Corrado Alvaro

Një kongres treditor në Stamboll me të ftuar edhe nga zonat shqiptarët e Ballkanit, zgjidhjet për integrimin në vendimmarrjet e vendeve respektive, një organizim nën kujdesin e zv. kryeministrit turk dhe mbështetja financiare e politike për të përzgjedhurit. Çfarë u diskutua në kongresin e fund majit në Stamboll, si do të hapen partitë politike simotra të Partisë së Drejtësisë së Erdoganit në Kosovë dhe Maqedoni, cila do të jetë strategjia disi e ndryshme për Shqipërinë dhe cilët janë njerëzit dhe shoqatat e mbështetura nga qeveria turke në Maqedoni, Kosovë dhe Shqipëri.

Ballkani ka pasur dhe ka një rendësi tepër të veçantë për Turqinë. Kjo rendësi strategjike e Ballkanit për turqit është rritur tashmë, pas dështimit të politikës së jashtme të strategut, Ahmet Davutoglu “Zero probleme me vendet fqinje”. Sot, Turqisë nuk i ka mbetur fqinj që nuk ka probleme.

Njihet gjerësisht problematika me Sirinë dhe Armeninë, me qeverinë e Bagdatit ka ashpërsuar së tepërmi tonet pas marrëveshjes me drejtuesit Kurd të Irakut të Veriut për të eksportuar një pjesë të naftës së kësaj zone nëpërmjet portit turk të Cejlanit. Me Grekët edhe Qipriotët po ashtu nuk ka nevojë për shpjegime, ndërsa Rusia është një kafshatë shumë e madhe për Turqinë që të ketë luksin të kondicionojë marrëdhëniet.

Nisur nga kjo, strategjia e qeverisë së Kryeministrit Erdogan dhe e udhëhequr nga idetë neootomaniste të Ahmet Davutoglus është që të shtojë praninë frymës së tij në Ballkan dhe specifikisht ndër shqiptarët duke marrë në konsideratë marrëdhëniet historike, kulturore dhe fetare. Strategjia Erdogan-Davutoglu për ndikimin në trojet shqiptare, si Shqipëri, Kosovë dhe Maqedoni nuk bazohet në strategjinë afatgjatë të shtetit turk.

Erdogan dhe Davutoglu kanë zgjedhur disa mënyra për të ndikuar ndër shqiptarët frymën e politikës së tyre: atë kulturore, nëpërmjet promovimit të të përbashkëtave midis turqve dhe shqiptarëve, restaurimit të veprave historike të mbetura nga Perandoria Osmane, atë fetare duke dalë me flamurin e mbrojtësit të myslimanëve ndër këto troje dhe atë ekonomike duke stimuluar futjen e bizneseve turke si edhe mbështetjen e ndaj shoqatave të varura direkt nga qeveria turke apo të atyre që mbështesin ideologjikisht këtë veprimtari.

Por me zhvillimet e fundit gjeopolitike dhe për planet personale të Erdoganit dhe Davutoglusë për Ballkanin, ky ndikim nuk mjafton, nevojitet një tjetër edhe më direkt. Nisur nga kjo, strategët e frymës erdoganiste kanë vendosur që të ndikojnë direkt nëpërmjet politikës dhe forcave politike në trojet shqiptare.

Strategjia e ndikimit direkt nëpërmjet përfshirjes në politike dhe vendimmarrjes direkte përfshin Shqipërinë, Kosovën dhe Maqedoninë. Por, të tri këto shtete kanë specifika të ndryshme, e tillë do të jetë edhe forma e përfshirjes në politike.

Në këtë numër shkrimesh (tre) do të japim të dhëna konkrete me emra shoqatash, njerëzish fotografish dhe aktivitetesh që bëhen pikërisht me këtë qëllim në të treja këto shtete. Fillimisht do të fillojmë me Maqedoninë dhe më pas me Kosovën dhe Shqipërinë.

Dosja.net ka siguruar listën e të gjithë të ftuarve dhe pjesëmarrësve nga Shqipëria, Kosova dhe Maqedonia në këtë kongres. Megjithatë, dosja.net rezervohet në publikimin e plotë të tyre për aq kohë sa nuk ka mundur të konfirmojë angazhimin direkt të të gjithë të ftuarve në hapjen e një partive simotra të asaj të Erdoganit në trevat shqiptare. Emrat do të publikohen në momentin që do të konfirmohen të gjithë.

Rëndësia e një ngjarjeje të tillë për Shqipërinë, por edhe si përmbyllje e hapave të hedhura në këtë drejtim gjatë këtyre viteve e bën të rëndësishme informimin e opinionit publik. Ky detyrim rritet në kushtet kur bëhet fjalë për marrëdhënie që kanë të bëjnë me një shtet si Turqia, e cila mbart një rendësi të veçantë për Shqipërinë dhe shqiptarët.

Maqedonia, për vetë veçoritë që ka ky shtet, është baza e zhvillimit të politikave neootomaniste të qeverisë së Kryeministrit Erdogan. Numri i lartë i turqve në këtë vend si edhe investimet e mëdha qeveritare me hapja shoqatash, botime dhe organizime të ngjashme, kanë rritur numrin e mbështetësve duke i hapur rrugën tashmë një faqe të re ndikimi: atij politik.

Përgjatë datave 29-31 maj 2014, në Hotelin “Holiday inn-Airport” në Stamboll u organizua një Kongres i rëndësisë së veçantë për zonën tonë nga Qendra për Kërkime Sociale dhe Ekonomike, nën kujdesin e drejtpërdrejtë të zv. kryeministrit turk, Hayrulah Isler.

Qendra për Kërkime Sociale dhe Ekonomike, është themeluar nga Nexhmedin Erbakan, “patriarku” i islamit politik në Turqi, në filozofinë qendrore të së cilës janë qasjet nacionaliste turke. Të pranishëm në këtë kongres me titull: “Kërcënimet ndërkombëtare dhe bota islame”, ishin edhe shumë shqiptarë dhe turq nga Maqedonia si të ftuar të nderit.

Dosja.net ka mësuar se pikërisht gjatë punimeve të këtij kongresi i është dhënë dora e fundit planit për t’u angazhuar politikisht në Maqedoni, Kosovë dhe Shqipëri.

Në Maqedoni, infrastruktura dhe njerëzit janë gati, po ashtu edhe opinioni publik. Me deklaratat e tij, Kryeministri Erdogan e ka shfaqur veten jo vetëm si mbrojtës të turqve në këtë shtet, por edhe të shqiptarëve. Deklarata politike këto që duket se kanë zënë vend ndër shqiptarët. Hapja e partisë është çështje kohe, ndërsa e gjithë mbështetja financiare do të vijë direkt nga Ankaraja.

Për vite me radhë tashmë, shoqata të lidhura direkt në qeverinë e Kryeministrit Erdogan ushtrojnë aktivitet në Maqedoni. Ka disa të tilla, të cilat i përkasin të njëjtës ideologji, asaj të islamit politik. Por shoqata përfaqësuese zyrtare e qeverisë së Erdoganit në Maqedoni është “VIZIONI M” e drejtuar nga Tetovari Ramadan Aliti. Pjesë e “VIZIONI M”, e cila ka hapur qendrat e saj në Tetovë e Gostivar, është edhe qendra e trajnimit “VIZION AKADEMI”, e cila merret me dhënien e kurseve të gjuhëve të huaja apo kompjuterit. Në fakt, qëllimi kryesor është afrimi i të rinjve dhe njohja me këtë ideologji.

Duke vlerësuar pozicionin strategjik të zonës, aktiviteti i “VIZIONI M” nuk është i kufizuar vetëm në Maqedoni, ajo prek edhe Shqipërinë.

Shoqata “VIZIONI M” është gjithashtu edhe financuesja e direkte e Shtëpisë Botuese “Logos A”, botime të së cilës gjenden me shumicë në Shqipëri. “Logos A” drejtohet nga Adnan Ismaili nga Kumanova. Por ajo që njihet më shumë ndër shqiptarët e këndej kufirit, është Revista mbarëkombëtare “SHENJA” me themelues Zeqirija Ibrahimin dhe Afrim Gashin.

Edhe kjo revistë botohet nën mbështetjen direkte të shoqatës “VIZIONI M”, madje Ramadan Aliti është pjesë e stafit drejtues për Maqedoninë. Duke qenë se mungon një organ i mirëfilltë mediatik i mbështetur nga qeveria turke në Shqipëri, është parë e udhës që revista “SHENJA” shpërndahet falas me një numër të madh kopjesh në vendin tonë. Me të njëjtin qëllim si ai i Maqedonisë, tashmë në Shqipëri.

Po a është vetëm “VIZIONI M” që ka punuar dhe po punon për përgatitjen e terrenit të hapjes së një partie simotër të asaj të Erdoganit në Maqedoni? –Jo!

Ka edhe shoqata të tjera, me qëllim të njëjtë. Të gjitha shoqatat që i përkasin kësaj ideologjie janë duke punuar për përgatitjen e terrenit për hapjen e një partie politik, simotër të asaj të Erdoganit në Turqi.

Një ndër to, “Forumi Rinor Islam” me qendër në Shkup. FRI drejtohet nga Fevzi Musliu, nga Shkupi. FRI ka një aktivitet të zgjeruar në qytetet shqiptare të Maqedonisë, përfshirë edhe Shkupin. FRI ka mbështetje direkte nga Turqia, ndërsa zhvillon aktivitete të ndryshme me qëllim afrimin e të rinjve dhe indoktrinimin e tyre me dashurinë ndaj Erdoganit.

Krahas “VIZION AKADEMI” në fushën e arsimit ushtron aktivitet edhe Qendra e Trajnimeve dhe Kurseve “FLUENT” me seli në katër qytete shqiptare: Kërçovë, Kumanovë, Shkup dhe Tetovë.

Qendra “FLUENT” drejtohet nga Muhamed Jonuzi, shok i Fevzi Musliut, kreut të FRI-së. Fevzi Musliu dhe Muhamed Jonuzi kanë studiuar bashkë, ndërsa marrin pjesë në aktivitete të ndryshme bashkë. Një pjesë e mirë e aktiviteteve të “FLUENT” bëhen me mbështetjen e FRI dhe praninë e drejtuesve të saj si Fevzi Musliu apo Kujtim Kasami nga Kërçova.

Shoqatë tjetër me lidhje direkte me elementë pranë Erdoganit në qeverinë turke është ajo “Merhamet” (Mëshira) me qendër në Shkup. Në krye të Kuvendit të Organizatës Kulturore Humanitare “Merhamet” është sërish Adnan Ismaili, drejtori i Shtëpisë Botuese “Logos A”.

Shoqata “Merhamet” ka degët e saj në Shkup, Tetovë, Kumanovë, Gostivar, Dibër, Kërçovë dhe Prishtinë. “Merhamet”, punon direkt me Gjysmëhënën e Kuqe Turke dhe Agjencinë Turke për Bashkëpunim (TIKA), e cila ka zyra edhe në Tiranë. Po ashtu, një pjesë të mirë të fondeve “Merhamet”, i merr nga shoqata tjetër turke në varësi direkte nga qeveria e këtij shteti, “Insan Yardim Vakfi-IHH”.

Në janar të këtij viti, ndaj shoqatës IHH u organizua një aksion i gjerë policor në lindje të Turqisë për shkak të angazhimit të saj në dërgimin e luftëtarëve me grupet xhihadiste në Siri.

“Klubi ELITA”, e drejtuar nga Skënder Rexhepi-Zejd ka një marrëdhënie tepër të ngushtë me Agjencinë Turke për Bashkëpunim (TIKA) dhe shoqatat “VIZIONI M”, “Forumi Rinor Islam”, “Ensar” dhe “Köprü”. Në janar 2012, TIKA financoi ngritjen e një studioje filmike të “Klubit ELITA” me vlerë 15 500 euro, për inagurimin e së cilës ishte i pranishëm edhe drejtori i TIKA-s në Maqedoni.

Shoqata të tjera të kësaj linje janë “Ensar” dhe “Kopru” me qendër në Shkup. Të gjitha shoqatat e mësipërme bëjnë organizime të përbashkëta apo duke bashkëpunuar me njëra-tjetrën në varësi tëprofilit të aktivitetit. Lidhja kryesore janë TIKA, shoqata e qeverisë turke dhe “VIZIONI M”.

Më 13.06.2013, shoqatat “VIZIONI M”, “Ensar”, “Kopru”, “Merhamet” dhe “Klubi ELITA” zhvilluan një marshim mbështetje në rrugët e Shkupit në shenjë solidariteti me Kryeministrin turk Erdogan, i cili po përballej me protestat e parkut “Gezi” në Stamboll.

Jo rastësisht, emri i këtyre katër shoqatave shihet si organizatorë të një forumi me tematikë: “Roli i Turqisë në Ballkan” me referues gazetarin turk Akif Emre të gazetës pro qeveritare,“Yeni Safak”. Seminari u mbajt në hotelin “Holiday inn-Shkup”, e njëjta linjë hotelesh me atë ku u strehuan të ftuarit shqiptar në kongresin e mbajtur në Stamboll përgjatë datave 29-31 maj.

Aktivitetet e shoqatave gjejnë publikim në hapësira të mëdha në versionin online dhe print të Revistës “SHENJA” si edhe në portalin “Mesazhi.com”.

“VIZIONI M” , “Forumi Rinor Islam”, “FLUENT” dhe “Merhamet” punojnë gjatë aktivitetit të tyre për identifikimin e nxënësve më të mirë me qëllim dhënien e bursave të studimit në Turqi nëpërmjet sistemit turk të bursave. Madje, ato organizojnë edhe takime orientuese për studentët në ambientet e tyre.

Duke pasur mbështetjen e qeverisë turke, e cila ofron këto bursa, fitimi i tyre me referencë nga shoqatat në fjalë është thjesht formalitet. Të rinjtë dërgohen në Turqi, shkollohen dhe më pas kthehen sërish në atdhe duke u rreshtuar në shërbim të kauzës së islamit politik dhe erdoganizmit.

Përgjatë një dekade shoqatat dhe organizmat direkte nga qeveria kanë punuar për përgatitjen e terrenit, tashmë në Maqedoni vlerësohet se ka ardhur koha e një organizimi të ri, atë partiak duke ndikuar drejtpërdrejt në vendimmarrjen politike të këtij shteti. Kjo ishte dhe porosia e marrë nga përfaqësuesit e shqiptarëve të Maqedonisë në kongresin e mbajtur përgjatë datave 29-31 maj 2014 në Stamboll.

Duket theksuar se i gjithë aktiviteti i mësipërm nuk bëhet në emër të strategjisë së shtetit turk, por të grupit që i përket Kryeministri Erdogan dhe ministri i tij i jashtëm Ahmet Davutoglu. Në këto kushte, duke qenë të shkëputura nga aktiviteti zyrtar i shtetit turk dhe agjenda të grupimit që udhëheq sot Turqinë mbetet për t’u parë me rezerva për qëllimet që kanë në Ballkan dhe më gjerë.

Në vitin 2006, në Shkup u themelua “Fondacioni për Arsimin dhe Kulturën”. Drejtues i Bordit të këtij fondacioni është deputeti i Stambollit për partinë e Erdoganit, Huseyin Burge . Fondacioni në fjalë dhe BUrge janë zyrtarisht pronarët e Universitetit Ballkanik në Shkup, i cili financohet direkt nga biznese të lidhura me qeverinë e Kryeministrit Erdogan.

Fondacioni në fjalë u përfshi në një skandal ndërkombëtare disa muaj më parë, kur gjatë aksionit anti-korrupsion në Stamboll dhe Ankara, policia i gjeti Drejtorit të Bankës “Halkbank” në shtëpi 5 milionë euro të futura në kuti këpucësh. Drejtori u mbrojt duke thënë se ato para ishin të destinuara pikërisht për Fondacionin për Arsimin dhe Kulturën” në Shkup, pronare e Universitetit Ballkanik në këtë qytet.

Fakti u pranua edhe nga fondacioni, veprim i cili u konsiderua i koordinuar me qëllim ardhjen në ndihmë të drejtorit të “Halk Bank” me aksione shtetërore. Megjithatë, nuk u sqarua se përse ato para mbaheshin të fshehura në kuti këpucësh nqs ishin për bamirësi.

Pronari i Universiteit “Ballkanik” të Shkupit, Huseyin Burge u angazhua shumë në mbrojtje të këtij rasti korruptiv për të nxjerrë drejtorin e “Halk Bank” nga burgu.

Universiteti “Ballkanik” jep çdo vit nga 400-500 bursa me nxënësit shqiptar, para të cilat fondacioni i siguron nëpërmjet shoqatave të tjera të lidhura me qeverinë turke dhe biznesmenë pranë saj. I gjithë qëllimi është zmadhimi i prezencës së grupimit të Erdoganit në trojet shqiptare dhe shtimi i numrit të atyre që mendojnë se të përfshihen në politikë nëpërmjet kauzës fetare.

Online

Politika amerikane tani duhet t’i mbrojë hapur reformat demokratike në Shqipëri, sepse korrupsioni po punon kundër.

Duhet mbrojtur hapur, edhe SPAK-u, edhe listat e hapura në sistemin zgjedhor; sepse edhe ky sistem të votuari duhet parë si pjesë e pandarë e SPAK-ut. Por gjithashtu, ky duhet konsideruar edhe si ingredienti historik i aleancës amerikano – shqiptare.

Shqiptarët sot kanë vetëm një shpresë: Amerikën dhe drejtimin me forcë të reformave antikorrupsion në Shqipëri prej politikës amerikane. Sepse, nga të gjithë ndërkombëtarët perëndimorë, forcë në shoqërinë shqiptare ka vetëm Amerika.

l.
E vetmja shpresë e shqiptarëve është forca e politikës amerikane kundër kurrupsionit të lartë shtetëror.
Pas eliminimit të këtij korrupsioni, gjithçka do të ecë drejt ngjitjes së nivelit të lartë intelektual shqiptar në drejtimin e Shqipërisë. Do të vijojë zhvillimi integral i saj, dhe politika e lartë amerikane do ta kuptojë realisht çdo të thotë për të aleanca e saj e ngushtë me shqiptarët në Ballkanin Perëndimor.
Prandaj nuk duhet të ketë asnjë stepje apo tërheqje, apo zbutje të qëndrimit amerikan, sepse janë të shumtë individët e korrupsionit të lartë shtetëror dhe të medias shqiptare që kanë sot orientim nga Moska, Beogradi apo nga Athina, kundër reformës që ka nisur.

ll.
E gjithë kjo trysni, që më së shumti vjen nga Moska dhe nga Beogradi, është një metodë e vjetër që punon me përkrahësit e brendshëm në Shqipëri, të cilët kërkojnë t’i japin shoqërisë shqiptare karakter oriental, duke u nisur nga feja islame.

Serbët kanë dyqind vjet që po e luajnë këtë kartë të gënjeshtërt, në një kohë që dihet si fakt historik se vetë serbët kanë qenë aleatë të paskrupullt të osmanëve dhe armiq të egër kundër katolikëve shqiptarë. Dhe sot po duan të tregohen mbrojtës të Perëndimit dhe të krishtërimit, kundër nesh. Është ligësi shekullore serbe, që amerikanët tani e njohin mirë dhe qeshin me ta.

Edhe hoxhallarët që flasin kundër Skënderbeut tonë, nga serbët paguhen, edhe këtu, edhe në Kosovë  Por serbët, le t’i bien këmbës. Shqipëria dhe shqiptarët janë të lidhur me heroin kombëtar panshqiptar Gjergj Kastriot Skënderbeun. Ky është sekreti i shpirtit të lartë shqiptar që e lidh atë me qytetërimin perëndimor, më shumë nga të gjithë fqinjët e tij armiqësorë dhe pushtues territoresh shqiptare.

lll.
A është ende në zë sot kjo frikë e serbëve dhe grekëve nga heroi ynë kombëtar?
Kjo ka qenë dhe mbetet të jetë frika e tyre e tmerrshme, prandaj me veglat e veta këtu, të paguar prej tyre, janë hedhur kundër Gjergj Kastriot Skënderbeut.

Edhe hoxhallarët që flasin kundër Skënderbeut tonë, nga serbët paguhen, edhe këtu, edhe në Kosovë.
Po mirë, kujt duan t’i mbushin mendjen këta me këtë luftë antikastriotiane?!!
Janë qesharakë. Politikën amerikane do të indoktrinojnë këta kundër origjinës puro shqiptare të Heroit tonë Kombëtar? Politikën amerikane mendojnë të bindin këta! Nuk e di politika amerikane që serbët kanë ardhur në Gadishullin Ilirik nga stepat e Azisë dhe jetojnë në funksion të genocidit antishqiptar?! Nuk e dinë këta serbë pa nivel se politikanët amerikanë vijnë nga Harvardi, nga University of Chicago, nga Yale University…? Pse, këta serbë të dalë boje, me një tufë të çmendurish do t’i bindin për historinë harvardasit, se cila është historia e Gadishullit Ilirik dhe cilët janë shqiptarët në këtë Gadishull?

Është për të qeshur. Po pse, ende nuk e keni marrë vesh që politika serbe është ligësi me logjikë fëminore kundër shqiptarëve?
Pse, si mendoni ju, ambasadorja amerikane në Tiranë, Yuri Kim, e evokoi kot para disa ditësh figurën heroike të Gjergj Kastriotit?
Ajo e evokoi pikërisht për t’iu thënë serbëve “kot e keni, aleanca jonë me Shqipërinë dhe shqiptarët, i ka rrënjët te epopeja e ndritur e luftërave kastriotiane kundër Turqisë Osmane”.

lV.
Në funksion të gjithë kësaj, po dëgjojmë që Aleksandër Vuçiç paska shkruar dhe hedhur në botim një libër antishqiptar, duke mbrojtur manastiret serbe në Kosovë.
Asgjë nuk mund t’i bëjë dot Serbia dhe Aleksandër Vuçiç Shqipërisë dhe shqiptarëve. Le të botojë jo një, po njëqind libra Vuçiç kundër origjinës së shqiptarëve. Pyetja që më duhet të ngre unë këtu është kjo: a ia pranon Harvadi këtë libër serbit Vuçiç? Për ta përdorur si komedi bisedash dhe për të qeshur sërisht me një budallallëk antishqiptar me ligësi serbe, sigurisht që po. Katedrat e historisë në universitete prestigjiozë të Amerikës e kanë të provuar që manastiret e ashtuquajtura serbe janë kishat e katolikëve shqiptarë që hordhitë serbe deshën t’i shfarosin si etni dhe si fe gjatë mesjetës së vonë. Po Vatikani, nuk e di këtë? Vërtet mendojnë këta injorantë me ligësi mesjetare se ka mbetur Vatikani t’ia tregojë Aleksandër Vuçiç historinë e katolicizmit dhe krishtërimit në Shqipëri, kur këtë e ka sjellë këtu apostulli Shën Pal?

V.
Historia përsërit vetveten. Në vitin 1878, pas luftës ruso – turke, Rusia donte të dëbonte Austro-Hungarinë nga Ballkani, sepse ajo kish aleancë me shqiptarët. Edhe sot e njëjta gjë: Rusia po kërkon të largojmë Amerikën nga Ballkani Perëndimor, sepse kjo ka aleancë me shqiptarët. Ja pra, kjo është arsyeja që ambasadorja amerikane në Tiranë, Yuri Kim, në çdo rast deklaron aleancën shqiptaro-amerikane dhe historinë evropiane dhe perëndimore të popullit shqiptar. (Spartak Ngjela)

Po e mbarojmë me disa shprehje të Faik Konicës:

“ Sot kanë dalë ca zuzarë, që u lindën shqiptarë, e punojnë natë e ditë që të mbetemi pa dritë. Është turp që prej kësi krimbash të mundohet një komb trimash”.

“Ne, Shqipëtarët e anës kombëtare, nukë kemi tjatër mendim përveç t’a heqim Shqipërinë nga balta. Kërkojmë të jetojë kombi yn me gjuhë të tij, me mendime e me nder të tija.

Sa Shqipëtarë janë të ndershëm, do të mbajnë të gjithë me anën kombëtare. Ata qi janë zuzarë, shpirtrobër, e bij kurvash, le të mbajnë me anët e tjera.”