Kreu i Bashkisë së Tiranës Erion Veliaj deklaroi se në planet e tij është edhe një projekt për sheshin “Skënderbej”, që synon jo vetëm të zgjidhë trafikun por edhe të nxjerrë në pah atë që është simbol i çdo shqiptari.
“Patjetër që e ka një formë , por është një rreth-rrotullim, dhe në qoftë se ka njeri sot që ka një fije kulturë, edhe pak dinjitet publik që mund të thotë që simboli i shqiptarëve është një rrethrrotullim dhe një kryqëzim i pafund, është një lojë fjalësh që fyen inteligjencën e çdo shqiptari që meriton që në qendër të kryeqytetit të kombit të vet të ketë një hapësirë ku njerëzit të shkëmbehen me njëri-tjetrin dhe jo një rreth-rrotullim makinash.
Në një Intervistë për “Top Story”, Veliaj flet për rastin kur njerëzit, duhet të kapërcejnë si gardhin e ngritur për të pasur një fotografi me monumentin e Skënderbeut”
“Sot është një strapacim anti-qytet për të shkuar tek “Skënderbeu” dhe në qoftë se simbol i kombit tonë është një rrethrrotullim dhe një kryqëzim, unë nuk jam krenar për këtë dhe besoj se edhe shumica dërrmuese e njerëzve, edhe atyre që nuk më kanë votuar, nuk janë krenarë që ky është simboli i kombit tonë”.
Intervista e plotë e kryebashkiakut:
Jemi sërish këtu nga sheshi kryesor i Shqipërisë dhe Tiranës do të thosha, sheshi “Skënderbej” me tashmë administratorin e tij të ri z. Erion Veliaj, kryetarin e ri të Bashkisë së Tiranës. Zoti Veliaj mirëmbrëma dhe faleminderit që jeni në “Top Story” sonte!
Mirë se erdhët në Bashkinë e Tiranës!
Mirë se ju gjetëm! Megjithatë kjo është bashkia jonë, është bashkia e qytetarëve. Në fakt kolegët e mi në fund të pjesës së dytë shprehin le të themi opinionet e tyre, dikush me skepticizëm, dikush me optimizëm se në fakt kjo bashki është trampolina më e mirë politike. Në fakt është provuar qoftë me z.Rama, qoftë me z.Basha dhe njerëzit ndoshta do të duan një farë sigurie, një farë garancie, megjithëse është provuar se deklaratat publike në Shqipëri nuk japin përgjegjësi më shumë politikanëve. Po realisht, së paku për momentin apo për një periudhë të caktuar kohe, ju dëgjova edhe në fjalimin tuaj kur morët detyrën, që deri diku latë të kuptoni që do të kandidoni edhe për një mandate të dytë apo jo? Në mos gaboj! Pra, a është e sigurt që tiranasit e një Tirane të madhe tashmë kanë investuar tek një kryetar që do të kujdeset realisht për ta dhe jo për karrierën e tij politike?
Unë kam 30 ditë në detyrë dhe besoj që në këto 30 ditë nuk kam lënë asnjë minutë, ose nuk kam anashkaluar asnjë minutë, detyrën për çështje të tjera politike dhe siç jam sjellë këto ditë do të sillem çdo ditë të mandatit tim për bashkinë e Tiranës. Brenda një muaji kemi pasur tre mbledhje të Këshillit Bashkiak, kam qenë personalisht në të tria mbledhjet për të treguar që është një rend i ri në Bashkinë e Tiranës dhe në këtë rend të ri unë nuk mendoj për asnjë trampolinë tjetër veçse të notoj në problemet që ka qyteti i Tiranës dhe besoj që ky muaji i parë ishte një test i kaluar mirë.
Natyrisht që është një detyrë e vështirë. Ju thatë, përmendët Këshillin Bashkiak që në fakt është një organ i rëndësishëm pasi është legjislativi i kryeqytetit ku ju do t’ju duhet të kaloni shumë nga vendimmarrjet. E dimë që nga kompetencat e reja të pushtetit lokal edhe këto që janë, edhe të tjerat që pritet të marrë ky pushtet lokal pas pak muajsh, në janar. Dihet që në një farë mënyre ju jeni vetë zot e vetë shkop. E thënë pozitivisht, apo në një farë mënyre “një mbret i vogël” i kryeqytetit. Realisht në kushtet kur aleanca juaj politike është e tillë që edhe ekuilibrat janë të brishta në Këshillin Bashkiak, brenda aleancës. Pra, mjafton një qejfmbetje le të themi mes dy të mëdhenjve dhe kjo automatiksht transmetohet kudo. E kemi parë këtë të ndodhë në 2007-ën. Realisht e keni menduar, e keni shqetësim faktin që mbarëvajtja e punëve në Tiranë mund të varet edhe nga një klimë mes PS-së dhe LSI-së?
Së pari, pavarësisht ndryshimeve të kompetencave e respektoj Këshillin Bashkiak, pavarësisht sesi reforma territoriale i ka ndarë kompetencat dhe fuqisë që i ka dhënë kryetarëve të rinj të Bashkisë, është sepse besoj në atë që i kanë votuar qytetarët. Në qoftë se qytetarët do të donin vetëm një parti, ose vetëm një mazhorancë atëherë do të kishim votuar një mazhorancë. Fakti që ka pluralizëm, ka katër parti në mazhorancë, janë tre parti në opozitë, do të thotë se Këshilli Bashkiak të përfaqësohet nga këto shtatë parti. Sigurisht që unë e bashkëdrejtoj Bashkinë e Tiranës bashkë me 4 nënkryetar, që përfaqësojnë katër forcat tona politike. Nga ana tjetër në çdo mundësi që kam pasur i kam shtrirë dorën opozitës sepse besoj që në të mirën e qytetit, disa gjëra bëhen mirë me konsensus dhe bëhen bashkë dhe asnjëherë nuk kam zgjedhur që të shfrytëzoj fuqinë e kartonave për të provokuar një klimë ku kufiri ndahet, ne dhe ata dhe punët qytetare përkthehen në punë partizane. Punët qytetare janë punë për mbledhjen e mbeturinave, për autobusët që duhet të vijnë në kohë, për ujin e pijshëm që duhet të rrjedhë në çdo çezëm, për zhvillimet urbanistike të qytetit. Nëse këto transformohen në punë partizane, sigurisht që thyhet diçka shumë e rëndësishme në qytet dhe do të bëj çmos në fuqinë time që të vazhdoj kjo klimë që kemi pasur.
Megjithatë ju goditjen e parë z. Veliaj nuk e morët as nga PD-ja, as nga LSI-ja por nga vetë qeveria juaj. Vetëm pak ditë pasi ju kishit marrë detyrën dhe befas i gjithë opinioni u befasua, nga paraqitja e një projekti, në hyrje të Parkut të Liqenit Artificial që mbetet mushkëria e vetme, aktualisht e gjelbër e kryeqytetit. Ndërkohë ai park prej shumë vitesh është rrethuar, dhe po rrethohet gjithnjë e më shumë nga ndërtimet dhe tashmë po ndërtohet mbi digë. Pyetja e parë që mund të bëjë një qytetar, që as nuk do të shijojë frytet e një investimi të mundshëm, siç është zona e Korpusit Universitar. Atëherë për çfarë e votuam Erion Veliajn që të zbatojë një vendim që ka marrë Edi Rama apo edhe të kundërshtojë një vendim të gabuar të kryeministrit? Pra, e thënë ndryshe do të ndërtohet në Korpusin pranë sheshit “Nënë Tereza”? Do të ndërtohet mbi digë, do të ketë ndërtime të tilla abuzive? Çfarë do të bëni për të çliruar Tiranën, jo për ta mbytur më shumë?
Nuk është nevoja ta themi ndryshe, ka nevojë ta themi siç është dhe ajo që është, është një projekt i cili muaj përpara zgjedhjeve ende pa dalë kandidatura dhe ende pa pasur debatin elektoral, pat marrë një vendim që Gardën e Republikës e cila është një hapësirë jo e parkut të Tiranës, por që ndodhet në park, është e kufizuar në tela me gjëmba, është një repart ushtarak në mes të qytetit dhe ka 10 godina. Dhe ajo që është propozuar, kur unë kam qenë anëtar i qeverisë, pra nuk ka ndodhur një vendim i qeverisë kundra kryetarit të Bashkisë së Tiranës. Unë kam qenë pjesë e asaj qeverie, që ka marrë një vendim që 10 ndërtesat e Gardës që sot janë një terren i paaksesueshëm të transformohen në një qendër “One Stop Shop”, qendër me një ndalesë për të gjitha shërbimet publike, ku dikush mund të marrë edhe letrat e hipotekës, edhe ndihmën ekonomike, edhe pensionin, edhe pasaportën. Një projekt i ngjashëm ka ndodhur në Gjeorgji, një projekt fantastik. Është një lloj godine, ku me një hyrje mbaron të gjithë punët që ke me shtetin dhe zëvendësohen 10 godina, në një pjesë të madhe të degraduara të Gardës me një godinë. Për këtë zëvendëskryeministri kishte organizuar një konkurs për të marrë ide. S’ka as vendim, as fitues, fakti që s’ka as fitues do të thotë që asnjë ide nuk bindi që ishte një ide e mirë.
Pra, ju nuk përjashtoni mundësinë që një ditë mund të ndërtohet?
Jo! Ajo që unë jam duke thënë është që ne nuk kemi marrë asnjë vendim dhe nuk kemi marrë asnjë projekt. Dhe të më kërkosh vendimmarrje për një projekt që nuk ekziston. U kërkua mendimi i disa kompanive që sollën disa ide, asnjë prej tyre nuk u kualifikua. Por ajo që di të them është që të zëvendësosh 10 ndërtesa të Gardës me një ndërtesë dhe të hapësh të gjithë territorin e Gardës për t’ia rikthyer parkut është plus dhe jo minus. Ndaj dhe unë besoj që ne duhet të punojmë për një qytet ku bëhet me shumë histori sesa histeri dhe në rastin konkret kemi një mbidozë histerie.
Pamë kërpudha, që në projekt dolën…
Kjo është arsyeja pse projektet nuk fituan sepse nuk përputheshin idetë që ne kishim.
Ndërkohë që për ndërtimet mbi digën që kur ishit në fushatë patët një minifitoreme vendimin e gjykatës për pezullimin e ndërtimeve, por çdo të ndodhë më pas?
Më rezulton se kompania e ka çuar në një nivel tjetër të gjykatës. Sigurisht që diçka ka ndryshuar kësaj here, në ballafaqimin tonë të ardhshëm në gjykatë Bashkia e Tiranës do të jetë palë me qeverinë qendrore më përpara Bashkia e Tiranës ka qenë palë me ndërtuesit. Kështu që ka ndryshuar konfigurimi i padisë në gjykatë.
Një qeveri qendrore që thuhet që në mos fajtore është përgjegjëse.
Nuk është ashtu sepse e kam investiguar atë proces. Komiteti i Digave i kësaj mazhorance pavarësisht spekulimeve dhe histerisë në fakt e ka rrëzuar. Pra, Komiteti i Digave sot në fuqi nuk e ka më atë projekt. Kjo do të thotë që kjo është një argument më shumë në gjykatë. E dimë si funksionojnë gjykatat ndaj dhe do të çdo gjë në fuqinë time që përfaqësimi ynë juridik të jetë në përballjen finale të jetë maksimal. Të paktën i ngelet publikut të gjykojë se ne kemi bërë maksimumin tonë. Unë them që dokumentet janë në favorin tonë dhe gjykata duhet të japi drejtësi që është në favor të qytetarëve dhe jo të ndërtuesve.
Të rikthehemi pak z.Veliaj tek ajo që ju gjetët në Bashkinë e Tiranës, ne pamë një tavolinë të madhe me shumë dosje që ju lanë nga administrate në ikje e z.Basha. Tashmë që keni kaluar një muaj në këtë zyrë, cili është opinioni juaj dhe si ka punuar Bashkia e Tiranës. Mund të evidentoni një gjë pozitive që realisht kjo administratë ju la juve.
Duke qenë se nuk jemi në fushatë dhe ne nuk kemi garë se kush bën impresione me shumë, do t’i themi të vërtetat siç janë. Nëse nuk kemi gjë për të thënë nuk mund ta reduktojmë në batutat në atë që kam gjetur në Bashkinë e Tiranës. Ju përmendet disa dosje, në fakt ishin dosjet e borxheve. Dosje të punëve të papaguara, dosje që në fakt kanë një vlerë prej 31 milionë dollarëve. Sigurisht që për efekt mediatik është si lënia e atij në derë. Kjo ndodhi në Bashkinë e Tiranës. Le të mos shitej si transferim detyre, ishte praktikisht lënie në derë e një fature shumë të kripur për qytetin e Tiranës sepse ato para nga diku do të vinin. Sa për t’ju bërë një sqarim qyteti i Tiranës çdo vit ka një fond investimesh, në vitin më të mirë 5 milionë dollarë. Në momentin që më ka lënë një faturë papaguar prej 31 milionë dollarësh, praktikisht do të thotë që nëse çdo vit 5 milionë dollarët e investimeve e çoj për të paguar këtë faturë, i bie që të jetë viti i tretë të mandatit të dytë që ne të fillojmë të bëjmë investimet tona kur ne të kemi paguar këto pagesa. Kështu që nuk jam aspak i lumtur për këtë, qyteti nuk duhet të ndihet aspak mirë për këtë.
Sigurisht, po ku do t’i gjeni paratë?
Sigurisht që ajo që ne kemi bërë është që po rikonceptojmë paketën fiskale, për të mbledhur më shumë të ardhura. Jo për të rritur taksat. Për të zgjeruar bazën e mbledhjes së taksave. Ky është një qytet që mbledh vetëm 5% të parkimit. Ky është një qytet që mbledh vetëm 7% të taksës së pronës. Ky është një qytet që mbledh vetëm 30% të tarifave vendore. Ky është një qytet që shumica që zënë hapësirën publike nuk i paguajnë qytetit asnjë cent. Kështu që në këtë sens besoj se ka mënyra për të rritur bazën por jo për të rritur peshën fiskale. Po kjo është një shenjë, fatkeqësi për opozitën, ndoshta edhe për vendin. Por ne kemi drejtues të opozitës një njeri që është absolutisht i paaftë sepse në momentin që nuk je besnik si administrator i këtij interesi që është Bashkia e Tiranës, atëherë sa 1/24 që ka sot, ai njeri sot i ka shanset zero që të jetë Kryeministër i ardhshëm i Shqipërisë dhe jo vetëm sepse nuk e bën dot kurrë punën apo vezën e Edi Ramës, por sepse e ka dëshmuar që nuk është i aftë të administrojë. Unë besoj që është fatkeqësi për atë parti që ka për drejtues një nga njerëzit më të paaftë që unë kam parë në këtë vend. Të shpërdorosh paratë publike në punë që s’je i aftë të paguash, të mos kesh lënë një gjë për qytetin. Të kesh lënë një administratë të politizuar dhe totalisht të mpirë. Një administratë që, meqë po bie sahati, që nuk rregullonte dot orën. Sahati është në rregull, dhe do të jetë në rregull përgjithmonë. Ajo është një ilustrim që nëse nuk je i aftë që rregullosh gjërat që janë në një rreze prej 3 metrash nga zyra jote nuk mund të pretendosh dhe të jesh i aftë që të jesh kryeministri i ardhshëm i Shqipërisë. Kështu që në fakt vetëm duke hyrë në bashki se në çfarë derexheje është ajo që sot quhet opozitë dhe se çfarë shansi historik humbi për të administruar një qytet dhe për të lënë të paktën në gjendje modeste.
Sot jemi në një situatë ku kompanitë e pastrimit të plehrave nuk ishin pastruar prej 8, 9, 10 muajsh respektivisht dhe sigurisht që nuk mund të pretendosh pastrim nëse nuk ke para të paguash. Në momentin që nuk mbledh të ardhura dhe nuk di të shpenzosh, atëherë ke treguar që je nuk në menaxhimin e interesit publik. Unë besoj se do të kemi një opozitë të gjatë të Partisë Demokratike në momentin që ka shpërdoruar besimin publik edhe pasi e mori në mënyrë të dhunshme mandatin në 2011-ën, la një bashki në një situatë që nuk bën krenare as militantin më të thekët.
Të jemi koshient që në Shqipëri zgjedhjet nuk fitohen por humben.
Meqë më pyetët vlerësimin, ky është vlerësimi im.
Për momentin zgjedhjet në Shqipëri kanë treguar se humben nga pala në pushtet sesa fitohen nga ajo që vjen. Në 2013-ën partia dhe koalicioni juaj erdhi me premtime të mëdha. Megjithatë Basha dhe administrata e tij ju kanë lënë në derë probleme sipas tyre janë bllokuar nga qeveria qendrore, i referohem këtu zgjerimit të Tiranës në bulevardin e ri. Çfarë do të ndodhë me të?
Nuk është kështu. Duhet të sqarohet. Marrim dy raste të ngjashme. Vështirësia financiare që u gjend administrata ime me 31 milionë dollarë borxh, e cila arriti të rehabilitonte 31 çerdhe me një kontribut në total 2 milionë dollarësh, dhënë nga 31 kompani apo organizata të qytetit të dhënë në formë solidariteti. Pra, ka dy mënyra sesi i qasesh problemeve: Një mënyrë është që ti të ngresh duart lart, edhe pse populli të ka votuar që të zgjidhësh pikërisht gjërat e vështira dhe një mënyrë tjetër që pavarësisht vështirësive ti do të gjesh një zgjidhje.
Mund të jetë zgjidhje me kosto z.Veliaj, meqë po i referohemi “twitter”-it, lypja nuk të lë pa gjë por mund të ketë bisht nga pas, sot vjen ndihma në formë solidare dhe nesër mund të kërkohet diçka. Si do të kalohet kjo ?
Ka instrumente për këtë. Çdo gjë bëhet me një garë të hapur ku sigurisht fiton oferta më e ulët dhe për sa kohë që këtu respektohet gara ku nuk ka asnjë vend për dyshim se po të ishte kështu i bie që po të gjithë ata bamirës që sot kanë bërë parqet e Londrës dhe New York-ut, do të ishin të gjithë të korruptuar, nuk është kështu. Ka pasur filantropi Shqipëria, edhe dje gjatë ceremonisë e përmenda. Dhimitër Tutulani, ish-kryetar i Bashkisë së Beratit në vitin 1925 në një mënyrë të ngjashme bëri Beratin dhe institucionet arsimore dhe nuk është se ndodhi ndonjë hata. Pra, edhe 100 vjet më përpara në Shqipëri ne kemi pasur gjeste të filantropisë. Shkollat e para shqipe janë ndërtuar nga filantropë, paratë i bënin në Bukuresht, në Rumani, shkollat i ndërtonin në Korçë. Kështu që në këtë sens le të mos paragjykojmë një proces që ka nisur në mënyrë shumë pozitive. Pra, qyteti në ditën e nevojës shtriu dorën për solidaritet dhe solidariteti nuk mungoi. Në një qytet që nxjerr 50% të PBB duhet të ketë mjaftueshëm bujari për të rregulluar 31 çerdhe. Në Tiranë ka shumë nevoja dhe ndoshta jo të gjitha i rregullojmë përnjëherë por duhet të filloni nga qytetarët më të vegjël, që s’kanë as të drejtë vote dhe as nuk paguajnë taksë, kështu që besoj se meritojnë trajtim dinjitoz.
Për të mos iu shmangur pyetjes tuaj. Në rastin e bulevardit të ri, qeveria kishte dhënë garanci sovrane këtu e vite më përpara, s’ka lidhje fare me qeverinë aktuale. Në rastin e kryetarit të bashkisë Lulzim Basha, qeveria e Edi Ramës, ku unë kam pasur nderin dhe privilegjin të shërbej ka dhënë një grant të pakushtëzuar më të madh se granti i Sali Berishës. E përsëris edhe një herë Edi Rama i ka dhënë Lulzim Bashës grant vjetor më të madh se qeveria e Sali Berishës. Pra, kur qeveria të ka dhënë grant për kredinë që ke, të ka dhënë një grant në vlerë absolute dhe relative. E vetmja gjë që janë ulur janë të ardhurat e Bashkisë që s’ke qenë i aftë t’i mbledhësh. Atëherë këtu duhet të ndajmë legjendën urbane nga fakti. Fakti është që qeveria e Edi Ramës ka paguar, i ka garantuar borxhin, ke qenë i paaftë për të mbledhur të ardhurat e tua. Ndërkohë që ti ke marrë çdo vit nga qeveria e Edi Ramës 10 milionë dollarë për të bërë çerdhe dhe ne gjetëm 31 çerdhe të Tiranës në këtë derexhe. Çfarë ka ndodhur me paratë? Kjo është arsyeja pse ne po bëjmë një audit që qytetarët të kuptojnë se ku kanë shkuar paratë e Bashkisë së Tiranës.
Tani ky auditi do të ketë një përfundim konkret, apo do të përfundojë siç përfundon si gjithmonë? Ka një pjesë edhe të elektoratit të majtë që shikon me skepticizëm këtë aksionin e dorës së fortë? Ju jeni pjesë, pjesë e kësaj qeverisje. Si mund ti fusësh në burg apo penalizosh ata që shesin domate, ndërkohë që ju flisni për abuzime me dhjetëra miliona dollarë.
Atëherë unë flas për punën time. E para punës nuk kemi futur në burg njeri që shet domate. Dua të sqarojmë diçka, si ministër i kësaj maxhorance kam adresuar çështjen e korrupsionit në ministrinë e Mirëqenies Sociale katër janë pas hekurave, dy janë dënuar, dy janë në pritje të hetimit. Dy janë arrestuar ditën që unë u betova. Kam çuar shumë veta, por deri më sot katër veta janë përpara drejtësisë. Pra, dy janë të dënuar, dy janë në paraburgim dhe di të them, sepse nuk di kujt i referoheni që thoni njerëzit janë zhgënjyer, por unë i referohem CV-së time…
Njerëzit i shohin me skepticizëm që ndërkohë shohin dikush që nuk paguan energjinë me të drejtë, penalizohet edhe ligjërisht, dhe ndërkohë që ju flisni për penalizime, për audite, jo vetëm ju por edhe pjesëtarë të tjerë të qeverisë, rezultati është ai që është.
Kur të vijnë pjesëtarë të tjerë të qeverisë pyesni ata, por meqë pyetët mua, si anëtar i qeverisë bëra këtë aksion dhe përfundoi në këtë rezultat, se në ç’gjendje është qeveria, drejtësia, këtë gjykojeni ju. Por di të them që edhe me këtë drejtësi, katër veta sot janë para drejtësisë duke qenë se bëmë një audit dhe i çuam përpara drejtësisë. Të njëjtën gjë do të bëj në Bashkinë e Tiranës. Kemi bashkëpunuar me Prokurorinë dhe më rezulton se prokuroria është e kënaqur me bashkëpunimin që ka pasur ku edhe auditi për borxhet në vitin 2013, për të llogaritur borxhet dhe u refuzua nga Bashkia e Tiranës, ku qeveria bëri një audit të financave publike. Këtu edhe kërkesa e prokurorisë për të hetuar lejet e ndërtimit është refuzuar. Për herë të parë më rezulton që Bashkia e Tiranës është në sinkron të plotë me të gjithë organet ligjzbatuese. Ndërkohë që unë kam në dëshminë e eksperiencës time një përvojë ku kam çuar përpara drejtësisë njerëz në MMRS, s’ka asnjë arsye pse të paragjykohem që e kemi filluar këtë proces dhe po bashkëpunojmë me prokurorinë. Sigurisht në qoftë se prokuroria apo gjykata do të ishte një institucion, apo ministri e qeverisë rezultatet do të ishin ndryshe. Arsyeja pse pushtetet janë të ndara është se secili institucion të bëjë detyrën e vet. Kam treguar se kam bërë detyrën time edhe atje ku kam qenë.
Megjithatë, jo më larg se këto ditë lidhur me aksionin e disa shembjeve që keni ndërmarrë në njësinë 5 që është të themi edhe “zemra” politike e mazhorancës që ju ka votuar juve, ka pasur protesta. Kur menduam më në fund që do të kemi një kryetar bashkie që do jetë sërish në paqe me ekipin e Tiranës, pamë një protestë të sport-klub Tirana, lidhur me mënyrën se si ju në mënyrë preferenciale sipas tyre po përdorni prishjen e ndërtimeve në kryeqytet, duke iu referuar kryesisht zonës së ish stadiumit Dinamo, siç njihet tani stadiumi Selman Stermasi, që të themi është edhe ai vetë në një fazë ringjallje, pas investitorëve që janë edhe në pronësi të klubit të Tiranës.
Së pari, pse filluam aksionin e pastrimit nga njësia 5? Ndërruam strategji. Mënyra se si kanë rezultuar këto aksione apo lirimi hapësire publike ka qenë në të gjithë territorin. Më është dukur e paqëndrueshme, pasi edhe stafi që Bashkia ka në dispozicion nuk është i tillë që të mbulojë në mënyrë të njëtrajtshme këtë territor që sot është 24 herë më i madh. Besova që më mirë t’i marrim njësitë me radhë, ku i shkojmë punës me themel në një njësi sesa të shpërndahemi si akull i hollë por që thyhet menjëherë, ndaj kam preferuar këtë strategji, që t’i marrim njësitë me radhë. Arsyeja pse filluam nga njësia 5 është pikërisht sepse është njësia ku jam votuar më shumë dhe nuk do të doja që dikush të thoshte, filloi në një njësi ku është bastioni x apo y partie dhe nuk filluan aty ku kanë zemrën e tyre dhe ku kanë gjithë njohjet e tyre.
Kjo mund të jetë edhe alibi.
Po e marrim me radhë, deri tani nuk ka asnjë provë që provon këtë që thoni, asnjë fakt. Kemi liruar disa rrugë dhe disa institucione, një shkollë që ishte mu në mes të trotuarit të shkollës
I referoheni shkollës…
Të shkollës “Komuna e Parisit””.
Shkollës që ka emrin Kristaq Rama, besoj?!
I referohem asaj shkolle.
Nuk u trembët pak nga mbiemri?
Së pari, Kryeministri i Shqipërisë kurrë nuk ka bërë ndërhyrje që lidhen me mbiemra, fis apo me kushërinj. Në rastin konkret e për të sqaruar opinionin publik, ajo shkollë nuk ka të bëjë fare me Edi Ramën. Është përdorur emri i artistit të madh, si emri i shkollës, por kjo nuk ka lidhje fare me kryeministrin sepse personi që e ka nuk është fare as në relata familjare me Kryeministrin. Së dyti, është zënë një trotuar dhe është zhbllokuar trotuari, siç është zhbllokuar për këdo tjetër në Komunën e Parisit dhe në atë lagje. Është zhbllokuar një hapësirë që ishte zënë nga një ish deputet i PD, përballë stadiumit Dinamo. Ajo është një pronë e klubit dhe e Bashkisë duke qenë se Bashkia është aksionere e klubit. Parkingu i është kthyer klubit për nevoja që ka klubi i Tiranës.
Tirana kështu është, diku parkimi i deputetit të PD, aty pranë është një restorant ku hanë drekë e darke ish-kryeministri dhe kryetari i PS.
Protesta në fjalë së cilës i referoheni i FK Tirana i referohet atij restoranti. Jemi treguar të kujdesshëm për të respektuar të gjithë afatet ligjore. Fillimisht restorant “Pulëbardhës” tek stadiumi Dinamo, “Selman Stermasi”, që është sot pronë e FK Tirana, pra edhe e Bashkisë i është kërkuar të heqë të gjithë barrierat në rrugë, i është verifikuar dokumentacioni, i është kërkuar që edhe për çështje të sigurisë, bombolat e gazit që janë ngjitur tek dhomat e zhveshjes së lojtarëve duhet të hiqen dhe sigurisht pasi është verifikuar dokumentacioni, ai është një ndërtim pa leje. E përsëris, restorant “Pulëbardha” tek stadiumi Dinamo është një ndërtim pa leje.
Çka do të thotë që do të shembet?
Sigurisht që do shembet dhe FK Tirana ka të drejtë. Për sa kohë që kemi pastruar të gjithë njësinë 5, do të ishte e pafalshme dhe do ishte standard i dyfishtë, nëse e vetmja ndërtesë që do shpëtonte nga ky aksion do të ishte restoranti në fjalë. Nuk më intereson fare kush ha drekë, kush ish kryeministër apo politikan drekon aty, më intereson fakti që një çiban në trup të stadiumit dhe kuzhinë bombula gazi aty ku zhvishen lojtarët nuk mund të ketë.
Ka edhe një ndërtim që në fakt është kontestuar nga partia juaj kur keni qenë në opozitë. Çfarë do të bëni, me një pjesë të lejeve të ndërtimit…
Kurse pjesa tjetër e stadiumit është duke u rehabilituar. Për lejet e ndërtimit të dhëna, ne kemi çuar në prokurori të gjithë materialin për dosjet që na janë kërkuar dhe sigurisht kemi evidentuar një sërë shkeljesh, ia kemi prezantuar prokurorisë dhe duke qenë se e ka filluar këtë hetim prokuroria, do bëjmë bashkëpunim maksimal me të gjithë detajet që duan për të provuar këto shkelje.
I rikthehemi pak emergjencave që ka qyteti. Natyrisht ka disa emergjenca që janë objektive, fillimi i vitit të ri shkollor, çerdhet, kopshtet , shkollat, pastrimi i cili është një problem jetik dhe shëndetësor që prek direkt shëndetin publik dhe që është ndier që ishte kthyer në një të shkuar që donim ta harronim. Problemi tjetër i madh që në fakt ju është krijuar në mënyrë objektive nga qeveria ku ju bënit pjesë për hartën e re administrative dhe fakti që tashmë ju duhet të administroni një Tiranë të stërmadhe ku të themi bashkimi nuk është thjesht mekanik, ndonëse bashkim buxhetesh por ka edhe problematika të ndryshme që kanë edhe karakter të zhvillimit rural. Pra, ato janë zona ende të pazhvilluara nga pikëpamja rurale, lëre pastaj që ju doni të unifikoni të themi me sistemin e urbanizimit të metropolit të Tiranës. Tashmë që ju keni një muaj në këtë detyrë, çfarë shikoni si të pamundur nga ato gjëra që ju keni realisht premtuar?
Nuk do të thosha të pamundura por sigurisht që janë sfida, këto të tria janë të themi ato më emergjentet. Sfida më e madhe ishte mosndërprerja e shërbimeve publike me gjithë tranzicionin që ne do të shkonim nga një sistem komunash në një sistem njësish administrative me 24 administratorë të emëruar në një territor që sot është 24 herë më i madh. Ne sot jemi një popullsi në Tiranë më e madhe se i gjithë vendi ynë fqinj i Malit të Zi. Ndaj kur mendon se sa njerëz marrin shërbime në këto 24 njësi, sigurisht që sfida është jashtëzakonisht e madhe. Besoj se e kaluam me sukses, nuk kemi pasur asnjë orë të ndërprerjes së shërbimeve me futjen e sistemit të ri, si bazë e kësaj reforme. Sigurisht ka disa procese që duhet të kolaudohen, barra e administratorëve të rinj me ekipe të reduktuara (ju kujtoj që nuk ekzistojnë më këshillat e komunave apo këshillat e minibashkive), disa procese do të menaxhohen në qendër si tatim taksat, mbledhja e tarifave të Bashkisë, Policia Bashkiake, INUV ndaj sigurisht që ka një reduktim të personelit. Ky është një lajm i mirë për taksapaguesit. Po harxhojmë më pak para për rroga punonjësish shtetërorë dhe më shumë para për investime për qytetarin, nga ato që mbledh Bashkia. Gjykoj që ministri Çuçi por edhe i gjithë ekipi që punoi për reformën, duhet të dihet që të paktën në Tiranë patëm një histori suksesi dhe s’patëm asnjë ditë të ndërprerjes së shërbimeve dhe kjo ishte sfida jonë e parë.
Me sa di unë në prapaskenë, ka pasur debat lidhur me mënyrën se si do të ndaheshin këta administratorë edhe nga pikëpamja politike, LSI, FRD, PDIU kanë pretenduar të vetët. Realisht sa do të ndikojë kjo ndarje e “tortës” politike, sa u përket administratorëve, në administrimin integrues që do të bëjë Bashkia e Tiranës?
Më mjafton t’ju them faktin që asnjeri nuk e ka hamendësuar saktë se nga cila parti vijnë 24 administratorët, do të thotë që jemi prezantuar si ekip i Bashkisë së Tiranës dhe duke qenë se kemi funksionuar si një ekip. Më vjen mirë që asnjë nuk ia ka qëlluar se nga kanë ardhur propozimet. Fakti që kemi arritur me sukses të tejkalojmë paragjykimin më të madh të identifikimit të njerëzve me logot e partive, unë besoj se kemi futur një risi në Bashkinë e Tiranës. Unë kam intervistuar pa fund njerëz, mbi 90 vetë përpara se të arrija në konkluzionin se kush do të jenë 24 administratorët.
Fakti që kemi tejkaluar paragjykimin politik për 24 administratorët, besoj që është lajm i mirë. Çështja e pastrimit të Tiranës. Duhet të kuptojmë që çdo ditë, Tirana prodhon 800 tonë mbetje, pra në një vit kemi midis 230 -250 mijë tonë mbetje. Në një mandat, ne kemi një milionë mbetje të prodhuara gjatë katër viteve. Është një sfidë e jashtëzakonshme për të parë se ku shkojnë këto mbetje, 1 milionë tonë nuk janë pak, si përpunohen? Ne do të fusim një proces të ri riciklimi për mbetjet e Tiranës. Ne nuk do e kthejmë më Sharrën vetëm në një vend dumpingu, do të fillojmë me projekte pilot riciklimi në origjinë por edhe në destinacion, pra duhet të kemi ndarje të mbetjeve në dy ekstremet.
Ky është një proces që gjeneron edhe para, në fund të fundit!?
Për një pjesë të mbetjeve
Po, për një pjesë…
Por ka mënyra sot se si edhe alumini, letra, plastika, mbetjet organike për fermat sidomos në zonën përtej Sharrës, Vaqarr, Ndroq, Pezë që kanë edhe një bujqësi të zhvilluar mund të jenë të dobishme. Jemi në një proces rikonceptimi të një projekti me Bankën Botërore dhe IFC se si ne do të lançojmë një strategji të re dhe koncept të ri se si riciklohen mbetjet në Tiranë. Jam shumë i ndërgjegjshëm se njerëzit i duan zgjedhjet sot, jo nesër.
Kemi qenë bashkë në daljen tuaj të parë publike si kandidat dhe evidentuat një dosje me 3000 probleme të vogla dhe premtuat se do i zgjidhnit brenda vitit të parë të mandatit.
Absolutisht dhe pjesa e parë që u intereson njerëzve nuk është se çfarë ndodh në destinacion të mbetjeve se për 99% të publikut është larg syrit të tyre. Ajo që u intereson është çfarë është para syrit të tyre, rrugët e Tiranës, vendet e grumbullimit të plehrave të Tiranës, pastrimet e pallateve dhe hapësirat e zëna në lagjen e tyre. Kjo është arsyeja pse vëmendja jonë kryesore dhe dua të përdor këtë mundësi për të ftuar të gjithë qytetarët nesër, duke nisur nga ora 09.00. Secili aty ku banon me administratorët e pallateve, komshinjtë e tyre, organizatat që po ofrohen, ushtria do të vijë në ndihmë, e gjithë administrata e Bashkisë. Unë personalisht do të jem në çdo cep të Tiranës, për aq sa do të na lejojë dita, për tu siguruar që aksioni qytetar është një sukses. Besoj se në këto 4 javë të para, Bashkia ka bërë maksimumin e vet, për të sjellë një standard të ri të pastrimit. Sot, edhe ciniku më i madh, edhe kritiku më i madh mund të na akuzojë për çfarë të dojë por nuk na akuzon dot se qyteti është më i pistë se ai që gjetëm.
I referohemi kohëve të mëparshme kur miqtë nuk njoftonin me celular apo telefon apo vinin e i binin derës e kur gjenin shtëpinë rrëmujë, njerëzit e rregullonin shpejt e shpejt dhe i fusnin gjërat poshtë kolltukut. Njerëzit presin nga ju zgjidhje afatgjata.
Sigurisht…
I referohem aksionit që do të thosha unë pozitiv të “goditjes” së atyre individëve që ndotin qytetin, ata që përdorin urën për nevoja personale. Ura që mbaj mend edhe u ndriçuan një farë kohe, por shoh që tashmë nuk ekzistojnë më ndriçimet që edhe i shmangnin këta abuzues por shumica e tyre janë abuzues nga halli. Një qytet i madh si Tirana nuk mund të jetë një qytet pa banjo publike. Unë jam dakord që ju do mundoheni t’i ndëshkoni megjithëse nuk jam dakord për mënyrën siç jam dakord në thelb për mënyrën e ndëshkimit. Unë do të thosha jo me gjobë sepse është pak e ekzagjeruar, por ka mënyra të tjera për ndëshkimin e tyre, për shembull po shihja në televizionet italiane para pak ditësh se kryetari i Bashkisë së Vila Franca kishte problem me prostitucionin, zgjodhi një mënyrë për ta shmangur, tha përderisa këta njerëz shkojnë publikisht me këto femra, atëherë mënyra më e mirë nuk është për të ndaluar prostitutat por klientët, i fotografonte dhe i publikonte emrat e fytyrat e klientëve.
Ekzaktësisht këtë po bëjmë dhe ne.
Po, por nga ana tjetër ju po u ofroni qytetarëve dhe Fiks Fare tregoi dy ditë më parë një alternativë jo edhe aq të këndshme për momentin, këto banjot provizore që ju keni vendosur, shpresoj realisht të jenë provizore pasi nuk besoj se janë një zgjidhje, ndërkohë që bota i ka zgjidhur, kundrejt një pagese. Në Londër për shembull, për 20 cent (40 lekë të reja) mund të përdoreshin banjot publike, ndërkohë që në Shqipëri mund të ishte për shembull 1, 5 lekë, ndoshta edhe për t’i përdorur këto monedha që i hedhim.
Ju bëtë një rezume me argumente. Duhet të shpjegoj me fakte pse asnjëri prej argumenteve nuk qëndron. Unë nuk e kam fare problem, siç e kam treguar në këto aksione që me 1% e njerëzve të prishim, të prishim në kuptimin e fjalës që të mërziten nga veprimet tona, për sa kohë që 99% e njerëzve mbështet aksionet për pastrimin e qytetit.
Ky nuk është argument. Ju jeni zgjedhur edhe për atë 1% që ju kanë zgjedhur ..
Po jam zgjedhur dhe besoj se edhe ai 1% prej gjobës dhe publikimit është emancipuar sot më shumë dhe është bërë një qytetar më i mirë për Tiranën dhe ndoshta…
Po duhet t’i ofrosh një alternativë…
Do i shpjegoj me radhë.
Fiksi e tregoi, pamjet ishin dëshpëruese.
Unë e dëgjova dhe po ju a shpjegoj në detaje. Së pari, pra nuk e kam fare problem që 1% e njerëzve mërzitet për sa kohë që 99% e njerëzve dhe si një njeri që ka bërë fushatë në çdo cep të këtij qyteti nuk kam pasur një takim publik ku një zonjë, një zonjushë, gjyshe, nënë nuk më ka treguar se sa të lemerisur janë që në mes të Tiranës ndodhin akte të tilla. E dyta, ju thoni që pagesa e gjobës është e rëndë.
Jo e rëndë, më duket pak e ekzagjeruar si masë, për shembull kryetari i Bashkisë së Bogota për këta që shkelnin vijat e bardha i dilte me tabelë e u thoshte ju jeni shkelës të ligjit. Ky i Vila Franca zgjodhi këtë mënyrën tjetër, pra mënyra indirekte ndëshkimi.
Secili zgjedh mënyrën e vet, tani po ju them se pse mënyra ime është efektive dhe ju shpjegoj më pas edhe për Bogota edhe për New York po deshe. Së dyti, ai është një akt vandalizimi i cili ka një kosto në shoqëri. Së pari, ka një kosto që qytetarët e kanë për çështje etike, sidomos zonjat dhe zonjushat e këtij qyteti e kanë të vështirë kalimin në këto ambiente publike prej këtyre skenave. Së dyti, është një burim infeksioni, në momentin që fekalet dhe urina publikisht në vendet më të ecura të Tiranës qarkullojnë në ajër. Ka një kosto për qytetin dezinfektimi dhe ai ndriçimi që ju thoni. Në fakt shumica e gjobave janë vënë gjatë ditës, kështu që nuk është se i ka penguar drita e diellit për të urinuar. Të gjitha këto kanë kosto. Kryetari i Bashkisë nuk i pret me gërshërë, i merr nga taksat. Kam preferuar t’u jap prioritet çerdheve dhe jo hapësirave të urinimit, në muajin e parë , do gjykohem deri në fund të mandatit. Hoteli që shikoni, hoteli historik i Tiranës i ka banjot drejt edhe në korridor, nuk detyron asnjë të pijë kafe. Kompleksi Taivan tek Parku Rinia, aty ku ndodhin këto skena i ka në korridor. Nuk detyron asnjëri të blejë e të pijë kafe. Pra, edhe hapësira të tjera publike pa kosto janë. Sigurisht që kabinat provizore që kemi vënë nuk janë ambiente luksi.
Atë shatërvanin e shëmtuar pranë Taivanit kur do e ndryshoni?
Ajo është një temë tjetër. T’i marrim me radhë.
Pjesë e Tiranës estetike është edhe ajo…
Absolutisht, jam gati t’i përgjigjem sapo të mbaroj këtë fazë të parë. Pra, banjot portative janë aty për të hequr këtë alibi se vërtet nuk janë luks, nuk janë banjo me kolltuqe dhe kondicionuara. Sigurisht që janë aty prej hallit. Nëse dikush e ka të tillë hallin. Por të lutem që të thuash që ura është më komode se sa banjo plastike, kjo është një alibi që nuk qëndron dhe për sa kohë që nga 172 gjoba, 171 kanë paguar kesh në moment, 50 mijë lekë gjobë. Pra 30-50 mijë lekë, do të thotë që s’qenka më çështje financiare e 20 centëve.
Është çështje kulture po thoni.
Është çështje kulture dhe për sa kohë që jeni gati të paguash gjobën 50 mijë lekë dhe ju falenderoj në fakt për pjesën tjetër ku ishit dakord se jeni sot i pari ku s’e keni problem që ne po transmetojmë ata persona që urinojnë në hapësirat publike.
Jo për sa kohë ata janë në publik, nuk janë në privatësinë e tyre. Ky ka qenë edhe argumenti i kryetarit të Bashkisë së Vila Franca, në momentin që ti shkon publikisht në rrugë me një prostitutë, atëherë nuk ka privatësi.
Shumica e kritikëve në fakt na ka kritikuar për privatësinë dhe jo për gjobat. Ju jeni i pari që na kritikoni për gjobat dhe jo për privatësinë. Këtu jam dakord me ju, argumenti është shumë i thjeshtë, për sa kohë një njeri pjesët e tij intime i nxjerr në publik në urën e Lanës, do të thotë se nuk e ka problem fytyrën, fytyra është pjesa më publike që ka njeriu, nga fytyra e poshtë i mbulojmë. Fakti që fytyrën e kemi zbuluar do të thotë që është gjëja më publike që kemi dhe kur ti pranon që të bësh këtë akt, atëherë do pranosh edhe pasojat. Kjo është arsyeja pse ne nuk do të tërhiqemi nga ky aksion, madje do i kërkoj Këshillit Bashkiak të jetë më i ashpër. Fakti që kemi vajtur nga 172 gjoba në tre ditë, në vetëm një gjobë dje dhe pardje do të thotë që kjo po funksionon dhe nëse do të më citonit një qytet shembull. Qyteti më shembull është New York, ku kryetari i Bashkisë gjobit, publikon edhe prangos në hekurat e metrosë kur hyn në metronë e New York pa paguar.
Ka vetëm një ndryshim, që Bashkia e New York është në një farë mënyrë eprore e policisë së New York.
Jemi shumë më të butë se New York.
Rama kur ishte kryetar bashkie i kërkoi qeverisë qendrore që shumë prej kompetencave të policisë të kryeqytetit, t’i kalonin Bashkisë, përfshirë edhe policinë rrugore. A keni ju edhe Kryeministri ndërmend një gjë të tillë?
Jemi duke diskutuar se si ne do të kemi një influencë më të madhe në administrimin e rendit në qytet dhe të kemi ose një bashkëemërim të komisariateve të qyteteve ku çdo kryetar bashkie…
Se normalisht edhe ai polici i Bashkisë që shkon poshtë urës për të vendosur gjobën duhet ta ketë kompetencë këtë punë.
Ai e ka kompetencë, polici bashkiak ka kompetencë të vërë gjoba..
Po, vë gjoba por nuk i ekzekuton ato.
Kjo është për shkelje administrative, jo për shkelje penale. Polici i Bashkisë nuk është aty për dikë që vret ose për dikë që kryen të themi vepra penale. Polici bashkiak është për ata që kryejnë vepra administrative.
Po nuk e ka forcën detyruese që duhet të ketë një rast i tillë.
Në rastin që ju përmendët, ju thashë 171 nga 172 raste që qytetarët kanë shkelur dhe që urinojnë në vende publike e kanë paguar në moment. Kjo do të thotë që bie alibia që këta nuk kanë para. Këtu këta nuk kanë kulturë, se para kanë. Po këtu bie dhe alibia që polici bashkiak nuk e paska këtë autoritet se mesa duket autoriteti funksionon, dhe në të vetmin rast kur nuk funksionoi erdhi dikush dhe e pagoi gjobën dhe më pas qytetari vazhdoi në punë të vet.
Por di të them se po funksionon dhe për sa kohë që 99% e njerëzve duan një qytet që nuk vjen era urinë dhe duan një qytet që nuk është burim infeksionesh, qendra e qytetit, le më periferia , atëherë unë do të vazhdoj të jem me shumicën që do këtë lloj qyteti.
Zoti Veliaj, megjithatë në kompetencat e reja edhe mbi shëndetin publik që në fakt i pat kërkuar dhe rivali juaj Kosova , edhe me zjarrfikëset, edhe me policinë. A mos vallë po përqendrohet shumë pushtet në duart e kryetarëve të bashkisë dhe aq më tepër të kryetarit të bashkisë së Tiranës.
S`më duket kështu.
A duhet t`i druhen qytetarët këtij përqendrimi të pushtetit? Apo është thjesht në funksion të administrimit?
Unë besoj se është vënë re që në këto 30 ditë kemi bërë shumë shumë gjëra që nuk u bënë për 4 vjet dhe i kemi dhënë drejtim shumë punëve që për 4 vjet kishin ngecur. Mendoj që reforma territoriale në fakt prodhoi kryetarë bashkie më eficentë dhe iu dhanë më shumë instrumenta që të ishin më të zhdërvjellët për të bërë më shumë punë.
Po potencialisht dhe më shumë mundësi për të abuzuar.
Ka një sistem “Check and Balance” . Ka një sistem kontrolli edhe në mënyrën se si ligji ka kufizime për taksat dhe tarifat që vjel, edhe mënyrën sesi Policia e Rendit ndihmon Policinë Bashkiake në rastet e nevojës , edhe për faktin se politikat, qofshin këto politikat arsimore ose shëndetësore, politikat dhe kontrolli janë kompetencë e qeverisë qendrore. Qeveria qendrore nuk mund të fiki zjarrin edhe në Gjirokastër edhe në Shkodër nga Tirana. Sigurisht që sa më afër autoriteteve lokale që janë shumë më të ndjeshëm se janë zgjedhur nga qytetarët e atyre qyteteve, aq edhe më të ndjeshëm për të ofruar shërbime më të mira për këta qytetarë që i kanë zgjedhur. Ju duhet të kuptoni që qeveria qendrore gjithmonë e më shumë në modelin perëndimor është mbikëqyrëse e politikave. Qeveria lokale është ajo që ekzekuton shumicën e politikave të qeverisë qendrore dhe sigurisht që është dhe më afër qytetarëve.
Artan Hoxha me skepticizëm do të thoshte se s’paska nevojë të shkoka Erion Veliaj te posti i kryeministrit se vjen posti i kryeministrit te Erion Veliaj.
Veliaj: Nuk e di, se nuk dua të komentoj njerëz që gjithmonë luajnë sportin e cinikut dhe të skeptikut, ndërkohë që e kishin këtu kryetarin e bashkisë së tyre dhe mund t`i kishin bërë disa këshillime pro bono për të pasur një qytet më dinjitoz. Kjo nuk ndodhi dhe nuk dua të merrem me këtë. Ajo që dua të them është që sot kemi 61 kryetarë bashkish të cilët nuk janë të gjithë të majtë, kemi dhe kryetarë bashkish të djathtë .
Tek tuk po.
Tek tuk prej perfomancës së opozitës po nuk jam këtu që të gjykoj opozitën , jam këtu që të bëj punën e kryetarit të bashkisë.
Ne patëm realisht një fitore të 3 nga 4 bashkive. Besoj se po tregojmë që nuk po e marrim për të mirëqenë këtë fitore, por po punojmë çdo ditë për të bindur qytetarët që kjo ishte një zgjedhje e duhur dhe kjo reformë ishte reforma e duhur dhe besoj se kolegu im Çuçi ka kopsitur një reformë historike e cila i ka dhënë dhe instrumenta kryetarëve të bashkive që të jenë të dobishëm dhe të jenë dhe kreativë. Na është edhe hapësira për të qenë kreativë dhe duke qenë se kam qenë ministër e kam çmuar, e kam bërë me shumë dashuri punën si shërbëtor i vendit tim në qeverinë e Edi Ramës si ministër .
Jam gjithashtu i ndërgjegjshëm për faktin që qeveria qendrore aplikon për politika që efektin e japin pak më vonë. Reforma e pensioneve për shumë njerëz efektin do ta japë kur t`i vijë koha të dalin në pension, por reforma për pastrimin e qytetit efektin ka filluar ta japë që sot. Në këtë sens jo vetëm që gjykoj që kjo është puna më e bukur në botë që mund të bëjë një njeri në jetën publike por dhe puna që ka impaktin më direkt në jetën e qytetarëve dhe nëse bëhet mirë ndryshon ndjeshëm cilësinë e jetës në një qytet. Unë besoj se gjithmonë e më shumë kombet janë bashkësia e qyteteve të atyre kombeve dhe jo administratat shtetërore dhe nëse shohim sot Amerikën apo Anglinë apo Gjermaninë, kjo e fundit është koleksioni i qyteteve gjermane, sepse jeta më e madhe ndodh në nivel qyteti, në nivel bashkie.
Sot kombi shqiptar është në fakt koleksioni i qyteteve të Shqipërisë, i qyteteve të Serbisë së Jugut me Preshevë, Medvegj e Bujanovë, i qyteteve të Maqedonisë Perëndimore dhe i qyteteve të Kosovës. Ky është sot kombi shqiptar, jeta që ndodh në këto qytete.
Megjithatë simboli i gjithë shqiptarëve është padyshim sheshi “ Skënderbej” dhe ju keni dhe adresën më prestigjioze, pra sheshi “Skënderbej” numër 1, është adresa zyrtare e bashkisë së Tiranës. Një shesh “Skënderbej” i cili natën duket natyrisht bukur , megjithatë ka qenë viktimë të themi e stinëve politike, kush ka ardhur ka vënë dorë . Në fillim të emisionit iu referova pikërisht faktit që bashkia e vjetër e Tiranës ka qenë diku pak më tutje se Muzeu Historik Kombëtar , ashtu siç italianët e kishin planifikuar në mbyllje të sheshit “Skëndëerbej” . Befas për një tekë të një kryefamiljari të një ish kryeministri Shehu, ajo ndërtesë e mrekullueshme e Komunitetit Ekzekutiv siç njihej, u shemb dhe u ndërtua kjo ndërtesë e stilit do thoja unë , neokomunist, siç është Muzeu Historik Kombëtar. Me gjithë respektin që kam për vlerat historike tashmë të këtij Muzeu prej gati 30 e ca , 35 vitesh. Megjithatë ky shesh “Skënderbej” tashmë e ka një formë. E kishte një formë tjetër me zotin Rama dhe ju keni premtuar se ju do ta ndryshoni sërish atë. Çfarë do të ndodhë me sheshin “Skënderbej dhe kur?
Patjetër që e ka një formë , por është një rreth-rrotullim, dhe në qoftë se ka njeri sot që ka një fije kulturë, edhe pak dinjitet publik që mund të thotë që simboli i shqiptarëve është një rrethrrotullim dhe një kryqëzim i pafund, është një lojë fjalësh që fyen inteligjencën e çdo shqiptari që meriton që në qendër të kryeqytetit të kombit të vet të ketë një hapësirë ku njerëzit të shkëmbehen me njëri-tjetrin dhe jo një rreth-rrotullim makinash.
Duhet të jetë një zgjidhje e integruar, se edhe trafiku do zgjidhje.
Patjetër, dhe do iu them dhe përgjigjen. Në rastin më butaforik është një livadh për kalin e Skënderbeut . Në rastin kur njerëzit, ju e dini fare mirë, duhet të kapërcejnë si kaproj gardhin e ngritur për të pasur një fotografi apo tani që kanë dalë edhe selfiet në modë për të pasur një moment edhe ta ndajnë me miqtë faktin që kanë qenë në Tiranë. Sot është një strapacim anti-qytet për të shkuar tek “Skënderbeu” dhe në qoftë se simbol i kombit tonë është një rrethrrotullim dhe një kryqëzim, unë nuk jam krenar për këtë dhe besoj se edhe shumica dërrmuese e njerëzve, edhe atyre që nuk më kanë votuar, nuk janë krenarë që ky është simboli i kombit tonë.
Por ama ndihen të lehtësuar, për shkak të trafikut. Ndërkohë që ta bëni ju këtë, ta ktheni në pedonale sërish duhet një projekt tjetër ndërkombëtar.
Jo, nuk duhet asnjë projekt tjetër.
Para të harxhuara. Duhet të zgjidhni Unazën e Vogël të Tiranës ,e cila ka mbetur gangrenë dhe nuk është zgjidhur , është e madhe
Situata është shumë më pozitive seç e përshkruani ju. Sot kemi filluar procesin e shpronësimit të gjithë pallateve që janë në zonën e Unazës së Vogël, pra mbas “Hotel Tiranës” dhe midis “Hotel Tiranës”dhe “Rrugës së Barrikadave”. Procesi i shpronësimit do të ecë në kohë rekord dhe ne brenda këtij viti do të kemi bërë një pjesë të madhe të punës për Unazës e Vogël. Pra, rendi i gjërave është zhbllokimi i Unazës së Vogël dhe hapja e një…
Pra do vazhdojë projekti i vjetër, te Rruga e Barrikadave, te INSIG-u apo jo?
Veliaj: Projekti i vjetër e kishte Unazën e Vogël aty ku sot është pedonale, te Kalaja e Tiranës.
Duke qenë se u zbuluan rrënojat e Kalasë…
Spostohet vetëm një bllok në Unazë, pra spostohemi vetëm 50 metra në atë brinjë dhe pastaj çajmë mes përmes ndërtimet duke i shpronësuar ato për të dalë mbas “Hotel Tiranës”. Kemi një zhvendosje të Centralit Elektrik që është aty, të Nënstacionit dhe kemi siguruar një hapësirë shumë më të madhe sesa 2 korsi , 3 korsi që kemi sot në “Sheshin Skënderbej”. Pra , i gjithë trafiku zhvendoset vetëm 50 metra nga ku është sot. Por ajo që fitojmë janë disa hektarë tokë në mes të Tiranës për hapësirë publike, për pedonale.
Atëherë, t`iu jap një shembull konkret, një projekti që funksionoi: Shikoni sot sheshin “Nënë Tereza”, të gjithë ishin skeptikë, kritikë, cinikë siç janë në përgjithësi njerëzit kur propozohet një ndryshim, megjithatë sot është hapësira më e frekuentuar, në fakt duhet të ishte qendra e qytetit.
Hapësira më e frekuentuar nga qytetarët në këtë orë kur është ende ngrohtë duhet të ishte sheshi kryesor i Tiranës siç është secila prej shesheve të kryeqyteteve që përmendët ju dhe siç e shikoni sot, nuk ka këmbë njeriu në sheshin kryesor të kryeqytetit shqiptar.
S`ka, janë të gjithë në makinë…
Janë të gjithë në makinë pra, duke nxituar për të ikur diku dhe jo duke shijuar bashkësinë që krijohet kur njerëzit kanë një hapësirë publike. Ndaj dhe rendi i gjërave do të jetë: Të ecim shumë shpejt me Unazën e Vogël, vetëm pasi të jetë vënë në funksionim Unaza e Vogël ne do t`i rikthehemi projektit të sheshit. Kemi verifikuar dhe me kompaninë që ka bërë punimet, 70 % e punimeve kanë mbaruar, pra janë nëntokë, kanë pasur vetëm mbulimin sa për të groposur investimin. 70 % e investimit është aty, ka mbetur edhe 30 % e investimit që është pjesa mbi tokë , të cilën gjithashtu do ta bëjmë në kohë rekord. Ambicia jonë është që para zgjedhjeve të 2017-ës ne të mos kemi asnjë pengesë në “Sheshin Skënderbej”, të kemi një shesh ku qytetarët mblidhen për të festuar faktin që janë në qendër të Shqipërisë dhe në qendër të Tiranës dhe jo një shesh ku njerëzit nxitojnë t`i bien përqark për t`i ikur sheshit. Sheshi është aty për t’i afruar, si magnet për njerëzit , jo si një mënyrë për t`i përzënë, një centrifugë për të përzënë njerëzit nga sheshi.
Zoti Veliaj, ju nuk e keni premtuar tramin në fushatë.
Jo dhe kam bërë mirë.
Por nuk e di keni premtuar edhe gjëra të tjera. Shpresoj që keni bërë mire dhe për ato se duhet ti mbani. Me gjithë atë fakti që bulevardi i ri do filloi shpejt apo jo? Zbatimi i bulevardit të ri sigurisht e çliron Tiranën nga ai qëndrimi nga i lindje perëndim dhe e shtyn drejt veriut. Po natyrisht kjo do të kërkojë një transport publik më efiçent dhe sigurisht njerëzit do të thonë OK. Pavarësisht se trami ndoshta ne thonjëza mori një kuptim negativ për shkak se ishte një premtim i pa mbajtur. Trami apo trenat e lehtë siç njihen në një qytet kaq të madhe dhe qe do të behet edhe më i madh nuk janë më një luks por një domosdoshmëri. Pra a keni ju tashmë një projekt? Pavarësisht që ju nuk e keni premtuar…
Nuk e kam premtuar në fushatë. Dhe sa mirë që nuk e kam premtuar sepse kam ndërmend të mbajë çdo gjë që kam premtuar. Nëse bëj më shumë se aq OK. Por dua të rezervohem se dhe në fushatë kam qen i rezervuar sepse kisha ndërmend ta fitoja atë garë. Kur dikush e di që nuk do ta fitojë atë garë mund të premtojë çfarë të dojë se nuk ka detyrim ti mbajë. Por duke qen se kemi qen serioz në fushatë kemi qen edhe serioz në qeverisje. Pra bulevardi i ri ka një emër tjetër zyrtar në bashkinë e Tiranës, pra është projekti i parkut qendror dhe i parkut të lumit të Tiranës. Pra është projekti i dy parqeve dhe jo projekti i bulevardit me pallate. Vetëm me ndryshimet që i kemi bërë projektit të bulevardit me kompaninë britanike kemi shtuar 12.5 hektar gjelbërim Tiranës. Pra i kemi shtuar një sipërfaqe shumë më të madhe të gjelbër. Arsyet pse dhe njerëzit dhe ju bëtë pyetje për ndërtimet te liqeni, është se te liqeni ka park dhe se është bukur. Në vend që të ndërtojmë një tjetër tragjedi pallatesh dhe të hyjmë në historinë famëkeqe si ndërtues pallatesh, kemi kërkuar me një herë ndryshimin dhe mbajtjen e premtimin në fushatë. I kemi shtuar 12.5 hektar park qendror. Pra Tirana do ketë një “central park” që unë besoj që do të jetë më shumë popullor kur të ketë mbaruar ai projekt se parku rinia dhe parku i liqenit që është sot.
Si do shkojnë njerëzit deri atje? Edhe për argëtim edhe për bizneset?
Së pari në njësinë 11, pra në gjithë zonën rreth bulevardit të ri, në njësinë 9 dhe njësinë 4
tashmë ka njerëz, që në fakt shkojnë t gjithë tek parku i liqenit. Pra nuk është se zona përreth bulevardit nuk ka. Ka lagje të mëdha të Tiranës që sot janë respektivisht, njësia 3, 5 dhe 7 më e populluar e Tiranës. Pra në një far mënyre po ushtrojmë simetri urbane duke çuar një park të madh në atë pjesë. I kemi filluar tashmë punimet në zonën e lumit të Tiranës, pra për parkun e lumit. Lumi po rehabilitohet qe mos të ketë më përmbytje në të ardhmen. Dhe unë besoj duke çuar park, n fakt edhe vlerën e pronës të atyre lagjeve e kemi rritur duke e kthyer në një atraksion. Them se kemi marrë vendimin e mirë, për çështjen e tramit, nuk jam penduar aspak dhe nuk mund të kishim biletat e tramit 7 euro Kinostudio-Kombinat, ku bileta sot është 30 lek. Në këtë situatë kemi qen të hapur dhe jemi ende të hapur nëse ka kompani që janë të interesuar për një tram që na lidh me aeroportin. Nëse dikush është gati të paguaj 15 euro për taksi deri në aeroport sigurisht që mund ta bëjë të përballueshme biletën e tramit për ata që duan të bëjnë të shfrytëzueshme gjithë aksin ku do të kalojë. Jemi të hapur për projekte, kemi ftuar për bisedime dhe ata që kanë dizenjuar projektin fillestar. Por me një kusht kostot e pa përballueshme për qytetarët mes dy lagjeve të Tiranës ne nuk mund ti marrim përsipër. Sepse sigurisht tingëllon bukur pse mos kemi tram, pse mos kemi teleferik, pse mos kemi metro. Kam preferuar mos të jem i tillë dhe mos të flas për kosto që ky qytet nuk ka mundësi ti paguajnë në rrethanat që i ka financat sot.
Ky qytet z.Veliaj ndër të tjera ka nevojë që të shkëputet nga influenca politike e betejave që bëhen që pushtetin qendror. Dhe e dyta ka nevojë që ti kthehet buzëqeshja. Ky është një qytet i ri është qytet dinamik. Realisht nëse ma thoni dot shumë shkurt çfarë do bëjë Erion Veliaj që të rilind energjinë që ai ka tja transmetojë qytetit që tashmë ai ka detyrë ta administrojë
Ne kemi një plan shumë ambicioz, një prej tyre është sistemimi, po sigurisht dizenjimi i qytetit që sjell një lloj alegorie, sjell një frymë optimiste. Fillimisht duhet të sigurohemi që të kemi puseta përpara se ti lyejmë ‘
Ndoshta ai që do ta vjedh dhe shikon atë fytyrën nguron ta bëjë atë gjë…
Kemi ftuar një ekip shumë të mirë të studentëve të Akademisë së Arteve që të marri pjesë jo vetëm në rifreskimin e fasadave që është një projekt i bashkisë, jo vetëm në dizenjimin e pusetave dhe të mureve, jo vetëm në rehabilitimin që ndërmarrja jonë e gjelbërimit po bën disa nyje siç është Brryli, Selvia, disa punime që kanë një vlerë historike për qytetin. Dhe sigurisht që kemi një kalendar ambicioz të vendeve publike ku duam të brendojmë pjesë të ndryshme të qytetit të Tiranës të madhe. Kemi shumë shpejtë këtë fundjavë rreth 4000 delegatë që vijnë konferencën në kongresin e Sant E’gitios. Më vjen mirë që Shqipëria është vendi ku në një metër katror mund të gjesh kisha dhe xhamia dhe njerëz që bashkëjetojnë. Më vjen mirë që pas vizitës së Papës ky është eventi i dytë i përmasave kaq të mëdha, që unë besoj që mund ta kthejmë në një traditë vjetore pra për të sjellë këtë lloj turizmi që të shikojë këtë sens harmonie. Eshtë nj nga t paktat gjera që ne nuk debatojmë, por është nga të vetmet gjëra që gjitha vendet e tjera të botës shkojnë në luftë. Dhe në këtë sens ne e kemi një produkt tipik shqiptar për të demonstruar. Fill mbas kësaj do të kemi disa aktivitete të jashtëzakonshme në Pezë për të rikthyer traditën e festës së Pezës. Pas kësaj në Shën- Gjergj, q është zona me e largët dhe më e thellë e Tiranës, por që ka një bujqësi të zhvilluar dhe që duam ta promovojnë. Do të kthejmë maratonën e Tiranës, por jo në një event sa për sy e faqe që të vrapojnë stafi i bashkisë, por në një event që e kthen Tiranën dhe e vendos në hartë për aktivitet sportive. Tirana do të jetë qyteti i pesë parqeve parku i Dajtit, Kasharit, Vaqarrit dhe i Farkës. Do të jenë edhe tre valvula shkarkimi. Besoj se kemi një agjendë shumë ambicioze edhe në hapësira apo në aktivitete që i kthejnë më shumë buzëqeshje se sa vetëm deprimimi nga situata politike. Edhe në këtë drejtim kemi sjell një diferencë, kemi një harmoni të jashtëzakonshme. Unë kam një marrëdhënie ditore korrekte më Edi Ramën, me Ilir Metën, me Shpëtim Idrizin, me Bamir Topin, që kanë qen drejtuesit e kësaj fitore dhe këtij koalicioni. Kam nj harmoni të jashtëzakonshme në punët që bëhen në ekip dhe jo si një kryetar bashkie që e fut në autopilot bashkinë dhe nuk duket për dy vjet. Kështu që në këtë sens dorëza e debatit politik do të mungojë këto katër vite, sepse do të bej çmos ta ruaj bashkinë dhe ta mbaje të fokusuar në punët e qytetit dhe jo në debatet politike që e kanë vendin në parlament dhe jo në qytet.
Në Shqipëri ambasada e Shteteve të Bashkuara deklaroi sot në mbrëmje se “mirëpret vendimin e deputetit Arben Ndoka për t’u dorëhequr nga parlamenti dhe vendimin për të lejuar arrestimin e deputetit Armando Prenga”.
