Sot në ora 12 para Gjykatës Themelore në Tetovë do të mbahet protestë për drejtësi dhe përcaktim të përgjegjësisë për zjarrin në spitalin modular në Tetovë në të cilin dy vite më parë u dogjën 14 persona.

Familjarët e të vdekurve dhe qytetarët e Tetovës u organizuan për protestën e sotme nëpërmjet rrjeteve sociale, të nxitur nga përmbajtja e filmit dokumentar të Laboratorit të Gazetarëve Hulumtues me titull “Vrasja në Tetovë”.

IRL rindërtoi rastin, ndau dokumente dhe dëshmi, publikoi detaje për tenderin për ndërtimin e spitaleve modulare, për dyshimet se nga çfarë materialesh ishin bërë ato objekte, për dyshimet për ndërtimin e papërshtatshëm dhe instalimin e keq elektrik.

Për këtë rast ka pasur aktakuzë dhe aktgjykim. Prokurori ka ndjekur penalisht dy ish-drejtorët e spitalit të Tetovës dhe mjekun përgjegjës të objektit modular. Por jo për shkaqet e zjarrit, për mbrojtjen nga zjarri në godinë.

Prokuroria për Ndjekjen e Krimit të Organizuar dhe Korrupsionit po kryen një tjetër hetim, i cili ka të bëjë me mënyrën se si është zhvilluar tenderi për ndërtimin e të gjitha objekteve modulare, nëse janë inkorporuar të gjitha materialet e përcaktuara në specifikacionin teknik dhe si ka qenë performanca. Rasti është nën hetim prej disa muajsh.