Në disa shkolla të vendit me vendim të Ministrisë së Arsimit janë dërguar mësimdhënësit e parë zëvendësues për të mbajtur procesin mësimor, për shkak të grevës.Persona që janë deklaruar si arsimtarë të lëmive të ndryshme kanë shkuar sot në disa shkolla të Shkupit, po zhvillohet greva.

Ministria e Arsimit dje kishte kërkuar nga sekretarët e shkollave që të dërgojnë listat e mësimdhënësve që janë në grevë.

Lidhur me këtë vendim ka reaguar Sindikata e Arsimit, Shkencës dhe Kulturës (SASHK), e cila ka theksuar se me këto kte po bëhet presion dhe frikë ndaj mësimdhënësve, për të ndërprerë grevën. “Në disa shkolla në Shkup janë sjellë mësimdhënës nga shkollat e tjera të cilët janë mësim në ndërrim të dytë, apo varësisht prej orarit të tyre. Ata kanë dërguar njerëzpavarësisht se nuk kanë përgaditjen e duhur apo adekuate profesionale për lëndët e caktuara”, theksuan nga SASHK.

Sindikata prej dje vendosi fillimin e grevës dhe se ky vendim është përkrahur nga shumë shkolla në komunat e vendit. SASHK kërkon rritjen e rrogave për 25 për qind për punonjësit e arsimit si dhe përmirësimin e kushteve në procesin mësimor në arsimin e mesëm dhe fillor. (INA)