Postimi i plotë i shkrimtarit dhe publicistit Kim Mehmeti:

“Ne shqiptarët e Maqedonisë vazhdojmë të presim nga kryetari i opozitës maqedonase që ai t’i shpalosë bisedat e përgjuara telefonike që kanë të bëjnë me të vërtetat për ‘Sopotin’, ‘Brodecin’, ‘Monstrën, likuidimin e Harun Aliut, ‘Shkupin 2014… Kjo pritje më së miri e shpalosë paturpësinë tonë që të shtiremi se nuk e dimë që kryesuesit e BDI-së janë ata që na çuan nga një provokim e tragjedi në tjetrën, me çka na sollën deri te nata e tmerrshme e Kumanovës! Kjo pritje dëshmon edhe diçka më shumë se kaq: mos guximin tonë që t’i pyesim drejtuesit partiak pse kaq vite përkrahën regjimin kriminel e antishqiptarë DPMNE-BDI! Mos guxim që mbase buron nga ajo që e dimë, por e heshtim: se shumica nga ne jemi njësoj si ata që na përfaqësojnë e që ne i shajmë dhe i kritikojmë, se banditizmi dhe injoranca e kryesuesve të BDI-së dhe PDSH-së, pasqyron portretin tonë kolektiv si votues!” (lajm)