Shkencëtarët ka vite që vëzhgojnë shtresat e akullit të Groenlandës për të parë se si po përshtaten ato me ndryshimet klimatike. Duke mbuluar më shumë se 1.7 milionë kilometra katrorë, ato janë pjesa e dytë më e madhe e akullit në botë, pas shtresave të Antarktikut. Për të matur se sa shpejt po shkrijnë shtresat e akullit në Grenlandë dhe ku po shkon uji, studiuesit po përdorin disa mjete të pazakontë.

Një fokë me një instrument të sofistikuar të ngjitur në kurrizin e saj është gati të zhytet nën shtresat e akullit në fjordin Ilulissat në Groelandë. Duke kërkuar ushqim, ajo do të  zhytet deri në 500 metra, ku sensorët e instrumentit do të mbledhin të dhëna të rëndësishme rreth temperaturës së ujit dhe kripësinë.

Të dhënat do të transmetohen përmes satlitit tek një stacion metereologjik në Universitetin e Nju Jorkut.

“Arsyeja që njerëzit janë kaq të interesuar për temperaturën e ujit në thellësi të këtyre akullnajave është pasi uji është praktikisht ose i ftohtë në nivelin e ngrirjes ose i ngrohtë disa grade mbi pikën e ngrirjes.”

Nëse uji është i ftohtë, akulli në sipërfaqen e tij do të rritet, por në se është disa gradë më i ngrohtë, do të vazhdojë të shkrijë dhe të rrisë nivelin e detit.

“Ne kemi vëzhgime nga satelitët që tregojnë se shtresa e akullit në përgjithësi po humbet çdo vit, më shumë akull  se sa c’po fiton. Ajo nuk është në fazën e shtimit, por në atë të zvogëlimit.”

Transmetuesit janë vendosur në lëkurën e fokës me një ngjitës të posacëm. Pas gati një viti ato bien dhe kafshët nuk dëmtohen prej tyre.

Shkencëtarët që masin humbjen e shtresave të akullit në Groenlandë nga toka thonë se në përgjithësi, Groenlanda po humbet më shumë akull sesa ç’po fiton. Që nga viti 1840, niveli i humbjes është rritur me 60 përqind, shumica brenda dekadës së fundit. Procesi është shumë i ngadalshëm por…

“Edhe nëse një e dhjeta e tij do të shkrinte në njëqind vitet e ardhshme, atëherë do të ketë qytetete të mëdha, një pjesë e madhe e popullatës së së botës që do të ketë problem për shkak të rritjes së nivelit të deteve.”

Informacioni është një pjesë më shumë e të dhënave që shkencëtarët e klimës shpresojnë se do të shtyjë botë të marrë hapa për të luftuar ndryshimet klimatike.   (voa)