Ministri i Mjedisit të Jetesës dhe Planifikimit Hapësinor Nurhan Izairi sot dhe nesër në Paris do të marrë pjesë në pjesën ministrore të Konferencës së palëve të Konventës Kornizë të Kombeve të Bashkuara për ndryshimet klimatike (COP 21).

Në kuadër të këtij segmenti nga Samiti Botëror mbi klimën, siç kumtoi Ministria e Mjedisit dhe Planifikimit Hapësinor, pritet të përcaktohet versioni përfundimtar i dokumentit me të cilin do të zgjidhen detyrimet e shteteve pas vitit 2020 në aspektin e reduktimit të emitimit të CO2. (alsat)