Modeli i detyrueshëm i shpërndarjes së refugjatëve, që kishte propozuar Komisioni i BE-së, nuk gjeti shumicë.

Një kuotë fikse për shpërndarjen e refugjatëve në vendet e BE-së nuk arriti të gjejë shumicë në radhët e vendeve të BE. Ministrat e Brendshëm të BE-së mundën të bini vetëm në parim dakord në një takim krize në Bruksel për shpërndarjen e 160.000 refugjatëve tha ministri i Brendshëm gjerman Thomas de Maiziere (CDU) pas takimit. Modeli i detyrueshëm i shpërndarjes, që kishte propozuar Komisioni i BE-së nuk gjeti shumicë. Shtetet e Evropës Qendrore dhe Lindore si dhe vendet baltike ishin kundër tij.

Ministrat e shtynë vendimin për takimin e tyre të ardhshëm më 8 tetor. “Ne arritëm sot të kemi një marrëveshje politike mbi shpërndarjen e 160 000 refugjatëve», tha de Maiziere.

Rishpërndarja e azilkërkuesve pritet të lehtësojnë Hungarinë, Greqinë dhe Italinë. Lideri i liberalëve në Parlamentin Evropian, Guy Verhofstadt, bëri thirrje për një takim të veçantë të krerëve të shtetit, për shkak se i tërë sistemi është i Shengenit për lirinë e udhëtimit në Evropë në rrezik. Presidenti i Këshillit të BE-së Donald Tusk kishte kërcënuar për të ndërmarrë një hap të tillë në mungesë të progresit për këtë çështje.

Refuzim nga Evropa Lindore

“Ne mendojmë se kuotat nuk janë zgjidhja e duhur”, tha ministri i Brendshëm sllovak Robert Kalinak. Ne duhet që në vend të kësaj të sigurojmë që refugjatët sirianë të qëndrojnë në kampet e refugjatëve në Turqi, Liban apo Jordani.

Ministri i Jashtëm i Luksemburgut Zhan Aselborn paralajmëroi për kaos në kufijtë e Evropës, nëse shumë vende do të rifusin kontrollet kufitare. “Kjo do të ketë një efekt domino, dhe ne mund ta harrojmë pas kësaj Shengenin, “paralajmëroi Asselborn.

Presidenti i Komisionit të BE-së Jean-Claude Juncker e propozoi përsëri një sistem të tillë javën e kaluar. Sa herë që fluksi i refugjatëve e mbingarkon shumë një vend, refugjatët mund të zhvendosen sipas një kyçi shpërndarjeje në vendet e tjera BE-së. (dw)