Thellimi i bashkëpunimit në shumë fusha të ndryshme të qeverisjes lokale, ka qenë temë e takimit që kryetari i Prishtinës, Shpend Ahmeti dhe ai i Tiranës, Erion Veliaj mbajtën të martën në Prishtinë, raporton KTV.

Të dy homologët theksuan se shkëmbimi i përvojave është tejet i rëndësishëm mes dy kryeqyteteve.

Ahmeti ka përgëzuar Veliajn për reformën që po bëhet në Tiranë.
Ndërkohë, Veliaj në pyetjen se a pajtohet me kauzën e Lëvizjes Vetëvendosje për bashkim, ka deklaruar se bashkimi bëhet duke bashkëpunuar në projekte konkrete.

Një takim tjetër i përbashkët ku pritet të marrin pjesë edhe kreu i Ulqinit, Preshevës dhe Tetovës është paralajmëruar më 26, 27 dhe 28 Nëntor në Tiranë. (koha)