Instituti amerikan i studimeve Cato në një raport të publikuar për “Indeksin e mjerimit” në 108 vende në botë ka renditur mes tyre edhe Shqipërinë.Por ajo që vihet re është se sipas Cato Institute vendi ynë ka standarde jetese më të mirë se vendet fqinje si Serbia, Greqia apo edhe Maqedonia.

Radhitja si vende më të mjerueshme nis nga numri 1, ndërsa në këtë listë Maqedonia radhitet lartë, duke qenë vend i varfër dhe që popullata e saj jeton në mjerim. Sipas kësaj liste Maqedonia radhitet në vendin e 12, afër Sudanit, Kirgistanit, Afrikës Jugore. Serbia konsiderohet edhe si vend edhe më i mjerueshëm duke u radhitur në vendin e 8.

Ndërsa Kosova, shteti më i ri i Ballkanit nuk është i përfshirë në listën e 108 shteteve.

Pesë vendet më të mjerueshme në botë në fund të 2014 janë: Venezuela, Argjentina, Siria, Ukraina, dhe Iran.

Pesë më pak të mjerët janë: Brunei, Zvicra, Kina, Tajvani dhe Japonia.

Ndërkohë Shtetet e Bashkuara renditen në vendin e 95, që e bën atë kombin e 14-të më pak të mjerueshëm nga 108 vendet që janë përfshirë në studim.

Cato ka cilësuar në paraqitjen e këtij raporti se të dhënat i ka marrë nga Banka botërore dhe se vendet që nuk janë përfshirë në këtë listë, janë sipas Bankës Botërore vende të cilat nuk kanë pasur rezultate të kënaqshme për vitin që lamë pas. (INA)