Mbi 30 vjet më parë, poliomeliti gjymtonte qindra mijëra fëmijë në vit. Gjatë këtij viti e deri tani, rreth 60 fëmijë janë prekur nga kjo sëmundje. Vëmendja tani është përqendruar kryesisht në vetëm dy vende, Pakistan dhe Afganistan. Siç njofton korespondetja e Zërit të Amerikës Carol Pearson, aktualisht ka njoftime se përpjekjet për zhdukjen e kësaj sëmundje po hasin pengesa.

Vaksinimi kundër poliomelitit është një procedurë e thjeshtë.

Por në disa pjesë të botës, ekipet mjekësore rrezikojnë jetën për të mbrojtur fëmijët nga paralizimi për jetë.

Në fillim të vitit, vaksinimi u pezullua gjatë një proteste fisnore në Pakistan. Ekipet mjekësore u sulmuan, kërcënuan dhe u vranë në Pakistan pas përhapjes në median sociale të thashethemeve kundër vaksinimit. Si rezultat, numri i rasteve u rrit. Pavarësisht rreziqeve, shumë punonjës të shëndetit vazhdojnë përpjekjet e tyre për dhënien fund të poliomelitit nga i cili kryesisht preken fëmijë nën moshën pesë vjeçare.

Që nga viti 1988, kur edhe filluan përpjekjet ndërkombëtare për zhdukjen e poliomelitit, numri i rasteve ka rënë me 99.9%. Carol Pandak drejton përpjekjet globale të rrjetit “Rotary International” për zhdukjen e poliomelitit.

“Në vitin 2018, vetëm Pakistani dhe Afganistani njoftuan raste të virusit të poliomelitit.”

Në Pakistan dhe Afganistan është e vështirë të gjesh ujë të pastër. Kjo e vështirëson luftën për zhdukjen e visrusit i cili përhapet përmes ujit të ndotur dhe higjenës jo të mirë. Dr. Iqbal Memon është me Komisionin Këshillues Pakistanez për Zhdukjen e Poliomelitit.

“Kampionet nga mjedisi tregojnë për një virus poliomeliti dhe ky është një tregues i rrezikshëm. Kjo mund të shmanget vetëm përmes vaksinimit të të gjithëve.”

Për të parandaluar prekjen e fëmijëve nga poliomeliti, ata duhen vaksinuar dhe rivaksinuar, veçanërisht kur situata sanitare është e keqe.

“Në këto mjedisie me infeksione të shpeshta, rreth 15 doza cilësohen si të përshtatshme”, thotë zoti Iqbal Memon.

Një nga problemet në Pakistan dhe Afganistan është qasja tek fëmijët. Shumë familje migrojnë nga njëri vend tek tjetri, duke vështirësuar vaksinimin e çdo fëmije. Oliver Rosenbauer është me Nismën Globale të Organizatës Borëtore të Shëndetit për Zhdukjen e Poliomelitit.

“Të dy vendet duhet të punojnë sëbashku kundër virusit, punë që po vjen duke u shtuar. Ata po ndajnë të dhëna, kordinojnë datat e vaksnimit në fushatat e tyre dhe ndajnë të dhëna për mbikëqyrjen. E gjithë kjo punë ka ndikim.”

Synimi është dhënia fund e transmetimit të virusit të poliomelitit. Për këtë nuk ka datë por dhënia fund është thelbësore.

“Nëse rasten nuk shuhen totalisht, pasi është një sëmundje shumë ngjitëse, dhe e prirur që të bëhet epidemike, ne rrezikojmë që kjo sëmundje të përhapet përsëri në të gjithë botën”, thotë zoti Rosenbauer.

Suksesi nuk është aspak i sigurtë, por Nisma Globale për Zhdukjen e Poliomelitit synon të vazhdojë fushatën deri sa asnjë fëmijë të mos preket më kurr nga poliomeliti.

voa