Me votim të fshehtë, gjatë seancës plenare në Kuvend u miratuan sot dy kandidaturat për anëtarët e Këshillit të Lartë të Drejtësisë nderkohe qe me votim te hapur u rrezuan dy dekretet e Presidentit per anetaret e Gjyates se Larte. Por gjatë votimit të dekreteve disa deputetë të LSI votuan ‘pro’ kandidaturave, ndryshe nga sa ishte qëndrimi i shumicës.Dy anëtarët e rinj te KLD-së do jenë Albana Shtylla dhe Vangjel Kosta. Shtylla dhe Kosota, do të mbajnë kështu postet e Elvis Cefës dhe Lulzim Lelçajt, të cilët u shkarkuan për shkak të disa shkeljeve të raportuara, e më pas verifikuar nga ana e Komisionit Hetimor Parlamentar të ngritur për KLD-në.

Maxhoranca ka rrëzuar me votim të hapur dy dekretet e Presidentit Bujar Nishani për në Gjykatën e Lartë, por gjatë votimit disa deputetë të Lëvizjes Socialiste për Integrim votuan ‘pro’ kandidaturave, ndryshe nga sa ishte qëndrimi i shumicës. Kandidatura e Elona Stavrit mori 3 vota pro, të Spartak Brahos, Aqif Rakipit dhe Shkëlqim Selamit, 73 kundër të shumcës dhe 3 abstenim të Bujar Kllogjrit, Luan Ramës dhe Vangjel Dules.

Kuvendi nisi seancën plenare të radhës rreth ores 10:50 me diskutimin e projektligjit “Për njoftimin dhe konsultimin publik” per ti perfunduar rreth ores 14:45 minuta. Edhe punimet e sotme në Kuvend u zhvilluan pa pranine e opozites.

RRËZOHEN DEKRETET E PRESIDENTIT NISHANI PËR ANËTARËT E GJYKATËS SË LARTË
Ora 14:40- Maxhoranca ka rrëzuar me votim të hapur dy dekretet e Presidentit Bujar Nishani për në Gjykatën e Lartë. Kuvendi rrëzoi sot dy dekretet e presidentit Bujar Nishani për anëtarët e Gjykatës së Lartë. Me 73 vota kundër, 3 pro dhe 3 abstenim deputetët e maxhorancës rrëzuan dekretin e Nishanit për emërimin anëtare së Gjykatës së Lartë të Elona Stavrit. Ndërkohë me 67 vota kundër, 7 pro dhe 1 abstenim u rrëzua edhe dekreti për emërimin e anëtar të Gjykatës së Lartë të Sokol Ngresit.

Por gjatë votimit disa deputetë të Lëvizjes Socialiste për Integrim votuan pro kandidaturave, ndryshe nga sa ishte qëndrimi i maxhorancës. Kandidatura e Elona Stavrit mori 3 vota pro, të Spartak Brahos, Aqif Rakipit dhe Shkëlqim Selamit, 73 kundër të shumcës dhe 3 abstenim të Bujar Kllogjrit, Luan Ramës dhe Vangjel Dules.

Ndërsa dekreti i Sokol Ngresit, 7 vota pro të Spartak Brahos, Luan Duzhës, Bujar Kllogjrit, Aqif Rakipit, Luan Ramës dhe Shkëlqim Selamit; 67 kundër të maxhorancës dhe 1 abstenim të Vangjel Dules.

Në këtë mënyrë kreu i shtetit do të nisë konsultimet nga e para për të dekretuar tre kandidatë të tjerë për në Gjykatën e Lartë.

Elona Stavri 3 pro 73 kundër 3 abstenim

Spartak Braho Pro

Bujar Kllogjri Abstenim

Aqif Rakipi Pro

Luan Rama Abstenim

Shkëlqim Selami Pro

Vangjel Dule Abstenim

Sokol Ngresi 6 pro 67 kundër 1 abstenim

Spartal Braho Pro

Luan Duzha Pro

Vangjel Dule Abstenim

Bujar Kllogjri Pro

Aqif Rakipi (I PDIU) Pro

Luan Rama Pro

Shkëlqim Selami Pro

KUVENDI MIRATON KANDIDATURAT E DY ANËTARËVE TË RINJ TË KLD-SË
Ora 14: 18- Kuvendi miratoi kandidaturën e Albana Shtylla, për pozicionin e anëtares së KLD-së, me votim të fshehtë, duke marrë kështu 77 vota pro, 2 kundër.

Ndërkohë, u miratua dhe kandidatura e kandidatit tjetër, Vangjel Kosta, me 71 vota pro, 7 kundër, 1 abstenim.

ANËTARËT E KOMISIONIT TE KONKURRENCES, MIRATOHET VETËM NJË KANDIDATURË
Ora 14: 15- Miratohet vendimi për anetar te Komisionit te Konkurences me 66 vota pro dhe 9 kundër, 3 abstenim. Eduart Ypi eshte votuar per anetar te Komisionit te Konkurences.

Zgjedhja e Ypit si anëtar të komisionit të Konkurrencës është bërë me votim të fshehtë, me 66 vota pro, 9 vota jo dhe 3 abstenim. Ndërkohë, kandidatura e Armand Afezoill nuk u miratua, duke marrë kështu 12 vota pro, 63 kundër dhe 4 abstenim.

VASILI: ÇDO DITË PËRBALLEMI ME PROBLEMIN E URGJENCAVE
Ora 13: 25- Duke u ndalur tek diskutimi mbi projektligjin “Për shërbimin e urgjencës mjekësore”, kreu i Grupit Parlamentar të Lëvizjes Socialiste për Integrim, Petrit Vasili solli në vëmendje problematikat e urgjencave. “Urgjenca, rrethane kritike për shëndetin. Çdo ditë përballemi me problemin e urgjencave. Sistemi i shëndetësisë është zelli dhe dëshira, që kalon mbi sistemin”-tha Vasili.

OPERACIONI KUNDER VJEDHJES SE ENERGJISE, RAMA: JA ARSYET PSE NUK E NISËM MË HERËT
Ora 13:20- Më tej kryeministri sqroi edhe arsyet se përse operacioni nis tani dhe jo më herët. Sipas tij arsyeja themelore është se kompania CEZ ishte në një konflikt ligjor dhe kompania vërtet kishte mbetur në duart e shtetit por nuk ishte kompania e shtetit.

“Dua ta falënderoj kryetarin e grupit se me çka trajtoi më solli në vëmendje dy element që nuk i preka në fjalën time dhe na ndihmoi që të shpjegojmë për njerëzit edhe mbani këta elementë sepse desinformimi është shumë i madh edhe nga ana tjetër edhe përpjekja për të nxitur pakënaqësinë te njerëzit nga ata që kishin përgjegjësinë të administronin këtë pasuri kombëtare është e pa ndashme. Thënë këto do doja të thoja pse ky operacion që nuk është aksion por operacion filloi tani, pse nuk filloi menjëherë një vit më parë apo 6 muaj më parë. Për një arsye themelore dhe disa arsye dytësore. Arsyeja themelore është se kompania ishte në një konflikt ligjor dhe kompania vërtet kishte mbetur në duart e shtetit por nuk ishte kompania e shtetit. Ishte një kompani private, e privatizuar ashtu siç ishte privatizuar, dhe besoj nuk është pa vlerë të kujtohet se në atë kohë qartësisht e thamë me plot gojë që do ishte privatizim i dështuar dhe nuk do sillte përmirësim pore përkeqësim.

Kur kompania u privatizua me argumentet se një kompani private do ishte e pa ndikuar nga politika dhe lidhjet klanore do ishte shumë më efikase në lidhjen e pa ligjshme do ishte shumë më e garantuar në procesin e bërjes së investimeve dhe më e lirë nga pikëpamja e hapësirës së veprimit për të manovruar si një aktor në treg dhe jo si një degë elektorale e partisë në pushtet këto nuk u vërtetuan u vërtetua e kundërta. kompania shkoi në 45 % humbje. Nuk bëri investimet që kishte marrë përsipër, la pas një rrjet më të amortizuar se ai që kishte gjetur. Kompania nuk i shpëtoi ndikimit politik por u fut në një marrëdhënie perverse me pushtetin duke ndërtuar së bashku një skemë korrupsioni politik dhe financiar. Nxjerrja jashtë e kompanisë në mënyrë të dhunshme, ne e gjetëm kompaninë në konflikt ligjor që na bënte të pa mundur investimet, asnjë lloj mbështetje nga organizma dhe institucione financiare, dhe na bënte të pa mundur nxjerrjen e gjithë kësaj strukture jashtë ndikimeve politike e klanore.

Edhe ajo që kryetari i grupit e cilësoi si shifër rënia e konsiderueshme e humbjeve është rezultat i miradministrimit të kompanisë. Ka një rënie të vazhdueshme, ka rritje të arkëtimeve dhe besueshmërisë. Kush ka ndjekur shifrat e njerëzve të akuzuar për vjedhje të energjisë mund ta verifikojë fare lehtë se operacioni nuk ka filluar tani si një hap i parë por është përshkallëzim i një procesi të nisur që ditën e parë që është marrë kompania në administrim. Ky Kuvend miratoi një ndryshim në Kodin Penal që e propozuam ne, bazuar tek fakti që konstatuam që ndëshkueshmëria e atyre që çoheshin para drejtësisë për vjedhje të energjisë ishte zero. Duke përfituar nga hapësira që linte Kodi Penal dhe duke i përdorur ato për korrupsion. Mbi 600 mijë lidhje të paligjshme, dhe asnjë i dënuar. Nuk e kam numrin e saktë të atyre që kanë shkuar në prokurori dhe janë shumë.

Kodi Penal që ne miratuam dhe hyri në fuqi në 19 gusht saktëson që kush vjedh energjinë ka 3 vjet burg. Gjykatësit para hajdutëve rrinin si lypësat te Stacioni i Trenit dhe shtrinin dorën e prisnin monedhën që të linin hajdutin të lirë. Operacioni ka filluar në kohën e duhur dhe nuk do mbarojë në fund të vitit, do jetë konstant dhe një proces që do e shoqërojë kompaninë deri kur çështja e vjedhjes së energjisë mos jetë një çështje kombëtare. Sot ne ngremë njësinë operacionale speciale në varësi të drejtpërdrejtë të Ministrisë së energjisë, është një njësi jo policësh por inxhinierësh dhe eklektriçistësh që do ketë mision ndjekjen dhe kapjen e lidhjeve të pa ligjshme dhe manipulimeve në matësat e energjisë”- sqaroi Rama.

RUÇI-MINISTRAVE: SILLENI SI KRYEMINISTRA, ADMINISTRONI SISTEMIN QË KENI NË VARËSI
Ora 12: 45- Kreu i Grupit Parlamentar të Partisë Socialiste, Gramoz Ruçi, theksoi se e mbështeste vizionin e kryeministrit Rama për aksionin kudër vjedhjes së energjisë elektrike. Por “kritikoi’ ministrat e kabinetit qeveritar Rama se ata duhet të marrin të gjitha përgjegjësitë që i takon.

“Do përshëndes alarmin që ka dhënë kryeministri për problemin e administrimit të sistemit energjetik, dhe do e mbështesja për vizionin në këtë sektor. Duam si grup parlamentar që sistemi të votohet. Duam që qytetarët shqiptarë të kenë drita dhe kostoja e energjisë elektrike të përballohet dhe nga të gjithë konsumatorët, me qëllim që jo 50 për qind e konsumatorëve të përballonin koston, dhe pjesa tjetër ta vjedhin atë. Pra, në këtë këndvështrim, Grupi i PS është në mbështetje të kësaj reformë dhe këtij vizioni. Ashtu sikurse do e votojmë se çdo të sjellë qeveria në funksion të këtij vizioni.”-tha Ruçi.

Me tej Ruçi iu drejtua të gjithë ministrave që morën fjalën në Kuvend, duke theksuar se nuk duhet të hiqen si kryeministri. Pasi sipas tij, fjalimet e tyre dukeshin të tilla.

“Zoti ministra nuk duhet të hiqeni si kryeministër. Qeverisja nuk bëhet me aksion, por me qeverisje çdo ditë. Janë dy mijë e 200 e 52 elektricistë që ka sistemi ça mendoni se këto lidhje të jashtëligjshme që si kanë bërë këta?? Absolutisht që këta i kanë bërë. Po fusni konsumatorët brena, po lini hajdutët jashtë. Keni mbi 600 e ca faturistë, sikur nga një në ditë, do kishim 600 e ca deponime. Ne do kërkojmë llogari për këto tregues.”- Duke iu drejtuar ministrit Tahiri, Ruçi theksoi se aksioni kundër vjedhjes së energjisë elektrike, nuk bëhet vetëm me polici, por çdo ditë. “Kur vini këtu duhet të përgjigjeni si ministër për administrimin e sistemit që keni në varësi. (I drejtohet Tahirit)Nuk luftohet krimi me aksione policie, por çdo ditë. Nuk mendoj se ka krim më të madh se ato 150 milion eurot e dëmeve.”-tha Ruçi.

RAMA: DUHEN 5 VJET QË TË KTHEJMË SISTEMIN ENERGJITIK NË BURIM FITIMI
Ora 12:00-Në fjalën e tij nga foltorja e Kuvendit, kryeministri Edi Rama u shpreh se nuk do lejojë që informaliteti të vendosë poshtë cdo sektor të vendit, ndërsa garantoi se qeveria e ka një strategji të qartë zhvillimi të vendit dhe po e vë në jetë.
Rama u përqëndrua te sektori energjetik duke garantuar dhe njëherë se heqja e fashës 300 kilovat nuk do të ndikojë në ekonominë e shtresave në nevojë.
“Kompensim përmes shtresave në nevojë, ata që nuk kanë mundur t’u shpëtojnë dhimbjeve të padrejtësisë kanë qenë më të dobëtit. Heqja e fashës nuk do ndikojë tek konsumatori. Ne do rrisim pensionet, ndihmën ekonomike, cdo familje me ndihmë ekonomike do ketë rrije, cdo person më aftësi të kufizuar doket rritje të pagës dhe askush nuk do ndjejë asgjë ndaj fashës mbrojtëse që në fakt ka qenë fasha mbrojtëse e grabitjes që shkojnë ndërhyjnë kastile që të mbeten nën 300 kv dhe nuk e tejkalojnë”.

Kryeministri Edi Rama tha në Parlament se qeverisë i duhen pesë vite që ta kthejë sistemin energjetik nga një gropë që vetëm thith para në një sistem që nxjerr fitime.

Duke folur për aksionin e ndërmarrë së fundmi për arrestimin e personave që vjedhjen energjinë elektrike ai u shpreh se “Na duhen pesë vite që të kalojmë nga një fazë ku subvencionojmë me borxhe mbajtjen në këmbë të sistemit. Humbasim cdo vit mundësinë për të ndërtuar qindra kilometra rrugë, gjashtë spitale, humbasim cdo vit një shumë të barabartë me atë që paguhen për gjithë personat në nevojë. Do kalojmë në një fazë tjetër të historisë së ëktij vendi kur të kalojmë nga humbjet te fitimet, të na voijnë jo vetëm paratë mbraopsht por edhe të ardhura shtesë për të finanvuar nevojat e mëdha. Kjo është ambicia jonë”.

Sipas kreut të ekzekutivit “Ne kemi gjetur një Shqipëri informale dhe kurora me gjemba e këtij informaliteti që torturon njerëzit dhe nuk e lë këtë vend të ngrejë kokë është pikërisht grabitja në bashkëpunim e eneergjisë elektrike dhe krijimi cdo vit i një grope që thellohet vit pas viti duke e lënë Shqioërinë si të vetmin vend në europë që nuk ngjan me asnjë në europë. Këtë turp ne do t’ia lëmë atyre që e meritojnë ta mbajnë, por do t’ia heqim Shqipërisë dhe do ta bëjmë atë të ngrejë kokë. Këtë gropë jo vetëm do ta mbyllim por këtë pasuri të jashtëzakonshme kombëtare që është pasuria në burime energjie do ta kthejmë nga një litar në qafë që rrezikon të mbysë vendin në një burim të mirë”.

Duke ironizuar gjendjen në të cilën qeveria e shkuar e kishte lënë vendin, ku sipas tij “tymi i qofteve hyn në dritaren e dhomës së gjumit’, Rama deklaroi se do ti jepet fund vjedhjes së energjisë, pasi sipas tij “jemi hajdutë të vetvetes’.

“Kur të mbarojë festa, mbytuni të gjithë po të doni se Lala Gjoni e ka mbaruar festën dhe po tregon përralla. Ky nuk është modeli ynë, pasi nuk kemi ardhur për këtë në qeveri. Me çdo kosto do bëjmë modernizim të shtetit. Duhet tu garantojmë të gjithëve se mbaroi epoka e shkuar. Ne nuk jemi në atë kohë që u mori shumë kohë Shqipërisë. Zhvillimit që i jemi dhënë si të marrë në këto 20 vjet, ka qenë i paimagjinueshëm. Ndërto këtu apo atje, ja se çfarë vjen pas. Jemi në kohë, pasi së pari kemi një strategji, dhe vazhdojmë të përfitojmë nga e shkuara, duke lexuar me shumë vëmendje gjithë volumin e trashë dhe nuk do bëjmë atë që kanë bërë paraardhësit tanë. Ne kemi ardhur këtu për të ndërtuar, jo duke bërë shpikje, por duke kuptuar nga e shkuara, por duke parë nga ajo e ardhme e integrimit evropian. Integrimi evropian nuk janë ato ligje që miratojmë ne, por këto reforma që e mundësojnë rrugën gjithë shqiptarëve, dhe jo atyre që ulen në kafe dhe shajnë këdo që kalon nga pas. Integrimi evropian është vendosja në binarët e ligjit e gjithë mënyrës funksionale që. Nuk mund të vazhdojë më Shqipëria e tymit të qoftë që është afër dritares së dhomës së gjumit.”-tha Rama.

Duke iu përgjigjur akuzave të opozitës se me prishjen e ndërtimeve në kryeqytet dhe më gjerë, se po rritet numri i të papunëve, Rama theksoi se “është për të ardhur keq që flasin, pasi në këtë rast minimalisht duhet të heshtnin’.

“Kush thotë se ne po dëmtojmë biznesin apo po mbyllim vende punë, të kujtojnë kur sa shumë u varfërua Tiranë, kur u futën në rrugën e formalitetit. Është për të ardhur keq, që ata që cilët minimalisht duhet të heshtnin, për të mos thënë se duhet ti vinte zor duke dalë përpara dhe thonë “se ju mbron lala, mos paguani drita’. Gjeja më e thjesht do ishte që në rast se ato ngrehina që i nxjerrin në televizor se këto ngrehina do ishin selektive, do duhet të çonin aty fardomën dhe të prishnin objektin, dhe të bënim aty deklaratën. Jo vetëm që kanë zënë he kanë lejuar të zihen shumë hapësira, ja kanë ngarkuar popullit shqiptarë. Për gjithë ato hipoteka nuk mund të bëhen prishje, se duhen shpronësimet. Bëmë shpronësime tek Universiteti i Tiranës ku çibanët e vegjël u bënë të mëdhenj. Siç bëmë shpronësimet për gjithë trasenë e Lungomares së Vlorës, apo në Lezhë.

Fatkeqësia kombëtare nuk janë ndërtimet e atyre që nuk kanë mundësi tjetër, që skano si të marrin titujt e pronësisë, por janë ato për qëllime për biznes, për përfitime. Shikoni hyrjen për në plazhin e Durrësit. Aty ka një magazinë drush, që i është ngjitur Rotondos në Durrës, dhe ajo sot duhet shpronësuar, pasi ndryshe shkon në gjyq. Kjo është historia që ne kemi trashëguar, dhe duam të mbyllim. Në këtë vend nuk ndodh ndryshimi në marrëdhënie me pasurinë, që zoti ia ka fal shqiptarëve; energjia. jemi vendi i dytë në Evropa, pas Norvegjisë për fuqi energjetike. Ne jemi shëmbëlltyra më e papranushëme në sytë e kujtdo që hedh sytë për të parë se çfarë po ndodh me këtë pasuri. Pasi jemi hajdutë të vetvetes. Jemi pjesë e një shumice që ka vendosur ti jap fund vjedhjes së vetvetes, Shifrat e arkëtimeve tregojnë se ndryshimi do jetë i madh dhe i qëndrueshëm. Ditën e hënë do firmosim mbështetjen masive për sektorin e energjetikës. Mbështetje që nuk i ishte dhënë asnjëherë që nga koha e “Lala Gjonit’. Le të thonë ca të duan, dhe mendojnë ca të duam. Por ne s’do lejojmë më që Shqipëria të lëngoi më.”-shtoi Rama.

AKSIONI KUNDËR VJEDHJES SË ENERGJISË, TAHIRI: S’KA TË PAPREKSHËM. TË LUFTOJMË INFORMALITETIN MASIV
Ora 11: 50- Nga foltorja e Kuvendit, Ministri i Punëve të Brendshme, Saimir Tahiri deklaroi se në kuadër të aksionit të nisur vetëm pak ditë më parë është bërë e mundur arrestimi i 115 konsumatorëve dhe mbi 5 punonjës të Operatorit të Shpërndarjes së Energjisë Elektrike. Tahiri theksoi se duhet të çrrënjoset kultura e pandeshkueshmerisë dhe se nuk ka të paprekshëm para ligjit.

“Doja të thoja dy fjalë për atë që s’do preferoja ta quaja operacion, por një marrëdhënie të re me ligjin, dhe luftën për të çrrënjosur kulturën e të paprekshmit. Nuk duhet keqkuptuar si betejë e kryeministrit apo qeverisë dhe mazhorancës, me disa njerëz që janë mësuar të vjedhin energjinë. Kjo është beteja e njerëzve të ndershëm. Në dy ditë, policia e shtetit në bashkëpunim me OSHEE ka arrestuar 115 shtetas dhe mbi 5 punonjës të OSHEE dhe dhjetra të tjerë janë nën hetim, për të njëjtin motiv “vjedhjen e energjisë elektrike”.”-tha Tahiri.

Më tej Tahiri shtoi se numri i të arrestuarve deri tani është i vogël, krahasuar me fenomenin e shtrirë gjerësisht të vjedhjes së energjisë elektrike.

“Këto shifra janë të pamjaftueshme me situatën në terren. Përtej shifrave të raportuara, në Shqipëri, numri i kriminalitetit është më i lartë. Kjo sigurisht ka të bëjë me informalitetin që në 20 e ca kusur vitesh, është dallimi i informalitet masiv. Dhe vjen një moment që duhet të vendosësh se në cilën botë do të bësh pjesë, në botën e qytetarëve të ndershëm, apo atyre që e “thyejnë’ ligjin, që është bota informale. Një tjetër çështje është barazia para ligjit. Nuk di të ketë plagë më të mëdha sesa barazia para ligjit, Kjo praktikë duhet të marrë fund njëherë e mirë, jo vetëm nga aksionet e policisë së Shtetit. Të gjithë duhet të mbajnë përgjegjësi penale para ligjit. Këtë kohë kemi adresuar fortë atë që quhet përmasa kriminale. Unë nuk besoj se këto vepra penale ndikojnë vetëm në mjedisin në sensin më të ngushtë të fjalës. Këtu flas për energjinë elektrike, ndërtimet pa leje, dhe cenohet e ardhmja e fëmijëve tanë. Askush nga ne nuk do donte që fëmijët tanë të jetojnë në një vend të betonizuar.”-shtoi Tahiri.

HEQJA E FASHËS, VELIAJ: KOMPENSIM KESH RRETH 1 MILIONË QYTETARË
Ora 11:45-Rreth një milionë qytetarë do përfitojnë kompensim kesh pas heqjes së fashës 300 kë për energjinë. Deklarata u bë nga ministri i Mirëqenies Sociale Erion Veliaj. “Në këtë vendim prioritet ka qenë si do ndikojë kjo fushatë si do sigurohemi që nuk prekim më të dobëtit dhe të kenë mundësi të kompensohen nga heqja e fashës. Nga kalkulimi do përfitojnë kompensim kesh rreth një milion qytetarë rimbursim nga heqja e fashës. Kjo faturë sa një e dhjeta e faturës së abuzimit që ndodh sot. Kursejmë 150 milionë dollarë dhe paguajmë një të dhjetën që rimburson deri në qindarkën e fundit shtresat në nevojë”- u shpreh Veliaj.

VJEDHJA E ENERGJISË, GJIKNURI: BETEJA KA NISUR TË JAPË REZULTAT, MARRËVESHJA ME CEZ E DOMOSDOSHME
Ora11:40- Ministri i Energjisë Damian Gjiknuri theksoi se beteja për të luftuar vjedhësit e energjisë elektrike ka filluar të janë rezultat. Edhe një herë Gjiknuri bëri me dije se nga vjedhja e energjisë dëmi llogaritet 150 milionë lekë në vit. Më tej ai theksoi se operacioni nuk u bë më parë pasi nuk ishin krijuar kushtet e duhura. “Rezultat spektakolar bashkëpunimi mes forcave të rendit dhe OSHEE. Beteja kundër vjedhësve të energjisë ka filluar të japë rezultat. Opozita ka dalë dhe thotë shtet policor. Po a ka betejë më të rëndësishme se ajo e njerëzve të ndershëm? Ka pyetje pse nuk u bë më parë. Duhej baza e nevojshme ligjore për ta kthyer vetpër penale vjedhjen e energjisë. Kishim masa më emergjente për të marrë siç ishte stabilizimi i sektorit si dhe mbyllja e marrëveshjes me CEZ . Marrëveshja me CEZ ishte e domosdoshme. Qe ajo marrëdhënie flirti mes qeverisë dhe CEZ që e çuan vendin në këtë pikë. Zgjidhja e konfliktit ishte zgjidhja më e mirë. Sistemi elektroenergjitik ka nevojë për investime”- u shpreh Gjiknuri.

Më tej ai theksoi se nga operacioni nuk do preken njerëzit në nevojë por bizneset. Duke përmendur rastin e ish Drejtorit të Qytetit Studenti Bujar Borovina, Gjiknuri theksoi se ky i fundit në një vilë tre katesh kishte tre lidhje të paligjshme dhe pretendonte se mbrohej nga fasha 300 kw.

“Bujar Borovina ish Drejtor i Qytetit Qtudent me vilë tre katërshe, me tre lidhje të paligjshme dhe thotë paguaj fashën. Është spekulim me punën e çmimit. Megjithëse i rritën kostost sistemit opozita thonë mbaheni sistemin e ngritur nga ne që abuzimi të vazhdojë. Nuk do preket asnjë familje në nevojë nga ristrukturimi i çmimit të energjisë elektrike që vendoset nga Enti Rregullator”- theksoi Gjiknuri.
Me tej Gjiknuri shtoi se rreth 50 për qind të nevojave për energji i mbulon Kaskada e Drinit, por pjesa tjetër mbulohet nga importi. Duke u ndalur tek aksioni i ndërmarrë nga Policia e Shtetit dhe Operatori i Shpërndarjes së Energjisë Elektrike,

Gjiknuri i bëri thirrje të gjithë konsumatorëve të energjisë elektrike të bashkëpunojnë që ti jepet fund fenomenit të vjedhjes së energjisë elektrike.

“Ne po japim një shembull të rëndësishëm, pasi po bëjmë investime. Por investimi nuk mund të lulëzoi në një vend ku abuzohet me energjinë. Shqipëria ka nevojë për sektorin energjetik. Kasakda e Drinit mbulon 50 për qind të nevoja, 50 për qind e tjetra importohen. Si mund ta bëjmë këtë gjë, duke kthyer sistemin likuid. Sa garanci mund të jap Shqipëria?! Dha garanci dhe Saliu, por si e la këtë sektor?! Këto masa dhe terapi është e nevojshme ta sjellin sistemin në shinat e ligjit dhe të njerëzve që janë të gatshëm që të kuptojnë barrën që kemi. Por ata nuk do na kuptojnë kurrë si personazhe të tilla që vjedhin në mes të Tiranës, (si rasti i Bujar Brovinës). Energjinë nuk po e vjedhin për bukën e gojës, por për më shumë para. Kjo i shërben barazisë dhe e gjitha kjo do ketë një fitues në fund: konsumatorin shqiptar dhe më pas disa vitesh, ky sektor të kthehet në sektor fitimprurës. Ndaj qytetarët duhet të mbështesin aksionin e Policisë së Shtetit.”-bëri të ditur Gjinkuri.

RUCI: JENI MINISTRA PREJ 1 VITI, MESONI!
Ora 11:25-Kreu i Grupit Parlamentar Garmoz Ruçi ka kerkuar qe ministrat te respektojne rregulloren e Kuvendit per sa i përket radhës së fjalës ne seancë. Pas fjalës se ministres së Inovacionit Milena Harito gjatë diskutimit të projektligjit ” Për njoftimin dhe konsultimin publik” Ruçi u shpreh se fjala duhet te ishte marre në fillim sipas rregullores dhe procedurave parlamentare.

“E ndoqa me shumë vëmendje zonjën ministre e përgezoj për çka paraqiti nuk kam asnjë vërejtje për të ishte ekselente shumë argumentuese dhe bindëse. Por dua ti kujtoj ministres juve që drejtoni seancën dhe gjithë ministrave; Fjala që paraqitët do të kishte vend ta kishit marrë në fillim sipas rregullores dhe procedurave parlamentare. Pasi mbyllet diskutimi dhe pasi flasin përfaqësuesit e grupve paralamentare nuk keni me te drejte ta merrni fjalën. Pasi mbyllet diskutimi dhe pasi flasin perfaqesuesit e grupve paralamentare nuk keni me te drejte ta merrni fjalen. Neqoftese do ta merrni fjalen pas mbylljes se diskutimit, kerkoni qe te hapet diskutimi nga e para.

E ndoqa me vemendje, thashe se s’kam asnje verejtje, por skishit asnje te re per ta hapur diskutimin nga e para kur ishte mbyllur diskutimi. Prandaj keto jane proceduara dhe praktikat parlamentare. Keni një vit ministre i mesoni dhe me parlamentin te jeni korrekt heren tjeter”- u shpreh Ruçi.

HARITO: LIGJI PËR KONSULTIMIN PUBLIK AMBICIOZ DHE RISI PËR QEVERINË
Ora 11:30-Teksa ka diskutuar mbi projektligjin “Për njoftimin dhe konsultimin publik”, Ministrja e Inovacionit, Milena Harito theksoi se tashmë ky vendim është gati dhe se janë bërë të gjitha konsultimet me shoqërinë civile.

“U realizuan konsultime me grupe të ndryshme të interesit dhe gjithëpërfshirje. Shoqatat e të drejtat e njeriut kanë bërë propozimet e tyre. Ky projektligj u vendos në faqen zyrtare të ministrisë dhe më pas iu shpërnda dhe 600 shoqatave. Ne kemi nisur të aplikojmë paraprakisht procesin. Shqipëria do renditet shumë mirë sa i takon rolit të publikut, por s’dua të them se jemi pas Gjermanisë”-tha Harito.

RENDI I DITËS
1.Miratimi i procesverbalit të seancës plenare, datë 23.10.2014.
2. Projektligji “Për njoftimin dhe konsultimin publik.”
3. Projektligji “Për shërbimin e urgjencës mjekësore”.
4. Projektligji “Për ratifikimin e marrëveshjes së kredisë për eksport, ndërmjet Këshillit të Ministrave të Republikës së Shqipërisë, që vepron në emër të Republikës së Shqipërisë dhe i përfaqësuar nga Ministria e Financave, dhe UNIKREDIT BANK AUSTRIA AG, për financimin e projektit të sistemit të
ujërave të zeza të Bilishtit, “Kontratë me çelësa në dorë-Loti 1″.
5. Projektligji “Për ratifikimin e ndryshimit nr.2 të marrëveshjes së ndihmës për objektiva zhvillimi, ndërmjet Këshillit të Ministrave të Republikës së Shqipërisë dhe Qeverisë së Shteteve të Bashkuara të Amerikës, “Për forcimin e shtetit të së drejtës dhe qeverisjen e mirë dhe krijimin e kushteve për një rritje ekonomike me bazë të gjëre dhe të qëndrueshme”.
6. Projektvendim “Për procedurën paraprake të përzgjedhjes së dy anëtarëve të Këshillit Mbikëqyrës të Bankës së Shqipërisë”.
7. Dekrete të Presidentit nr.8539 dhe nr. 8540, datë 16.04.2014 “Për propozimin e anëtarit të Komisionit të Konkurrencës”.
8. Projektvendim “Për zgjedhjen e Komisionerit për Mbikqyrjen e Shërbimit Civil”.
9. Projektvendim “Për zgjedhjen e anëtarit të Këshillit të Lartë të Drejtësisë të znj. Albana Shtylla”.
10.Projektvendim “Për zgjedhjen e anëtarit të Këshillit të Lartë të Drejtësisë të z.Vangjel Kosta”.
11.Projektvendim “Për zgjedhjen e Kryetarit të Autoritetit të Mediave Audiovizive”.
12.Dekret nr.8682, datë 18.08.2014 “Për emërimin e anëtarit të Gjykatës së Lartë të z. Sokol Ngresi”.
13. Dekret nr. 8683, datë 18.08.2014 “Për emërimin e anëtarit të Gjykatës së Lartë të znj.Elona Stavri (Toro)”.
14. Miratimi i Kalendarit 3 javor të punimeve të Kuvendit (31 tetor – 21 nëntor
2014).
15. Diskutime për çështje jashtë rendit të ditës.

(d.b/ed.me/a.n/BalkanWeb)

Deri tani institucionet kanë punuar secili me harta të ndryshme dhe harta digjitale do të shmangë konfliktet dhe mbivendosjet e pronave.Digjitalizimi i hartave dhe dokumentave pronësorë po zgjidh më në fund problemet e pronave të mbartura në 23 vite në Shqipëri. Ekspertët besojnë që sfida kryesore është unifikimi i të dhënave mbi pronat, në mënyrë që gjithë institucionet të punojnë me të njëjtat dokumenta. Brenda këtij viti u futën në një rrjet digjital 35 zyra vendore të regjistrimit të pronave, të cilat skanuan dokumentat dhe i ofrojnë atë në kohë reale. Kryeregjistruesi i pronave Ilirian Muho thotë se deri tani institucionet kanë punuar me harta të ndryshme dhe harta digjitale do të shmangë konfliktet dhe mbivendosjet e pronave.

Qeveria ka premtuar t’i japë fund zvarritjeve me kthimin e pronave dhe konfliket që shumë shpesh bëhen gjyqe ndërkombëtare. Agjencia e kthimit dhe kompensimit të pronave, sipas drejtoreshës Sonila Qato, po mbyll përfundimisht vonesat me kthimin e pronave fizike dhe kompensimin për një pjesë tjetër. Bashkë me regjistrin digjital të pronave u hartua dhe lista e pronarëve pretendues dhe një hartë tjetër me vlerën e tokës.

Agjencia e legalizimit dhe urbanizimit të zonave informale ndesh vështirësi të tjera me përplasjen e disa pretenduesve të pronave. Gjatë dekadës së fundit, ndërtimet e paligjshme në zonat me pronarë as nuk legalizoheshin dhe as i merrte pronari. Ndërsa tani, thotë drejtori i ALUIZNI-t, Artan Lame, është gjetur një zgjidhje me mirëkuptim midis palëve në disa dhjetëra raste të suksesshme.

Moskthimi i pronave dhe grabitja e tyre nga spekullantët është një nga shkeljet më të rënda të të drejtave njerëzore gjatë tranzicionit në Shqipëri. Pronat që duhej të ishin njohur dhe kthyer qysh në ditët e para të demokracisë, aktualisht po prodhojnë mijëra procese gjyqësore të dështuara në Shqipëri dhe qindra procese të tjera gjyqësore në Strasburg, ku pronarët fitojnë të drejtën e tyre. Labirinti ku janë futur këto çështje po sjell prej dy dekadash konflikte të dhunshme dhe kosto të rëndë për qytetarët, shoqërinë dhe shtetin shqiptar. (voa)

Aksioni kundër vjedhjes së energjisë do të vazhdojë në çdo cep të Shqipërisë. Këtë fakt e bëri të ditur vetë Ministri i Punëve të Brendshme, Saimir Tahiri. Gjatë inspektimit të një operacioni pranë zonës së “Petro Ninit” në kryeqytet, Tahiri deklaroi para 35ve se aksioni do përfundoi deri në evidentimin e rastit të fundit të vjedhjes së energjisë. Më tej Tahiri shtoi se “Shqipëria nuk është më mall pa zot’.

“Operacioni i ndërprerjes dhe identifikimi i atyre që vjedhin energjinë elektrike është i suksesshëm. Do vijojmë në çdo cep të Shqipërisë për të prerë çdo mundësi të vjedhjes dhe të çojmë para përgjegjësisë penale ata që vjedhin dhe ata që ndihmojnë. Këta janë punonjësit e nga ana tjetër duke shkaktuar një dëm të madh, që është dhe vjedhja e energjisë elektrike. Ky është një operacion që do vijojë, kryesisht siç e kemi nisur nga sipërmarrësit. Rasti pas meje, është sipërmarrësi që e vjedh. Kjo është mënyra jonë për t’i dhënë fund Shqipërisë informale, dhe ti garantojmë që ky mall nuk është mall pa zot”-tha Tahiri.

Duke u ndalur tek një tjetër problem, siç është fakti nëse ka kapacitet të mjaftueshëm nëpër burgje për të gjithë ata që kapen duke vjedhur energji, Tahiri theksoi se “e rëndësishme është që të shqetësohemi të gjithë për një alarm publik’,siç është vjedhja e energjisë, me një dëm prej 150 million eurosh.

“E kam dëgjuar merakun se a ka kapacitet Policia e Shtetit për të bërë këtë operacion, këtë merak se a ka vend në burgje?! E rëndësishme është që të shqetësohemi të gjithë për një alarm public, për këtë vjedhje dhe kostot që sipas përllogaritjet shkojnë në 150 milion euro, që do të thotë se është shembull më i mirë që të gjithë të venë para ligjit. Në momentin kur ti japim fund vjedhjes së energjisë eklektike, do i japim fund këtij operacioni.”-bëri të ditur Tahiri.
(ed.me/BalkanWeb)

Kryeministri Edi Rama ka komentuar sot raportin e Bankës Botërore mbi lehtësinë e të bërit biznes në Shqipëri.Lajm i mirë për kë do Shqipërinë e punës dhe sipërmarrjes: Ngjitemi 40 vende në klasifikimin e Bankës Botërore për kushtet e bërjes biznes, shkruan kryeministri në Facebook.

BASHA: DEKLARATAT E RAMËS, KURAJO PREJ TË MBYTURI
“Gënjeshtra të pacipa të Ramës për raportin e Bankës Botërore mbi klimën e biznesit në vend. Përvetëson reformat tona që i sulmoi si opozitë, hesht për dështimet e tij si qeveri. Kurajo prej të mbyturi”, shkruan ai

Më tej Basha është shprehur se, “90% e qytetarëve luftojnë çdo ditë për bukën e gojës, 1 në 3 shqiptarë i zhytur ne borxh për konsumin e përditshëm, mbi 10 mijë biznese në prag falimentimi, papunësia në shifra alarmante. Rritje çmimesh, taksash dhe gjobash, dhunë policore, arbitraritet dhe paligjshmëri. Këto janë “arritjet” e Rama-Metës. Paradën e sukseseve imagjinare nuk e ha askush. Vendi rënkon, gjeli këndon majë plehut”.

RAPORTI
Në raportin e botuar dje mbi lehtësinë e të bërit biznes, Banka Botërore theksoi se në Shqipëri ky tregues është përmirësuar me 6.3 pikë, ndërsa në Kosovë me 1.8 pikë. Raporti vjetor, mbi praktikat më të mira për klimën e biznesit, arrin në përfundimin se gjatë vitit të kaluar, qeveritë në shkallë globale vazhduan të vënë në zbatim reforma të gjera për të përmirësuar sistemin rregullator në ndihmë të klimës për biznes.

Raporti thekson se ekonomitë që arrijnë përmirësim si në procedurat rregullatore, ashtu edhe në forcimin e institucioneve që mbështesin tregtinë, biznesin dhe sipërmarrjen e hapur, mundësojnë rritje dhe zhvillim më të fuqishëm.

(ma.ar/BalkanWeb)

Ministria e Punëve të Jashtme dorëzoi dje në Kuvend një material të detajuar lidhur me hapat që janë marrë nga Tirana zyrtare për çështjet që pasuan incidentin e Beogradit, ditën që u zhvillua ndeshja Serbi-Shqipëri.Lajmi u pohua dje nga kryetarja e Komisionit parlamentar për Marrëdhëniet me Jashtë, Arta Dade. Kësisoj vetëm pak javë para zhvillimit të vizitës zyrtare të kryeministrit Rama në Beograd, çështja e marrëdhënieve të tensionuara me Serbinë shndërrohet edhe në një objekt të punës së veprimtarisë parlamentare. Në një prononcim për “Gazeta Shqiptare” burime zyrtare pranë MPJ-së pohuan se materiali voluminoz i dorëzuar pranë Kuvendit nuk mund të bëhet publik për 35t për shkak se konsiderohet si “korrenspondencë e mbyllur mes dy institucioneve”.

Ndërkohë në mbledhjen e djeshme të Komisionit për Politikën e Jashtme drejtori për Çështjet e Rajonit në MPJ, Bashkim Rama, informoi deputetët lidhur me zhvillimet e fundit në Kosovë. Përsa i përket incidentit të ndodhur dy ditë më parë në Fushë-Kosovë, Rama tha se “sipas informacionit që kemi nga policia e Kosovës, dy persona të panjohur kanë kaluar pranë një klubi në pronësi të një qytetari serb dhe kanë hedhur shishe me lëndë djegëse. Këta persona nuk janë evidentuar ende, por dyshohet se mund te jenë shtetas shqiptarë. Mendohet se janë reagime lidhur me ngjarjet e 14 tetorit”, – sqaroi drejtori për Çështjet e Rajonit në MPJ.

Sakaq, Rama bëri dhe një ekspoze të çështjeve politike në Kosovë, ku vuri theksin se Kosova ka nevojë për një qeveri gjithëpërfshirëse, jo qeveri me ndasi. Po dje Komisioni për Politikën e Jashtme zhvilloi një seancë informimi me përfaqësues të Drejtorisë së Përgjithshme të Marrëdhënieve Dypalëshe, në Ministrinë e Punëve të Jashtme mbi programin, përparësitë dhe veprimtaritë e Qeverisë Shqiptare, në kuadrin e SEECP, në kuadër të marrjes së Kryesisë së SEECP-it nga ana e Shqipërisë. Më pas mbledhja vijoi me një prezantim të Koordinatorit Kombëtar për Nismën dhe Bashkëpunimin e Evropës Juglindore, Gjergji Mura, mbi programin e Kryesisë së SEECP-it nga ana e Shqipërisë. Në këtë nisëm do të marrin pjesë 13 vende anëtare, ku dhe Kosova do të jetë pjesëtare me të drejta dhe detyrime të barabarta. Kjo nismë, u shpreh Mura, “ka një rëndësi të veçantë diplomatike dhe politike, duke synuar afirmimin e rolit të vendit dhe politikës sonë të jashtme në rajon dhe më gjerë”. Gjatë fjalës së tij, Mura sqaroi gjithashtu se “do të zhvillohen 40-të aktivitete, 13 prej tyre me krerë shtetesh, takime të kryetarëve të parlamenteve, tre takime të ministrave të Jashtëm. Gjithashtu dhe Kuvendi i Shqipërisë, shoqëria civile, biznesi, bota akademike, do të zhvillojnë disa aktivitete për të shtrirë këtë bashkëpunim në të gjitha fushat”, – u shpreh ai.
(ed.me/BalkanWeb)

Në raportin e sapo-botuar mbi lehtësinë e të bërit biznes, Banka Botërore thekson se në Shqipëri ky tregues është përmirësuar me 6.3 pikë, ndërsa në Kosovë me 1.8 pikë. Raporti vjetor, mbi praktikat më të mira për klimën e biznesit, arrin në përfundimin se gjatë vitit të kaluar, qeveritë në shkallë globale vazhduan të vënë në zbatim reforma të gjera për të përmirësuar sistemin rregullator në ndihmë të klimës për biznes. Raporti thekson se ekonomitë që arrijnë përmirësim si në procedurat rregullatore, ashtu edhe në forcimin e institucioneve që mbështesin tregtinë, biznesin dhe sipërmarrjen e hapur, mundësojnë rritje dhe zhvillim më të fuqishëm.

Në kapitullin për Shqipërinë, raporti thekson se u përmirësuan kushtet për hapjen e një biznesi të ri, me uljen e tarifave të regjistrimit të biznesit. Po ashtu raporti identifikon përmirësime në sektorin e ndërtimit, ku nënvizon se ka rifilluar nxjerrja e lejeve të ndërtimit si dhe janë konsoliduar në një dokument të vetëm lejet për truallin dhe për ndërtimin. Gjatë vitit të kaluar raporti vëren përparim edhe në transferimin e pasurisë, me vendosjen e afateve kohore dhe dixhitalizimin e dokumentacionit për pasuritë e patundshme.

Banka ngre gjithashtu problemin e rritjes së kostos së operimit për kompanitë, të cilave u është rritur norma e taksimit mbi të ardhurat e biznesit.

Raporti arrin në përfundimin se klima e zhvillimit të biznesit në Shqipëri është përmirësuar me 6.3 pikë.

Kosova

Në vlerësimin për Kosovën, raporti vëren përmirësime në nxjerrjen e lejeve të ndërtimit pas krijimit të skemës së re të inspektimit dhe uljes së tarifës për marrjen e lejes. Po ashtu Kosova vlerësohet për thjeshtësimin e procesit të zbatimit të kontratave, duke futur në funksionim sistemin e garantuesit privat.

Ndër vërejtjet përmendet ndërlikimi i procesit të transferimit të pasurisë si rezultat i rritjes së tarifës për regjistrimin e transaksioneve për regjistrim.

Por edhe në rastin e Kosovës, Banka Botërore shprehet pozitivisht, duke vërejtur një përmirësim prej 1.8 pikësh drejt arritjes së standardit të vendeve më funksionale lidhur me klimën e biznesit.

Ky është viti i 12-të që Banka Botërore nxjerr një raport mbi klimën e zhvillimit të biznesit. Raporti i parë doli në vitin 2003. Ky raport vlen si një analizë e rregulloreve në nivel mikro-ekonomik për të ofruar një pasqyrë të klimës së biznesit. Raporti përqëndrohet në rregulloret për bizneset e vogla dhe të mesme, duke analizuar 10 indikatorë: hapjen e një biznesi, nxjerrjen e lejeve të ndërtimit, shërbimin elektrik, regjistrimin e pasurisë, marrjen e kredive, mbrojtjen e investitorëve pakicë, pagimin e taksave, tregtinë ndërkufitare, zbatimin e kontratave dhe procedurat e kompensimit të kreditorëve.

Analiza nuk shqyrton faktorë si siguria në vend, stabiliteti makroekonomik, niveli i korrupsionit, aftësia e krahut të punës, funksionaliteti i institucioneve apo infrastruktura e shërbimeve. (voa)

Ashtu siç u paralajmërua një ditë më parë, aksioni kundër vjedhjes së energjisë elektrike ka nisur nga bizneset e mëdha. Operacioni ka vijuar sot me inspektimin e bizneseve në autostradën Tiranë-Durrës.Ministri i Energjetikës, Damian Gjiknuri theksoi se aksioni do të jetë i përditshëm dhe asnjë abuzues nuk do të tolerohet.

“Kjo është një betejë e njerëzve të ndershëm dhe abuzuesve. Sot ka pasur disa raste arrestimesh nga policia. Tolerancë zero ndaj atyre që vjedhin energjinë.”- deklaroi ministri Gjiknuri.

Qeveria lançoi dje planin operacional të masave dhe ndërhyrjeve kundrejt vjedhjeve dhe abuzimeve me energjinë elektrike.

Takimi kombëtar i organizuar me temë “Mbrojtja e energjisë dhe lufta kundër krimit urban, sfida të përgjegjësisë publike” shënoi edhe nisjen e aksionit kombëtar për evidentimin dhe vendosjen përpara ligjit të të gjithë vjedhësve dhe abuzuesve të energjisë elektrike.

Kryeministri Edi Rama deklaroi dje, se ata që vjedhin energjinë do të dënohen me 3 vjet burg, ndërsa bashkëpunëtorët e tyre me 5 vjet.

(er.nu/BalkanWeb)

Qeveria shqiptare nis sot një aksion kombëtar, për evidentimin dhe arrestimin e të gjithë atyre që vjedhin energjinë elektrike. Në orën 10:00 ka nisur në Pallatin e Kongreseve një takim me temë “Takim kombëtar. Mbrojtja e energjisë dhe lufta ndaj krimit urban dhe mjedisor, sfida të përgjegjësisë publike”, që do t’i japë shtysë fillimit të aksionit me dorë të hekurt në terren. Në takimin ku kryeministri Rama pritet të bëjë publike detajet e aksionit, janë të pranishëm rreth 2 mijë pjesëmarrës.
Ky aksion kombëtar u njoftua pesë ditë më parë nga vetë kryeministri Edi Rama, i cili theksoi se operacioni do të nisë fillimisht ndaj bizneseve të mëdha, ku dyshohet se ka vjedhje masive të energjisë elektrike.

RAMA: NUK E SHOHIM KONSUMATORIN SI ELEKTORAT, LE TE MOS NA VOTOJNE, NE DO MBAJMË ZOTIMET
Operacion të fuqishëm, të hekurt dhe me kosto do të jetë ky ndaj vjedhjes së energjisë elektrike. Këtë e ka pohuar vetë kryeministri Edi Rama në fjalën e tij në konferencën mbi Planin Operacional mbi vjedhjen e energjisë elektrike’. Sipas Ramës operacioni do të prekë shumë persona që dhe do i kthejnë kurrizin dhe nuk do e votojnë, por kjo nuk e bën shtetin të tërhiqet nga zotimet e bëra.

“Ne e kemi bërë zgjedhjen tonë në shumë cmime dhe që dikush do na kthejë kurrizin dhe që dikush të na marrë mëri e mos na votojnë sepse detyra jonë është që të udhëheqim duke treguar të vërtetën dhe për të mbajtur zotimet tona duhet të bëjmë të gjitha operacionet. Se një i sëmurë me kancer si sektori energjetik nuk mund të ngrihet në këmbë sepse ndryshon mjeku apo spitalin sepse shpëtoi nga një spital që më shumë prodhonte më shumë dëshpërim se shpresë. Është një ilac i hidhur ky që ne kemi zgjedhur ne” .

Qëllimi i këtij operacioni, sipas kryeministrit është që të kthejë sektorin energjetik nga një pasuri që vidhet në një pasuri përfitimi dhe rritje ekonomike.
“Operacion të thellë që synon të kthejë faqen në këtë sektor duke kthyer energjinë nga një pasuri që vidhet lirisht në një burim mirëqënie dhe rritje ekonomike në një burim përfitimi për Shqipërinë dhe shqiptarët me premisën që kushdo që e konsumon e paguan”.

Rama shprehet se nuk beson që varfëria është arsyeja kryesore e vjedhjes së energjisë.
Varfëria, tha ai, nuk është shkaku i vjedhjes së energjisë, pasi këtë nuk e bëjnë pensionistët, që janë pagues te rregullt te asaj qe konsumojne.
“Nuk është varfëria asrsye që edhe në sallë ka bashkëpunëtorë të hajdutëve të energjisë elektrike.
Operacioni fillon sot në mbarë territorin. Por nuk besoj se varfëria është arsye e vjedhjes së energjisë. Nuk besoj se e bëjnë nga varfëria kompanitë e mëdha lokale në qendër të Tiranës që paguajnë energji elektrike sa një konsumator në Tiranë. As nuk janë të varfrit ata që lidhin energjinë për të lidhur poçin apo ndezur televizorin se ne zhytemi çdo vit 150 milionë euro në gropë. Nuk është varfëria që 20 vjet e bëri marrëdhënien me konsumatorin si marrëdhënie elektorale. Lala Gjoni nuk do lejonte që çmimi i energjisë të ishte i drejtë për të gjithë e me të gjithë.
Por ndodhi se s’ka pasur asnjëherë një shtet që t’u thotë stop, as gjykatë që ti dënojë. As varfëria që institucionet publike të këtij vendi të jenë debitore të hatashme ndaj sistemit të shpërndarjes dhe nuk është varfëria që ujësjellësat të jenë një sistem plotësisht i falimentuar”.

“Energjia është jetike, po dhe buka është jetike, por në dyqan nuk i shkon mendja të shkojë e mos e paguajë. As të shkojë në një dyqan të marrë ujin dhe ta marrë pa paguar. Atëhere ku ndryshon energjia elektrike nga këto? Si mund që të pranojmë pra që të vidhet energjia”.

Kryeministri garanton se nga disa e sotme do vendoset në binarët e drejtësië dhe mos i shkojë më në mendje kujt të vjedhë më energjinë elektrike.

Më tej, Rama vuri në dukje se në 20 vjedhja e energjisë u tolerua nga qeveria që shihnin konsumatorin si elektorat. Ndërkaq, tha ai, tanimë vjedhja duhet të konsiderohet një krim i rëndë si gjithë krimet e rënda dhe të ndëshkohet. Ai solli në vëmendje si shembull shtetin e Norvegjisë.
“Vjedhja është bërë e pandëshkueshme për 20 vjet me radhë në një Shqipëri ku vjedhja e energjisë duhet të përfshihet njësoj si dhe krimet e tjera, në një krim të dënueshëm dhe në rast përsëritje, i dënueshëm dhe më shumë. Para pak ditësh pata mundësinë të takoj, Drejtorin e Përgjithshëm të kompanive më të fuqishme në botë, Shtatkrafti i Norvegjisë, i cili më tregoi sesi Norvegjia në një vend ku vdisje urie dhe njerëzit detyroheshin të braktisnin vendlindjen e tyre në një vend që sot është një superfuqi reale energjitike, dhe që për shkak të transformimit rrënjësor të qasjes dhe administrimit të burimeve energjetike hyn sot në vendet më të mirqëna të botës. E pra nëse Norvegjia u bë mund të bëhemi dhe ne”.

Kryeministri Rama tha se me paratë e vjedhura nga hajdutët e energjisë elektrike, vendi do kishte përfituar më shumë shkolla të reja, rrugë dhe spitale, prandaj sqaroi, ai nuk kemi luksin që t’i tolerojmë

“Ne nuk kemi luksin t’i heqim vetes 150 shkolla të reja në vit dhe të bashkëjetojmë me hajdutët, t’i heqim vetes 100 km rrugë dhe të pranojmë se nuk do bëhen se do vidhen me një arsye, të mos ndërtojmë 6 spitale se duhet ti vjedhin hajdutët e energjisë. E kemi krejt të pamundur, s’kemi se si të pranojmë se gjithçka që ne së bashku ia paguajnë invalidëve para dhe tetraplegjikëve të jetë e barabartë me atë që na e vjedhin hajdutët e energjisë elektrike”, tha Rama.

Sipas tij, asnjë qeveri nuk e ka bërë këtë reformë duke menduar për zgjedhjet, por shtoi se më 23 qershor ai e mori mandatin për të bërë zgjedhjen e duhur që Shqipwria të ndryshojë faqen.

“Reforma nuk është bërë asnjëherë sic duhet, të gjithë e kanë shtyrë se ka zgjedhje. Ne në këtë detyrë nuk jemi për tu rizgjedhur me çdo kusht por që Shqipëria me çdo kusht të ndryshojë faqe, të bëhët shtet, të rritet ekonomikisht për tu bërë një vend normal, i bazuar në pasuritë që ka, për të garantuar mirëqenie dhe begati. Nuk mund ta bëjmë po të bashkëjetojmë me këtë humbje, që në 4 vitet e ardhshme mund të na japë fitim”, shtoi ai.

Sipas Ramës, “Sot me shumë rëndësi ka që policia të përfshihet në këtë operacion njësoj si për krimet në territor, siç i konsiderojmë ndërtimet pa leje”

Më tej, kryeministri shtoi se opozita i ka dalë në mbrojte hajdutëve. “Opozita merr në mbrojtje hajdutërinë, fillon nga CEZ a thua se CEZ-in e sollëm ne dhe humbjet i sollëm ne, a thua se atë privatizim të dështuar e bëmë ne”.

Ndër të tjera, Rama hodhi poshtë edhe akuzat e bashkisë për prishje selektive të ndërtimeve në kryeqytet. “Opozita flet edhe për ndërtimet pa leje për prishje selektive. Ne e mbajmë mend që bashkia drejtohet nga ata, është e lehtë që për çdo objekt që konsiderohet i lënë aty nga zgjedhja selektive mund të shkohet dhe të bëhet prishja. Në shumë raste ne kemi fakte që kanë ndërtuar në trotuar dhe për këtë kanë marrë legalizime dhe tapi”.

Kreu i ekzekutivit i bëri apel të gjithë sistemit të drejtësisë të bëhet bashkëpunues në këtë reformë të nisur që sot dhe të ndëshkojë me 3 vite burg çdo person që kapet duke vjedhur energji elektrike dhe me 5 vite bashkëpunëtorët e tyre, brenda OSHE, ashtu siç thotë ligji.

“Duhet të shkojmë përpara patjetër. Drejtuesit e drejtësisë, Prokurorisë, Gjykatave, të zbatojnë normën e miratuar nga Kuvendi. Nuk ka më gjobë, por 3 vjet burg kush kapet duke vjedhur energji dhe 5 për ata që bashkëpunojnë brenda OSHE. Janë dy dënime që gjykatat ti zbatojnë siç janë shkruar. Se si një gjykatës mund të rilidhë energjinë për konsumatorë që kompania i konstatoi si shkelës, duke e zhytur kompaninë në borxhe dhe duke e detyruar t’i lidhë energjinë shkelësit, në vend që ta fuste në burg, këto janë raste që mbeten për tu studiuar”, tha Rama.

Rama u shpreh besimplotë që ky operacion do dalë me sukses, pasi siç përmendi ai “e nisim nga hajdutët e mëdhenj”, ku veçoi pellgun Tiranë-Durrës, tek i cili është përqendruar 60% e problemit.

“Të forcojmë sistemin e shpërndarjes, do vijojmë me procesin e menaxhimit të kompanisë në kuptimin e marrjes së një strukture të huaja menaxhimi. Zgjidhja e problemit nuk është rritja e çmimit të energjisë, fasha më shumë se mbrojtje e familjeve në nevojë është kthyer në maskë për më të fortët. Është tek fasha që ne do synojmë të çelim rrugën e reformës për të çelur një drejtësi më të fortë. Luftë të përditshme me hajdutët jashtë dhe brenda sistemit të OSHE. Le të fillojmë kudo aty ku janë burimet më të mëdha”, apeloi Rama.

GJIKNURI: TË SHMANGIM KOLAPSIN, AKSIONI TERAPI E NEVOJSHME KUNDËR TUMORIT
Ministri i Energjetikës, Damian Gjiknuri theksoi domosdoshmërinë e aksionit kundër abuzuesve me energjinë elektrike, për të shmangur kolapsin e sistemit energjetik. Në takimin e zhvilluar në Pallatin e Kongreseve, Ministri Gjiknuri tha se përfshirja e forcave policore në këtë aksion mund të duket e panatyrshme, por sipas tij, situata e krijuar është një emergjencë, për përballimin e së cilës nevojitet mbështetja e organeve të drejtësisë.
“E ardhmja e sektorit energjetik varet edhe nga veprimet jetike që do të ndërmarrim në muajt në vijim. Roli i organeve të drejtësisë është kyç.
Sektori energjetik ka plagë të thella, të trashëguara të cilat na kanë sjellë në këtë pikë ku jemi. Ajo çka pret publiku nga ne është se pas kësaj terapie aq të nevojshme çfarë perspektive do të ketë sektori energjetik. Ne gjetëm një kufomë energjetike. Duhet të shmangim kolapsin, ky aksion është terapi e nevojshme kundër këtij tumori.”- deklaroi ministri Gjiknuri.

Ministri i Energjetikës theksoi se përveç qytetarëve, përgjegjësi për vjedhjen e energjisë kanë edhe persona brenda kompanisë, (faturistë, elektricistë), që siç tha ai duhet të mbajnë përgjegjësi përpara ligjit.

Ndër të tjera, ministri Gjiknuri nënvizoi se duke ndryshuar modelin e tregut, do të bëhet e mundur që HEC-et private të shesin energjinë direkt dhe të mos mbeten barrë mbi KESH-in.

“HEC-eve do t’ju sigurojmë të gjitha të drejtat që kanë nga kontrata por nuk do të jenë më një mbibarrë mbi KESH. Duke ndryshuar modelin e tregut, duke bërë që HEC-et private të shesin energjinë direkt dhe të jenë të parat në radhe sa herë ka nevojë për energji. Do të shlyejmë detyrimet e prapambetura të HEC-eve private.”- deklaroi Gjiknuri.

AHMETAJ: REFORMA E DOMOSDOSHME PER ZHVILLIMIN EKONOMIK
Ministri i Zhvillimit Ekonomik, Tregtisë dhe Sipërmarrjes, z. Arben Ahmetaj, mori pjesë sot në konferencën energjetike me temë: “Takim kombëtar. Mbrojtja e energjisë dhe lufta ndaj krimit urban dhe mjedisor, sfida të përgjegjësisë publike”.

Ministri Ahmetaj u shpreh gjatë fjalës së tij se reforma në sistemin elektroenergjetik është e domosdoshme për të çliruar zhvillimin ekonomik të vendit, ndërsa pohoi se 150 milionë euro humbasin çdo vit nga vjedhja e energjisë elektrike.

“I gjithë prodhimi i Kaskadës së Drinit tretet në det pa dhënë asnjë efekt në zhvillimin ekonomik. E pra, thelbi është pikërisht te kjo gangrenë që duhet mbyllur njëherë e përgjithmonë”, u shpreh Ministri i Zhvillimit Ekonomik, Tregtisë dhe Sipërmarrjes.

Më tej, Ministri Ahmetaj tha se vjedhja e energjisë elektrike është një krim në kurriz të qytetarëve shqiptarë dhe i bëri thirrje sipërmarrjes se nuk mund të realizojë fitim nëpërmjet mospagesës së energjisë.

“Besoj qe ky takim është një moment historik. Kur t’i kthehemi mbrapa do të krenohemi që kemi filluar një epokë të re jo thjeshtë për sistemin apo sektorin energjetik të vendit, por për gjithë zhvillimin ekonomik. Energjia elektrike ka mbi 20 vite që është gangrenë, qoftë për qytetarin, qoftë për zhvillimin ekonomik. Po shihja më vëmendje të gjithë shifrat dhe të gjithë luhatjet që kanë ndodhur me sistemin elektroenergjetik në 22 vite dhe më bëri përshtypje që kulminanca e asaj që sot vazhdon të jetë traditë, e vjedhjes së energjisë elektrike, e abuzimit të një pjese në kurriz të qytetarit, klientit dhe konsumatorit të ndershëm, ka kulmuar në 1997 dhe aty papritmas u kujtova që kjo është një skemë piramidale që duhet zhdukur nga trupi i ekonomisë shqiptare. Po, sistemi elektroenergjetik shqiptar ka funksionuar si një skemë piramidale dhe unë vërtet jam shumë i kënaqur dhe i lumtur që sot ne kemi vendosur të bëjmë kthesë”, tha ai.

Sipas ministrit “150 milionë euro humbasin çdo vit nga vjedhja e energjisë elektrike! Shkrihen, treten në lumenj dhe përfundojnë në det, për shkak të vjedhjes, keqmenaxhimit dhe korrupsionit. Imagjinoni që i gjithë prodhimi i Kaskadës së Drinit tretet në det pa dhënë asnjë efekt në zhvillimin ekonomik. E pra, në diskutimin tonë për rritje apo ulje të çmimit, nuk është aty thelbi. Thelbi është pikërisht te kjo gangrenë që duhet mbyllur njëherë e përgjithmonë”.

TAHIRI: SHQIPËRIA INFORMALE DHE PALIGJSHMËRIA DUHET TË MARRIN FUND
“Shqipëria informale dhe paligjshmëria duhet të marrin fund njëherë e mirë, ndaj Policia e Shtetit do të jetë në krye të detyrës për ta bërë të mundur”. Kështu deklaroi sot Ministri i Punëve të Brendshme, Samir Tahiri, gjatë takimit të zhvilluar në Pallatin e Kongreseve, ndërsa theksoi se ka ardhur koha që energjia elektrike të mos trajtohet më si mall pa zot.

“Nëse dëgjoni që do ju thonë se po ndërtojmë një shtet policor, kuptoni që janë ata që deri dje nuk bënë shtetin kur ishin në pushtet. Ne thjesht vendosëm bashkë me qytetarët në 23 qershor të zbatojmë ligjin që ishte në fuqi edhe kur ne nuk ishim në krye të këtij vendi. Pavarësisht se ka gjyqtarë që e kanë kthyer në pazar dhënin e drejtësisë, kjo nuk duhet të na dekurajojë. Kush ndërton pa leje, kush pret pyjet, kush vjedh energjinë në mënyrë sistematike nuk duhet të ketë të njëjtat të drejta me qytetarët që e zbatojnë ligjin.”- deklaroi ministri Tahiri.

CIPA: POLICIA E SHTETIT NË KRYE TË DETYRËS EDHE NË KËTË AKSION
Kreu i policisë së Tiranës, Ardian Cipa deklaroi gjatë këtij takimi se edhe në këtë rast, Policia e Shtetit do jetë në krye të detyrës, për të bashkëpunuar me punonjësit e OSHE-së dhe Prokurorinë në evidentimin e rasteve të vjedhjes së energjisë elektrike.

Cipa tha se, “Kemi një plan të posaçëm mbi evidentimin ndërprerjen dhe hetimin e personave apo subjekteve private që vjedhin energjinë. Ky është një proces që konsiston në raportimin e punonjësve të OSHE për personat që vjedhin energjinë, për linja të dyta ata do të evidentojnë abonentët e rregullt, ata pa kontrata si dhe vjedhësit. Bashkëpunim edhe me policinë për të hetuar dhe arrestuar këta persona”, shtoi ai.

Sipas Cipës, “Policia e Shtetit do të jetë në krye të detyrës, rikthejmë autoritetin e shtetit dhe përmirësojmë financat”.
(d.b/er.nu/ma.ar/BalkanWeb)

Pas vendimit të padrejtë të UEFA-s ‘për të ndarë në mënyrë të barabartë fajin’ e incidenteve të ndodhura mbrëmjen e 14 tetorit në Beograd, në ndeshjen mes Serbisë e Shqipërisë, vjen edhe reagimi zyrtar i kryeministrit Edi Rama.Kreu i qeverisë shprehet se më ketë vendim për të vënë një shenjë barazie mes Serbisë dhe Shqipërisë, UEFA i vuri vetes një minus të madh

“UEFA vuri një shenjë të padrejtë barazimi mes pritësve që kanë përgjegjësi për gjithçka që ndodh në fushë dhe palës mike që nuk çoi asnjë tifoz. UEFA i ka vendosur vetes një minus të madh përmes racizmit e dhunës, është përpjekur ti lagë të dyja palët njësoj. Ka dashur të japë një mesazh duke i penalizuar thuajse njësoj edhe pse serbët do vënë kujën për padrejtësi ndaj tyre”, tha ai.

“Shqipëria nuk e meriton këtë vendim, po të jetë nevoja do shkojmë në shkallët më të larta të drejtësisë, kam besim se do gjykohet më drejtë”, shtoi kryeministri.

Duke u ndalur tek akuzat e opozitës, e cila i bëri thirrje Ramës që ti ‘përvishet punës’ sa i takon procesit gjyqësor që do të ndjek.

“Ju shpreh keqardhjen time më të sinqertë për zjarrin që u ka rënë në kokë. Jam po aq i zemëruar po as ta. Por nuk dua që zemërimi të na djeg qarkun. Pasi bëhemi më qesharak para botës. UEFA ka dhënë një vendim politik. Por jo me politikën tonë të jashtme, por ka të bëjë me polikun e brendshme. UEFA nuk i dëgjon vendimet e qeverive, apo ato nuk ndryshohen dhe ndikohen. Kush i jep këto receta të kriticizimit ballanik është i paditur.”-tha Rama.

Kreu i Ekzekutivit theksoi se, rruga e drejtë është ajo që do të ndërmarrë Federata Shqiptare e Futbollit gjatë rekursit. “Avokatët që po ndërmarrin këtë nismë janë më të afirmuar në këtë çështje. Dhe gjykata e UEFA nuk janë si ato shqiptare.”-shtoi Rama. Më tej kryeministri Rama tha se, ajo që futbolliastët e kombëtares treguan në ndeshjen me Serbinë ishte një fitore e madhe, madje më e madhe se 3 pikët që mund të merrte në tavolinë.

Më tej kryeministri Rama tha se, ajo që futbollistët e kombëtares treguan në ndeshjen me Serbinë ishte një fitore e madhe, madje më e madhe se 3 pikët që mund të merrte në tavolinë.

“Nuk jemi nisur të fitojmë kampionatin evropian dhe as e kërkojmë këtë nga futbollistët tanë. Fitorja e asaj nate ishte me e madhe se 3 pikë”.

Kryeministri Rama tha më tej se Kombëtarja Shqiptare e Futbollit do të ketë mbështetjen e qeverisë. Sipas Ramës, fitorja më e madhe e futbollistëve të Kombëtares ishte mishërimi i tyre.

“Djemtë e Kombëtares dhe trajneri i mençur me eksperiencë, nuk duhet të ligështohen nga padrejtësia e sotme. S’duhet të harrojmë se shkuan në Beograd si futbollist dhe u kthyer si mishërimi i kombit tonë. Kjo është fitorja e madhe e tyre nën fanelën Kuq e Zi dhe misioni i tyre nuk është të fitojnë kampionatin Evropian, por atë të mishërimit. Mbështetja ime dhe për kombëtaren sapo ka filluar. Në rrugën që vazhdon do jemi më shumë se njëherë për kombëtaren kuq e zi. Qoftë fal futbollistëve, qeverisë dhe sportistëve të shumë fushave. Që do të kenë mundësi të na bëjnë krenar në shumë fusha të tjera.”-bëri të ditur Rama.

Ndërsa në lidhje me mënyrën si do ta presin në Beograd, Rama shtoi “Secili mban përgjegjësi për veten e vetë, secili përcakton me gjuhën dhe sjelljen e vetë lartësinë e dinjitetit të vetë”.

Stadiumi i ri i Shkodrës gati më 11 tetor 2015
Gjatë daljes së tij publike para gazetarëve, kryeministri Edi Rama bëri të ditur se stadiumi i ri i Shkodrës do të jetë gati më datën 11 tetor 2015, datë e cila përkon me inaugurimin e stadiumit “Elbasan Arena”.

“Sot kam marr dhe një vendim, për ti vënë një datë të stadiumit të ri të Shkodrës, 11 tetor 2015. Në ndeshjen e kthimit Shqipëri-Serbi, do të ketë vend për të paktën 20 mijë zemra Kuq e Zi. 11 tetori më është fiksuar nga çelja e stadiumit të Elbasanit dhe përfundimin në 11 tetor e shoh si momentin për të bërë gati çeljen e stadiumit.”-tha Rama.

Pyetje nga gazetarët
Në vendim e UEFA nuk ka asnjë fjalë që dënohet racizmi. A mendoni se e ka përligjur atë dhunë që panë në Beograd?
Isha i qartë në atë çka thash. Por dëshiroj që ti ftojë të gjithë që të mos bëjmë deklarata të papjekura. UEFA nuk mund të përligj racizmin. Pro kini parasysh se gjykimi ka disa shkallë dhe ka natyrën e vetë kur vjen puna tek Komisioni i Disiplinës së UEFA-s. Ku tema e racizmit do jetë një temë themelore e rekursin të FSHN-së pasi janë paraqitur provat. Objeksioni themelor i bërë ndaj skuadrës sonë ka qenë refuzimi i kthimit në fushë, pasi do kundërshtohet fortë. Për racizim dhe huliganizmin që e bënë të pamundur

Ju thoni se është një shtet më vete UEFA dhe s’ka ndikim politik. Por si shpjegohet se është në sinkron BE me vendimin e UEFA. A ja vlen të jemi kaq evropian?
Së pari të jeni të bindur se ti kthehemi vendimeve të trupës që dha vendimet e sotme, do gjeni shumë të tilla, me mbështetje politike. Që kanë rënë viktimë e një gjykimi që e kanë gjykuar të padrejtë. UEFA nuk është një strukturë që mund të tërhiqet për hunde apo të drejtohet nga qeveritë. Por ajo është një strukturë më vetë. Po më kujton disa reagime të disave që shkruajnë e komentojnë për disa këto ditët e fundit. Fakti që dikur vjedh, s’do të thotë se duhet tua kthejmë me të njëjtën mënyrë. Ne nuk na bën nevoja për të imituar dikë, dhe as na detyron njeri që të jemi evropian apo të sillemi si evropian. As BE e as NATO dhe as një forcë e mbinatyrshme. Ashtu siç kush na detyroi

Fjala e plotë e kryeministri Rama
Sot UEFA mori një vendim që nuk bën drejtësi për çka ndodhi në stadiumin e Beogradit. Duke thënë Shqipëria e humbet ndeshjen në tavolinë pse nuk u fut në fushë, ndërsa Serbia nuk i merr pikët pse tifozët hynë në fushë, UEFA ka vendosur një shenjë të padrejtë barazimi mes agresionit racist e dhunës fizike dhe pamundësisë psikologjike e fizike për të vazhduar ndeshjen.
Duke dënuar të dy palët me nga 100 mijë euro, UEFA ka vendosur një shenjë të padrejtë barazimi, mes palës pritëse që ka të gjithë përgjegjësinë për organizimin e mbarëvajtjen e ndeshjes dhe palës mike, e cila në këtë rast nuk çoi as tifozë në fushën e huaj.
Duke dënuar Serbinë me vetëm dy ndeshje në shtëpi pa tifozë, UEFA nuk e ka prishur shenjën e barazimit në vendimin e saj, po vetëm i ka vendosur vetvetes një minus të madh përballë racizmit dhe dhunës. Që dalin thuajse krejt pa lagur nga ky shi masash, ku UEFA është përpjekur t’i lagë të gjithë njësoj.

UEFA ka dashur t’i japë një mesazh të dyja vendeve duke i penalizuar të dyja thuajse njësoj, edhe pse jam i sigurt se pala serbe me siguri do të verë kujën që është viktimë e një padrejtësie të tmerrshme mbi të. Por kjo nuk është drejtësi dhe Shqipëria nuk e meriton të vendoset në anën tjetër të shenjës së barazimit, pas gjithë asaj që ndodhi në sytë e mbarë botës. Federata Shqiptare e Futbollit bën shumë mirë që do ta ndjekë çështjen deri në fund, duke apeluar vendimin dhe, po të jetë nevoja, duke shkuar edhe në shkallën e tretë të gjykimit. Unë kam besim se çështja mund e do të gjykohet më drejt në shkallët e tjera, dhe dua t’u them të gjithë shqiptarëve të lënduar nga ky vendim se nuk është hera e parë që UEFA merr vendime që apelohen e pastaj edhe revokohen në shkallët më të larta.

Ashtu siç dua t’ju them edhe që askush nuk duhet ta marrë vendimin e UEFA-s si një komplot të Europës kundër Shqipërisë; si një shprehje të mungesës së respektit të Europës për Shqipërinë; si një rezultat të faktit që qeveria e Shqipërisë nuk i kërciti dhëmbët UEFA-s e me radhë…

Vura re komente të kësaj natyre në rrjetet sociale, të cilat janë për të ardhur keq. Ndërsa disave që hidhen përpjetë duke forcuar tonet nacionaliste dhe duke arritur ta lidhin vendimin e UEFA-s deri me mosanullimin e vizitës sime në Serbi, u shpreh keqardhjen time më të sinqertë për zjarrin që u ka rënë në kokë. E kuptoj mirë zemërimin e tyre, jam po aq i zemëruar sa kushdo prej tyre, por nuk duhet lejuar zemërimi të na djegë qarkun e arsyetimit. Sepse përveçse të padobishëm për veten, bëhemi edhe qesharakë para dynjasë. UEFA ka dhënë padyshim një vendim politik, por kjo s’ka lidhje me politikën e jashtme të Shqipërisë, as me politikën e jashtme të Bashkimit Europian; është thjesht budallallëk t’i mendosh këto. Kjo ka lidhje me politikën e brendshme të UEFA-s, e cila është një “shtet më vete” siç i thonë fjalës. Dhe për kë di pak jo shumë nga mënyra se si funksionon ky “shtet”, është e qartë se UEFA as që i dëgjon ankimet apo pëlqimet e qeverive.

Politika e brendshme e UEFA-s nuk ridimensionohet me sulme verbale të qeverive dhe vendimet që burojnë nga kjo politikë, nuk ndikohen as ndryshohen duke i hapur luftë politike UEFA-s. Kush i jep këto receta primitivizmi ballkanik përveçse i inatosur, është edhe krejt i paditur. Ka vetëm një rrugë për Shqipërinë, lidhur vendimin e sotëm: Rruga që po ndjek Federata Shqiptare e Futbollit. Vazhdimi i betejës për të marrë drejtësi në shkallët e tjera të gjykimit. Provat janë kokëfortësisht në favorin e palës sonë. Avokatët e huaj që asistojnë federatën tonë janë ndër më të njohurit dhe respektuarit në planetin e UEFA-s. Eksperienca tregon se gjykatat e UEFA-s nuk janë si gjykatat e Shqipërisë dhe nuk pyesin fare për linjën e brendshme politike që dikton shpeshherë vendimmarrjen e Komisionit të Disiplinës brenda UEFA-s. Në mbyllje dua të shtoj se sot kam marrë vendimin për t’i vënë një datë çeljes së dyerve të stadiumit të ri olimpik të Shkodrës, me të gjithë parametrat e UEFA-s natyrisht: 15 tetor 2015. Në ndeshjen e kthimit Shqipëri – Serbi, duhet të ketë vend për të paktën njëzet mijë zemra kuqezi.

Djemtë e jashtëzakonshëm të Kombëtare sonë dhe traineri ynë i mençur e plot eksperiencë, nuk duhet të ligështohen aspak nga padrejtësia e sotme. Ata nuk duhet ta harrojnë se në Beograd shkuan si futbollistë dhe u kthyen si mishërim i entuziazmit tonë kombëtar; i fuqisë së besimit tonë tek vetvetja; i asaj çfarë mund të bëjmë si komb e si vend nëse vendosim zemrën dhe solidaritetin në themelin e punës sonë. Kjo është fitorja më e madhe e tyre nën fanellën kuqezi dhe misioni i tyre nuk është të fitojnë kampionatin europian të futbollit, të mbeten mishërimi i gjithçkaje ishin në natën magjike të 15 tetorit. Beteja për drejtësinë mbi ndeshjen e Beogradit vazhdon. Misioni i Kombëtares vazhdon. Mbështetja ime dhe e kësaj qeverie për Kombëtaren në veçanti e sportin në përgjithësi, sapo ka filluar. Në rrugën që vazhdon, do të kemi më shumë se një herë arsye për të qenë të gjithë së bashku krenarë për Shqipërinë e për njëri – tjetrin. (Ballkanweb)

NION- Komisioni Disiplinor i UEFA-s, ka marrë vendimin e tij përfundimtar, pas diskutimeve të gjata në lidhje me ndeshjen e 14 tetorit në Beograd mes Shqipërisë dhe Serbisë e cila u ndërpre për shkak të incidenteve në minutën e 42 dhe sigurisht nuk është vendimi që me të drejtë, e priste Shqipëria. UEFA konfirmon se Shqipëria e humb ndeshjen në tavolinë dhe 3 pikë i shkojnë Serbisë, (humb 3-0 në tavolinë). Humbja e ndeshjes do të thotë se është marrë në konsideratë relacioni i arbitrit, se Shqipëria nuk pranoi të rifillonte ndeshjen.

Komisioni i disiplinës vendos gjithashtu që Serbisë t’i hiqen 3 pikë dhe të luajë dy ndeshje pa tifozë. Mësohet gjithashtu se, të dyja federatat, ajo shqiptare dhe serbe janë gjobitur me nga 100 mijë euro.

E vërteta është se qeveria e futbollit europian nuk ka bërë aspak drejtësi, përkundrazi, ka barazuar në këtë rast dhunuesin (Serbinë) me viktimën (Shqipërinë). Me vendimet e Komisionit të Disiplinës, Shqipëria mbetet me 4 pikë, ndërsa Serbia me 1 pikë.

FSHF në një konference për shtyp tha se vendimi ishte i padrejtë dhe se Shqipëria do ta apelojë atë pranë Komisionit të Apelit në UEFA. Praktikisht sipas tyre Serbia nuk është dënuar.

UEFA hapi çështje disiplinore kundër Federatave të Futbollit të Serbisë dhe Shqipërisë për dhunën mes lojtarëve dhe tifozëve, që çoi në ndërprerjen e ndeshjes kualifikuese të Kampionatit Europian, në Beograd, të martën e 14 tetorit. Dhuna shpërtheu pasi një avion i telekomanduar, ku valvitej flamuri i “Shqipërisë së Madhe”, u lëshua mbi fushën e blertë gjatë gjysmës së parë të ndeshjes.

Nëntë fashistët që i dhanë fitoren Serbisë
Nëntë gjyqtarët, anëtarë të Komisionit të Disiplinës dhanë sot vendimin për ti akorduar Serbisë fitoren 3-0 në tavolinë kundër Shqipërisë, pas dhunës që shpërtheu në stadiumin “Partizan” në Beograd. Po kush janë nëntë gjyqtarët që legjitimuan korret raciste dhe dhunën kundër futbollistëve shqiptarë?

TOMAS PARTL
Ish-gjykatësi, që është në prag të pensionit nga UEFA. Tomas është 68 vjeç dhe ka kaluar një karrierë të gjatë si gjykatës në Austri.

ZHAK ANTENEN
Shefi i policisë së kantonit të Vaduzit. Zhak Antenen ka një karrierë të gjatë si prokuror në Zvicër, sidomos në qytetin e Lozanës.

SANDOR BERZI
Sekretari i përgjithshëm i Federatës Hungareze. Sandor Berzi nuk ka një karrierë sportive, por ka një eksperiencë të gjatë në fushën e sportit.

XHIM STJERNE HANSEN
Ish-sekretari, që u bë milioner pas largimit. Hansen ka qenë futbollist në kampionatin danez, por jo në nivele maksimale.

TOMAS GEA
Avokati, i besuari i UEFA-s dhe FIFA-s. Tomas Gea është një avokat i ri në moshë, por që prej vitesh ka pasur funksione të rëndësishme nga organet drejtuese të futbollit ndërkombëtar.

XHIMI SHOU
Inxhinieri elektronik, president i Irlandës së Veriut. Xhimi Shou është presidenti i Federatës së Futbollit në Irlandën e Veriut që prej vitit 2010 dhe pak kohë më pas u bë edhe anëtar i Komisionit të Disiplinës në UEFA.

RUDOLF REPKA
Sekretari i përgjithshëm i Federatës çeke. Është emëruar në këtë pozicion në vitin 2007.

ZHOEL ULF
Delegati i ndeshjeve të mëdha në Europë. Zhoel Ulf është sekretari i përgjithshëm i Federatës së Luksemburgut në Futboll.

HANS LORENC
Gjykatësi gjerman, që iu përkushtua sportit. Hans Lorenc është një nga figurat e respektuara të gjyqësorit në Gjermani.
FSHF: VENDIMI UEFA I PADREJTË, VIJOJMË LUFTËN. AVOKATI: PRAKTIKISHT SERBIA NUK ËSHTË DËNUAR
Federata Shqiptare e Futbollit në një konferencë për shtyp ka bërë publik vendimin e UEFA-s për ndeshjen e 14 tetorit, ku praktikisht sipas tyre Serbia nuk është dënuar për dhunën dhe racizmin. Humbja nga ana e Shqipërisë, siç thanë edhe zyrtarët e FSHF-së është bazuar tek deklaratat e futbollistëve, të cilët u shprehën se ishin të pamundur fizikisht që të vijonin lojën. Por pikërisht kjo deklaratë është marrë si refuzim.

I pranishëm në këtë konferencë ishte edhe avokati Artan Hajdari, studioja e të cilit bëri mbrojtjen në UEFA. Sipas tij, Shqipëria do vijojë luftën për të marrë tre pikë, pasi vendimi është i padrejtë.

“Vendimi i UEFA jepet i arsyetuar, arsyet jepen vetëm pas 5 ditësh nëse neve apelojmë. Vendimi duket i çuditshëm, ne do ta godasim me forcë nga ana juridike. Lufta jonë do vazhdojë. Argumentet tona janë shumë të fortë, 3 pikëshi duhet të na jepet neve”, tha Hajdari.

Gjykata të tilla janë brenda trupit të UEFA-s, por kjo e sotmja është një zgjidhje, një kompromis që nuk shkon. Dikush duhet ti merrte këto 3 pikë. Më mirë të thoshin të riluhej ndeshja. Ne kemi të drejtë të kërkojmë brenda 5 ditëve argumentet e vendimit, nga momenti që informohemi të. Lufta juridike vijon. Apeli është më debutues. Në një ndeshje futbolli dikush duhet të fitojë, më këtë rast ne jemi të dhunuarit dhe dënohemi njësoj si Serbia

Avokati sqaroi më tej se, në Apel, Shqipëria do kërkojë që Serbia të hetohet edhe për racizëm, pasi siç shtoi ai, praktikisht Serbia nuk është dënuar.

5 PIKAT E VENDIMIT TË UEFA-S
1. Ndeshja Serbi- Shqipëri regjistrohet zyrtarisht me rezultat 3-0 për Serbinë.
2. Federatës së Futbollit të Serbisë, përkatësisht reprezentacionit “A”, u merren tri pikë në kualifikimet për Evropianin 2016, kampionat i cili pritet të mbahet në Francë.
3. Federata e Futbollit Serb dënohet me dy ndeshje si vendas pa tifoz.
4. Federata e Futbollit Serb dënohet me 100 mijë euro
5. Federata e Futbollit Shqiptar dënohet me 100 mijë euro.

DE BIASI: VENDIMI NUK NA DHA DREJTËSI
Fill pas lajmit të publikuar në 35, në lidhje me vendimin e dhënë nga UEFA, ka reaguar dhe trajneri i Kombëtares Shqiptare të Futbollit, Gianni De Biasi. Sipas De Biasit, vendimi nuk na dha drejtësi. “Vendimi nuk na dha drejtësi, na hoqën atë që fituam në fushë”-tha De Biasi.

HICKA: NUK REFUZUAM LOJËN, POR NË FUSHË NUK KISHTE KUSHTE PËR TË LUAJTUR FUTBOLL
Juristi i Federatës Shqiptare të Futbollit, Envi Hicka bëri të ditur se lojtarët nuk refuzuan të ktheheshin në fushë, por në stadiumin “Partizani” në Beograd, nuk kishte kushte për të luajtur futboll.

“Jam i bindur se nuk ka çeduar asgjë. Do ju lutesha që të kuptonin të gjithë dispozitën, i cili nuk është kuptuar nga publiku. Ndeshja nuk është refuzuar pasi nuk ka pasur kushte, por nuk kemi qenë të mundur të vazhdonim ndeshjes. Ndërprerja nuk ka qenë se nuk donim të luanim, por pasi atje nuk ka pasur kushte për të luajtur futboll. Neni 27 ka refuzimin për të luajtur dhe shkaktarët e mosvazhdimit të ndeshjes. Do arrijmë që të ndryshojmë këtë vendim. Duhet të luhet në kushte sportive dhe jo mes sjelljeve rrugaçe dhe josportive. Do ketë një strategji të re mbrojtje.”-deklaroi gjatë një komunikimi për News24, Hicka.

KAPITENI I KUQEZINJVE, CANA: KJO NUK ËSHTË DREJTËSI!
Kapiteni i Kombëtares shqiptare, Lorik Cana, nuk mund të mungonte me komentin e tij në lidhje me vendimin e sotëm të Komisionit Disiplinor të UEFA-s për ndeshjen Serbi-Shqipëri. “Kjo nuk është drejtësi”, ka shkruar Cana në profilin e tij në ‘Facebook’, disa orë pasi u zyrtarizua vendimi i UEFA-s që ndeshjen e ndërprerë në Beograd, Serbi-Shqipëri ta regjistrojë në dobi të serbëve.

Një ditë më herët, Cana, në një intervistë për 35t shprehu shpresën se fitorja në tavolinë do t’i takonte Shqipërisë, pasi sipas tij të gjitha argumentet ishin në anën e palës shqiptare. Megjithatë, organet e UEFA-s edhe njëherë dëshmuan se marrin vendime politike. Ndërkohë futbollisti tjetër i kombëtares, Migjen Basha, i cili mungoi në ndeshjen e Beogradit në profilin e tij ka shkruar “Nuk kam fjalë”.

SOKOL KUSHTA: UEFA GABIM TË PAFALSHËM
Sokol Kushta: “Neveri, çudi, po prapë them nuk është e vërtetë: UEFA po bën një gabim të pafalshëm, megjithatë një shprehje për ta: Në shtëpitë publike nuk ka vajza të mira, Misheli bashkë me shoqet e vërtetoi këtë shprehje,”-shkruan Sokol Kushta, ish-sulmuesi i famshëm i kombëtares kuqezi dhe i Flamurtarit, autori i atij eurogoli në Beograd.

BEKIM BALAJ: MË FAL PLATINI PËR STOLIN, DESH E THEVA ME KOKË
Reagimi ka ardhur dhe nga sulmuesi i Kombëtares Kuq e Zi, Bekim Balaj “Më fal Platini për stolin, desh e theva me kokë. Bravo UEFA,” – ka qenë reagimi I sulmuesit të kombëtares sonë në faqen e tij në Facebook.

SHEHI: UEFA FAVORIZON SERBINË, PENALIZON SHQIPËRINË
Portieri i dytë i kombëtares shqiptare, Orges Shehi ka komentuar në një komunikim për News 24 vendimin e UEFA-s në lidhje me ndeshjen duke e quajtur atë të njëanshëm. Sipas tij UEFA ka favorizuar Serbinë, duke penalizuar Shqipërinë.

“Jam i shokuar nuk e prisja kurrë një vendim të tillë. Vendimi aspak i drejtë dhe transparent. Personi që ka përgjegjësi kryesore është arbitri i ndeshjes, ka shkruajtur në procesverbal se kombëtarja ka refuzuar të kthehet në lojë. Cana i ka thënë nuk refuzojmë të luajmë por jemi të pamundur fizikisht të dalim. Ekipi ynë nuk refuzoi vijimin e ndeshjes”, thotë Shehi.

Ai tha më tej se, “Asnjë gabim nuk kemi bërë, nuk kemi shkelur asnjë pikë të rregullores, kemi vepruar në mënyrën më të drejtë. Ndoshta jemi më të urtë seç duhet”.

(ma.ar/ed.me/BalkanWeb)