Bashkimi Europian nuk e sheh të arsyeshme mbajtjen e zgjedhje të reja në Maqedoni. Ambasadori I Holandës Vauter Plomp thotë se perëndimi I ka vlerësuar zgjedhjet e dhjetorit si fer dhe demokratike dhe çdo përsëritje e tyre do të stërzgjaste krizën që do të shpiente në destabilizim.

“Zgjedhjet e dhjetorit ishin fer dhe demokratike ashtu edhe siç u shprehën një numër i madh i vëzhguesve ndërkombëtarë. Andaj edhe dobia nga zgjedhjet e reja do të ishte e vogël. Zgjedhjet e reja vetëm se do të zgjatnin krizën,” është shprehur Plomp.

Edhe ambasadori i Suedisë Mats Stefanson thotë se mbajtja e zgjedhjeve është lojë e rrezikshme. Zgjidhja do të duhet të kërkohet në kushtetutë, thotë Stefanson duke e arsyetuar edhe takimin e mundshëm të liderëve për nisjen e dialogut.

“Zgjedhjet e reja do të shkaktonin konforntim ekstrem , që nuk është mirë për stabilitetin. Zgjidhja do të duhet të kërkohet në kushtetutë. Mendoj se është mjaft herët për Përzhino 3. Nuk kam informacione për takim liderësh, megjithatë në gjithë këtë klimë të konfrontuar politike, dialogu midis opozitës dhe pushtetit nuk shtë ide e keqe. Megjithatë ata do të duhet të vendosin,” ka deklaruar Stefanson.

Kundër zgjedhjeve, por të formohet qeveri e re është shprehur edhe ambasadori I Sllovenisë Millan Jazbec. (ina)