Në Shqipëri u zbuluan këtë vit 81 persona të prekur nga HIV / AIDS. Kjo sëmundje u mori jetën 15 personave.

Mjekët pohojnë që ndërsa vdekjet janë në rritje, numri i kontrolleve është në rënie dhe shumica e rasteve me HIV /AIDS zbulohen vonë.

Këtë vit janë diagnostikuar 81 raste të reja të prekura nga HIV/AIDS, nga të cilët 57 meshkuj, 24 femra dhe 1 fëmijë.

Numri I të prekurve gjithsej ka shkuar në 1 mijë e 90 persona, dhe problematikë mbetet numri I lartë i vdekjeve.

Sivjet kanë humbur jetën 15 persona, 3 të zbuluar këtë vit dhe 12 të zbuluar me hIV vitet e kaluara.

Në Institutin e Shëndetit Publik pohojnë se Shqipëria mbetet një vend me prevalencë të ulët të HIV / AIDS, dhe raporti mbetet I njëjtë 70 për qind e të prekurve janë meshkuj e 30 për qind femra, ndërsa mjekimet janë të sigururara në qendrën spitalore Nënë Tereza.

Ndërsa vazhdon mjekimi iI 509 rasteve me ilace plotësisht nga ana e sistemi shëndetësor, mjekët dhe veprimtarët janë të shqetësuar se pjesa dërrmuese e rasteve me HIV / AIDS zbulohet shumë vonë, madje këtë vit është ulur edhe numri I testimeve.

Problem kryesor mbetet zbulimi I vonë I rasteve dhe njerëzit me sjellje seksuale të pasigurita duhet të kontrollohen sa më parë.

Nëse e zbulojnë herët, pohojnë mjekët, personat me HIV AIDS mund të bëjnë një jetë të gjatë e plot gjallëri duke përdorur ilace standarte.

Sistemi shëndetësor ka bërë disa ndërhyrje pranë grupeve vulnerabël, si përdoruesit e drogave dhe personave lgbt për të ulur rrezikun e përhapjes së infeksionit HIV AIDS.

Fondi Global kundër HIV?AIDS dhe tuberkulozit ka ofruar për vitin e ardhshëm një tjetër mbështetje materiale për të luftuar dhe parandaluar këtë sëmundje kronike. dw

Rreshjet e dendura dhe të vazhdueshme të shiut e kanë sjellë Shqipërinë(1/12/2017) në një situatë rreziku të përmbytjeve masive.

Shirat filluan dRreshjet e dendura dhe të vazhdueshme të shiut e kanë sjellë Shqipërinë(1/12/2017) në një situatë rreziku të përmbytjeve masive. y ditë më parë duke arritur më shumë se 100 mm në 24 orë dhe sipas parashikimit të motit ato do të vazhdojnë deri më 5 dhjetor.  Opozita i kërkon qeverisë të shpallë gjendje të jashtëzakonshme.

Zyra Operacionale në kryemnistri publikoi të premten (01.12)dhëna për situatën dhe dëmet e deritanishme. Kanë humbur jetën dy persona: një elektricist që po riparonte një shtyllë telefoni në Fier dhe një burrë, që po shoqëronte për në spital nënën e tij të sëmurë që humbi jetën kur autoambulanca për shkak të rreshjeve të fuqishme doli nga rruga. Janë 3 persona të plagosur që po marrin ndihmë mjekësore në spital. 222 banesa janë përmbytur në Fushë-Krujë dhe 2696 hektarë tokë janë të përmbytura në të gjithë vendin. Të gjitha shkollat janë mbyllur dhe mësimi është ndërprerë. Autostrada Tiranë – Durrës, disa akse dhe rrugë kryesore në Shqipërinë e Mesme dhe në Jug janë të bllokuara nga rreshjet dhe balta. Dy lumenj në Tiranë, Erzeni dhe Lumi i Tiranës kanë dalë nga shtretërit e tyre. Nga lumi Erzen janë përmbytur 20 banesa në Shijak. Ndrësa uji nga Lumi i Tiranës ka arritur në katin e parë të Spitalit të Traumës në Tiranë, i njohur ndryshe si Spitali Ushtarak. Një natë më parë, kur intesiteti i rreshjeve të shiut u rrit në më shumë se 10 mm në orë dhe ky intensitet vazhdoi pa ndërpreje për rreth një orë shikueshmeria në pistë u ul shumë. 4 fluturime – 2 në nisje dhe 2 në mbrritje – nuk mund  të përdornin pistën e aeroportit. Zbritjet e dy avionëve në mbrritje u bënë në aeroportin e Shkupit dhe  të Barit dhe pasagjerët u akomoduan nga kompanitë e fluturimit në hotele. Udhëtimi u krye në mëgjes (1.12)dhe zbritja në pistën e aerodromit “Nënë Tereza” u krye pa probleme. Edhe fluturimi në nisje i kompanise Turkish Airlines për Stamboll dhe kompanisë Ernest për Milano u kryen gjatë ditës. Fluturimi një ditë më parë i Austrian Airlines nga Vienna për Tiranë u anullua.

Lumi Vjosa arrin në 6 metra lartësi dhe del nga shtrati

Zonat më të rrezikuara janë ato pranë brigjeve të lumit Vjosa dhe derdhjes së tij në det. Burime zyrtare nga Komiteti i Koordinimit për Emegjencat Civile dhe Krizat bëjnë me dije për DW, se uji në lumin Vjosa ka kaluar gjashtë metra lartësi dhe ka dalë nga shtrati i tij pranë urës së Mifolit. Zonat pranë lumit Vjosa në bashkinë e Vlorës dhe të Fierit rrezikojnë të përmbyten. Komiteti për Emergjencat Civile dhe Krizat u ka bërë thirrje banorëve të evakohen sa më shpejt bashkë me bagëtinë dhe gjënë e gjallë.

Parashikohen fenomene të pazakonta Hidro-Meteorologjike

Zyra Operacionale në Kryemnistri paralajmëroi popullsinë e rrezikuar që të bashkëpunojë pa vonesa dhe pa hezitime me organet kompetente shtetërore për t’u evakuar sa më parë, pasi moti do të vazhdojë të mbetet i rrezikshëm. “Parashikohen fenomene të pazakonta hidro-metereologjike. Situata shumë kritike, duhet shmangur katastrofa”, theksohet në thirrjen e kësaj zyre. Janë vënë në përdorim të gjithë helikopterët e ushtrisë dhe të Ministrisë së Shëndetësisë për ҫdo emergjencë. Ushtria po shpërndan ushqime në fshatrat dhe shtëpitë e izoluara, ku ende nuk është arritur të bëhet evakuimi i banorëve. Krahas forcave të ushtrisë edhe ato të policisë janë në qarqet më të rrezikuara, në Fier, Vlorë, Berat, Fushë Krujë, Shijak, Gjirokastër, Përmet dhe Sarandë. Hotelet dhe mjetet e transportit publik dhe privat në këto dy qarqe janë angazhuar në evakuimin e qytetarëve, që banojnë në zonat e rrezikuara nga dalja prej shtratit e lumit Vjosa. Metreologët parashikojnë që sasia e rreshjeve deri të premten në mbrëmje do të arrijë sasinë që zakonisht bie në 30 ditë. Udhëtimet me traget në dy vendet fqinjë- Itali dhe Greqi- janë anulluar. (dw)