Ministria e Shëndetësisë informon se gjatë 24 orëve të fundit janë realizuar 841 teste dhe janë regjistruar 103 raste të reja të covid-19 edhe atë në – Shkup 46  – Tetovë 17 – Strugë 9 – Kumanovë 6 – Resnje 6 – Shtip 6 – Ohër 3– Veles 3  – Prilep 2  – Gostivar 1– Manastir 1 – Kavadarci 1 – Strumicë 1  dhe Sveti Nikollë 1  .

Gjatë 24 orëve u regjistruan 5 viktima, 3 nga Shkupi, 1 nga Tetova dhe 1 nga Kumanova:

-Në Klinikën për Sëmundje Infektive dhe Gjendje Febrile në Shkup ndërroi jetë një pacient 80-vjeçar nga Kumanova i hospitalizuar 5 qershor, në klinikën Gastroenterohepatologjisë ndërroi jetë një paciente 74-vjeçare nga Shkupi. -Në Spitalin “8 Shtatori ” në Shkup, ndërroi jetë një paciente 73-vjeçare nga Shkupi e hospitalizuar më 11 qershor dhe një paciente 45-vjeçare nga Shkupi e hospitalizuar prej 2 qershorit. – Në spitalin e Tetovës ndërroi jetë një pacient 65-vjeçar i hospitalizuar më 6 qershor, me këta raste të vdekjeve, numri i personave që kanë ndërruar jetë u rrit në 193.

Sot, Instituti i Shëndetit Publik regjistroi 13 pacientë të rikuperuar në – Prilep 2– Shkup 10  dhe Tetovë 1 .

Numri i përgjithshëm i rasteve të diagnostikuara që nga fillimi i epidemisë është 4157, numri i pacientëve të rikuperuar është 1723, numri i të ndjerëve është 193 dhe aktualisht numri i rasteve aktive në vend për momentin është 2241.

Ku është rreziku më i madh që mund të infektohemi me Covid-19, nivelet e rrezikut gjate aktiviteteve sociale lexoni në tabelën Covid-19 risk levels.

Ndërsa në territorin e Tetovës, gjatë 24 orëve të shkuara u regjistruan 17 raste të reja dhe numri i përgjithshëm i rasteve aktive me covid-19 është 253. Por edhe përkundër të gjitha këshillave për distancim social, sot në Tetovë para bankave ishte një kaos i paparë, një turmë prej mbi 50 personave me dhe pa maska, qëndronin me orë të tëra, para hyrjes së “Stopanska” Bankës, për çudi as policia nuk ishte prezentë, por këtë turmë, organet përgjegjëse me siguri e vërejtën por masa nuk u morën.

Ja edhe renditja e qyteteve me  rastet më të larta aktive :

• Shkup – 1900, aktiv 1239 (territori i Shkupit me 617.646 banorë)
• Tetovë – 429, aktiv 253(territori i Tetovës me 200.678 banorë: Komuna e Tetovës me 91.760 banorë, Komuna e Bogovinës me 30.928 banorë, Komuna e Zhelinës me 28.044 banorë, Komuna e Tearcës me 22.916 banorë, Komuna e Bërvenicës me 16.590 banorë dhe Komuna e Jegunovcës me 10.440 banorë)
• Kumanova – 645, aktiv 225 (me 109.228 banorë)
• Shtip – 244, aktiv 202 (me 43.625 banorë)
• Ohër- 72, aktiv 54 (51.591 banorë)
• Struga – 136, aktive 58 (me 65.801 banorë)
• Gostivar – 69, aktiv 44 (111.252 banorë)
• Velesi – 153, aktiv 30 (me  54.384 banorë)
• Prilep – 230, aktiv 20 (me 75.132 banorë)
• Koçani – 55, aktiv 24 (me 37.758 banorë)
• Probishtip – 11, aktiv 9 (me 15.085 banorë)
• Manastir – 34, aktiv 7 (me 91.983 banorë)
• Dibra  – 61, aktiv 10 (me 20.863 banorë)
• Kërçova – 3, aktiv 1 (me 56.937 banorë)