Hartuesi i listës për Shqipërinë Natyrale, Koço Danaj disa muaj më parë kishte deklaruar se për shqiptarët janë njëlloj sikur Nikolla Gruevski, po ashtu edhe Zoran Zaev. Ai ata i ka karakterizuar me gjarpërin dhe nepërkën, informon  INA.

 Ja postimi i bërë më 22 shkurt të këtij viti:

 Danaj: Me Zaev apo Gruevskin; me neperken apo gjarperin

Kjo eshte mjerisht dilema e politikaneve shqiptare ne Shqiperine Lindore ne Maqedoni. Ne vend se te bisedojne si te bashkohen me njeri tjetrin ata jane ndare
Disa duan koalicion me Zaevin e disa me Gruevskin
Injorance totale politike, mjerim i madh perballe shqiptareve.
Ta shtrosh problemin se kush eshte me i mire per shqiptaret; Zaevi apo Gruevski eshte njesoj sikur te shtrosh pyetjen: Kush e ka helmin me te rrezikshem, gjarperi apo neperka!!!!! (ina)

Sivjet raporti vjetor i publikuar nga agjencia e OKB-së WorldRiskReport fokusohet në logjistikë dhe infrastrukturë. Vërshimet e fundit në Maqedoni flasin për dështim në prevencion dhe neglizhencë në infrastrukturë.

Të paktën tri javë pasi 22 vetë gjetën vdekjen nga vërshimet që përfshinë pjesën veriore të Shkupit, mbetet një pyetje pa përgjigje: si mundi të ndodhë kjo? Kryeqyteti i Maqedonisë është përballur me katastrofa natyrore në hisotirnë e vet, duke përfshirë edhe tërmetin e rëndë të vitit 1963, që shkatërroi pothuajse të gjithë qytetin dhe prej të cilit gjetën vdekjen mbi 1.000 vetë. Megjithatë, nga vërshimet e kësaj radhe mund të ishin shpëtuar shumë jetë dhe të ishte minimizuar dëmi. “Njerëzit gjetën vdekjen për shkak të mungesës së infrastrukturës së përshtatshme”, thotë për DW Sanja Radjenovic- Jovanovic, presidente e Asosacionit të Arkitektëve në Maqedoni.

“Vërshimet ishin të fuqishme, por nuk kishte mure mbrojtëse”, thotë Radjenovic- Jovanovic said. “Ka pasur rrëshqitje toke. Nuk ka pasur kushte higjeno-sanitare. Kanalizimet nuk kanë qenë të bllokuara. Kjo është një katastrofë.”

Fatkeqësia ka nxjerrë në pah një aspekt tjetër të diskutueshme të politikës së qeverisë. Ndërkohë që vazhdonin përpjekjet për të ndihmuar mijëra njerëz të dëmtuar nga vërshimet dhe u shpall edhe ditë zie për viktimat, më 8 gusht një buldozer vazhdonte gërmimet në qendër të Shkupit në kuadër të Projektit SHkupi 2014. Gjatë disa ditëve që vijuan kjo u bë pjesa më e fotografuar e makinerive të rënda në Maqedoni – si dhe një katalizator për zemërim publik në mediat sociale. Kjo tregoi, se pavarësisht tragjedisë, vazhdonte puna e diskutueshme për ndërtimin e objekteve si pjesë e planit të qeverisë për t’i ndryshuar imazhin qytetit.

Zemërata publike ishte e madhe, për faktin se qeveria e vazhdon këtë projekt, që u kushton miliona Euro taksapaguesve. Projekti Shkupi 2014 – që përfshin ndërtimin e monumenteve, ndërtesave neoklasike, muzeve dhe urave – kap gjithsej vlerën e mbi 640 milionë Eurove.

Projekti i nisur në vitin 2010 është kritikuar vazhdimisht, por përmbytjet katastrofike e rikthyen në vëmendjen e opnionit këtë temë, duke nxjerrë në pah gjendjen e tmerrshme të infrastrukturës së kryeqytetit.
“Ne vazhdimisht i paralajmërojmë autoritetet në lidhje me këtë, por me sa duket askush nuk dëshiron të dëgjojë dhe ta kuptojë këtë,” thotë Radjenovic- Jovanovic. “Ndoshta kjo u përshtatet atyre në këtë mënyrë.”

‘Një statujë me kalë më pak’

Shkup, një qytet me më shumë se 600.000 banorë, ka 1.335 kilometra rrugë, por vetëm 260 kilometra kanalizime. Situata në pjesët e tjera të vendit është shumë më keq. Shumë komunitete nuk kanë rrugë të asfaltuara, sisteme kanalizimi apo energji elektrike.

Prej përmbytjeve që përfshinë qytetin e Tetovës në veriperëndim të Maqedonisë në gusht të vitit 2015 gjetën vdekjen gjashtë vetë. Kryetarja e bashkisë së Tetovës, Teuta Arifi, tha se administratës lokale i nevojiten 25 milionë Euro për të zgjidhur problemet infrastrukturore dhe për të mbrojtur banorët nga fatkeqësitë natyrore në të ardhmen, por qeveria e ka injoruar këtë problem. “Një statujë me kalë më pak në Shkup do ta zgjidhte problemin tonë”, tha Arifi, gjatë një konference për shtyp më 4 gusht, duke iu referuar monumenteve të ngritura si pjesë e projektit Shkupi 2014.

Qeveria e partisë nacional-konservatore VMRO-DPMNE, duket se nuk lëkundet prej kritikave lidhur me projektet e saj dhe mungesën e investimeve në infrastrukturë. Zëdhënësi i VMRO-DPMNE Ilija Dimovski këmbëngul se qeveria ka investuar “shumë më tepër si kurrë më parë”, gjatë 10 viteve të fundit, qëkurse partia e tij ka marrë detyrën. “Do të ishte e pacivilizuar dhe e papërgjegjshme të flitej tani për përgjegjësinë e ndokujt”, tha Dimovski. “Ne duhet të flasim tani për të ndihmuar njerëzit në nevojë.”

Një katastrofë e re

Partitë e opozitës dhe ekspertët kanë bërë thirrje për ndërprerjen e punimeve në vazhdën e projektit të ndërtesave dhe monumenteve, në mënyrë që paratë të mund të investohen në sektorët ku ka më nevojë. Në vend që të ndryshojë destinacionin e burimeve ekzistuese financiare në dobi të zonave të prekura, qeveria ka marrë tani një kredi të re. Ministri i Jashtëm Nikolla Poposki tha për DW se “detyrimet financiare të bëra në të kaluarën duhet të respektohen.”
“Ne duhet të mendojmë për investime në të ardhmen”, tha Poposki. “Ne nuk duhet të shohim prapa dhe të flasim për paratë e shpenzuara.”

Pasojat financiare të projektit Shkupi 2014 habisin këto në një vend ku gjendja e rëndë ekonomike ka çuar në 30 për qind papunësi dhe paga mesatare është rreth 350 Euro në muaj. Për më tepër që, grupet e mrojtjes së mjedisit dhe arkitektët kanë paralajmëruar se politikat e qeverisë mund të çojnë në një katastrofë më të madhe të shkaktuar nga njeriu.

Shumica e punimeve për projektin Shkupi 2014 është bërë rreth ose edhe brenda shtratit të lumit Vardar, i cili rrjedh mespërmes qytetit. Vardari është lumi më i madh i vendit dhe në të kaluarën ka qenë i ndaluar ndërtimi rreth brigjeve të tij për shkak të rreziqeve që mund të paraqesin për qytetin.

“Çdo ndërtim i bërë së fundi në shtratin e lumit të Vardarit ngushton distancën mes brigjeve që garantojnë një rrjedhë të rregullt”, thotë për DW arkitekti Mirosllav. “Këto ndërtime cënojnë garancinë më solide për sigurinë e Shkupit dhe të luginës së Shkupit.” “Ndërtime të tilla shkatërruese do të sjellin një ditë katastrofa të reja”, thekson Grchev. (dw)

Ministri grek i Punëve të Jashtme, Nikos Koxias shkoi sot për vizitë në Shkup; takime këto të rralla midis autoriteteve shtetërore të dy vendeve fqinje. Megjithëse nuk janë dhënë hollësi për atë që është folur mbi problemin e emrit të Maqedonisë, ministri grek dhe homologu i tij maqedonas, Poposki kanë lënë të kuptohet se po i hapin rrugën ndërtimit të masave të mirëbesimit mdis dy vendeve që do të thellonin bashkëpunimin ekonomik dhe në fusha të tjera.

Ministri i jashtëm grek Nikos Koxias e viziton për herë të dytë Shkupin brenda një viti. Megjithëse, midis dy vendeve fqinje është çështja e emrit të Maqedonisë ajo që ka mbajtur të bllokuar përparimin drejt integrimeve euro-atlantike të Shkupit dhe ka rezultuar në raporte tejet të ftohta me Athinën, ministrat e jashtëm Koxias dhe Poposki thanë se nuk kishin këtë për temë bosht të takimit. Ata kanë diskutuar për çështjen e emrit, por pa sqaruar hollësi për median.

Dy ministrat kanë folur për thellimin e besimit të ndërsjellë, përkatësisht për gjetjen e masave të mirëbesimit që do të relaksonin marrëdhëniet midis dy vendeve.

Është biseduar edhe për bashkëpunimin e dyanshëm në fushën e ekonomisë dhe të arsimit.

Ministri grek Nikos Koxias tha se angazhohet për kompromise të mira dhe jo të këqija; “kompromise që do në na çlironin nga kthetrat e historisë, të cilën nuk po mund ta ndryshojmë. Dallimet duhet t’i zgjidhim në mënyrë paqësore, që të mos ketë imponime të njërit ndaj tjetrit,” tha shefi i diplomacisë greke.

Ndërkaq, homologu i tij maqedonas Nikolla Poposki tha se duhet të ndërtohen masa të mirëbesimit që të mund të diskutohet për çështje të tjera më pas.

“Ka një realitet tjetër mbi të cilin mund të ndikohet”, tha ministri maqedonas, duke theskuar nevojën për krijimin e një klime për masat e mirëbesimit dhe bashkëpunimin dypalësh.

Autoritetet në Shkup shpresojnë se këto masa të besimit do të krijonin hapsirë për çeljen e rrugës së Maqedonisë drejt integrimit në Nato dhe në BE.

Ndërkohë, duke iu përgjigjur pyetjeve të gazetarëve, ministri Koxias tha se vizita e tij nuk ka të bëjë me mbështetjen për asnjë prej partive politike në Shkup në këtë kohë krize politike të brendshme, para zgjedhjeve të pritshme parlamentare. Ai tha se kjo krizë nuk duhet të ushqehet dhe aq më pak nga jashtë.

Ministri grek u prit edhe nga autoritetet më të larta shtetërore në Shkup, me të cilët ka folur edhe për qëndrueshmërinë e përgjithshme të Ballkanit, përfshirë krizën e refugjatëve dhe emigrantëve nga Lindja e Mesme. (voa)