Në emisionin televiziv “Conflict Zone” të DW kryeministri shqiptar Edi Rama në bisedë me Tim Sebastian flet për sistemin e korruptuar të drejtësisë në vend, ëndrrën për Europën, si dhe fantazmat e së shkuarës në Ballkan.

Gazetari britanik që punon për Deutsche Welle-n dhe drejton emisionin e ri televiziv “Conflict Zone”, Tim Sebastian e ftoi kryeministrin Edi Rama në një intervistë me tone replikuese, ku preken temat më të nxehta aktualisht në Shqipëri, si lufta kundër krimit të organizuar dhe drogës, lufta kundër korrupsionit në sistemin e drejtësisë, por edhe më gjerë, bashkëpunimi në Ballkan dhe rrezikun e rikthimit të fantazmave të së shkuarës në rajon.

“Jam absolutisht i bindur se Europa ka nevojë për Ballkanin sot, ashtu si edhe Ballkani ka nevojë për Europën” shprehet kryeministri i Shqipërisë dhe kreu i Partisë Socialiste Edi Rama në intervistë me Deutsche Wellen, duke theksuar se gjithnjë e më shumë njerëz në Ballkan kanë një lloj lodhjeje me durimin e vazhdueshëm, prandaj nevojitet të lëvizim më shpejt dhe përpara.

“Ballkani është Europë”

“Dua të them se Ballkani është Europë dhe nëse Ballkani sot është një histori e suksesshme e paqes dhe e bashkëpunimit në botën tonë, ka një arsye për këtë, dhe arsyeja është, sepse ne të gjithë duam të jemi pjesë e Europës, dhe nëse paqja erdhi mes shqiptarëve dhe nëse për herë të parë, unë vizitova Beogradin pas 68 vjetësh si kryeministër shqiptar, dhe kryeministri Vučić erdhi në Tiranë, si kryeministri i parë serb që shkeli në Shqipëri, kjo tregon diҫka, sigurisht i tregon botës sonë, por tregon para së gjithash aspiratën e njerëzve tanë për të qenë pjesë e Europës…“

Kërcënim ndaj Europës me fantazmat e së shkuarës në Ballkan?

Një pikë e nxehtë e intervistës është debati i zhvilluar pas pyetjes së gazetarit të Deutsche Welles mbi fantazmat e së shkuarës në Ballkan, të cilin gazetari e cilëson si një kërcënim të Ramës për Europën nëse ajo nuk shpejton me integrimin.

Tim Sebastian: Dhe përveҫ këtyre të gjithave, është kërcënimi që ju bëtë në maj, kur i thatë gazetës turke, Hyriet: „Për sa kohë që ëndrra jonë europiane është gjallë, Ballkani nuk do të ketë shqetësime, por nëse kjo ëndërr zhbëhet, do të kemi shqetësime.“ Me fjalë të tjera: Na jepni atë që duam, ose ne do t’iu shkaktojmë probleme.“

Edi Rama: Jo, kjo nuk është kështu

Tim Sebastian: Ky është kërcënim, pse nuk është kështu?

Edi Rama: Nuk është kërcënim.

Tim Sebastian: Tingëlloi shumë si i tillë.

Edi Rama: „Tingëlloi i gabuar atëherë, por nuk është kërcënim. Kjo është një e vërtetë e thjeshtë, ne vijmë nga një histori e gjatë e gjakderdhjes, konflikteve e kështu me radhë. Kështu fantazma është e shkuara përreth nesh e ose gjenerata jonë do të bëjë gjënë e duhur dhe do të bashkohemi të gjithë në Europë, dhe kjo merr fund, ose do të jetë fantazma e së shkuarës ajo që do të marrë gjendjen në dorë. Kjo është shumë e thjeshtë.“…“Jam duke e përsëritur se Europa duhet të jetë strategjike në lidhje me Ballkanin, nuk është „business as usual“, është një hapësirë, që ju e dini shumë mirë, se ka qenë problem i madh me shekuj për njerëzit që jetonin në këtë hapësirë, por edhe për kontinentin. Tani është një hapësirë që ndodhet në një moment të ri fantastik të paqes dhe bashkëpunimit, por kjo paqe është shumë e madhe për supet tona.“

Sistemi i drejtësisë si industri përfitimi

Një nga frontet më të vështira të reformave në Shqipëri është ajo e sistemit të drejtësisë. Në „Conflict Zone“, kryeministri Rama deklaron se „ne nuk kemi vetëm gjykatës të korruptuar, ne kemi një drejtësi të tërë të korruptuar, që punon si korporatë, si një industri përfitimi. Dhe ne jemi duke e ndryshuar këtë, duke filluar me reformën që do të kalojë këtë vjeshtë.“…“Drejtësia është ҫështja jonë ende e hapur. Dhe unë ua kam thënë gjithmonë bashkëqytetarëve të mi: Nëse ne nuk jemi në gjendje të kemi një drejtësi dinjitoze për vendin, nuk do të jemi kurrë në gjendje të bëhemi pjesë e Bashkimit Europian.“

Në intervistë për „Conflict Zone“, gazetari i Deutsche Welles prek edhe temën e krimit të organizuar dhe luftën kundër plantacioneve të drogës në Shqipëri, duke marrë përgjigjen nga kryeministri Edi Rama, se janë duke u fshirë nga sipërfaqja plantancionet me kanabis, gjë që solli edhe vlerësime nga Bashkimi Europian. Por gazetari i Deutsche Welles këmbëngul:

Tim Sebastian: Ok, po sa liderë të mafias keni marrë nga rruga. Sa liderë të mafias?

Edi Rama: Liderë të mafias?

Tim Sebastian: Po, dua të them se sa keni burgosur?

Edi Rama: Ne nuk kemi liderë të mafias në Shqipëri, liderët e mafias janë në Europë.

Tim Sebastian: Oh vërtet?

Edi Rama: Natyrisht.

Tim Sebastian: Pra ju nuk keni krim të organizuar? Kështu kur departamenti i shtetit thotë: Shqipëria është një burim dhe vend destinacion për trafikimin, ju nuk keni kriminelë?

Edi Rama: Jo, jo jo, ju folët për liderë të mafias. Liderët e mafias janë në anën tjetër të Adriatikut. Ne kemi krimin e organizuar të lidhur me të dhe të mos flasim më për mafian kombëtare. Nuk ka mafie kombëtare. Nuk ka person të krimit të organizuar që kapet që të mos ketë, tre, katër ose pesë kode në telefonin e tij celular. Kështu ka një ndër-lidhje.“

Ndiqni drejtpërdrejt në kanalin televiziv të Deutsche Welles në orën 17:30 intervistën televizive të kryeministrit shqiptar Edi Rama për emisionin „Conflict Zone”, videon në origjinal mund ta shihni edhe në faqen e internetit të Deutsche Welles në shqip, dw.com/albanian. (dw)

 

Është ndarë nga jeta në moshën 66-vjeçare, një ndër zërat më të spikatur të muzikës shqiptare, “Mjeshtri i Madh” Tonin Tërshana. I njohur për vokalin e tij të veçantë, Tërshana ka ndërruar jetë në spitalin “Nënë Tereza”, ku gjendej i shtruar pas një sëmundjeje të rëndë.

I njohur si një ndër këngëtarët më potentë të përpara viteve ‘90, Tonin Tërshana, pas ardhjes së demokracisë u largua nga vendi si shumë shqiptarë, për t’u kthyer vetëm disa vite më parë.

Tërshana ka marrë pjesë në mbi 20 festivale të RTSH-së, duke fituar 4 çmime të para.

Dalja e tij e fundit publike ishte vetëm 3 javë më parë, ku këngëtarit të njohur iu dorëzuan çelësat e shtëpisë, si përfitues i banesave sociale, pasi ai ishte i pastrehë. E duket se ky ka qenë dhe pengu i fundit i Tonin Tërshanës.

/ Top Channel

Varfëria dhe zhgënjimi i detyrojnë shqiptarët drejt Gjermanisë, shkruan gazeta gjermane “Frankfurter Allgemine Zeitung” (FAZ) në numrin e së premtes (18.09) mbi arsyet e largimeve masive nga Shqipëria.

Në Gjermani vazhdojnë të vijnë më shumë refugjatë nga Ballkani Perëndimor se sa nga Siria, shkruanFAZ: “Fokusimi tek refugjatët nga Siria e ka shkëputur vëmendjen nga fakti, që në Gjermani vazhdojnë të vijnë migrantë nga vendet e Ballkanit Perëndimor. Ndonëse në gusht vala e të ardhurve nga Kosova ra, është rritur numri i të ardhurve nga Shqipëria në Gjermani. Krahasuar me korrikun rritja është mbi 9%. Kjo kuotë tregon se vala e të ardhurve nga Shqipëria është rritur po aq sa edhe e numri i atyre që vijnë nga Siria. Zyra Federale për Migracionin dhe Refugjatët (BAMF) ka numëruar në gusht 10100 kërkesa për azil nga Siria dhe

8200 nga Shqipëria – vlen të theksohet se Siria ka tetë herë më shumë banorë se Shqipëria. Në total më shumë se një e treta e azilkërkuesve vijnë nga Ballkani Perëndimor, pra nga Shqipëria, Serbia, Maqedonia, Kosova, Bosnje-Hercegovina dhe Mali i Zi.

Si në statistikën mujore, ashtu edhe në ecurinë përgjatë vitit Shqipëria qendron në vend të dytë pas Sirisë dhe Kosova ka dalë tani në vend të tretë. Numri i kërkresave për azil nga Shqipëria në përiudhën janar – gusht krahasuar me një vit më parë është shtatëfishuar. Përse pikërisht nga Shqipëria laroghen kaq shumë njerëz? Shkak për rritjen e papritur janë bërë fjalët e përhapura dhe lajmet e keqkuptuara, se Gjermania ka nevojë urgjente për forca pune.”…Por, sipas FAZ arsye janë edhe varfëria, “papunësia prej 80%, që ndër të rinjtë është potuhuajse dyfish më e lartë. Kësaj i shtohetn edhe kriza në Greqi. Qindra mijëra shqiptarë, që kanë punuar atje si dhe në Itali janë kthyer në atdhe sapo kanë humbur vendet e punës. Në 2015 janë kthyer në Shqipëri 180000 vetë, disa prej tyre menjehërë janë nisur drejt Gjermanisë. Ky zhvillim pasqyrohet edhe në uljen e remitancave, që përbëjnë gati një të dhjetën e rendimentit ekonomik: në 2007 shqiptarët jashtë vendit kanë transferuar në atdhe 950 milionë Euro, ndërsa në 2014 vetëm 590 milionë.” … Në qytete varfëria nuk duket shumë, por ajo është e prekshme veçanërisht në periferitë jashtë kryeqytetit. Shumë më keq është gjendja më në thellësi të vendit…”Arsye e largimeve masive është edhe zhgënjimi nga qeveria socialiste: ‘pritjet ishin të mëdha, por me kthjellimin tani shumë vetë largohen’ …pra mund të bëhet fjalë për ‘refugjatë ekonomikë të motivuar politikisht”, shprehen ekspertë të intervistuar nga “Frankfurter Allgemeine Zeitung”. (dw)

Ambasadori amerikan në Tiranë , Donald Lu, bëri një tjetër kritikë ndaj sistemit të drejtësisë shqiptare, ku sipas tij ka shuar shpresat e të gjithë shqiptarëve.

USAID përfundoi projektin e tij 5-vjeçar “Just”, i cili ofroi 10 milionë dollarë në ndihmë të sistemit të drejtësisë në Shqipëri.

Në ceremoninë e përfundimit të këtij mision, ambasadori Donald Lu theksoi se, “shqiptarët nuk i besojnë sistemit të drejtësisë”.

“Shqipëria ka rrugë të gjatë për të bërë për të pastruar sistemin e drejtësisë, por falë projektit “Just”, në Shqipëri tani regjistrohen 80% të seancave gjyqësore”, tha Lu.

Lu tha se mbështet reformën gjithëpërfshirëse në drejtësi, ndërsa evidentoi kontributin që USAID ka thënë për drejtësinë shqiptare.

“Në 5 vite USAID ka dhënë 10 milionë dollarë për drejtësinë. 5 vite më parë një çështje donte 9 seanca, sot duhen 3”, tha Lu.

Diplomati i shtetit amerikan bëri me dije se pavarësisht punës së madhe që e pret vendin, projekti kontribuoi për të sjellë më shumë transparencë në drejtësinë shqiptare.

/Shekulli Online/

Dekriminalizimi mbizotëroi seancën parlamentare edhe këtë të enjte, ku opozita akuzoi mazhorancën dhe kryeministrin Edi Rama se po përpiqen ta anashkalojnë këtë proces, pas prezantimit të një drafti paralel me atë të demokratëve nga ana e Qeverisë.

Por dekriminalizimi nuk është e vetmja sfidë aktuale e kësaj mazhorance. Informaliteti, reformat dhe ekonomia janë sfida të vështira. Për të folur për të gjitha këto dhe për të tjera çështje të aktualitetit politik, këtë të enjte në Top Story me gazetarin Sokol Balla, ishte i ftuar kryeministri Rama.

Intervista

Sokol Balla: Debati u dominua sot në Parlament nga akuzat që ju bën opozita për sabotim të një procesi të përbashkët për dekriminalizimin dhe për dështimin me qëllim nga ana e mazhorancës e punës së komisonit të krijuar për këtë çështje dhe e hartimit të një drafti ligjor në mënyrë të njëanshme. Taktika juaj është dështimi i këtij procesi të përbashkët?

Edi Rama: Nuk kemi asnjë arsye të pengojmë një proces që ka një rëndësi të veçantë për faktin se Shqipëria sot është e gatshme të përballet me një fenomen që prej vitesh ka qenë aty dhe duhet të marrë fund. Ne jemi angazhuar seriozisht në këtë proces, por ndryshe nga opozita ne kemi detyrën të bëjmë dhe jo vetëm të flasim, ndërkohë që opozita flet e flet dhe deri në 30 qershor, kur skadonte afati i komisionit, thjesht kishte bërë dy mbledhje dhe propagandë banale në tryezë. Unë e kam thënë që në mes të shtatorit se ne do të ishim gati me një draft për ta finalizuar këtë proces dhe kjo ka ndodhur. Opozita në mënyrë të njëanshme ka paraqitur një draft të vetin, ne kemi një tonin. Besoj që nëse ka vullnet për ta përmbyllur këtë proces, nga pikëpamja e substancës, baza për një dakortësi është e plotë.

Sokol Balla: Ja keni paraqitur komisionit këtë draft?

Edi Rama: Këtë draft e ka përgatitur qeveria dhe do të depozitohet së bashku me propozimin e një grupi deputetësh për ndryshimet kushtetuese. Këtë e kemi bërë sepse kemi bindjen që opozita kërkon ta mbajë peng procesin për ta përdorur të ashtuquajturin dekriminalizimin si kalë beteje në kushtet kur të gjithë kuajt i kanë ngordhur rrugës, të mbajë ndezur një debat që njollos Shqipërinë kur i përcillet partnerëve si një situatë krejtëisht e ndryshme nga ajo ç’është në të vërtetë, ndërkohë që ne duam të përballemi me problemin. Një krahasim i dy drafteve flet vetë për këtë me propozimet qesharake në draftin e opozitës. Ne i kemi dhënë përgjigje të duhur fenomenit për të cilin flasim dhe me draftin tonë sigurojmë që persona të dënuar për kategori të ndryshme veprash penale jo më pak se dy vjet, nuk mund të zgjidhen apo emërohen. Janë 73 vepra të ndryshme penale dhe legjitimiteti për t’u zgjedhur apo emëruar në administratën e shtetit përcaktohet sipas veprave, nga pamundësia e përjetshme për të patur një vend si i zgjedhur apo funksionar i shtetit, tek 20 apo 10 vjet.

Sokol Balla: Po por keni një marrëveshje të dhjetorit 2014 dhe ju e dini sesa e vështirë është të arrihet një marrëveshje në politikën shqiptare…

Edi Rama: Ne nga ana jonë e kemi arritur me lehtësinë më të madhe marrëveshjen dhe ka qenë një marrëveshje që ne e kemi marrë serioziësht, ndaj nuk duam që procesi të mbetet peng i propagandës, i konferencave të shtypit, shpifjeve e propagandës. Ne jemi gati të ballafaqojmë propozimet.

Sokol Balla: Nuk është më e ndershme që të shkojnë në komision këto dy draftet? Pak ditë më parë në Komisionin e Jashtëm të PE u tha që duhet një ligj i hartuar nga të dyja palët.

Edi Rama: Ne kemi bërë pjesën tonë në raport me fenomenin. E kemi bërë sepse e gjykojmë që kjo është gjëja e duhur. Rëndësi ka që ta finalizojmë dhe mbi draftin që kemi punuar jemi të gatshëm që të gjejmë konsensus me një kusht, që asnjë shpikje alla-shqiptarçe nuk pranohet.

Sokol Balla: Çfarë kontestoni nga opozita?

Edi Rama: Jemi gati të bëjmë konsensus, por nuk mund të pranojmë budallallëqet e opozitës. Jemi të gatshëm që të dëgjojmë çdo sugjerim, kërkesë, vërejtje me kusht që ligji të qëndrojë brenda kornizës së standardeve ndërkombëtare. Ne e kemi bërë dekriminalizimin një gjë kaq bombastike, ndërkohë që italianët kanë 25 vjet që merren me penetrimin e mafias në Parlamentin e tyre. Fenomeni ekziston, problemi ekziston, ta trajtojmë ashtu siç duhet, jo duke sugjeruar gjëra që nuk i ka bota.

Sokol Balla: Ky veprim i juaji mos i jep pretekst opozitës për ta çuar këtë proces drejt dështimit?

Edi Rama: Mos humbasim kohë për një tjerrje pambuku. Unë kam bindjen e konfirmuar në dy vjet reforma të munguara në 20 vite rresht, që populli shqiptar është i qartë për gjërat dhe i mençur për të thënë kjo është e drejtë, kjo është e padrejtë.

Sokol Balla: Po e çoni procesin drejt një përfundimi që mund të mos marrë bekimin e ndërkombëtarëve?

Edi Rama: Ndërkombëtarët kanë inkurajuar një proces dhe faleminderit për këtë. Puna e ndërkombëtarëve duhet të ridimensionohet tek ne. Jemi këtu për të zgjidhur problemet tona dhe po ju them që asgjë në veprimtarinë time nuk përcaktohet nga ndërkombëtarët. Përcaktohet nga bindja ose jo e gjërave që duhet të bëjmë së bashku. Miqtë dhe partnerët janë të vyer, por secili në vendin e vet. Po e teprojmë ne duke thënë ndërkombëtarët. Ne nuk bëjmë reforma për ndërkombëtarët, gjithë këtë stërmundim për integrim sepse na e kërkojnë ndërkombëtarët. Nuk e bëjmë këtë proces ngaqë thonë ndërkombëtarët. Kjo është gjëja e duhur. Ne kemi ndërmarrë një nismë sepse nuk besojmë që opozita e ka seriozisht, por nëse ajo e ka s’ka asnjë problem, por ne nuk do të presim që opozita të vendosë se kur do ta bëjë. Morëm nismë sepse asnjëherë nuk erdhi një gjë nga ana e tyre.

Sokol Balla: Ju erdhi një draft…

Edi Rama: Drafti doli para një jave, ndërsa ne e kemi marrë këtë nismë dhe e kishim bërë të qartë që do ta votonim në mes të shtatorit. Jemi gati që të biem dakort për gjithçka që nuk cënon standardet ndërkombëtare dhe demokratike, gjithçka që nuk është shpikje alla-shqiptarçe dhe SHQUP-i.

Sokol Balla: Jeni gati të lëshoni pe për draftin? Ai neni për gjykatësit psh, dukej sikur ishte enkas për Ristanin, numrin dy të PD?

Edi Rama: Asgjë s’është enkas, pastaj ligji s’është vetëm për sot, është edhe për nesër.

Sokol Balla: Keni një mazhorancë të madhe, por nuk keni votat për ndryshimet kushtetuese, si do i siguroni këto?

Edi Rama: Nuk e dimë a i kemi apo jo votat për një shumicë kushtetuese sepse Parlamenti është i larmishëm. Interesi ynë është që kjo të jetë një zgjidhje e përbashkët dhe votë e përbashkët me opozitën. Në thelb shqetësimi është i njëjtë dhe draftet nuk janë të ndryshme në tërësinë e përmbajtjes, por në draftin tonë nuk ka asnjë shpikje alla-shqiptarçe, në draftin tjetër ka disa shpikje që ne nuk i pranojmë.

Sokol Balla: Anatemimi që i janë bërë një grupi deputetësh pas zgjedhjeve, rrjedha e ngjarjeve erdhi që të 4 këta deputetë, janë përfshirë në ngjarje që janë në proces, pra janë vërtetuar ato që ka thënë shtypi dhe opozita për të shkuarën e tyre kriminale. A ishit ju në dijeni për të shkuarën e tyre?

Edi Rama: Unë nuk kam patur dijeni që një deptuet, pasi fituam zgjedhjet do ndërmerrte një operacion mediatik bazuar mbi halucinacione për organizimin e vrasjes së tij dhe një shoku të tij në kryetari i Kuvendit, nuk kisha dijeni që një deputet tjetër do të shfaqej në një sherr ku do kërrciste dhe armët në mes të qytetit, nuk kam pas dijeni që një deputet i një partie tjetër të koalicionit do të shfaqej si i kërkuar nga drejtësia. Këto kanë ndodhur më pas. Ndërsa sa i takon deputetit që tha dorëheqjen, meriton respektin tim edhe për shpjegimet që dha. Ishte dorëheqje e vullnetshme pa asnjë lloj presioni që i bën nder atij vetë dhe që flet për një njeri që në momentin që flasim meriton të respektohet.

Sokol Balla: Por organet e qeverisë tuaj kanë qenë në dijeni për të shkuarën e tyre ama?

Edi Rama: S’kisha dijeni kur kam bërë listën e deputetëve. Nëse do të ktheheshim sërosj në 2013 unë përsëri do të bëjë të njëjtën gjë sepse nuk kam vendosur në listën e deputetëve dhe nuk i kam propozuar kryesisë së partisë një listë as me kriminelë, as me persona që kanë patur të bëjnë me krimin. I kam propozuar njerëz që kanë qenë deputëtë më parë, opozitarë si gjithë të tjerët dhe kanë qenë të respektuar në komunitetitet e tyre. Kush bën sot virgjëreshën, dhe kush vë alarmin sot, dhe kush mendon që shqiptarët kanë harruar ata që kanë nxjerrë pistoletën në mes të stadiumit dhe doli kryeministri dhe tha që pistoleta ishte lodër gabohet. Ne kemi një standard të qartë, kush mendon se me kostumin e ministrit mund të parkojë makinën ku të dojë, të sillet me detyrën si të dojë, të shkelë ligjin, merr atë që kanë marrë ata që sot janë të përjashtuar nga PS dhe janë në punët e tyre me drejtësinë. Ky është standard krejt i ri dhe virgjëreshat thonë që ata s’i kapin dhe ne i kapim. Një qeveri gjykohet jo nga çfarë ndodh, por si reagon ndaj atyre që ndodhin. Unë e kam thënë, ne nuk jemi të ndarë engjëj në të majtë dhe djajtë në të djathtë.

Sokol Balla: Pse po dalin djajtë vetëm majtas?

Edi Rama: Mund t’ju sjell dhe përveç deputetëve që shkrehin armët në stadium, atyre që rrihnin arbitra, truprojes së djalit të kryeministrit që shkrehte armën ndaj kamarierit, drejtorit të tatimeve që ishte i dënuar. Ndryshimi nuk është se ne jemi engjëj dhe mes nesh s’ka patur dhe s’do të ketë njerëz që shkelin ligjin. Ndryshimi është që ne kemi tjetër kuptim për arsyet pse jemi në politikë dhe Qeveri, ata kanë kuptim krejt tjetër. Të gjitha këto nuk e fshehin dot të vërtetën që lanë një vend me qindra-mijra njërëz që vidhinin energjinë, që ndërtonin ku të donin dhe si donin, qindra-mijëra që vjedhin ujin si të duan, me mijëra as nuk janë regjistruar ndonjëherë dhe që shesin e blejnë në mënyrë krejt informale, pa llogaritur kaosin me universitetit. Në gjithë këtë lesh e li, gjithë terreni i gjithë këtij kaosi vlerash dhe standardesh e hierakrish, ku kush ishte me ta ishte i ndershëm, tifoz i lënduar që kishte të drejtë ta bënte të vdekur abritrin, ndërsa kush nuk ishte me ta merrte plumbin në ballë në mes të Bulevardit. Nuk kemi arsye që të mendojmë se ata meritojnë minimumin e besimit të shqiptarëve, sepse ata nuk kanë reflektuar për atë që kanë bërë, morën 1 mln shuplaka në 2013, në 2015 dhe më shumë në 2017. Nga njëra anë kemi një qeveri që mundohet të bëjë shtet dhe nga ana tjetër një opozitë që nuk do të bëhet shtet. I japin zë njerëzve që çohen dhe thonë që boll kam paguar taksa, ndërkohë që ata nuk janë regjistruar asnjëherë.

Sokol Balla: Ka patur një debat në distancë mes disa deputetëve dhe këshilltarit të Presidentit dhe një ish-zyrtari të policisë, Zagani, vetë Presidenti Nishani ka thënë se dëshmia e këshilltarit të tij dhe e Zaganit duhen marrë seriozisht. Çfarë mendimi keni për akuzat për trafik droge ndaj ministri Tahiri?

Edi Rama: Në 2013, 323 hektarë të mbjella, nga këto, goditur vetëm 7 përqind, në 2015 44 hektarë, 8 herë më pak dhe të mbjella në zonat më të thella dhe 43.2 të asgjësuara. Tani e kuptoni ndryshimin apo jo? Si nata me ditën. Nuk janë shifra të miat apo të Ministrisë së Brendshme, janë shifra të Guardia di Finanza që ka prej vitesh një praktikë të vendosjes në tryezën e ministrit të Brendshëm të Shqipërisë të fotografimeve ajrore. Ne kemi reaguar me forcë dhe nëse kultivimi është ulur, ai do të ulet.

Sokol Balla: Edhe avionët me drogë do ulen?

Edi Rama: Fakti që ndërmerren këto lloj aksionesh të çmendura është sepse hapësirat janë ngushtuar maksimalisht dhe nuk është si më parë që autobotet kalonin në autostradë dhe i nderonte policia. Janë interesa të mëdha, ajo bima… janë paratë që digjen bashkë me bimët që asgjësohen dhe këto interesa krijojnë një kundrareagim të fortë nga segmente të caktuara të politikës, medias dhe fatkeqësisht zëdhënësja më e madhe e tyre është PD.

Sokol Bala: Keni edhe një deputet i afërt i juaji që kërkon legalizimin…

Edi Rama: Ajo është çështje tjetër që nuk ka lidhje me kultivimin. Por ky nuk është rast tipik shqiptar. Kudo ku luftohet droga, dalin nga radhët e policisë, nga radhët e shërbimeve të gjoja luftëtarëve, por heroi që kreu i shtetit sugjeroi që duhet marrë seriozisht, është një i kërkuar nga policia, i arrestuar për bashkëpunim me një person tjetër të Guardia di Finanza në dekonspirimin e operacioneve kundër drogës. Ky person është arrestuar. Gjykata i ka dhënë detyrim paraqitjeje dhe sot është në kërkim azili në një vend tjetër. Ca për t’i shërbyer kauzës së të humburve këtej dhe ca për të siguruar azilin atje tregon përralla. Si është e mundur që një njeri në kërkim ta promovojnë si hero. Ai është një kriminel. Ky është një vend ku nga një anë ka një koshere grenzash, një miks politik, mediatik dhe ekonomik sepse interesat që po preken në këto dy vite janë interesa të mëdha që nuk janë prekur kurrë.

Sokol Balla: Thoni që ka qarqe mediatike dhe politike të lidhura me trafik droge?

Edi Rama: Secili ka të vetat dhe ëhtë një koshere që përpiqet të ngatërrojë dynjanë duke thënë që në qeveri na paska ardhur krimi. Po si ka ardhur krimi kur rezultatet luftës ndaj krimit të kësaj qeverie janë më të lartat në 20 vite? Si qenka rritur krimi kur shumica dhe qeveria godasin pa asnjë tolerancë brenda vetes?! Si paska ardhur krimi?!

Sokol Balla: Rikthehemi në këtë pjesë të dytë me kryeministrin Edi Rama. Intervista jonë po ndiqet aktualisht në Twitter dhe një nga reagimet e shumta është ky: “Zagani na qenka fajtor, derisa të provohet pafajësia, ndërsa Ndoka është i pafajshëm, derisa drejtësia të provojë të kundërtën”…

Edi Rama: Nuk dua të zgjatem shumë me këtë, por ai i pari është fajtor sepse ka shkelur vendimin e gjykatës dhe është arratisur në drejtim të paditur, ndërkohë që lidhjet e tij me agjentët e Guardia di Finanza-s janë të provuara ashtu si dhe dekonspirimet e tij. Ndërsa i dyti, ish-deputeti Ndoka ka deklaruar se largohet për t’i shkuar deri në fund një çështjeje drejtësie, për ta provuar pafajësinë e tij përpara syve të të gjithëve dhe për këtë duhet përgëzuar. Dua të them se këto dy raste nuk kanë lidhje me njëra-tjetrën.

Sokol Balla: Në fakt është vërejtur edhe mosdakordësia mes ministrit të Brendshëm, Saimir Tahiri, dhe propozimit të deputetit, Koço Kokëdhima, për legalizimin e kanabisit.

Edi Rama: Argumentet lidhur me legalizimin e kanabisit për përdorim, siç është bërë edhe nga shumë shtete të tjera sot, nga SHBA-të, Italia e disa vende latine, për qëllime mjekësore, pa kaluar edhe te pjesa kreative, që ka fituar terren në shumë shtete; kanë marrë hov mbi shprehjen se represioni nuk është zgjidhja për ta ndaluar përfundimisht këtë ves, por këto janë argumente për të cilat nuk i ka ardhur koha në Shqipëri të diskutohen. Si argumente nuk janë as kriminale, as të dënueshme dhe as për t’u konsideruar ilegjitime. Kemi parë shumë vende të botës që e kanë legalizuar për çështje mjekësore, ashtu sikurse ka edhe vende që e kanë legalizuar për përdorim, në mënyrë që ta heqë njëherë e mirë nga duart e kriminelëve. Këto janë argumente demokratike dhe deputetët kanë të drejtë të japin opsionet e tyre, por qëndrimi ynë është i qartë dhe i prerë: Jemi ende larg kohës, kur mund ta çelim këtë diskutim, sepse në radhë të parë duhet të çmontojmë rrjetin dhe aktivitetin kriminal.

Sokol Balla: Kalojmë te rrjedhja në shtyp e një dokumenti të OSBE-së që kaloi me një mbrojtje të dobët nga ju, duke deklaruar se këto janë fakte të mbledhura nga shtypi. Por shumë kolegë të mi kanë vërejtur se këto gjëra nuk janë publikuar ndonjëherë në shtyp.

Edi Rama: Nuk dua të komentoj për këtë, sepse si kryeministër mendoj se etikisht është një çështje, që duhet diskutuar mes nesh fillimisht dhe me organizatën më pas. Por roli i mediave, që e publikuan atë dokument, ka qenë skandaloz dhe kriminal. Për arsyen e thjeshtë, sepse e publikuan si raport konfidencial të OSBE-së, në një kohë që nuk ka qenë i tillë. Të marrësh përsipër të publikosh një dokument të asaj natyre, duke qenë i qartë se ajo që shkruhej aty ishte produkt i shtypit shqiptar dhe thashethemeve të tij, dhe ta quash raport konfidencial, në një kohë që nuk shkruhet aty, është kriminale, sepse i jep legjitimitet një misteri, sikur zbulon fije të jashtëzakonshme që gjithë këta njerëz janë lidhur me krimin.

Sokol Balla: Top Channel ka nxjerrë para pak vitesh një copë letër “Presheva Talking Points”, që në fakt rezultoi i vërtetë…

Edi Rama: Ama e vërtetuat, sepse etika e një medieje, kur ka një dokument të tillë, është që të marrë verifikimin përpara se ta botojë, duke u këshilluar edhe me vetë organizatën. Nuk duhej shitur si diçka e provuar, një gjë që nuk është e verifikuar, sepse ajo përhapet në Kosovë, Greqi, Itali, Maqedoni e në botë, duke përhapur një imazh tepër të keq për Shqipërinë. Sigurisht që politika nuk është arena ku vallëzojnë ëngjëjt, e si çdo fushë tjetër ka edhe pjesën e vetë të pakontaminuar, sikurse edhe atë të kontaminuarën, ka edhe pragmatistë e të korruptuar, si çdo fushë tjetër, por nëse do të bënit një skanim moral dhe etik, mos mendoni kurrë se media do të dilte më pak e ndotur moralisht dhe etikisht se politika.

Sokol Balla: Morali është individual, ndërsa sa i përket shkeljes së ligjit, atëherë kapini dhe nxirrini para ligjit shkelësit.

Edi Rama: Lidhur me raportin, jo publikimi që është legjitim, por mënyra e publikimit është kriminale. Është mashtrim i opinionit publik, sepse ke marrë një dokument dhe i ke vënë epitetin konfidencial. Nuk është raport sekret, diçka e pavërtetuar e tillë.

Sokol Balla: Edhe OSBE e quajti material për konsum të brendshëm, duke i bërë një mbrojtje të vakët.

Edi Rama: Nuk dua t’i bëj koment qëndrimit të OSBE-së.

Sokol Balla: Po raporti konfidencial që doli në lidhje me një aferë në CEZ, që përfshinte edhe aleatin tuaj më të madh? A nuk ju duket kjo si një sulm i koordinuar për të përçarë qeverinë?

Edi Rama: Nuk besoj se ka ndonjë komplot të madh kundër qeverisë këtu, por ka një paaftësi të madhe që kthehet në një barrë të madhe ndaj popullit me keqinformimin që bëhet. Duket sikur kush do që ta nxijë Ilir Metën, ka të gjitha mundësitë që ta bëjë, kush do që të përfitojë nga kjo politikisht, e bën sipas dëshirës së vet. Por askush nuk ka dhënë një version zyrtar mbi çështjen, sepse shefja e zyrës sime në këtë diskutim të përhapur nga BIRN, ka thënë se “nuk është përmendur specifikisht emri i Ilir Metës”.

Sokol Balla: Një koment i juaji, zoti kryeministër, për deklaratën e Enno Bozdos, për daljen e këtij raporti nga Kryeministria dhe jo nga BIRN-i?

Edi Rama: E dini atë shprehjen që çdo njeri mban përgjegjësi për fytyrën e tij? Atë e tradhton fytyra, sepse është hallexhiu i radhës që punon te SHQUP-i. Unë kam një pamundësi të plotë për ta ndarë fjalën, fytyrën, veprën e dikujt kur bëj një gjykim. Ajo është fytyra e një njeriu, që është sjellë aty për të bërë një punë dhe, si gjithë të tjerët, nuk kanë fare të drejtën dhe mundësinë të mendojnë. Ai është përçues, thjesht ka ardhur aty për ta thënë këtë gjë. S’ka faj ai, fajin e keni ju që i ftoni këta karagjozë dhe i lejoni të flasin ato gjëra që janë hartuar nga zyrat e tyre. Kjo është PD-ja e vërtetë në fakt, një grup njerëzish që u thonë ‘bëj detyrën duke thënë kështu’, e me këtë ata sigurojnë bukën e gojës. Të thuash që ky gënjen është diçka që nënvlerëson edhe gënjeshtrën. Ai është tërësisht me një vakuum në kokë dhe vjen këtu të deklarojë diçka, por i paaftë të formulojë çfarë mendon vetë për një ëështje të tillë.

Sokol Balla: Meta deklaroi se ishte larë në të njëjtin det me ju. Ju u përgjigjët një ditë më vonë se, me të do të takoheshit kur të mbaronin pushimet. A jeni takuar?

Edi Rama: Vera ka kaluar dhe bashkë me të kanë ikur edhe retë, që ngritën avujt e kësaj vere.

Sokol balla: Si shkoi takimi i parë me Metën, pas 3 muajsh pa u takuar me të?

Edi Rama: Kush tha që nuk jam takuar? Marrëdhëniet e mia me të janë shumë të mira dhe aspak problematike, sa për të lexuar mediat apo intervistat, që të kuptojmë që mes nesh paska probleme.

Sokol Balla: A kanë ndërkombëtarët probleme me Ilir Metën, si njeri politik?

Edi Rama: Ndërkombëtarët kanë shumë respekt, për mënyrën sesi Ilir Meta drejton Kuvendin e Shqipërisë.

Sokol Balla: Keni lënë përshtypje këto muajt e fundit se takoheni më shpesh me Vuçiçin, sesa me Metën.

Edi Rama: Duhet të bënit një batutë më të mirë sesa kaq.

Sokol Balla: Ndërkohë, ju dhe qeveria juaj “po i bëni një make up Serbisë”, sipas Presidentit të Republikës.

Edi Rama: Nuk do ta besoja se Shqipëria është duke u bërë “make up” për Serbinë, por fakti që e pash dhe e dëgjova vetë, faktikisht e paska thënë, më tmerron, por jam zotuar se nuk do të bëja replika në publik me institucionin e Presidentit të Republikës, jo me Bujarin si individ.

Sokol Balla: Keni një deklaratë të Presidentit drejtuar jush, në lidhje me mënyrën sesi po e drejtoni marrëdhënien mes Shqipërisë e Serbisë, kur në mes është edhe Kosova.

Edi Rama: Po të ma kishit thënë ju apo ndonjë gazetar tjetër, do të thoja çfarë batute jeni duke bërë, por meqë e pash vetë çfarë tha, po i qëndroj vendimit tim për të mos replikuar me institucionin e Presidencës në publik, për t’i dhënë fund një epoke të kaluar, kur kryeministri i thoshte Presidentit dhe kryeprokurores “horr dhe lavire bulevardi”. Çfarë ka bërë Shqipëria në politikën e jashtme në këto dy vite dhe në raport me rolin e saj në rajon, por edhe çuarjen përpara të axhendës së bashkëpunimit rajonal, është një model për të cilin duhet të jem unë krenar, por edhe ne të gjithë krenarë. Kemi marrë një imazh të ri si komb dhe si shtet, që ka interesa dhe që i mbron ato pa bërë konjukturat e rastit. Afrimi ynë me Serbinë dhe ndërtimi pak nga pak i partneritetit serioz me Serbinë do të sjellë përfitime për shqiptarët dhe serbët, ashtu siç kanë përfituar edhe deri më sot, si një nga zgjidhjet më të mira për gjeneratat e ardhshme.

Sokol Balla: Do ta ftonit kryeministrin serb Vuçiç për ndeshjen e tetorit?

Edi Rama: Unë e kam ftuar dhe ai e ka pranuar ftesën për të qenë i pranishëm në “Elbasan Arena”. Madje ai tha se “ne do të fitojmë në Tiranë”, ndërsa unë iu përgjigja se “nuk e vendoste ai se kush do të fitonte, as që do të fitonte ai, por do të fitonin djemtë në fushë dhe ne do të duartrokisnim fituesin”. Ka pranuar dhe deri më tani është në fuqi ardhja e tij.

Sokol Balla: Por për Presidenten Jahjaga nuk e keni bërë një ftesë të tillë.

Edi Rama: Nuk ka asnjë problem dhe janë të ftuar të vijnë të gjithë liderët e rajonit.

Sokol Balla: Thuhet se ju e keni një armik në vëzhgim Presidentin dhe dyshohet se e keni vënë në përgjim.

Edi Rama: Nuk dua të bëj replika, por besoj se kjo është një ëndërr e keqe, prej së cilës Presidenti i ka të gjitha rrugët për t’u çliruar, sepse aty i ka dhe mund t’i bëjë hetimet nëpërmjet Shërbimit të Inteligjencës apo prokurorit të Përgjithshëm.

Sokol Balla: Në Presidencë ka pasur përgjithësisht emra që kanë ardhur nga e djathta, ndërkohë që nga e majta kanë qenë vetëm zoti Rexhep Mejdani dhe Ramiz Alia, për shumë pak kohë. A do të ketë një President Shqipëria, të paktën të propozuar nga e majta?

Edi Rama: Është shumë herët të flasim për këtë, sepse çdo mundësi për të dalë në një intervistë në një media të tillë, me një audiencë kaq të madhe, do të ishte më mirë ta shfrytëzonim të flisnim për çështje që i përkasin më shumë popullit, si varfëria, ekonomia etj., dhe jo të merremi me gjëra të tilla, kur ka ende kohë për të shkuar deri atje.

Sokol Balla: Siç e lamë, në fund do të flasim për ekonominë. Keni paralajmëruar dhe tashmë ka nisur operacioni ndaj informalitetit. Reagimet janë nga shkelësit?

Edi Rama: Po e kemi nisur dhe i kemi pritur reagimet, madje prisnim edhe më shumë, sepse ato vijnë nga një shtresë që i prishet rehati pas një kohe të gjatë informaliteti dhe shkeljesh ndaj shtetit. Një dyqan paguante detyrimet dhe tjetri në krah nuk paguante asgjë, e për më keq, i pari trajtohej si budalla nga qeveritë e mëparshme, ndërsa ata të dytët si të mençur. Ne përfaqësojmë popullin e drejtë dhe të ndershëm dhe do t’i shkojmë deri në fund. Thika do t’i shkojë deri në palcë këtij kanceri të shkaktuar nga ata që kanë përfituar në informalitet, sepse kështu do të verifikohet edhe vërtetësia e këtij operacioni. Ne jemi të parët që po bëjmë inventarin e një shtëpie të lënë rrëmujë prej 20 e kusur vitesh.

Sokol Balla: Por ju duhet ta konsideroni biznesin si partner dhe jo si rival.

Edi Rama: Ne po vendosim rregull në një shtëpi që është bërë corap në 20 e kusur vite. Kjo do mund, do kohën e vetë dhe sakrificat e veta. Por ata që respektojnë rregullat të quhen budallenj dhe ata që i shkelin ato të quhen si të zgjuar ka marrë fund. Koha e rrumpallës ka marrë fund dhe kanë fituar c’kanë fituar, tashmë duhet të konkurrojnë në mënyrë të ndershme. Ekonomia është më e vështira për të krijuar lumturi e kënaqësi për të krijuar kushtet e mira dhe vendet e reja të punës. Së pari jemi në përfundim të shlyerjes së borxheve, nga një shtëpi ku i zoti kishte luajtur kumar gjithë pasurinë e shqiptarëve. Trashëguam një vend të zhytur në borxhe të fshehura dhe të marra me dhunë nga qeveria nga xhepat e atyre që duhet të furnizonin spitalet, shkollat etj etj… Nuk ishin pak por 720 milionë dollarë, që për buxhetin e Shqipërisë janë jashtëzakonisht shumë.

Sokol Balla: Sa ishte borxhi në 2013 dhe sa është sot?

Edi Rama: Ne nuk kemi rritur borxhe, por kemi legalizuar borxhet. Kemi hyrë në një program me FMN që është partneri më i vështirë për çdo qeveri. Nëse do të kishim një gropë në të ardhurat…

Sokol Balla: E keni 160 mln euro…

Edi Rama: …nëse do të kishim një gropë që do të ishte krijuar nga arsyet që thotë opozita, apo edhe nga media që as duan t’ja dinë fare për të bërë një hulumtim të vërtetë të vërtetës, sot do të ishim në divorc me FMN, por nuk është kështu, sepse është një partneritet me një program. Këtu është një program financiar dhe Fondi mbi bazën e një programi ka kontribuar financiarisht. FMN nuk bën shaka me lekët e veta, nëse do të ishte kështu do të ishim në divorc me të. Është e qartë që kemi bërë një plan dhe ajo që është hendeku mes planit që ishte parashikimi ynë dhe të ardhurave është një hapësirë ku ajo që mungon shpejgohet në pjesën dërrmuese të vetën me çështje që nuk kanë lidhje me qeverinë shqiptare. Që nga rënia e naftës, inflacioni, rënia e interesave, që në ekonomi kanë bërë mirë, ndërsa si të ardhura nuk kanë sjellë sipas parashikimeve tona. Morëm një situatë me një stanjacion dërrmues, me një rritje të vazhdueshme të papunësisë reale, me borxhe që këtë vit i mbyllim dhe nuk kemi më punë me to dhe jemi sot me një ekonomi që është rritur 2.82 përqind në tremujorin e parë, synojmë këtë vit rritjen me 3 përqind. Nuk është e mjaftueshme që të ndjehet realisht në familje, por të mos harrojmë që për të shkuar aty ku duan njerëzit, nuk është as e lehtë dhe as pa mundime. Të gjithë këta përbërës të tjerë, energjia që vidhej, kontributet që nuk paguheshin, kush i paguan në fund si kosto? Pensionistët, ata që janë kontributorët realë dhe gjeneratat e tjera. Ky është një proces rimëkëmbje i një vendi që është në operacion akoma.

Sokol Balla: Sa vende të reja pune janë krijuar nga 2013 e sot?

Edi Rama: Janë sot të regjistruar në librat e shtetit 531 mijë njerëz. Janë 106 mijë më shumë sesa në 23 qershor, njerëz që janë në librat e shtetit në sektorin jobujqësor. Ju siguroj që objektivi ynë është i arritshëm duke marrë parasysh që kjo periudhë që ka shërbyer për të rimëkëmbur imazhin e Shqipërisë, ka përgatitur kushtet që të nisin investimet e mëdha. Para pak javësh kemi shpallur në Financial Times konkursin për zonën e parë ekonomiko-industriale në Spitallë. Kemi oferta serioze nga kompani të mëdha për këtë. Kemi investitorë të mëdhenj në fushën e naftës, në fushën e energjisë. Jemi të qartë në këtë pikë dhe unë jam i pari që besoj se për të arritur të transformojmë ekonominë duhet punë, sakrifica. Është hera e parë që ka një proces serioz shtetbërje. Sot kemi gjykata të korruptuara që nuk u japin kolateralin bankave dhe pengojnë zhvillimin ekonomik.

Sokol Balla: Këtë do ta zgjidhë reforma në drejtësi?

Edi Rama: Reforma në drejtësi është një masë që do të çlirojë zhvillimin në ekonomi.

Sokol Balla: Përmendet disa faktorë që thatë që ndikojnë në mosarritjen aty ku doni në ekonomi…

Edi Rama: Ne jemi brenda objektivave tona, por unë jam i bindur që koha do ta provojë që nëse do të vëmë në binarë shtetin dhe në binarët e ligjshmërisë sektorët e ekonomisë, do të rriteshim ekonomikisht shumë më shumë.

Sokol Balla: Në një e-mail, që u bë publik ju i drejtoheshit ministrave….do bëni apo jo ndryshime në Qeveri?

Edi Rama: Ajo që unë kam patur qëllim që në fillim dhe që mendoj se po shkon ashtu siç duhet, është që për herë të parë Shqipëria të ketë një Qeveri që është skuadër. Jemi në kushtet e një dokumenti dhe kam edhe të tjera unë që komunikoj me ministrat, por ai është nxjerrë nga konteksti. E-maili për të shtyrë përpara punën e skuadrës.

Sokol Balla:  Pra nuk do ketë ndryshime?

Edi Rama: Jo.

Sokol Balla: Shteti që i paguajmë taksa, presim që shtetit të zbatojë detyrimet që ka ndaj nesh. Duket sikur shteti është shumë i shpejtë tek dajaku, por shumë i ngadaltë tek shërbimet dhe detyrimet që ka ndaj nesh.

Edi Rama: Sikur shteti të ishte në gjendje që të kryente shërbimet pa patur nevojë për të vënë rend ligjor në çdo sektor, atëherë pse duhej rendi ligjor në çdo sektor. Shtetet që kryejnë shërbimet me shpejtësi janë shtete që i kanë zgjidhur problemet e individit në raport me shtetin. Që ne të ulim taksat më shumë, të rrisim rrogat dhe pensionet, duhet që të administrojmë kontribute dhe nëse nuk kontribuojnë të gjithë, por vetëm një pjesë, atëherë edhe aftësia jonë është e përgjysmuar. Ne jemi përqendruar që ditën e parë tek policia. Në fushatën e 2013-ës, qoftë në takime dhe anketime, për të renditur problemet kryesore, kryesori ishte rendi. Sot jemi në kushtet kur kemi një polici që reagon. Nuk është policia që unë dhe ministri duam, që shqiptarët duan. Është e sigurtë që policia ka ende probleme, por reagon.

Marrë me shkurtime nga Top Story

Në Shqipëri, kreditë e këqija bankare janë pakësuar nga 25 në 20 për qind. Guvernatori i Bankës së Shqipërisë, Gent Sejko, deklaroi se kreditë problematike për më shumë se 3 vjet janë fshirë nga sistemi për të lehtësuar punën e përditshme të bankave, por ato nuk janë falur. Ai deklaroi sot në një takim me bankat se një rritje më e madhe ekonomike do ta rriste edhe kreditimin.

Banka e Shqipërisë shprehu sot shqetësimin se vëllimet e kreditimit në ekonomi janë ende shumë të ulëta, ndërsa kreditë e këqija janë ende shqetësuese dhe në një nivel të lartë.

Guvernatori i Bankës së Shqipërisë, Gent Sejko tha sot se kreditë e këqija u luën nga 25 në 20 për qind.

Megjithatë shqetësimi mbi kreditë e këqija është ende shumë i madh.

Zoti Sejko i bëri këto komente në një konferencë të përbashkët me bankat private në vend dhe me përfaqësues të qeverisë.

Bankat morën vendim të fshijnë nga statistikat e tyre negative kreditë equajtura të humbura për një periudhë më të gjatë se 3 vjet.

Pastrimi i të dhënave të vjetra nxit bankat drejt kreditimit të ri.

Megjithatë theksoi guvernatori Sejko, kreditë e këqija nuk falen, pavarësisht se fshihen nga bilanci i bankave, por janë gjithmonë në ndjekje.

Banka e shqipërisë ka kërkuar bashkëpunimin e qeverisë për t’u koordinuar me institucionet në shërbime si ligji i falimentit.

Kreditë vonohen nga gjykatat dhe përmbarimi.

Ulja e rritjes ekonomike në vend ka bërë që kërkesa të jetë e paqëndrueshme.

Nëse ekonomia do të rrite më shpejt edhe kreditimi do të shtohet dhe kreditë me probleme do të korigjohen në një kohë të shkurtër. (voa)

Qeveria ka nisur paralelisht studimin e fizibilitetit dhe hartimin e masterplanit për ndërtimin e rrjetit të shpërndarjes së gazit në vend, por nuk ka ende një marrëveshje me konsorciumin TAP për sasinë e gazit që do të shkojë për tregun shqiptar.

“Gjatë negociatave që janë bërë me TAP vitet e kaluara, mund të ishte negociuar më mirë pjesa e një sasie të dedikuar për tregun shqiptar pasi nga 10 miliardë metër kub që do përcjellë TAP nga kufiri i Greqisë me Turqinë në Itali, 8 miliardë janë prenotuar nga Italia, 1 miliardë nga Bullgaria dhe 1 miliardë nga Greqia. Ndërkohë që Shqipëria nuk ka prenotuar”, tha Endri Puka, drejtor i Albpetrolit.

Por përfaqësuesi i TAP për Shqipërinë, Shkëlqim Bozgo thotë se pavarësisht sasisë fillestare që do të transportohet me nisjen e punës në vitin 2019, gazsjellësi parashikohet të punojë me regjime më intensive se në fillim, duke lënë të hapur mundësinë e përfitimit të gazit për Shqipërinë.

“Pavarësisht se 10 miliardët e parë të kapaciteteve tashmë janë të caktuara, sërish ekziston mundësia që për nevojat konkrete që mund të ketë Shqipëria të gjendet hapësirë na kapacitetet e TAP. TAP-i shumë lehtë mund ta rrisë kapacitetin nga 10 deri në 20”, tha Bozgo, drejtor i TAP-it për Shqipërinë.

Përfaqësuesi i Entit Rregullator të Energjisë thotë se para nënshkrimit të marrëveshjeve për përfitimin e gazit nevojitet ndërtimi i infrastrukturës që duhet të jetë e gatshme brenda tre viteve.

“Kur të vijë gazi, nëse nuk paguan këtë sasi gazi, ti do paguash gjobën, nuk është kollaj”, tha Maks Shuli, përfaqësues i ERE-s.

Konsumatorët e parë që mund të përfitojnë nga gazi natyror çka që do të sillte kosto më të ulët në veprimtarinë e tyre janë TEC-i i Vlorës, rafineritë e Ballshit dhe Fierit si dhe Bankers, nevoja e të cilave përllogaritet në 500 mln metër kub.

/ Top Channel

Shefja e misionit të vëzhguesve ndërkombëtarë për zgjedhjet lokale të 2015-s, Audrey Glover raportoi përpara Komitetit të Jashtëm të Parlamentit Europian konkluzionet e raportit përfundimtar për këtë proces elektoral.

“Është interesant fakti që PS, PD dhe LSI deklarojnë të gjithë se kanë vullnet dhe janë të gatshëm për të zbatuar rekomandimet, por duhet mbajtur shënim gjithashtu se shumë prej këtyre rekomandimeve janë shfaqur në raportet e zgjedhjeve të kaluara dhe nuk janë zbatuar deri më sot. Konkluzioni i raportit përfundimtar mbi zgjedhjet thotë siç po e citoj: Pavarësisht parregullësive, kuadri ligjor mund të ofronte bazën për zgjedhje demokratike. Megjithatë, partitë kryesore keqpërdorën shtrirjen e pushtetit dhe të përgjegjësisë së tyre brenda administratës zgjedhore dhe mungoi vullneti politik për ta zbatuar atë efektivisht”, deklaroi Glover.

Me një përvojë të mirë zgjedhjesh shqiptare që prej vitit 1996, ambasadorja Glover insistoi gjatë fjalës së saj mbi 3 çështje thelbësore: 1 – zbatimin e rekomandimeve në përgjithësi e veçanërisht ato më të përsëriturat në raport; 2 – që të bëhen ndryshimet e nevojshme ligjore të paktën një vit përpara zgjedhjeve të 2017, në mënyrë që elektorati të njihet me normat e reja në kohë; dhe 3- reforma e drejtësisë.

“Një punë impresionuese mund të arrihet vetëm nëse komuniteti ndërkombëtar punon së bashku për të plotësuar punën e vet, duke mënjanuar kështu dublikimet”, tha Glover.

Konkluzionet e raportit përfundimtar të vëzhguesve të huaj pritet të përfshihen plotësisht në raportin vjetor të Komisionit Europian për Shqipërinë.

“Kur bëhet fjalë për vlerësimin e zgjedhjeve ka vetëm një mision vëzhgues ndërkombëtar dhe ne e mbështesim të gjithë me aq sa mundemi. Unë theksoj se pajtohemi plotësisht me raportin, analizën e tij dhe rekomandimet e bëra”, tha ambasadorja e BE në Tiranë, Romana Vlahutin.

Ambasadorja e BE-së foli mbi fushatën sensibilizuese parazgjedhore, e përqëndruar enkas mbi votën familjare, dekriminalizimin e politikës dhe pjesëmarrjen aktive të shoqërisë civile në mbikqyrjen e zgjedhjeve. Sipas saj, depolitizimi i zgjedhjeve është parësor, por po kaq të rëndësishme në fjalën e saj ishin dhe reforma e drejtësisë, pavarësia editoriale e medias dhe transparenca e financimit të partive politike.

“Ky është një problem i madh. Ne ende nuk kemi raporte monitoruese mbi mënyrën se si u financuan partitë në këto zgjedhje. Së fundi, ne duhet të bëjmë më shumë përpjekje për t’u dhënë qytetarëve fuqi që të jenë pjesëmarrës më aktivë për të vëzhguar zgjedhjet”, nënvizoi më tej Vlahutin.

Siç pritej, seanca dëgjimore mbi zgjedhjet lokale në Shqipëri nuk pati shumë debat. Vetëm 4 eurodeputetë shprehën qëndrimet politike të grupeve kryesore.

“Zonja Glover dha një tablo të qartë për zgjedhjet lokale: pati hapa pozitivë, por dhe një sërë parregullësish si: akuzat për blerjen e votës, politizimi i administratës zgjedhore, mungesa e transparencës për financimin e partive politike e kështu me radhë. Këto janë anët negative të raportit dhe po kuptoj se rekomandimet që duhet të ishin zbatuar kohë më parë, nuk janë plotësuar ende. Prandaj mendoj se të dy palët, qeveria dhe Parlamenti shqiptar duhet të garantojnë se do punojnë mbi këto çështje për t’i zbatuar”, tha Knut Fleckenstein, raportues për Shqipërinë në PE.

“Këto janë probleme shumë serioze ku duhet të jetë e qartë përgjegjësia e marrë politike. Të gjitha këto çështje të mirëpërmendura në raport më japin përshtypjen se zgjedhjet e fundit lokale në Shqipëri nuk mund t’i përshkruajmë në të vërtetë si të lira e të ndershme. Personalisht jam shumë i shqetësuar edhe mbi një çështje tjetër në Shqipëri, dekriminalizimin e politikës. Megjithëse këto zgjedhje përbënin një shans për partitë politike që të merreshin me çështjen e dekriminalizimit, reagimi ishte shumë i mjegullt. Në fakt, unë nuk shoh ndonjë progres të qartë mbi këtë nga ana e qeverisë përgjatë 9 muajve të fundit”, tha Eduard Kukan, ndjekës-raportues për Shqipërinë, nga PPE.

“Zgjedhjet lokale ishin kyçe, sipas shumë analistëve, për të nxitur më tej ritmin e vendit drejt plotësimit të objektivit të Shqipërisë për nisjen e negociatave. Ashtu si dhe në zgjedhjet e kaluara, ato e plotësuan vetëm pjesërisht këtë dhe pati mjaft parregullësi”, u shpreh Ilhan Kyuchyuk, grupimi liberal ALDE.

“Unë isha në Shqipëri si pjesë e delegacionit këtë fillimviti, 6 muaj përpara zgjedhjeve dhe kujtoj se kishte mosmarrëveshje të vazhdueshme mes opozitës dhe partive në pushtet, shumë presione e madje dhe kërcënime, apo shprehje të dhunës, çfarë ishte një situatë tërësisht e papranueshme”, deklaroi Igor Soltes nga grupimi i të gjelbërve.

Ambasadorja e Delegacionit të BE-së në Tiranë, Romana Vlahutin njoftoi eurodeputetët se gjatë këtij muaji nis dhe puna për përgatitjen e zgjedhjeve të ardhshme të 2017-s dhe se ajo priste ngritjen e një komisioni të posaçëm ad-hoc për këtë qëllim.

/ Top Channel

Rreth 30 mijë fëmijë do të ulen sot për herë të parë në bankat e shkollës, duke nisur një fazë të re e të gjatë në jetën e tyre. Ndërkohë, e hëna shënon fillimin e vitit të ri shkollor edhe për 489 mijë nxënës dhe 36 mijë mësues në të gjithë vendin.

Por me nisjen e vitit të ri shkollor Tirana është përballur me një trafik të rënduar. Kryebashkiaku Erion Veliaj planifikoi një plan për ditën e parë të shkollës për nxënësit e 9-vjeçareve dhe gjimnazeve, i cili duket se nuk është zbatuar.

Në orët e para të mëngjesit (07:00-08:00) rrugët kryesore të kryeqytetit ishin pothuajse të bllokuara nga vargu i makinave.

Të “stresuar” në këtë ditë nuk ishin vetëm fëmijët me prindërit, por edhe qytetarët e tjera të cilët u bllokuan në trafik për shkak të ngarkesës.

Bashkia e Tiranës lëshoi urdhrin e ri më 11 shtator për t’i mundësuar qarkullim të lehtë nxënësve që duhet të nisin shkollën në orën 08:00 .

Sipas urdhrit të kryetarit Veliaj, gjatë ditës ndalohet qarkullimi i mjeteve të tonazhit të rëndë dhe të furgonave të transportit në unazën e vogël të Tiranës. Duket se ky urdhër nuk është zbatuar, pasi në rrugët brenda Unazës u vërejtën furgona, të cilët ndoshta nuk ishin vënë në dijeni për urdhrin e ri.

Ndërkohë sipas Ministrisë së Arsimit, këtë vit do të garantohet transporti për 32 mijë nxënës, të cilët e kanë shkollën mbi 2 kilometra larg vendbanimit, si dhe transporti për 12 mijë mësues që punojnë mbi 5 kilometra nga vendbanimi.

Ndryshe nga shkollat e tjera në vend, në “Shkollën e Kuqe” nxënësit bojkotuan mësimin, pasi së bashku me prindërit kundërshtuan vendimin për të vendosur “Italishten” si gjuhë e parë e huaj pa u konsultuar më parë me ta.

Të gjithë fëmijët, që vitin e ardhshëm do jenë të ulur në bankat e shkollës fillore, sot nisën përgatitjen në parashkollor. Bashkë me nxënësit e 9-vjeçareve dhe të gjimnazeve, nisën mësimin edhe parashkollorët.

Kufizimet e qarkullimit të makinave në brendësi të Unazës së Vogël

Plani i lëvizjes së automjeteve në qytetin e Tiranës përfshin kufizim 24 orë i mjeteve në brendësi të unazës së vogël, përveç veturave, urgjencave, zjarrfikësit dhe autobusëve urban

Gjatë orëve të ditës do të ndalohet qarkullimi i të gjitha mjeteve që furnizojnë dyqanet, marketet apo supermarketet me mallra të ndryshme. Subjektet tregtare mund të kryejnë veprimtarinë e tyre furnizuese nga ora 20.00 e mbrëmjes deri në orën 06.00 të mëngjesit.

Ndërsa nga ora 6.00-20.00 do ndalohet qarkullimi i mjeteve me ngarkesë të përgjithshme mbi 3.5 ton (në Unazën e mesme të qytetit, në brendësi të saj, si dhe në rrugët Sulejman Delvina, Abdyl Frashëri, Ismail Qemali, Elbasanit dhe Blv. Bajram Curri).

Po ashtu nga ora 6.00 – 20.00 ndalohet qarkullimi i mjeteve me ngarkesë të përgjithshme mbi 18 ton (në brendësi të unazës së madhe të qytetit, si dhe në akset kryesore hyrëse në të).

Nga ora 6.00 – 20.00 ndalohet qarkullimi i mjeteve me ngarkesë të përgjithshme deri në 25 ton (në akset kryesore hyrëse në qytet).

/Shekulli Online/

Kryeministri shqiptar Edi Rama zhvilloi të premten një vizitë në Landin e Bavarisë.Ishte hera e parë që një kryeministër shqiptar ftohet për një vizitë zyrtare në Mynih.

Kryeministri shqiptar Edi Rama zhvilloi të premten një vizitë në Landin e Bavarisë, ku ishte i ftuar nga kryeministri bavarez Horst Seehofer për një takim zyrtar. Gjatë këtij takimi, kreu i ekzekutivit nënvizoi së pari marrëdhëniet pozitive mes Shqipërisë dhe Gjermanisë.

Kryeministri bavarez përmendi çështjen e refugjatëve nga Ballkani Perëndimor dhe shprehu preokupimin e tij në lidhje me masat e njerëzve që vijnë edhe nga Shqipëria duke theksuar se njerëzit që vijnë nga Shqipëria nuk mund të kërkojnë azil politik, sepse shansi për t’i pranuar është thuajse zero.

Statusi i vendit të sigurtë të origjinës

Kryeministri Rama kërkoi sërish që Shqipërisë t’i jepet statusi i vendit të sigurtë të origjinës, pasi ky vend i plotëson të gjitha kriteret si i tillë. Rama theksoi se migracioni brenda kufijve të Europës është një fenomen që gjithmonë ka ndodhur në Evropë. Ai e krahasoi situatën me atë të vendeve evropiano-lindore si Bullgaria, pak kohë përpara se të antarësoheshin në Bashkimin Evropian, duke theksuar se edhe ky proces dëshmon sa pranë portave të BE-së ndodhet Shqipëria.

“Rreth nje milion njerëz morën arratinë nga Polonia, Çekia, apo Bullgaria përpara se këto vende të bëheshin pjesë e familjes evropiane. Vetëm 14 për qind e popullsisë donin të rrinin në vendin e tyre. Tani, pas antarësimit në BE të paktën 40 përqind e popullsisë duan të rrinë në venden e tyre.

Rama e njohu kryeministrin bavarez edhe me ecurinë e procesit të Berlinit, si dhe hapat e ndërmarra nga Shqipëria në përshpejtimin e procesit të integrimit europian.

Sistemi dual i arsimit – model i çmuar nga Gjermania

Kryeministri shqiptar theksoi sa i rëndësishëm është bashkëpunimi sidomos në fushën e arsimit profesional mes Gjermanisë dhe Shqipërisë. Bashkëpunimi në sektorin e arsmit profesional ka filluar tashmë të bartë frute qëkur Shqipqria implementoi edhe sistemin dual të edukimit, i cili është një model aq i suksesshëm nga Gjermania.

Nga ana e tij, kryeministri bavarez Horst Seehofer, në fund të takimit u shpreh se mbeti shumë i kënaqur dhe pozitiv nga ky takim:

“Shqipëria dhe Bavaria kanë marrëdhënie politike dhe ekonomike të shkëlqyeshme. Për këtë arsye unë i jam shumë mirënjohës kryeministrit, i cili na vizitoi sot, në mënyrë që ne t’i thellojmë marrëdhëniet që kemi. Ai më ka ftuar në Shqipëri dhe e ka paraqitur Shqipërinë kaq bukur sa që unë jam vërtet shumë kureshtar dhe do ta vizitoj këtë vend.“

Përsa i përket të ardhmes së përbashkët në Evropë, Seehofer u shpreh i bindur se afrimi është vetëm një element kohor dhe theksoi: “Ne do të bëjmë gjithçka që Shqipëria në një kohë të parashikueshme të ketë një perspektivë drejt Europës dhe drejt BE-së.” (dw)