Ambasadori i ShBA-ve në Maqedoni, Jess Baily lëshoi në përdorim Qendrën e të rinjve dhe bashkësinë (Youth and Community Center) në Gostivar duke thënë se nga sot të rinjtë e Gostivarit do të kenë vend ku do t’i përparojnë marrëdhëniet mes tyre.

Në ceremoni solemne me rastin e hapjes së kësaj qendre ishin paraqitur disa nga aktivitetet që filluan të zbatohen në këtë qendër. Ambasadori Baily theksoi multikultrën e Gostivarit si përparësi dhe porositi që kësaj t’i kushtohet vëmendje, përcjell Telegrafi Maqedoni.

“Hapja arriti shumë shpejtë nga që të gjithë ne shpresonim. Ajo është dhe për shkak se kishte bashkëpunim të shkëlqyer me Komunën e Gostivarit, me Kryetarin e Komunës, me biznes-sektorin dhe shumë të tjerë që siguruan përkrahjen e tyre dhe mundësuan e gjithë bashkësia të ngjitet. Ky projekt ka të bëjë me nevojat tashmë që i kemi dëgjuar, nevojat e të rinjve. Ky është vend ku njerëzit do të lumturohen dhe do të bisedojnë aty për aty, jo online dhe jo nëpër rrjete. Konsideroj se kjo është përparësi e fuqishme që do t’ju ndihmojë njerëzve të ri të kuptohen mes vete”, tha ambasadori Baily, përcjell Telegrafi Maqedoni.

Qendra e të rinjve në Gostivar ka për qëllim të ndihmojë popullatën e re si në aspektin personal ashtu edhe në aspekt profesional. Në të zbatohen projekte për përkrahjen dhe ndërtimin e karrierës, sipërmarrje dhe ngjarje të ndryshme kreative për nxënësit. Funksionimi i kësaj qendre është financuar dhe përkrahur nga Ambasada e ShBA-ve në Maqedoni.

Ambasadori Baily gjatë vizitës në Gostivar kishte takim një orësh më Kryetarin e Komunës së Gostivarit, Arben Taravari./Telegrafi/