Kategoritë: Shëndeti

Revista mjekësore: “COVID-i i gjatë”, sfidë e mjekësisë moderne me rëndësi parësore

Sipas një raporti të ri të botuar në një nga revistat më të rëndësishme në fushën e mjekësisë, simptomat që zgjasin edhe pasi një person e ka kaluar COVID-19-n, kuptohen pak nga mjekësia.
Në revistën “The Lancet” thuhej se të kuptuarit e këtyre simptomave përbën “një sfidë për mjekësinë moderne me rëndësi parësore”, për një përgjigje të përshtatshme ndaj kësaj çështjeje.
Sipas revistës shërimi nga i ashtuquajturi “COVID-i i gjatë” mund të zgjasë më shumë se një vit.
Simptomat që zgjasin në kohë përfshijnë “lodhje të vazhdueshme, gulçim, mjegullim të trurit dhe depresion”.
Sipas revistës gjetja e përgjigjeve rreth misterit që paraqet “COVID-i i gjatë” do të kërkojë përdorimin e plotë të njohurive shkencore e mjekësore krahas ofrimit të një trajtimi me dhembshuri e shumë disiplinësh ndaj atyre që janë prekur nga sëmundja.
Ndërkohë në Shtetet e Bashkuara me qindra mijëra njerëz, të cilët nuk kanë qenë në gjendje të paguajnë qiranë e shtëpisë gjatë pandemisë, përballen me mundësinë e dëbimit pas një vendimi të Gjykatës së lartë për të mos e zgjatur një moratorium mbarëkombëtar mbi dëbimet, të vendosur gjatë pandemisë. Tre nga gjykatësit nuk u pajtuan me këtë vendim.
Jen Psaki, sekretarja e shtypit e Presidentit amerikan Joe Biden, tha në një deklaratë se “si rezultat i këtij vendimi, familjet do të përballen me ndikimin e dhimbshëm të dëbimeve dhe komunitetet në të gjithë vendin do të përballen me një rrezik më të madh të ekspozimit ndaj COVID-19″.

voa

Fauci: SHBA mund ta vërë nën kontroll COVID-19 deri në pranverë 2022, nëse shtohen vaksinimet

Shtetet e Bashkuara mund ta vendosin COVID-19 nën kontroll deri në fillim të vitit të ardhshëm nëse rritet ritmi i vaksinimit, tha Dr, Anthony Fauci të martën, një ditë pasi kompania Pfizer mori miratimin e plotë të FDA-së për vaksinën e saj.

Dr. Fauci, eksperti më i lartë i sëmundjeve infektive në vend, tha në disa intervista dhe një konferencë për shtyp në Shtëpinë e Bardhë se miratimi i plotë nga Administrata e Ushqimit dhe Barnave për vaksinën Pfizer-BioNTech hap rrugën për vaksinimin e më shumë njerëzve. Miratimi i plotë për vaksinën Moderna pritet në javët e ardhshme dhe autorizimi i vaksinimit për fëmijët më të vegjël deri në vjeshtë.

“Do të doja t’u bëja thirrje atyre që nuk janë të vaksinuar të kuptojnë se ne kemi aftësinë, ta shkurtojmë kohën e fundit të kësaj pandemie,” tha Dr. Fauci, kreu të Institutit Kombëtar për Alergjitë dhe Sëmundjet Infektive, në një konference për shtyp të martën.

“Mendoj se është e arsyeshme të parashikosh” se Pfizer ose Moderna do të marrin miratimin nga FDA për të vaksinuar fëmijët nën 12 vjeç para sezonit të ardhshëm të festave, tha ai për NBC News.

“Shpresojmë nga mesi i vjeshtës dhe fillimi i dimrit.”

Gjatë konferencës për shtyp të së martës, zyrtarët amerikanë gjithashtu u bënë thirrje punëdhënësve privatë dhe qeverive shtetërore dhe vendore që të kërkojnë që personeli të vaksinohet në një përpjekje për të rritur normat e vaksinimit.

“Ka ardhur koha” që punëdhënësit amerikanë të fillojnë mandatimin e vaksinimeve, tha koordinatori i Shtëpisë së Bardhë për COVID, Jeffrey Zients, duke u bërë jehonë komenteve të Presidentit Joe Biden të hënën.

Ndërkohë, Shtëpia e Bardhë po përgatitet të sigurojë dozat e treta përforcuese duke filluar nga mesi i shtatorit për amerikanët që u vaksinuan më shumë se tetë muaj më parë.

Dr. Fauci tha gjithashtu se ofruesit e kujdesit shëndetësor gjithashtu duhet të përdorin më shumë trajtimet me antitrupa për COVID-19, përfshirë ato nga Eli Lilly & Co, Regeneron Pharmaceuticals dhe GlaxoSmithKline Plc/Vir Biotechnology Inc. Trajtime të tilla mund të ulin shtrimet në spital dhe vdekjet deri në 85% nëse përdoren herët tek njerëzit e infektuar, tha ai.

Shtetet e Bashkuara po luftojnë me një valë tjetër rastesh për shkak të variantit shumë ngjitës Delta. Edhe shtrimet në spital dhe vdekjet po rriten, veçanërisht në Florida, Misisipi, Luiziana, Teksas dhe pjesë të tjera të jugut të SHBA-së.

Numri mesatar i vdekjeve nga COVID-19 është rritur me 23% gjatë shtatë ditëve të fundit, tha të martën Dr. Rochelle Walensky, drejtoreshë e Qendrave Amerikane për Kontrollin dhe Parandalimin e Sëmundjeve.

Shtetet e Bashkuara kanë tani mesatarisht 1,000 vdekje nga COVID dhe mbi 150,000 raste të reja, sipas një njoftimi të Reuters.

Zyrtarët amerikanë të shëndetësisë kanë vënë në dukje gjithashtu se edhe numri i vaksinimeve është rritur javët e fundit dhe shpresojnë se miratimi përfundimtar i vaksinës Pfizer nga FDA të nxisë më shumë njerëz që të vaksinohen.

voa

OBSH thirrje për shtyrjen e dozës së tretë të vaksinës

Logoja e Organizatës Botërore të ShëndetësisëKreu i Organizatës Botërore të Shëndetësisë u bëri thirrje vendeve që të vonojnë administrimin e injeksioneve përforcuese për të paktën dy muaj, për t’u dhënë kohë vendeve me doza të pakëta të vaksinave që të sigurojnë më shumë.

Drejtori i Përgjithshëm i OBSH-së Tedros Adhanom Ghebreyesus u tha gazetarëve gjatë një vizite në kryeqytetin e Hungarisë, Budapest, se përparësi duhet t’i jepet rritjes së normave të vaksinimit në vendet ku vetëm 1% ose 2% e popullsisë është vaksinuar.

Zoti Ghebreyesus gjithashtu vuri në dyshim dobinë e vaksinave përforcuese, duke thënë se “ekziston një debat nëse vaksinat përforcuese kanë ndonjë efektshmëri”.

Hungaria u bë vendi i parë në Bashkimin Evropian që ofroi vaksina përforcuese dhe iu bashkua një numri në rritje të vendeve, përfshirë Shtetet e Bashkuara dhe Izraelin, që kanë filluar të ofrojnë ose po planifikojnë të ofrojnë doza të treta për popullsinë e tyre.

OBSH-ja tha javën e kaluar se nuk beson se të dhënat aktuale mbështesin nevojën për doza përforcuese ndaj COVID-19ës.

Në Shtetet e Bashkuara, më shumë rajone dhe organizata thanë të hënën se do të kërkojnë dëshmi të vaksinimit, pas njoftimit se vaksina e koronavirusit e kompanisë Pfizer mori miratimin e plotë të qeverisë federale.

Zyrtarët e Luizianës thanë se nëpunësve civilë do t’u kërkohej të vaksinoheshin ose të përballeshin me testime të rregullta, ndërsa universitetet në këtë shtet thanë se do të fillonin të urdhëronin vaksinimet për studentët.

Pentagoni tha të hënën se po përgatitet të lëshojë udhëzime për të kërkuar vaksinimin, tani që vaksina Pfizer është miratuar plotësisht. Departamenti i Mbrojtjes kishte thënë më parë se vaksinat do të ishin të detyrueshme deri në mes të shtatorit ose menjëherë pas miratimit nga FDA-ja (Administrata e Ushqimit dhe Barnave).

Zyrtarët e qytetit të Nju Jorkut thanë të hënën se i gjithë stafi i shkollave publike, përfshirë mësuesit, duhet të vaksinohen dhe se nuk do të kenë më mundësi që t’i nënshtrohen testimit javor për koronavirusin, në vend që të vaksinohen.

* Disa nga të dhënat janë marrë nga agjensitë e lajmeve Associated Press, Agence France-Presse dhe Reuters.

voa

Edhe të vaksinuarit përhapin variantin Delta

Passanten in den Fussgaengerzonen in Muenchen .Varianti Delta përhapet më lehtë sesa variantet e tjera të virusit korona edhe ndër personat e vaksinuar kundër Covid-19. Prandaj ekspertët rekomandojë edhe më tej mbajtjen e maskave dhe respektimin e distancës fizike.

Raportet nga vende të ndryshme po konfirmojnë frikën e shkencëtarëve sipas të cilëve varianti Delta që u përhap me shpejtësi të frikshme në prill dhe maj 2021 në Indi ka më shumë të ngjarë se variantet e tjera që të përhapet ndërmjet personave të vaksinuar.

Të dhënat nga testet e Covid-19 në Shtetet e Bashkuara, Britaninë e Madhe dhe Singapor tregojnë se personat e vaksinuar që infektohen me Delta-Sars-CoV-2 mund të kenë në zgavrën e hundës po aq virus sa të pavaksinuarit.

Kjo do të thotë që pavarësisht nga mbrojtja prej vaksinimit, disa nga të vaksinuarit mund ta kalojnë virusin Delta tek të tjerët dhe të kontribuojë për përhapjen e tij, thotë David O’Connor, virolog në Universitetin Wisconsin-Madison.

Mbajtja e maskave duhet të vazhdojë

Rezultatet bëjnë të qartë se sa të rëndësishme janë masat mbrojtëse si mbajtja e maskave në ambiente të mbyllura për të zvogëluar transmetimin. Studiuesit theksojnë se vaksinat Covid-19 mbrojnë kundër sëmundjeve të rënda dhe vdekjeve, por të dhënat mbi transmetimin e variantit Delta tregojnë se “njerëzit që vaksinohen duhet të respektojnë megjithatë masat parandaluese”, thotë bashkautori i studimit Thomas Friedrich, virolog në Universitetin Wisconsin-Madison.

Vatra përhapjeje edhe festat e vogla familjare

Të dhënat nga Provincetown, Massachusetts arrijnë në rezultate të ngjashme. Në Provincetown u bënë analiza të pjesëmarrësve në aktivitete dhe tubime të mëdha, kurse në Wisconsin u bënë analiza të njerëzve që kishin marrë pjesë në festa të vogla familjare. Dhe sipas studiuesve edhe grupimet me pak vetë mund të kontribuojnë për përhapjen e variantit Delta.

“Duke pasur parasysh nivelet e larta të virusit Delta që vërehen në javën e parë të infektimit, masat mbrojtëse si maskat dhe higjiena e duarve të mund të zvogëlojnë transmetimin janë të rëndësishme për të gjithë, pavarësisht nga statusi i vaksinimit, “thotë bashkautori i studimit Barnaby Young, studiues i sëmundjeve infektive në Qendrën Kombëtare për Sëmundjet Infektive në Singapor.

afp dpa

Varianti Delta dhe rihapja e shkollave

Nxënësit në mbarë Shtetet e Bashkuara po kthehen në mjediset shkollore për fillimin e vitit të ri mësimor, në një kohë kur numri i infektimeve me variantin Delta është shtuar. Ekspertët thonë se fëmijët duket se janë më të rrezikuar nga ky variant. Korrespondentja e Zërit të Amerikës Daria Dieguts na sjell shqetësimet e prindërve, të cilët duan të dinë si të mbrojnë fëmijët, sidomos ata që janë nën moshën e lejuar për vaksinime.

Që kur pandemia goditi Shtetet e Bashkuara, mbi 36 milionë amerikanë janë infektuar, rreth 4 milionë prej tyre fëmijë, sipas Akademisë Amerikane të Pediatrisë. Pas një qetësie relative për disa muaj, varianti delta po shkakton rritje të re infeksionesh, ndërkohë që fillon së shpejti viti shkollor.

“Askush nën moshën 12 vjeç nuk është vaksinuar. Kjo nënkupton se kemi një popullatë shumë të prekshme nga virusi. Një tjetër faktor është se amerikanët hoqën maskat që në fillim të verës. Kur heq maskën, heq protokollet mbrojtëse dhe fillon të mblidhesh me të tjerë. Kjo krijon mundësi të mjaftueshme për virusin që të përhapet”, thotë Dr. William Rszka i Universitetit të Vermontit.

Ekspertët thonë se situata është më e rëndë në jug të vendit, ku përqindjet e vaksinimeve kanë qenë të ulëta dhe varianti delta po përhapet shumë shpejt.

Gjithashtu një numër guvernatorësh nga shtete si Florida, Teksasi dhe Arizona kanë bllokuar urdhrat për vënin e maskës me detyrim, megjithëse ka njoftime që shumë seksione arsimore po i sfidojnë këto vendime.

“Nëse fillon shkolla pa kërkuar me detyrim maskat, nga shtatori deri në dhjetor pjesa më e madhe e fëmijëve në shkolla do të infektohen. I tillë është ky virus; ky variant është më ngjitës se ai i vjetshmi”, thotë Dr. Danny Benjamin i Universitetit Duke.

Dr. Danny Benjamin, pediatër me specialitet sëmundjet infektive në Universitetin Duke, ka marrë pjesë në tre studime mbi rolin që luajnë maskat për të mbrojtur fëmijët nga infektimi me koronavirus në shkollë.

“Studiuam mbi një milion fëmijë dhe të rritur këtë pranverë, fëmijë që rrinin pranë njëri-tjetrit në autobusin e shkollës, ndiqnin mësimet pa ndërprerje në mjedise shkollore. Rezultoi që mundësia e një fëmije për të infektuar dikë tjetër në shkollë ishte më e ulët se 1% falë maskave”, thotë Dr. Benjamin.

Por ata që kundërshtojnë urdhrat për të vënë maska me detyrim argumentojnë se këto vendime shkelin të drejtat individuale, pasi secili duhet të zgjedhë vetë në këtë rast. Ka shumë që shprehim mungesë besimi tek qeveria dhe deklaratat e zyrtarëve se vaksinat nuk janë të rrezikshme.

Ndërkaq, ekspertët thonë se shtimi i ritmeve të imunizimit është çelësi për ta vënë nën kontroll virusin.

“Nëse vaksinojmë komunitetin, shkollat nuk do të jenë në rrezik. Po ashtu, çdo i rritur që ka fëmijë në shkollë apo punon në shkollë duhet të jetë vaksinuar. Nëse jo, shumë turp t’u vijë. Kur të hapen shkollat, duhet të përpiqemi të vaksinojmë të gjithë fëmijët nga 12 vjeç e sipër, pasi shumë nuk janë vaksinuar”, thotë Dr. William Shchanffner i Universitetit Vanderbilt.

Shpejtësia me të cilën përhapet varianti delta, e ka bërë Akademinë Amerikane të Pediatrisë të nxisë autoritetet rregullatore të miratojnë përdorimin e vaksinave kundër COVID-it për të imunizuar edhe fëmijët nga mosha 5 vjeç. Pritet që miratimi të jepet brenda pak muajsh.

voa

OBSH kërkon depolitizimin e debatit mbi origjinën e COVID-19

Organizata Botërore e Shëndetësisë njoftoi të premten se është duke krijuar një grup të ri për hetimin e origjinës së koronavirusit, në një përpjekje të radhës që synon shmangien e pengesave ndaj hetimeve ngaproblemet politike.

Fakti që OBSH nuk është në gjendje të thotë se ku dhe si filloi përhapja e virusit ka nxitur tensione mes anëtarëve të saj, veçanërisht mes Kinës, ku u identifikuan rastet e para me COVID-19 në Wuhan në fund të vitit 2019, dhe Shteteve të Bashkuara.

OBSH u bëri thirrje të gjitha qeverive që të bashkëpunojnë për të përshpejtuar studimet mbi origjinën e pandemisë COVID-19 dhe për depolitizimin e çështjes.

Organizata njoftoi se një grup i ri këshillues i quajtur Grupi Këshillimor Shkencor Ndërkombëtar për Origjinën e Patogjenëve të Rinj do të ndihmojë në veprimet e shpejta të studimeve të mëtejshme.

“Duhet të punojmë të bashku. Ju, unë, të gjithë duam të dimë origjinën e pandemisë më të keqe prej një shekulli”, tha zëdhënësja e OBSH-së, Fadela Chaib, në një konferencë shtypi të premten.

Uashingtoni mirëpriti planin e OBSH-së, duke thënë se “studimet e bazuara në shkencë dhe përpjekjet e udhëhequra nga të dhënat për të gjetur origjinën e kësaj pandemie, ndihmojnë zbulimin, parandalimin dhe reagimin më të mirë ndaj shpërthimeve të sëmundjeve në të ardhmen”.

Në fund të majit Presidenti Joe Biden urdhëroi ndihmësit e tij të gjejnë përgjigje mbi origjinën e COVID-19 dhe të raportojnë pas 90 ditësh.

Në raportin përfundimtar, të shkruar së bashku me shkencëtarët kinezë, një ekip i udhëhequr nga OBSH-ja që kaloi katër javë në qytetin Wuhan dhe rrethinën e tij gjatë janarit dhe shkurtit, tha se virusi mund të jetë transmetuar nga lakuriqët tek njerëzit përmes një kafshe tjetër. Raporti tha se rrjedhja e virusit nga një laborator është një mundësi gati e pamundur.

Sidoqoftë, në një dokumentar të trasmentuar në Danimarkë, udhëheqësi i misionit të OBSH-së Peter Ben Embarek tha se hipoteza e laboratorit meritonte studime të mëtejshme. Agjencia e lajmeve Reuters nuk arriti të sigurojë komente shtesë nga ai të premten.

Një zyrtar i OBSH-së tha se njoftimi për vazhdimin e studimeve mbi origjinën e virusit nuk ka të lidhje me ato vërejtje, duke shtuar se intervista e zotit Ben Embarek ishte filmuar muaj më parë.

Kina mohon të ketë refuzuar bashkëpunimin në hetimet mbi origjinën e COVID-19.

voa

Çfarë mësuam këto javë për COVID-in?

COVID-i pa simptoma, shumë i përhapur

Afërsisht një e treta e njerëzve me COVID-19 nuk kanë simptoma, sipas një analize të të dhënave nga më shumë se 350 studime të publikuara deri në prill 2021. Rastet pa simptoma vëreheshin më tepër tek fëmijët sesa tek të moshuarit ose tek njerëzit pa probleme ekzistuese shëndetësore, tha Pratha Sah e Shkollës së Shëndetit Publik në Universitetin Yale, e cila drejtoi analizën e botuar të martën në revistën e departamentit të mjekësisë të universiteti.

Ekipi i saj përllogarit se 46.7% e fëmijëve dhe të rinjve të infektuar nuk kanë simptoma, tha ajo. “Kjo është veçanërisht shqetësuese sepse të rinjtë kanë tendencën të mblidhen në grupe më të mëdha, në distancë më të vogël fizike gjatë shoqërimit me moshatarët, gjë që krijon kushtet për rrethana super-ngjitëse të virusit, por ku përhapja mund të mos diktohet në kohë në mjedise shkollore,” pasi kjo grupmoshë nuk shfaq simptoma në shumicën e rasteve.

Autorja e analizës Alison Galvani, gjithashtu e Shkollëssë Shëndetit Publik në Universitetin Yale, vuri në dukje se individët asimptomatikë mund të vazhdojnë ta përhapin virusin megjithëse vetë nuk i ndjejnë pasojat.
Operacioni për humbje peshe lidhet me rezultate më të mira përballë COVID-19

Operacioni që bëjnë individë obezë për të humbur peshë mund të ketë një efekt mbrojtës kundër goditjes së rëndë nga COVID-19, sipas analizës së të dhënave të mbledhura në një spital të Nju Jorkut. Mjekët atje analizuan kartelat e 620 pacientëve me COVID-19, përfshirë 130 të cilët më parë kishin bërë të ashtuquajturit operacionet bariatrike për të trajtuar obezitetin dhe një grup me 496 pacientë me moshë dhe gjini të ngjashme që nuk e kishin bërë operacionin.

Krahasuar me grupin që nuk kishte bërë ndërhyrje kundër obezitetit, pacientët që i ishin nënshtruar operacionit bariatrik, ose bajpasit gastrik, kishin më pak gjasa të shtroheshin në spital, apo të kishin nevojë për respirator nëse prekeshin nga COVID-19. Po ashtu ata kishin përqindje më të ulëta vdekshmërie dhe më pak të ngjarë të kishin nevojë për një ventilator për frymëmarrje, edhe pse shumë prej tyre ende ishn obezë se nuk e kishin humbur akoma peshën e tepërt.

Studiuesit theksojnë se nuk është vërtetuar një lidhje shkak-pasojë mes këtij operacioni dhe rezultateve më të mira në betejën me COVID-in, por shtojnë se ky studim thekson rrezikun e shtuar që ndeshin personat mbipeshë kur infektohen me koronavirus.
Pirja e duhanit mund të pengojë efektin e vaksinave mARN

Ata që pinë duhan mund të jenë në rrezik të mos marrin reagimin e duhur të sistemit imunitar nga vaksinat kundër COVID-19, thonë studiuesit japonezë. Ata shtojnë se duhen bërë studime të mëtejshme për ta konfirmuar këtë hipotezë. Në një studim paraprak me 378 punonjës të shëndetësisë mosha 32-54 vjeç, shkencëtarët morën mostra gjaku dhe analizuan nivelet e antitrupave mbrojtës të krijuar si reagim ndaj vaksinës mARN si ajo e kompanisë Pfizer apo BioNTech.Personat më në moshë kishin reagim më të ulët imunitar. Pasi u eliminuan nga krahasimi personat më në moshë u vërejt se faktorë të tjerë ndikues ishin gjinia dhe pirja e duhanit. Meshkujt kishin reagim imunitar më të ulët. Studiuesit mendojnë se edhe në këtë rast, shkaktar ishte duhani, pasi meshkujt pinë gati dy herë më shumë duhan se femrat.
Dëme mikroskopike të mushkërive mund të vazhdojnë pas ‘COVID-it të gjatë’

Probleme të vazhdueshme të frymëmarrjes që pllakosin disa persona pasi kalojnë COVID-19, –një fenomen i njohur si “COVID i gjatë”, mund të jenë për shkak të proceseve mikroskopike që vazhdojnë të dëmtojnë mushkëritë edhe pasi është pastruar infeksioni akut, lënë të besohet disa hulumtime të reja. Studiuesit analizuan qelizat e gjakut dhe sistemit të frymëmarrjes nga 38 pacientë që kishin ende probleme me frymëmarrjen të paktën tre muaj pasi kishin dalë nga spitali. Krahasuar me individë të shëndetshëm të përfshirë në studim, ata që kishin kaluar “COVID-in e gjatë” kishin një numër më të madh qelizash imunitare mbrojtëse, të cilat luftojnë sëmundjet por mund të sulmojnë edhe vetë organizmin.

Ata gjithashtu kishin nivele më të larta proteinash që vërehen kur po ndodh vdekja e qelizave dhe riparimi i indeve. Gjetjet, të cilat duhet të konfirmohen në studime në shkallë të gjerë, çojnë në përfundimin se disa pacientë kanë shqetësime të vazhdueshme në qelizat imunitare si dhe dëmtim të indit që vesh rrugët e frymarrjes edhe disa muaj pas infektimit dhe më pas shërimit nga COVID-I, tha James Harker i Kolegjit Imperial në Londër. Zoti Harker është bashkautor i një raporti të botuar kohët e fundit. “Në një grup të vogël pacientësh jemi në gjendje të shohim se anomalitë normalizohen me kalimin e një kohe më të gjatë,” thotë zoti Harker.

voa

A janë të nevojshme vaksinat përforcuese tani apo më vonë?

Francesca Anacleto, 12, receives her first dose of the Pfizer vaccine against COVID-19 administered by nurse Jorge Tase in Miami Beach, Florida, USA, August 4, 2021. (AP Photo / Marta Lavandier)Ndërsa shfaqen variante të reja dhe më të fuqishme të koronavirusit dhe raportet tregojnë se efikasiteti i disa vaksinave po bie, vendet kryesisht në botën e zhvilluar, po bëhen gati për të siguruar vaksinat përforcuese. Por shumë ekspertë të shëndetit thonë se ato nuk janë ende të nevojshme dhe Organizata Botërore e Shëndetësisë thotë se vaksinat në dispozicion duhet të shkojnë së pari tek të pavaksinuarit në vendet më ardhura të pakta.

Pas shumë thirrjeve për të vënë në dispozicion më shumë vaksina për vendet me të ardhura të ulëta dhe të mesme, Organizata Botërore e Shëndetësisë kërkoi javën e kaluar vendosjen e një moratoriumi mbi vendet e pasura për dhënien e vaksinave përforcuese për qytetarët e tyre.

“Ne nuk mund dhe nuk duhet të pranojmë që vende që tashmë kanë përdorur shumicën e furnizimit global të vaksinave të japin doza përforcuese, ndërsa njerëzit më të cënuar në botë mbeten të pambrojtur”, tha Tedros Adhanom Ghebrezesus, drejtor i përgjithshëm i OBSH-së.

Të mërkurën, Sekretarja e Shtypit të Shtëpisë së Bardhë Jen Psaki tha se Shtetet e Bashkuara po bëjnë pjesën që u takon, por gjithashtu dëshirojnë të jenë të përgatitura në rast se vaksinat përforcuese do të nevojiten më vonë.

“Mendojmë se nuk ka zgjidhje tjetër dhe se ne, mund t’i bëjmë të dyja. Ne njoftuam se arritëm objektivin e dhurimit të mbi 110 milionë vaksinave në botë. Kjo është më shumë se kanë dhuruar vendet e tjera të marra së bashku. Ne gjithashtu filluam të dhurojmë 500 milionë doza të vaksinës Pfizer që kemi blerë”, tha sekretarja Psaki.

Kina u zotua gjithashtu të japë 2 miliardë doza vaksinash për vendet e tjera këtë vit, duke premtuar se do të dhurojë 100 milionë dollarë për COVAX-in, programin e OBSH-së që synon shpërndarjen e vaksinave në vendet me të ardhura të ulëta dhe të mesme.

Kjo vjen pasi Izraeli u bë vendi i parë që filloi të ofrojë një javë më parë një vaksinë përforcuese të Pfizer-it për qytetarët e moshuar. Vende të tjera përfshirë Gjermaninë dhe Britaninë thonë se do të fillojnë të administrojnë vaksina përforcuese në shtator. Ekspertët e shëndetit japin vlerësimet e tyre për Zërin e Amerikës.

“Besoj se moratoriumi i Organizatës Botërore të Shëndetësisë kërkon të zvogëlojë vonesat që do të sillte një vaksinë përforcuese në SHBA dhe në Evropë tek furnizimi i përgjithshëm në mbarë botën me vaksina dhe mendoj se është një përpjekje shumë e rëndësishme për të krijuar vërtet barazi”, thotë Jessica Holzer në universitetin New Haven.

“Natyrisht, ka shumë njerëz në të gjithë botën që ende nuk kanë marrë dozën e tyre të parë dhe kjo është ajo ku duhet të përqëndrohet vëmendja tani // para se të fillojmë të rrisim mbrojtjen e njerëzve të vaksinuar”, thotë William Schaffner me qendrën mjekësore të universitetit Vanderbilt.

“Duhet të kujtojmë se kjo nuk është një pandemi vetëm për Shtetet e Bashkuara dhe një tjetër pandemi për Afrikën. Kjo është një pandemi globale. Dozat përforcuese po bëhen të nevojshëm së pari për shkak të kohëzgjatjes së virusit, që do të thotë se ne nuk po vaksinojmë njerëz aq shpejt sa të zvogëlojmë rrezikun e infeksioneve në të gjithë botën, dhe, së dyti, për shkak të varianteve të reja që po shfaqen”, thotë Krishna Udayakumar me qendrën shëndetësore globale Duke.

Muajin e kaluar, kompani Pfizer kërkoi autorizimin e Administratës Amerikane të Ushqimit dhe Barnave për një dozë përforcuese të vaksinës së saj COVID-19 sa më shpejt të jetë e mundur. Kjo u bazua në provat që treguan një rënie të efikasitetit të vaksinës pas gjashtë muajsh, si dhe ulje të mbrojtjes kundër variantit delta.

“Është e rëndësishme të kujtojmë se rënia e efikasitetit ndjek një trajektore. Kjo nuk do të thotë se efektiviteti i Pfizer-it, që është kompania e parë që doli dhe sugjeroi një dozë përforcues, shkon nga 95% kundër variantit alfa zbret aq sa të mos jesh më i mbrojtur kundër variantit delta”, thotë për Zërin e Amerikës Jessica Holzer me universitetin New Haven.

Zoti Schaffner thotë se është i lumtur që ka një vaksinë përforcuese gati për t’u miratuar për përdorim, por duket se kjo nuk është ende e nevojshme.

“Varianti delta tani përbën mbi 90% të rasteve në Shtetet e Bashkuara dhe megjithëse kemi pasur një rritje të shtrimeve në spitale, ato janë pothuajse të gjitha tek personat e pavaksinuar. Pra, kjo do të thotë se vaksinat po funksiojnë edhe ndaj variantit delta; ato po i mbajnë njerëzit e vaksinuar larg spitaleve dhe natyrisht ky ishte qëllimi kryesor i vaksinës”, thotë për Zërin e Amerikës William Schaffner.

Është e rëndësishme të bëhet dallimi mes nevojave të menjëhershme kundrejt atyre afatmesme dhe afatgjata, thotë Krishna Udayakumar.

“Në planin afatgjatë, ne duhet të rrisim ndjeshëm kapacitetin prodhues të vaksinave dhe janë bërë shumë investime. Tani po fillojmë të shohim investime në vendet me të ardhura të ulëta dhe të mesme, përfshirë Indinë, Afrikën e Jugut dhe Senegalin”.

Të enjten, Moderna tha se vaksina e saj vazhdon të jetë 93% e efektshme gjashtë muaj pas dozës së dytë. Kompania tha gjithashtu se beson se një dozë përforcuese do të jetë e nevojshme para dimrit. Ndërkohë, dozat përforcuese mund të luajnë rol për një grup të veçantë njerëzish, thotë zoti Schaffner.

“Një nga grupet për të cilët jemi të shqetësuar këtu në Shtetet e Bashkuara-dhe mendoj gjithashtu në Evropë dhe në mbarë botën-janë njerëz që kanë sistem imunitar të komprometuar. Pyetja është a mund të përfitojnë këta njerëz nga një dozë e tretë? Dhe kjo mund të jetë gjë e mirë. Madje mund ta mendoni jo aq shumë si një doze përforcuese, por në fakt një vaksinim me tre doza”, thotë William Schaffner për Zërin e Amerikës.

Pyetur nga Zëri i Amerikës, Shtëpia e Bardhë tha të premten se shkencëtarët e administratës po shqyrtojnë gjithashtu mundësinë nëse do të rekomandojnë një dozë përforcuese për individët me imunitet të dëmtuar.

voa

SHBA, ekspertët paralajmërojnë mbi rreziqe të reja të lidhura me COVID-in

Zyrtarët kryesorë amerikanë të shëndetësisë ngritën sërisht shqetësimin të dielën lidhur me përhapjen në rritje të variantit Delta të koronavirusit në të gjithë vendin. Paralajmërimi vjen mes thirrjesh në rritje që vaksinimi të bëhet i detyrueshëm.

Po ndodh diçka e keqe dhe ne duhet ta kuptojmë këtë“, tha për rrjetin televiziv NBC, Dr Anthony Fauci, këshilltari kryesor i Presidentit Joe Biden, për çështje të mjekësisë. Ai tha gjithashtu se nuk pret që vaksinimi të bëhet i detyrueshëm në nivel kombëtar.

Por sipas zotit Fauci sapo Administrata e Ushqimit dhe Barnave të japë autorizimin e plotë për përdorimin e vaksinave kundër koronavirusit, gjë që mund të ndodhë ndoshta në javët e ardhshme, ai tha se do të mbështesë fuqimisht vendimet e universiteteve, bizneseve apo çdo sipërmarrjeje lokale për ta bërë vaksinimin e detyrueshëm.

Sipas të dhënave zyrtare më shumë se 166 milionë amerikanë janë vaksinuar plotësisht kundër koronavirusit, ose më pak se gjysma e popullsisë, në një kohë kur nuk është dhënë ende autorizimi për vaksinimin e fëmijëve më të vegjël se 12 vjeç. Vaksinimet filluan dhjetorin e kaluar pas marrjes së autorizimit nga entet rregullatore amerikane për përdorimin e tyre në raste urgjence, ndërsa vazhdon shqyrtimi për autorizimin e plotë të tyre.

Edhe pse numri i rasteve me koronavirus është rritur në Florida dhe Teksas, dy shtete me një numër të madh infeksionesh, guvernatorët e tyre që përfaqësojnë partinë republikane, respektivisht Ron DeSantis dhe Greg Abbott, vazhdojnë të kundërshtojnë me vendosmëri vaksinat apo vendosjen e maskave, duke thënë se ato shkelin liritë që gëzon çdo individ.

Senatori i Floridës Rick Scott e mbështeti vendimin e zotit DeSantis, duke i thënë për rrjetin televiziv “Fox News”, “se ne nuk mund të jetojmë sërish me frikë dhe se njerëzit duhen lenë t’i marrin vetë vendimet”.

Por guvernatori republikan Asa Hutchinson i Arkansas, një shtet me një nivel të ulët vaksinimesh dhe me një numër në rritje infeksionesh, i tha rrjetit televiziv CBS News, se ai kishte gabuar në fillim të këtij viti duke nënshkruar në ligj, një urdhër për ndalimin e maskave.

Çdo ditë më shumë se 100,000 amerikanë po infektohen për shkak të variantit delta të koronavirusit, një rritje me 10-fish në javët e fundit.

Zoti Fauci e ka cilësuar situatën si “pandemia e të pavaksinuarve”.

Të dhënat tregojnë se vaksinat ekzistuese të disponueshme në SHBA janë efektive kundër variantit delta. Por zoti Fauci paralajmëroi se nëse situata nuk mbahen nën kontroll, varianti delta mund të pësojë mutacione të reja, që mund t’i bëjnë vaksinat joefektive.

Gjermania parashikon masa të reja në vjeshtë

US-Regierung prüft Corona-Impfpflicht für MitarbeiterMinistri i Shëndetësisë, Jens Spahn parashikon masa të reja: Personat e vaksinuar duhet të vazhdojnë të mbajnë maska. Ata që nuk janë vaksinuar mund të përjashtohen nga gastronomia. Propozimet kanë shkaktuar kritika.

Në Ministrinë Federale të Shëndetësisë mendojnë se për përballimin e suksesshëm të një vala të re të mundshme të pandemisë Corona nevojiten edhe masa të reja. Tanimë po flitet shumë për valën e katërt, ndonëse shpresohet se efekti i saj do të jetë shumë më i dobtë. Ministri i Shëndetësisë, Jens Spahn ka hartuar një dokument për masat e parashikuara, të cilin e ka dërguar në Bundestag. Raportin e kanë parë edhe DPA, “Frankfurter Allgemeine Zeitung” dhe “Süddeutsche Zeitung”.

Përveç rritjes së numrit të të infektuarvegjatë udhëtimeve jashtë vendit, kohët e fundit edhe popullata po sillet në kontakte me të tjerët pothuajse sikur para pandemisë, thuhet në këtë dokument. Për më tepër, në vjeshtë dhe dimër pritet edhe shtimi i virusëve sezonalë, si dhe rritja e problemeve me virusin Corona.

Maskat deri në “pranverë 2022″

Krahas shtimit të numrit të të vaksinuarve, distanca, higjiena dhe mbajtja e maskës vazhdojnë të mbeten ndër masat elementare të mbrojtjes nga pandemia. Maskat duhet të mbahen gjithandej ku takohen shumë njerëz në hapësira të mbyllura. Spahn thotë se maskat mbrojtëse do të duhen deri në “pranverën e vitit 2022″, veçanërisht në trafikun publik dhe në distanca të gjata, si dhe në dyqane. Maskat duhet të mbajnë të gjithë, përfshirë këtu edhe ata që janë shëruar dhe që janë vaksinuar, sepse edhe ata mund të infektohen dhe të transmetojnë virusin, thuhet në dokument. Ekspertët në veçanti paralajmërojnë nga varianti Delta.

Rregullat

Ministria e Shëndetësisë shpjegon më tej se vaksinimi dhe testimi mund të parandalojnë futjen në objekte të mbyllura të personave të infektuar. “Prandaj, prej fillimit apo mesit të shtatorit, varësisht nga gjendja, do të kërkohet respektimi i rregullit 3-G në organizime të caktuara, që do të thotë se në aktivitete psh. mund të marrin pjesë vetëm personat e vaksinuar, shëruar apo të testuar”. Në dokument thuhet se këto rregulla do të mundësojnë futjen në restorante, akomodimin në hotele, shërbimet e afërta trupore, sportet dhe aktivitetet brenda si dhe pjesëmarrjen në aktivitetet e mëdha brenda dhe jashtë.

Ministria synon të heqë testet e shpejta falas në mes të tetorit. Meqenëse tani mund t’u bëhet një ofertë e drejtpërdrejtë e vaksinimit të gjithë qytetarëve, atëherë nuk është në rregull që taksapaguesit të paguajnë kostot e testeve për ata që nuk duan të vaksinohen, citon gazeta “Süddeutsche Zeitung” pjesë nga raporti.

A do të lejohet futja në restorante e personave të pavaksinuar?

Njerëzit që nuk janë vaksinuar jo vetëm që cënohen nga sëmundja dhe infektimi, por ata mund të kenë edhe kufizime të tjera. Kjo përfshirë edhe kufizimet e kontakteve, kufizimin e pjesëmarrjes në aktivitete dhe mundësinë e ndalimit të futjes së tyre në restorante, thuhet në dokument.

FDP flet për shkelje të premtimeve

Kritika të ashpra ndaj këtyre propozimeve kanë mbërritur nga partia liberale FDP. Nënkryetari i partisë Wolfgang Kubicki, akuzoi qeverinë federale për shkelje të premtimeve, shkruan gazeta “Bild”. Këto rregulla mund të trajtohen si kërkesë e drejtpërdrejtë për vaksinim, nëse qeveria përjashton njerëzit e pavaksinuar nga jeta shoqërore. Paralajmërimi i përjashtimit të njerëzve të pavaksinuar nga futja në restorante “është shkelja më e turpshme e fjalës nga kjo qeveri federale, e cila është betuar vazhdimisht se nuk do të ketë vaksinim të detyrueshëm në Gjermani”, tha Kubicki. Kjo shkelje e fjalës peshon edhe më rëndë sesa “detyrimi i vaksinimit”.

Problemet në shkolla

Vendimi i fundit i Konferencës së Ministrave të Shëndetësisë, për t’iu ofruar më shumë vaksina fëmijëve dhe adoleshentëve të moshës 12-17 vjeç, mund të shkaktojë tensione në shkolla. Kryetarja e Shoqatës së Menaxhimit të Shkollave në Gjermani, Gudrun Wolters-Vogeler, ka frikë se një rritje e numrit të nxënësve të vaksinuar do të hapë edhe debate të nxehta midis mësuesve, prindërve dhe nxënësve. Do të ketë konflikte për të drejtat e nxënësve dhe të prindërve, tha Wolters-Vogeler për gazetat e grupit Funke. Tensione mund të ketë edhe sa i përket mundësisë së karantinimit, sepse në rast të një rasti pozitiv ndaj virusit Corona në një klasë të caktuar, në shtëpi duhet të qëndrojnë vetëm ata që nuk janë vaksinuar.

Një studim i ekspertëve britanikë i botuar në revistën “The Lancet Child & Adolescent Health” tregon se fëmijët dhe adoleshentët midis 5 dhe 17 vjeç mund të presin një rrjedhë dukshëm më të lehtë dhe më të shpejtë të sëmundjes Covid-19 sesa të rriturit. Në këtë studim thuhet, se nxënësit e kësaj moshe mund të shërohen mesatarisht pas gjashtë ditësh. Në këtë studim janë shikuar 1.700 raste të personave të sëmurë. Fëmijët dhe adoleshentët kanë treguar mesatarisht tre simptoma: lodhje, dhimbje koke dhe humbje e shijes dhe erës. Vetëm në raste të rralla ka ndodhur që fëmijët të kenë simptoma së sëmundjes Covid-19 edhe pas katër javësh ose më vonë. Simptoma të tillë kanë treguar vetëm 4.4 përqind e personave të përfshirë në studim.

Incidenca e infektimeve në Gjermani ka mbërritur ndërkohë në 19,4 të infektuar në 100.000 banorë brenda shtatë ditësh. Instituti Robert Koch njoftoj të enjten (05.08)mërkurën për 3.539 infektime të reja.

 

bc/se/ww (dpa, epd, rtr, rki, faz, sueddeutsche)