Ambasadori i Shteteve të Bashkuara të Amerikës, Jess Bailey, iu bëri thirrje studentëve të Republikës së Maqedonisë që të ngrisin zërin për të drejtat e tyre.

Ai tha se në Maqedoni, mundësia për veprim është gjithandej, prandaj ftoj studentët që të angazhohen gjatë zgjedhjeve, të raportojnë parregullsitë dhe korrupsionin në autoritetet kompetente ose ne media.

“Mënyra e vetme që të ndryshohet diçka është që të angazhoheni”, tha Bailey, njofton Portalb.Profesoresha e Fakultetit të Drejtësisë në UKIM, tha se edhe mediat në Maqedoni shkelin shumë nga të drejtat e njeriut, si presumcionin e pafajësisë, të drejtat e grave dhe të drejtat e fëmijëve.

Këto komente u bënë sot, gjatë takimit të ambasadorit të SHBA-së me studentët e Fakultetit të Drejtësisë në Universitetit Shën Kirili dhe Metodi në Shkup, me rastin e ditës ndërkombëtare të të drejtave të njeriut. (ina)