“E si të jemi ne këtu”, u përgjigj gjithë mllef në bisedë e sipër byrekxhiu ku zakonisht blej byrekun kur jam në Tetovë… “kemi ministra zëvendësministra, por shtet nuk kemi!”

Ishte përshkrimi më i saktë politik që kisha dëgjuar për gjendjen e shqiptarëve në ish IRJM, krahasuar me shumë, politikanë, gazetarë, opinionistë e intelektualë.

Madje tani, përveç ministrave, zëvendësministrave, zëvendëskryeministrave, shqiptarët në ish IRJM kanë edhe një “kryeministër” për një përdorim… por vazhdojnë të mos kenë shtet!

Sepse as koalicioni i pashpallur i BDI-ASH-PDSH me LSDM e as ai i Izet Mexhitit-LB-Alternativa-LVV me VMRO, nuk u ofrojnë shqiptarëve në ish IRJM shtet dhe pushtet në një njësi të tyre shtetërore, për të gëzuar të drejtat e tyre kolektive, por vetëm “vende pune” në qeveritë e LSDM ose VMRO.

Dhe kur dëgjon këtë tallje me shqiptarët e ish IRJM, për “momentin historik”, “kryeministrin e parë shqiptar”… të bëhet e qartë se si janë lënë në mëshirën e fatit shqiptarët në Mal të Zi, Sanxhak, Luginën e Preshevës…

Afrim Fanda