Ministri i Brendshëm, Saimir Tahiri, thotë se nuk ka vend për panik lidhur me rrezikun për sulme terroriste në vend.

Në një prononcim për media pas raportimit në Komisionin e Sigurisë, ministri deklaroi se Shqipëria nuk është imune ndaj këtij rreziku, megjithatë theksoi se duhet shmangur në maksimum paniku i panevojshëm.

“Në vende të tjera është nxjerrë edhe ushtria në rrugë. Policia e Shtetit ka marrë masa parandaluese dhe po bashkëpunojmë edhe me partnerët. Duhet të shmangim në maksimum panikun e panevojshëm”, u shpreh Tahiri.

Prej katër ditësh policia ka kaluar në masa të përforcuara, duke shtuar praninë e saj për garantimin e sigurisë. (shekulli)