do të jetë 60,5 denarë.

Dizeli do të jetë 51 denarë për litër. Çmimi i vajit ekstra i lehtë gjithashtu ulet për 1,5 den për litër, edhe ate do të shitet për 40 denarë për litër.

Këto janë çmimet e reja të korigjuara brenda një jave dhe se Maqedonia konsiderohet si vendi me derivate më të lira në rajonin e Evropës. (INA)

Skandali i Sigurimeve në institucione, Qeveria do të paguajë borxhin

Skandali i Sigurimeve Shoqërore ku shumë institucione të shtetit nuk kanë paguar kontributet për punonjësit ka hapur debatin se si mund të zgjidhet kjo situatë. Top Channel ka mësuar se një nga rrugët që Qeveria po merr në konsideratë është ajo e klasifikimit të borxhit 100 milionë dollarë si detyrim i prapambetur për t’ja bashkangjitur borxheve të tjera që po shlyhen përmes një plani trevjeçar.

Kur erdhi në pushtet qeveria e majtë u angazhua për të paguar të gjitha borxhet e fsheura të shtetit. Pas verifikimit paraprak u deklarua se në total shuma e detyrimeve të fshehura që kishte krijuar Qeveria e mëparshme ishte 72.6 miliardë lekë ose 5.2 për qind e Prodhimit Kombëtar. Këto ishin detyrime në formën e punëve publike të papaguara, kontratave për furnizime mallrash, taksa të mbipaguara dhe pagesa shpronësimesh apo vendime gjykatash.

Menjëherë më pas Qeveria hartoi një plan trevjeçar për shlyerjen e tyre përmes buxhetit, duke marrë rreth 700 milionë dollarë hua nga FMN dhe Banka botërore. Burime konfidenciale nga ministria e financave thonë për Top Channel, se edhe borxhi prej 100 milionë dollarë i sigurimeve të papaguara, do të shuhet në këtë mënyrë, pasi të jetë kryer verifikimi i saktë i tyre, sepse nuk përjashtohet që mund të ketë edhe pasaktësi në rakordimin e të dhënave mes tatimeve apo ISSH-së.

Sipas tyre, këto detyrime do të paguhen pa patur nevojë për të marrë borxh të ri shtesë, pasi shuma prej 72.6 miliardë lekë që u deklarua në fillim ka qenë e mbivlerësuar. Në disa zëra si tatim fitimi apo të tjera, pas mbylljes së bilanceve, borxhi i buxhetit ndaj privatëve ka rezultuar më i ulët nga sa ishte vlerësuar fillimisht.

Shifra reale e borxhit të fshehtë shtetëror ka qenë një objekt i nxehtë debati politik mes qeverisë së majtë dhe demokratëve. Këta të fundit pretendojnë se shifra është shumë më e ulët nga sa u deklarua dhe Qeveria e rriti qëllimisht.

Por përtej sherrit politik dhe faktit Qeveria nuk do të ketë nevojë të rrisë më shumë borxhin, mospagimi i kontributeve është një skandal jo i vogël, i cili hedh përgjegjësi të forta mbi institucionet që e kanë toleruar veçanërisht tatimet dhe ISSH. Madje, jo vetëm për institucionet publike, por edhe për kompanitë private. / Top Channel

Nëse BE-ja nuk vepron, përdoret forca e ligjit

Institucionet e Kosovës, janë duke u koordinuar me Bashkimin Evropian, për të reaguar kundër ndërhyrjeve të Serbisë në emërimet e zyrtarëve komunal.Autoritetet serbe kanë emëruar kryetarin e ligjshëm të komunës së Shtërpces, në krye të komunës paralele të kësaj qyteze.

Ndërhyrje të ngjashme kanë ndodhur edhe në komunat në veri të Kosovës.

Ministrja për Dialog në Qeverinë e Kosovës, Edita Tahiri, tha për Radion Evropa e Lirë se nëse Bashkimi Evropian nuk vepron, institucionet e Kosovës “do të përdorin forcën e ligjit lidhur me këto raste”.

“Në parimin e bashkëpunimit tonë me Bashkimin Evropian, në kuadër të dialogut të Brukselit, ne kemi qasje që gjithmonë në fazën e parë të krijimit të problemit, kërkojmë një koordinim me Brukselin për hapat që do të ndërmarrim. Mirëpo, nëse Brukseli nuk do të japë përgjigje ose do të vonohet, ne do të jemi të detyruar të përdorim forcën e ligjit”, tha ministrja Tahiri.

Qeveria e Republikës së Kosovës e ka njoftuar “Bashkimin Evropian në lidhje me vazhdimin e ndërhyrjeve ilegale të Serbisë në Kosovë dhe shkeljen e Marrëveshjes së Brukselit për normalizim”, me rastin e vendimit për vazhdimin e funksionimit të strukturave paralele.

Nënkryetari i Kuvendit të Kosovës, Glauk Konjufca nga Lëvizja Vetëvendosje, konsideron se në radhë të parë Kuvendi, deputetët më shumicë votash, do të duhej të miratojnë një dokument-vendim për shpalljen e strukturave paralele të Serbisë në Kosovë si të paligjshme.

Konjufca thekson se për të gjithë ata persona të cilët përfaqësojnë institucionet e paligjshme paralele, duhet të ngrihet padi.

“Duhet me masa konkrete të çmontohen këto struktura paralele, nëpërmjet organeve të sigurisë dhe të përndiqen penalisht të gjithë ata që bëjnë shkelje të tilla. Gjithmonë e kemi pas si njëlloj, le të themi, marrëveshje të heshtur apo gjentëllmene, që Serbia t’i vazhdojë strukturat e veta paralele, këto të paligjshme dhe të karakterit kriminal, kurse Kosova krejt çka po bën, po ankohet në Bruksel”, deklaroi për Radion Evropa e Lirë, Konjufca.

Duke mos vepruar ndaj rasteve të tilla, ai thotë se Kosova është duke u vendosur në një pozicion joserioz si shtet.

“E dimë prej përvojave të caktuara që kur një shtet e tregon veten të pafuqishëm në raport më struktura të tilla dhe nuk mund t’i anulojë, kurse ato vazhdojnë të funksionojnë, ato çështje zakonisht përfundojnë në procese të negociatave”, u shpreh Konjufca.

Naim Rashiti, nga Grupi Ballkanik për Politika, thotë se për rastet e tilla institucionet e Kosovës, duhet të veprojnë përkitazi me ligjet dhe kushtetutën.

“Në praktikë është jo ligjore, është anti- kushtetuese dhe nëse më të vërtet ai zyrtar pranon detyrën, ai ka shkelur Kushtetutën”, tha shkurt Rashiti.

Ndryshe, në Ligjin për Vetëqeverisje Lokale, thuhet se “nëse kryetari i komunës emërohet (zgjedhet) edhe përfaqësues i një organi tjetër të emëruar nga një shtet tjetër atëherë konsiderohet ndërhyrje në sistemin kushtetues të vetëqeverisjes lokale”.(rel)

Qendra Informative Shqiptare "Liria"