Zyrtarisht promovimi i Taravarit do të bëhet sot në ora 10:00 në sheshin e qytetit në Gostivar, ku do mblidhen LEN, Aleanca e Arben Taravarit (me 2 Deputetë, pa 6 Deputetët e Alencës së Ziaden Selës), si dhe Bekim Qoku.
Përndryshe edhe Bilall Kasami shfaqi interesim për kandidati për president të shtetit, “Fillimisht u bisedua që të jetë zotëri Taravari, por nuk përjashtohet, ka kombinime që edhe unë të jem” tha Kasami për 360 shkallë.
Më 29.01.2024 Bekim Qoku e krahasoi postin shtetëror (kryeministrit shqiptar) me Sinan Hasanin:
“… Hasani ishte fasada në Jugosllavi që mbulonte torturat, diskriminimin, pabarazinë reale që i ndodhte një populli të tërë.
Kështu është shumë më kollaj të thuhet: “po ju ç’doni më, e keni presidentin Hasani (kryeministrin teknik), mbylleni gojën. Spitalet, shkollat, gjuha shqipe, teatrot s’ kanë ç’u duhen, gjithë këto do i gjeni në Gjermani”…
Zgjedhjet presidenciale në Maqedoninë e Veriut do të mbahen me 24 prill (e mërkurë), ndërsa raundi i dytë do të mbahet me 8 maj (e mërkurë) së bashku me zgjedhjet parlamentare.