Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së Maqedonisë së Veriut (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës, mesatarisht 1,01 % në raport me vendimin e datës 13.01.2025.

Çmimi i shitjes me pakicë i EURODIZELIT (D-Е V) rritet për 2,00 den/litër. Çmimi i shitjes me pakicë i Мazutit М-1 SU rritet për 1,051 den/kg dhe tani do jet 46,336 den/kg. Çmimet e shitjes me pakicë i benzinës EUROSUPER BS-95 dhe EUROSUPER BS-98 si dhe të Vajit ekstra i lehtë për amvisëri (EL-1) nuk ndryshojnë.

Nga data 17.01.2025, ora 00:01 çmimet maksimale të derivateve të naftës do të jenë:

Benzinë motori EUROSUPER BS 95 – 79,50 (denarë/litër)
Benzinë motori EUROSUPER BS 98 – 81,50 (denarë/litër)
Naftë motori EURODIZEL BS (D-E V) – 75,50 (denarë/litër)
Vaj për Djegie Ekstra i Lehtë 1 (EL-1) – 73,00 (denarë/litër)
Mazut М-1 SU – 46,336 (denarë/kilogram).

Seanca për spitalin modular në Tetovë që ishte e paraparë të mbahej sot, është anuluar. Siç mëson TV21, seanca e radhës do të mbahet pas rreth 2 muajsh, më saktë, më 15 mars.

Kujtojmë se, më 8 shtator të vitit 2021 jetën e humbën 14 persona dhe 12 të tjerë u lënduan.

Ndryshe, në vitin 2023, Gjykata Themelore Penale në Tetovë dënoi Florin Besimi (BDI) dhe Artan Etemi (Lëvizja BESA) me 1 vjet e 6 muaj burg me kusht dhe 1 milion denarë dënim me para, ndërsa Boban Vuçevski dhe Klinika e Tetovës si institucion u liruan nga akuzat.

Në maj të vitit të kaluar, Gjykata e Apelit në Gostivar ktheu në rigjykim rastin.

Sa për dijeni

Ministri i Shëndetësisë në atë kohë ishte Venko Filipçe (LSDM), ndërsa Kompania “Brako DOO” fitues i tenderit, i afërt me Kryeministrin e atëhershen Zoran Zaev.

Lëvizja Besa ishte në koalicion parazgjedhor me LSDM-në dhe pastaj ishin në qeveri në koalicion me BDI.

Sa për rifreskim dekleratat e krerëve partiak LSDM dhe BESA gjatë nënshkrimit të marrëveshjes:

Nënshkruhet marrëveshja, Lëvizja Besa në koalicion me LSDM-në në zgjedhjet e 12 prillit 2020

Marrëveshja u nënshkrua në Shkup, në hapësirat e Muzeut të Arteve Bashkëkohore, njofton Telegrafi Maqedoni.

Gjatë nënshkrimit të marrëveshjes u tha se të dy partitë do të angazhohen për zhvillim të barabartë dhe drejtësi.

“Marrëveshja për koalicion nënshkruhet në frymën e mirëbesimit dhe vlerave evropiane, që e bëjnë të gjitha shtetet evropiane. LSDM dhe Lëvizja Besa duke i tejkaluar të gjitha dallimet, sot arrijnë marrëveshje për koalicion parazgjedhor. Do të angazhohemi për përforcmin e marrëdhënieve ndëretnike, zhvillim të barabartë në gjithë territorin, dhënien e mundësive të barabarta dhe angazhimin e gjithë kabinetit qeveritar për përmirësimin e jetës së qytetarëve”.

“Nuk do të lejojmë që të pafajshmit të vuajnë në burgje. Gjithë potenciali i të dy partive politike do të vendoset në interes të përbashkët dhe të qytetarëve. Marrëveshja do të dërgohet në organet partiake të të dy partive”, u theksua gjatë ngjarjes së nënshkrimit të marrëveshjes për koalicion.

Kryetari i Lëvizjes Besa Bilall Kasami, gjatë fjalimit të tij ju bëri thirrje edhe partive tjera që t’i bashkëngjiten këtij koalicioni.

“Zgjodhëm të jemi në koalicion me LSDM-në, pasi LSDM-ja synon ta bëjë vendin anëtare të BE-së. Me këtë partneritet do të tregojmë se shqiptarët dhe maqedonasit mund të punojnë së bashku për të mirën e vendit”, tha Kasami.

Ndërsa kryetari i LSDM-së Zoran Zaev, tha se shoqëria po ndryshon për të mirë dhe se koncepti “për shoqëri të përbashkët” i sfidon stereotipet.

“LSDM-ja ishte partia e parë maqedonase që arriti të marrë vota të shqiptarëve. Por ky sot është akt i veçantë. Me këtë hap të përbashkët, karakterin multietnik të Maqedonisë së Veriut e konkretizojmë në program qeveritar”, tha Zaev.

Ndryshe, përveç këtij koalicioni, para disa ditësh edhe partitë Aleanca për Shqiptarët dhe Alternative nënshkruan marrëveshje për koalicion parazgjedhor.

Edhe përkundër faktit që qytetarët paguajnë për ndiçimin publik, për mbeturinat dhe shërbimet e tjera komunale, prapseparapë qytetetet shqiptare mbeten të papastra, të pa ndriçuara .

A e dini pse në komunat shqiptare, rrugët nuk pastrohen nga bora si duhet, kanë probleme të mëdha me mbeturinat, janë pa ose me ndriçim të dobët publik, trafiku nuk funksionon si duhet …? 

Paratë nga Buxheti i paraparë për pastrimin e borës, për ndriçimin publik…, keqpërdoren për interesat e ngushta klanore, partiake, firmat fituese të tenderave për pastrimin e borës, të cilët për të fituar tenderin i shpërblejnë komunat, pastaj edhe ata keqpërdorin, nuk pastrojnë si duhet që të kursejnë karburantin, e njëjta është edhe me ndriçimin publik, çdo shtëpi/lokal/firmë që paguan rrymë elektrike, paguan dhe një taksë prej 184,00 den (3 Euro) çdo muaj, këto para i “menaxhon” komuna.

Natyrisht që pushteti (LSDM/VMRO) është në dijeni dhe ka informata të hollësishme për të gjitha, por toleron korrupsionin dhe keqpërdorimet në komunat shqiptare, derisa vasalët e tyre janë të dëgjueshëm dhe u shërbejnë atyre, kështu i bën shqiptarët jo të aftë që të mund të ndryshojnë pozitën e tyre në shtetin unitar maqedonas.

Vdekja e foshnjës shtatë muajshe/ LSDM kërkon dorëheqje nga Taravari dhe Memedi

Lidhja Socialdemokrate e Maqedonisë kërkon dorëheqjen e ministrit të Shëndetësisë Arben Taravari dhe drejtorit të Klinikës për Fëmijë, Rexhep Memedi, për shkak të rritjes alarmante të numrit të vdekjeve në Klinikë.

LSDM kërkon përgjegjësi për foshnjat e vdekura në Klinikën e Fëmijëve. Nga atje thonë se gjendja shëndetësore po përkeqësohet dita-ditës dhe se për këtë duhet të ketë përgjegjësi.

“Numri i vdekjeve po rritet në mënyrë alarmante, në 7 muajt e fundit kanë vdekur 20 foshnja, shërbimet për qytetarët po përkeqësohen. Duhet të ketë përgjegjësi për atë që po ndodh, duhet të ketë përgjegjësi për foshnjat e vdekura.

Nga LSDM ngrenë dyshime se pse foshnja nuk u pranua në Klinikë dhe pse nuk kishte specialist kur u soll. Ata thonë se në shtatë muajt e fundit kanë vdekur 20 fëmijë dhe për këtë kërkojnë që Taravari së bashku me drejtorin e Klinikës së Fëmijëve Memedi të largohen dhe të japin dorëheqje.

“Opinioni është dëshmitar i tentativave për mbulimin e rastit të fundit të vdekjes së foshnjës shtatë muajshe në Klinikën për Sëmundje të Fëmijëve, të cilit iu refuzua shtrimi në spital, pa dhënë asnjë shpjegim për arsyet pse foshnja nuk u pranua? Pse nuk kishte një specialist kur e sollën foshnjën në spital? Kush është përgjegjës për këtë? Pyetja kryesore është kë po mbron Taravari? vetveten? Apo stafin e tij Memedin?” – thonë nga LSDM.

Ndërkaq, Ministri i Shëndetësisë Arben Taravari dje tha se mjekët nuk janë përgjegjës për vdekjen e foshnjës shtatë muajshe që vdiq në Klinikën e Fëmijëve më 16 dhjetor. Sipas Taravarit, profesionistët kanë konstatuar se mjekët nuk janë fajtor.

Tvklan

Taravari: Nuk mund të pranoj kërkesën për dorëheqje nga personat që ishin fajtorë për zjarrin në spitalin modular në Tetovë

Ministri i Shëndetësisë dhe njëri nga liderët e VLEN, Arben Taravari ka folur lidhje me kërkesën për dorëheqjen e tij nga posti i ministrit të shëndetësisë.

Taravari me këtë rast u shpreh se nuk mund të pranoj kërkesën për dorëheqje nga personat që ishin fajtorë për zjarrin që ndodhi në spitalin modular në Tetovë. I pyetur nëse planifikon të japë dorëheqje për shkak të thirrjeve dhe kërkesave të opozitës për vdekjen e fëmijëve në Klinikën Universitare të Fëmijëve, ministri thotë se për të kritikuar duhet të kesh kredibilitet moral.

“Nuk mund të pranoj kërkesë për dorëheqje nga personat që ishin fajtorë për zjarrin që ndodhi në spitalin modular në Tetovë. Sa i përket Klinikës së Pediatrisë, po shikoja statistikat e gjithë vitit. Sipas tyre, nga 1 dhjetori i këtij viti, përqindja e fëmijëve të vdekur është më e ulëta. Nëse shkalla e vdekshmërisë do të ishte më e lartë këtë vit se tetë vitet e tjera të mëparshme, drejtori do të ishte zëvendësuar deri më tani”, deklaroi Taravari për “Sloboden Peçat”.

Komisioni Shtetëror për Parandalimin e Korrupsionit (KSHPK) e ka publikuar pasurinë e ministrit të ri të Shëndetësisë, Arben Taravari, i cili ka paraqitur se ka pasuri të patundshme, të luajtshme, një makinë, si dhe ar në emër të bashkëshortes.

Taravari ka raportuar se ka një shtëpi në Gostivar, një në Shkup, banesë në Shkup, si dhe tokë ndërtimore në Tetovë, që e ka të regjistruar në emër të prindërve. Taravari gjithashtu ka raportuar se ka kredi në vlerë prej mbi 4 milionë denarë.

Pasuria e patundshme e Taravarit:

– shtëpi banimi në Gostivar, në emër të tij, me vlerë prej 43.050.000 denarë (69.861 euro).

– banesë në Karposh, në emër të tij, me vlerë prej 5.771.600 denarë (93.661 euro).

– shtëpi banimi në Karposh, në emër të tij me vlerë prej 9.245.250 denarë (150.031).

– tokë ndërtimore në Tetovë, në emër të prindërve, me vlerë prej 8.841.600 denarë (143.480 euro).

Pasuria e luajtshme:

– makinë Volvo e vitit 2016, me vlerë 3.070.000 denarë (49.819 euro)

Të dhëna nga llogaritë bankare:

– në emër të tij në të cilën merr pagë

– në emër të bashkëshortes

– në emër të fëmijëve

– në emër të prindërve

Të dhëna për borxhe ndaj personave fizik ose juridik në vend:

– kredi prej 4.552.959 denarë (73.885 euro)

Të dhëna për pasuri tjera në vend:

– ar në pronësi të bashkëshortes me vlerë 1.350.800 denarë (21.920 euro)

– fotografi artistike në emër të tij, me vlerë 245.000 denarë (3.975 euro)

Të ardhura tjera në vend:

– 33.825 denarë (548 euro), marrëveshje për qira banese

– 15.374 denarë (249 euro), marrëveshje për qira të hapësirës afariste.

Kjo ishte pasuria e deklaruar nga Arben Taravari te botuar ne BotaSot

Çka kërkonte VMRO :

VMRO: Prokuroria të hetojë rastin e shtëpisë së Taravarit

“Arben Taravari ka raportuar në vitin 2021 se ka blerë një shtëpi për 150 mijë euro. Nuk diskutohet, nëse nuk e shihni shtëpinë dhe vendndodhjen. Gjegjësisht, bëhet fjalë për një shtëpi në lagjen elitare Taftalixhe të Shkupit, prej 260 m2, ku sipërfaqet e banimit shkojnë nga 1500 deri në 2000 euro. Kur bëhet matematika e thjeshtë, shtëpia e Taravarit shkon deri në gjysmë milioni euro. Pas vërtetimit të fakteve se shtëpia e Taravarit kap vlerën deri në gjysmë milioni euro, lind pyetja se kush ka interes dhe pse ta shesë shtëpinë për 150 mijë euro dhe me këtë të humbasë 350 mijë euro”, thuhet në reagimin e partisë së Mickoskit.

Nga kjo parti përmendin edhe shtëpinë e ish Ministrit të Shëndetësisë Fatmir Mexhiti, në të njëjtën lagje me Taravarin.

“Pikërisht përballë shtëpisë së Taravarit ndodhet një shtëpi në pronësi të kumbarit të tij, Fatmir Mexhitit, ministër i propozuar i Shëndetësisë. Si i blenë Taravari dhe Mexhiti dy shtëpitë e tyre të blera në një vit e gjysmë dhe a janë pjesë e një tregu politik? A e sollën Kovaçevski dhe Grubi Taravarin në qeveri përmes korrupsionit politik”, thuhet më tej në reagim.

Prokuroia Publike sipas VMRO-së, duhet të marrë iniciativën dhe të hetojë rastin e shtëpive në lagjen elitare në Taftalixhe të Shkupit, shkruante KlanMacedonia.

Temperatura më e ulët mëngjesin e sotëm prej -9 gradë Celsius është matur në Kodër të Diellit.

-6, në Tetovë, Berovë, Prilep e Kumanovë, ndërsa në Manastir , Shtip, Ohër, dhe Dibër, -2, në Shkup-Zajçev Rid, Vinicë, Veles, Kavadar -1, në Shkup-Petrovec, Strumicë dhe dhe Demir Kapi 0 gradë, kurse në Gjevgjeli dhe Pretor, 1 gradë Celsius.

Shtresa e borës në Kodër të Diellit arrin 52 centimetra, 35 në Mavrovë, 15 në Shtip e Dibër, 12 në Gjurishte, 11 në Manastir, Tetovë, 8 në Krushevë, 5 në Ohër, 4 në Prilep, 3 në Kumanovë, 2 në Shkup-Petrovec dhe 1 në Strumicë dhe Demir Kapij.

Temperatura maksimale do të arrijë -3 me 4 gradë gradë Celsius.

Lidhja Auto Moto e Maqedonisë njofton se ka ndalesë për qarkullimin e automjeteve të rënda në Kriva Pallankë-pika kufitare “Deve Bair”, në rrugën Gostivar-Mavrovë-Dibër, në rrugën Gostivar-Strazhë-Kërçovë, në Presekë

Seanca e parë plenare e Kuvendit të Maqedonisë së Veriut për vitin 2025, ka filluar të premten, më 10 janar, me shqyrtimin e katër interpelancave të iniciuara nga opozita, koalicioni Fronti Evropian, në krye me partinë shqiptare, Bashkimi Demokratik për Integrim (BDI), dhe një tjetër nga partia maqedonase, E Majta (Levica), po ashtu në opozitë.

Deputetja nga radhët e Frontit Evropian, Ilire Dauti, u shkarkua nga posti i kryetares së Komisionit për Politikë Sociale, Demografi dhe Rini.

Kjo pasi interpelanca ndaj saj kaloi me 62 vota për dhe 22 kundër. Ajo akuzohej se kishte penguar Ligjin për “branitellat”.

Ky ligj përcakton statusin dhe të drejtat për pjesëtarët e forcave të sigurisë maqedonase që morën pjesë në konfliktin e armatosur të vitit 2001.

Ky ligj ka nxitur debate të shumta mes përfaqësuesve shqiptarë dhe maqedonas, pasi të drejtat që u takojnë ‘branitellave’ nuk u takojnë edhe veteranëve të Ushtrisë Çlirimtare Kombëtare (UÇK).

Përveç pjesëmarrësve maqedonas në konfliktin e vitit 2001, ligji përfshin edhe familjarët e të vrarëve dhe pjesëtarët e forcave maqedonase të sigurisë nga viti 1991 deri më 2024. Sipas të njëjtit, shuma e ndihmës përcaktohet në bazë të shkallës së invaliditetit, duke filluar nga 1.2 milionë denarë (19.672 euro) për ata me 20% invaliditet, deri në 5 milionë denarë (81.967 euro) për ata me 100% invaliditet ushtarak.

Deputetja Dauti kishte paralajmëruar edhe më herët se nuk do ta vendos në rend dite të Komisionit, propozimligjin e Petrovskas për të drejtat e posaçme të “branitellave”, për aq kohë sa luftëtarët e UÇK-së nuk trajtohen në mënyrë të njëjtë, siç e propozon edhe ligji në fjalë.

“Kjo temë është politike, duhet të gjitha palët të përfshihen që të shqyrtohet. Kemi shtet të përbashkët dhe kishin moto ‘Një shoqëri për të gjithë’. Ky debat nuk është për këtu por për vend tjetër”, ka thënë Dauti më 14 nëntor 2024.

Ndërkaq, interpelancat e Frontit Evropian janë adresuar ndaj zëvendëskryeministrave Izet Mexhiti dhe Ivan Stoilkoviq, ministrit të Punëve të Brendshme (MPB) Pançe Toshkovski, dhe zëvendësit të tij Astrit Iseni.

“Gjatë periudhës së fundit kemi qenë dëshmitarë të rritjes së tensioneve mes bashkësive etnike, veçanërisht pas disa proceseve, provokimeve dhe ngjarjeve të dhunshme që kanë ndodhur në vend, duke përfshirë këtu qytetin e Shkupit dhe Kumanovës”, tha para seancës Rina Ajdari nga BDI.

Në anën tjetër, shumica e partive parlamentare, si nga pushteti ashtu edhe opozita, janë potencuar se nuk do t’i pranojnë interpelancat e iniciuara të Frontit Evropian për katër ministrat aktualë. Ndërsa për interpelancën e Dautit, deputetët deklaruan se do të kenë qëndrim gjatë seancës.

“Koalicioni ynë nuk do t’i mbështesë dhe nuk do të votojë për interpelancat e parashtruara nga BDI-ja, sepse mendojmë se nuk ka nevojë të krijohen ndarje të reja mbi baza etnike për sa i përket interpelancave. Parlamenti i Maqedonisë [së Veriut] në asnjë rast nuk duhet të jetë arenë për nxitjen e ndonjë tensioni ndëretnik apo për krijimin e mundësive për ndarje mes qytetarëve”, tha në konferencën për shtyp, Oliver Spasovski, koordinator i grupit parlamentar të Lidhjes Socialdemokrate (LSDM), në opozitë.

Për çka akuzohen katër ministrat e pushtetit?

Fronti Evropian akuzon Toshkovskin dhe Isenin, se si persona përgjegjës të MPB-së, në ditën e festës së flamurit shqiptar (28 nëntor), kanë urdhëruar policinë që të ndërhyjë “në mënyrë të paparë dhe të pajustifikuar, duke penguar një manifestim paqësor dhe tradicional të shqiptarëve”.

Për Stoilkoviqin, i cili është gjithashtu kryetar i partisë Demokratike të Serbëve (DPSM), dhe ministër i Bashkësive mes Komuniteteve, Fronti Evropian e akuzon për mosveprim lidhur me ngjarjet e 2 dhjetorit në Kumanovë, ku u regjistruan disa raste të zjarrvënieve.

Krejtësisht në fund, Fronti e bënë përgjegjës zëvendëskryeministrin Izet Mexhiti për “keqmenaxhimin e situatave në vend”, duke përfshirë edhe marrëdhëniet ndëretnike dhe për dështim që të mbrojë “interesat e komunitetit shqiptar”.

Si kundërpërgjigje ndaj këtyre akuzave, Mexhiti u shpreh se ende i kujton momentet kur “BDI-ja me krenari e priste Vuçiqin në Ohër, ndërkohë që mbështetën edhe nismën Ballkani i Hapur”.

Çka ndodhi në muajt nëntor dhe dhjetor?

Rikujtojmë se më 28 nëntor, në festimin e Ditës së Flamurit shqiptar, në vende të ndryshme në Maqedoninë e Veriut u përdhos flamuri shqiptar dhe ai maqedonas. Lidhur me këtë policia arrestoi 17 persona.

Toshkovski njoftoi se personat e arrestuar ishin kryesisht të rinj të moshës 18 deri 21 vjeç.

Ai djegien e flamurit maqedonas e cilësoi si “sulm direkt ndaj shtetit”, dhe tha se këto veprime janë dëshmi e paralajmërimeve paraprake nga MPB-ja për destabilizim të vendit.

Pamjet e incidenteve, të cilat u shpërndan në rrjetet sociale si Facebook, X dhe TikTok, nxitën reagime të ashpra të partive politike dhe opinioni publik në këtë vend.

BDI-ja kërkoi dorëheqjen e menjëhershme dhe të parevokueshme të ministrit Toshkovski, dhe bëri thirrje për ndërhyrje të komuniteti ndërkombëtar për të ndaluar, sikurse kumtuan “spiralen e rrezikshme të dhunës dhe urrejtjes që kërcënon paqen dhe stabilitetin në vend”.

Nga LSDM-ja thanë se sistemi i sigurisë ka dështuar, për çka edhe ata kërkuan dorëheqjen e Toshkovskit, drejtorit të Byrosë për siguri publike, Aleksandar Janev, dhe kreut të Sektorit për Punë të Brendshme në Shkup, Sasho Topallovski.

VLEN, njoftoi se ka siguruar fotografi që dëshmojnë se të rinjtë që dogjën flamurin shtetëror “janë bashkëpunëtorë të afërt të ish-zëvendëskryeministrit nga BDI-ja”, Artan Grubi. Grubi përgënjeshtroi lidhjen dhe paralajmëroi padi.

Pesë ditë më vonë, në Kumanovë ndodhën disa zjarrvënie, të dyshuara si të qëllimshme. Zjarret përfshinë një lokal afarist, që figuronte në emrin e Fitor Jakupit, këshilltar i BDI-së në Kuvendin Komunal të këtij qyteti, një pjesë të një shtëpie dhe disa vetura, përfshirë atë të prokurorit publik, Xhelal Bajrami.

Bajrami, për Radion Evropa e Lirë, përjashtoi çdo motiv politik lidhur me ngjarjen.

“Nuk dua t’i jap kësaj ngjarjeje ndonjë konotacion tjetër, por mendoj se është thjesht një akt kriminal. Nuk kam dyshim në ndonjë person. Nuk besoj se ka ndodhur me prapavijë politike, aq më tepër sepse unë nuk merrem me politikë prej më shumë se 10 vitesh dhe e përjashtoj këtë mundësi”, tha Bajrami më 2 dhjetor 2024.

Kryeministri maqedonas, Hristijan Mickoski, është shprehur i bindur se katër interpelancat e parashtruara kundër ministrave të kabinetit të tij qeveritar, nuk do të kenë sukses.

“Pres kritika të pa baza dhe kritika që nuk kanë asnjë lidhje me realitetin. Por, e tillë është opozita jonë në këtë moment”, tha Mickoski më 8 janar.

Sipas Rregullores së Kuvendit, debati dhe votimi për interpelancat do të jenë individual. Do të debatojnë aq deputetë sa janë regjistruar, por në fund të ditës, përkatësisht para mesnate, të njëjtit duhet të votojnë. Deputetët shpresojnë se i gjithë debati mund të përfundojë brenda një dite.

rel