Kryeministri shqiptar Edi Rama, i ftuar në emisionin “Shqip” në Top Channel, që udhëhiqet nga gazetarja e mirënjohur Rudina Xhunga, raporton Almakos. Teksa ende po vijon emisoni, për një çast Xhunga i ka parashtruar një pyetje provokative Ramës duke i thënë se ka me mijëra shqiptarë që na ndjekin nga Maqedonia, e njëri prej tyre ka dërguar këtë pyetje ndaj Ramës: A mendoni se Menduh Thaçi dhe Ali Ahmeti vijnë në Tiranë, vetëm kur duhet të lajnë mëkatet si para priftit?

Për këtë Rama është përgjigjur në mënyrë tejet të tërthortë duke thënë, -“I respektoj të zgjedhurit dhe udhëheqësit e zgjedhur në Maqedoni. Këto lojëra me larje mëkatesh e mëkatarësh sipas meje kanë përfunduar, aq më tepër kur jemi të përkushtuar për të çuar proceset përpara…. Vëmendja e Qeverisë sonë si asnjëherë më parë është drejtuar ndaj Kosovës, ndaj shqiptarëve në Maqedoni, në Preshevë, e kështu me rradhë. Ne të gjithë së bashku mund të bëjmë shumë gjëra të mëdha, dhe shumë të rëndësishme, por nuk duhet të jemi armiq të vetvetes”./Almakos