Studentët kanë vendosur që të përshkallëzojnë protestën e tyre për plotësimin e 8 kushteve të tyre prej qeverisë. Ata kanë protestuar sot përpara Ambasadës Amerikane në Tiranë, kurse paralajmëruan të tjera tubime të mërkurën dhe në vazhdim.

Siç ka ndodhur edhe në protestat e mëparshme, studentët do të mblidhen rreth orës 08:30 minuta të mëngjesit pranë fakulteteve të tyre, për të mbërritur në orën 10:00 pranë Ministrisë së Arsimit.  Një orë e 30 minuta më vonë do të transferohen pranë Kryeministrisë dhe Kuvendit të Shqipërisë për të shkuar më pas tek Presidenca rreth orës 12:30 minuta. Në fund, protesta do të mbyllet pranë ambasadës amerikane dhe asaj të Bashkimit Evropian. Kujtojmë se studentët ka disa kohë që janë ngritur në protesta dhe duan plotësimin e kërkesave të tyre. (shekulli)