Për makinat e personalizuara që ofrojnë çdo gjë përfshirë banjot portative, sediljet për masazh dhe xhama anti-plumb ka kërkesa të shumta nga regjisorët dhe yjet e filmave në Kaliforni. Kompani të specializuar bëjnë konvertimin e furgonëve në automjete sportive luksoze që mund të përdoren si zyra portative, qendra të medias dhe palestra nga ekzekutivët e pasur dhe yjet e famshëm që janë gjithmonë në lëvizje.

Stërvitjet, drejtimi i një biznesi apo relaksimi, është i mundshëm në automjetet e personalizuara luksoze të prodhuara nga kompania Becker Automotive me qendër në Kaliforni.

Ky është një treg i sofistikuar, ku ekzekutivët e pasur dhe yjet e kinematografisë mund të kërkojnë pothuajse çdo gjë që ata duan për automjetin e tyre, madje edhe një banjo.

Howard Becker është pronar dhe drejtor ekzekutiv i kompanisë Becker Automotive. Ai thotë se klientët janë nga gjithë bota tha tani ata duhet të presin gjashtë muaj për blerjen e një automjeti të këtij lloji.

“Klientët tanë vijnë nga të gjitha sferat e jetës. Ata kanë një të përbashkët, janë njerëz që punojnë shumë. Ata janë në përgjithësi shumë të pasur dhe duan të jenë larg ekspozimit ndaj medias”.

Duke përdorur të njëjtën teknologji që përdoret nga kompanitë ajrore, këta furgon janë të pajisur me ekranet LCD për video konferenca dhe shikimin e filmave, sedilje të pajisura me sistem elektronik kontrollimi, teknologjinë e ndriçimit LED, teknologjinë më të fundit të sigurisë anti-plumb dhe banjo me dyer elektrike.

Në mesin e konsumatorët janë aktorët Johnny Depp dhe Ben Affleck, këngëtarët Bruce Springsteen, Snoop Dogg dhe Dr. Dre.

“Aktualisht rreth 40 përqind e makinave tona eksportohet, 20 përqind e qëndrojnë në bregun perëndimor dhe Nju Jorku është një treg shumë i rëndësishëm për ne”.

Imazhet 3-D të makinave krijohen për t’u treguar klientëve potencialë se si do të duket brendësia e automjetit të tyre.

Një nga kërkesat kryesore është përmirësimi i sigurisë dhe shumë klientë duan të kenë xhama anti-plumb dhe të testojnë sigurinë e trupit të makinës.

Bailey Barnard, redaktor në revistën RobbReport.com, thotë se kërkesat për këtë lloj makinash janë në rritje.

“Unë mendoj se një nga arsyet e shtimit të kërkesave për këtë makinë është niveli i teknologjisë që ato mund të perdorin si mikro-teknologjinë, I-Padët dhe iPhonët. Pra këto teknologji portative mund të përdoren në kabinat e automjeteve të tyre.  Ato gjithashtu janë luksoze dhe të rehatshme. Ne raportojmë edhe për përdorimin e avionëve privatë, mega jahteve dhe tani shumë teknologji të këtyre mjeteve mund të transferohen në botën e automobilave”.

Biznesmeni Mark Hyman, i cili është një klient i mundshëm i kompanisë Becker Automotive, thotë se ai është i interesuar në blerjen e një makine të tillë pasi ajo do t’i mundësonte atij të punojë edhe kur ai është në lëvizje.

“Për mua është e rëndësishme të jem në gjendje të punoj dhe ta shfrytëzoj mirë kohën kur jam në trafikun e ngjeshur dhe të padurueshëm të Los Anxhelesit”.

Luksi dhe siguria kanë një kosto, çmimet  e këtyre makinave shkojnë nga 160 mijë deri në 500 mijë dollarë për një makinë tërësisht të blinduar. (voa)