Protesta “Për Drejtësi” ka përfunduar para gjykatës në Kumanovë. Në fund të protestës, është lexuar edhe mesazhi i organizatorëve.

“Fajtori duhet të dënohet në përputhje me kushtetutën dhe me kodin penal të Maqedonisë.

Fëmijët janë ardhmëria e çdo shoqërie dhe kur cenohet jeta e tyre cenohet ardhmëria e vendit.  Kur krimi nuk merr dënimin e vet, shpirti shqetësohet, urrejtja shtohet dhe qytetarët e marrin drejtësinë në duart e veta.  Shpresojmë se institucionet e drejtësisë do të tregohen konstruktivë dhe të japin dënimin maksimal”, u tha mes tjerash në mesazhin e organizatorëve të protestës.

Organizatorët apeluan për shpërndarje të qetë të protestuesve, duke kërkuar që të mos bien në provokime eventuale të policisë. (lajm)