Rruga e Maqedonisë drejtë anëtarësimit në Bashkim Evropian do të jetë e gjatë dhe me shumë sfida.Në këtë proces shteti i ri duhet të përkushtohet më shumë në zgjidhjen e kontestit të emrit, sundimin e ligjit, dialogun politik, lirinë e 35ve dhe në përgjithësi të drejtat e njeriut.

Këto kushte i ri theksuan mbasadori i Letonisë në Shkup, Albert Sarkanis, vendi i të cilët po udhëheq me presidencën e Bashkimit Evropian dhe Ambasadori i BE-së Aivo Orav.

Ambasadori letonez tha se përpos përmbushjes së kritereve ekonomike dhe politike vendi duhet të angazhohet më shumë për zgjidhjen e emrit, pasi siç tha ai, BE-ja nuk mund të zgjidhë problemet bilaterale.

“Më shumë ide, më shumë energji dhe më shumë punë duhet në planin bilateral me Greqinë, jo vetëm në nivel të qeverive por edhe shoqërisë civile. Madje historianët e të dyja shteteve duhet të punojnë dhe të gjejnë zgjidhje të përbashkët, askush nga jashtë nuk do të vendos në tavolinë se si duhet të veproni. BE-ja nuk mund urdhëroj apo përmes ndonjë rregullative të zgjidh çështjen, kjo çështje është bilaterale”, deklaroi Sarkanis.

Ndërkaq, ambasadori i BE-së në Shkup Aivo Orav tha se Maqedonia duhet ta përmirësojë dialogun mes partnerëve dhe aktorëve kryesorë politikë.

Ai paralajmëroi vizitën e komisionarit të ri për zgjerim Johanes Han, mirëpo kërkoi që sa më shpejtë të jetë e mundur të zgjidhet kriza politike.

“Për sa i përket komisionarit Han, ne po përgatisim vizitën e tij në Shkup në fund të shkurtit, por një nga çështjet kyçe që duhet të bëhet paraprakisht është pikërisht dialogu politik sepse ne duhet të shohim të paktën fillim të dialogut politik, të gjitha palët, partitë janë të interesuar të zgjidhin problemin. Sepse në një situatë kur opozita nuk është në parlament dhe po diskutohen amendamentet kushtetuese, kjo nuk është shenjë e mirë, pra ekziston nevoja që procesi të jetë gjithëpërfshirës” , theksoi Orav.

Diplomati evropian ka shprehur shqetësimin e tij të thellë edhe për lirinë e 35ve në vend. (lajm)