Në Maqedoni sundon diktatura dhe në një situatë të tillë nuk mund të bisedohet për zgjedhje. Shkurt kjo është përgjigjja e Nikolla Dimitrovit, pas apelit të Nikolla Gruevski për të matur forcat në zgjedhje me të gjithë që kërkojnë largimin e tij, si shef i VMRO-DPMNE-së. Duke komentuar qëndrimin e kryeministrit, kryesuesi i të ashtuquajturës “treshja holandeze” në një intervistë për “360 shkallë”, citoi definicionin për “diktaturë” nga enciklopedia britanike.“Diktaturat zakonisht zbatojnë frikësim dhe mashtrim që të arrijnë në pushtet politik. Atë e mbajnë përmes frikës, terrorit dhe shkeljes së lirive të qytetarëve. Gjithashtu, përdorin teknika të propagandës masive që ta mbajnë mbështetjen publike. Elementi kryesor në këto sisteme është se shteti barazohet me partinë, ndërsa partia me liderin. Ideologjia faktikisht është legjitimiteti dhe mbajtja e regjimit. Tani, unë nuk mund të them si do ta definojmë fjalën “terror”, por një pjesë e madhe e këtyre elementeve të definimit, për fat të keq, pasqyrohen në Maqedoni. Ne patjetër duhet së pari, ta zgjidhim këtë problem, ndërsa përzgjedhje do të jetë më lehtë, kur do ta zgjidhim problemin me institucionet”, tha Nikolla Dimitrov, ish-ambasador dhe negociator për emrin.

Ish-ambasadori dhe negociatori për emrin, Nikolla Dimitrov, është pjesë e grupit të cilin e udhëheq edhe ish-zëvendësministri në qeveritë e Gruevskit, Vlladimir Lazareviq, dhe ish-sekretari shtetëror, Pero Dimshovski. Në përgjithësi, ata kërkojnë mbështetje brenda VMRO-DPMNE-së për reforma në parti pa aferës me përgjimet. Grupin e dytë, Forumi i patriotëve të lirë e udhëheq profesori Jove Kekenovski. Ata dje kërkuan falje në emër të VMRO-DPMNE-së për të gjitha veprat e kryera në disa vitet e kaluara, por edhe kërkuan dorëheqja nga shefi i partisë, Nikola Gruevski. Kryeministri edhe njërës, por edhe palës tjetër dje i rikujtoi se në zgjedhjet e fundit partia me të cilën udhëheq ka fituar numër rekord të votave. Gruevski tha se nuk ka asgjë kundër që t’i matë forcat në zgjedhje, duke menduar në zgjedhje të përgjithshme, e jo në ato partiake. Alsat-M