Me parrullën kryesore «Greqia e bashkuar kurrë nuk mposhtet», mijra njerëz nga çdo skaj i Greqisë, morrën pjesë në tubimin që u zhvillua dje në Sýntagma, për të protestuar kundër përdorimit të termit «Maqedonia» në emrin e vendit fqinj.

Folësi kryesor ishte kompozitori Míkis Theodorákis, i cili u prit me entusiazëm dhe duartrokitje nga të gjithë.

Grekët sot të bashkuar japin përgjigjen: Maqedonia është një, ishte dhe do të jetë gjithmonë greke, tha Míkis Theodorákis dhe kërkoi të zhvillohet referendum për çështjen e emrit.

Kisha e Greqisë nuk mund të pranojë termin Maqedonia ose ndonjë derivat tjetër si pjesë e emrit të një shteti tjetër, theksoi Mitropolíti i Sýros, Dorótheos.

Në këtë tubim ishin të pranishëm mjaft deputetë, ish kryeministri Antónis Samarás, kryetari i Bashkimit të Qendrës, Vasílis Levéndis dhe Sekretari i Përgjithshëm i Agimit të Artë, Níkos Michaloliákos.

Përfaqësuesit e Komisionit Koordinues të tubimit dorëzuan një rezolutë përkatëse për Presidentin e Republikës.

Policia në njoftimin e saj vlerëson, se pjesëmarrësit në tubim arritën në 140.000, ndërsa organizatorët e këtij tubimi flasin për rreth 1,5 milion. (ert)