Agjencia e Kombeve të Bashkuara për Popullatën thotë se popullsia e botës arriti në 7.4 miliardë në vitin 2016.

Rritja sidomos e madhe e numrit të rinjve po sfidon sistemet politike dhe shoqërore në të gjithë planetin, tha Fondi i Kombeve të Bashkuara për Popullatën.

Agjencia e publikoi raportin për gjendjen e Popullsisë Botërore sot në Aman të Jordanisë. Raporti thekson përfitimet e mundshme të përpjekjeve për të kapërcyer pabarazinë e dukshme gjinore që ekziston në botë.

Ai përqendrohet te gjendja e vajzave nën moshën 10-vjeçare, si tregues i suksesit apo i dështimit të zhvillimit. Sipas raportit, 89 për qind e 125 milionë 10-vjeçarëve të botës jetojnë në vendet në zhvillim, ku vajzat përballen me pengesa për barazinë në arsim, shëndetësi dhe siguri. (voa)