Xhudistja nga Kosova, Distria Krasniqi, fitoi medaljen e argjentë në Lojërat Olimpike në Paris. Ajo humbi në finale nga xhudistja nga Uzbekistani, Diyora Keldiyorova, duke i siguruar Kosovës medaljen e parë në këto lojëra.

Distria Krasniqi garoi në kategorinë deri në 52 kilogramë.

Kjo është medalja e dytë olimpike e Distria Krasniqit pasi në Lojërat Olimpike të mbajtura në vitin 2021 në Tokio ajo kishte fituar medaljen e artë në kategorinë deri 48 kilogramë.

Duke përgëzuar Distria Krasniqin, presidentja e Kosovës, Vjosa Osmani shkroi ne rrjetet sociale se “Kosova është pafundësisht krenare. E argjendta e saj, vërtetë, është me shije ari, sepse Distria do të mbetet përherë kampione që frymëzon një shtet të tërë”.

Kjo është medalja e katërt për Kosovën që nga pjesëmarrja e saj e parë në këto gara në vitin 2016.

Në lojërat e sivjetme Kosova përfaqësohet nga një ekip prej nëntë vetash, duke përfshirë pesë xhudistë.

voa

Akil Gjakova mbetet pa medalje në Lojërat Olimpike Paris 2024

Xhudisti kosovar, Akil Gjakova, ka humbur mundësinë për të fituar medaljen e bronztë në Lojërat Olimpike ‘Paris 2024’, pasi në repesazh është mposhtur nga japonezi Soichi Hashimoto.

Paraprakisht, Gjakova ishte ndalur në gjysmëfinalen e kësaj gare, ku në një duel tejet të fortë në kategorinë -75 kg, është mposhtur me “Wazzari” në “Golden Score” nga garuesi i Azerbajxhanit, Hidayat Heydarov, i cili mban renditjen e numrit një në botë në këtë kategori.

Megjithatë Gjakova ka tregoi një performancë të shkëlqyeshme gjatë rrugës së tij drejt gjysmëfinales, duke triumfuar në katër duele. Po përballja me Heydarov ka rezultuar sfiduese, dhe pavarësisht përpjekjeve të tij të mëdha, kosovari nuk ia dalur.