Ka përfunduar takimi mes udhëheqësve të partive opozitare me presidenten e Kosovës, Atifete Jahjaga.

Kreu i Nismës, Fatmir Limaj, tha se presidentes edhe një herë iu bë e qartë rruga për të dalë nga kriza. Ai shtoi se kreut të shtetit iu dorëzua edhe një letër, si dhe u kërkua edhe lirimi i të gjithë të burgosurve “politikë” siç i quajti Limaj.

Ndërsa Visar Ymeri nga Lëvizja Vetëvendosje përsëritise nuk do të ketë normalizim të situatës pa u tërhequr marrëveshjet për komunat serbe dhe kufirin me Malin e Zi, përcjell “Klan Kosova”.

Tre krerët e partive opozitare kanë u takuan me presidenten e Kosovës, Atifete Jahjaga.

Takimi vjen në kuadër të angazhimeve të Jahjagës për të krijuar kushtet për dialog politik mes koalicionit qeverisës dhe subjekteve politike opozitare.

Visar Ymeri i Vetëvendosjes, Ramush Haradinaj i AAk-së dhe Fatmir Limaj i Nisnës më herët refuzuan ftesën e kryeministrit Isa Mustafa për një takim me qëllim tejkalimin e krizës politike.