Komuna e Butelit nuk do të tërheqë vendimin për vendosjes e kryqit por akuzon Ministrin e brendshëm Spasovskin se nuk ka reaguar për të shpërndarë turmën e protestuesve dhe të çliroj hapësirën nga pushtuesit e panjohur. Kështu deklaroi sot kryetari i Komunës së Butelit duke thënë që policia ka pasur kapacitet për t’u përballur me ngjarje të tilla.
“Kërkojmë që Oliver Spasovski të japë asistencë për çlirimin e hapësirës që ndodhet mes rrugës Aleksandar Uderevski dhe Boce Ivanova. Pjesëtarët e BDI-së i dimë. Mendoj se kjo që thash pak më parë se apeloi dhe vlerësoj se nuk është e drejtë që dikush nga ndonjë komunë tjetër të vij dhe t’i zgjidhë problemet e komunës tonë”, deklaroi Petre Llatinovski, kryetari i Komunës së Butelit.
Deputeti i VMRO-së, Aleksandar Gjorçev gjithashtu akuzoi Ministrinë e Brendshme për sehir në protestën e mbrëmshme të BDI-së në Butel. Ai duke mos përmendur në asnjë momentin emrin BDI tha se Spasovski do të bartë përgjegjësinë për çdo veprim të mund të paraqitet nga mos verpimi i MInistrisë së brendshme.
“Oliver Spasovski dje ka lejuar masën e tubuar që të merr ligjin në duart e tyre, të djegin palmat, të rrënojnë gardhin dhe të uzurpojnë pronën e territorit të komunës së Butelit. MPB ka obligim kushtetues që t’i mbrojë ligjet, rendin, qetësinë dhe sigurinë e qytetarëve. Nëse Oliver Spasovski nuk lëshon një urdhër për asistencën e policisë që do të rivendosë rendin në kryeqytet, atëherë Oliver Spasovski do të bëhet bashkëfajtor në skenarin për t’u derdhur gjak në rrugët që e paraqiti këshilltari i tij dhe koleg i LSDM-së Edmond Ademi”, tha Aleksandar Gjorçev, Deputet i VMRO DPMNE-së.
Por, ministri Spasovski gjatë takimit të tij me sekretarin shtetëror të departamentit të SHBA-së Brajan Hojt Li tha se keqpërdoren simbolet fetare dhe etnike po keqpërdoren për pikë politike. Ai ftoi partitë që t’i përmbahen nga skenarë artificial që shkojnë në dëm të sigurisë së qytetarëve.
“Keqpërdorimi i simboleve etnike dhe fetare, që është aktuale këto ditë, mund të kenë jo vetëm ndikimeve negative politike dhe në siguri por edhe të pengojnë procesin për zgjedhje të drejta, të lira dhe demokratike. Të gjithë subjektet duhet të përmbahen nga krijimi i skenarëve artificial me të cilat përfitohen pikë politike në llogari të sigurisë së qytetarëve”, deklaroi Oliver Spasovski, ministër i Punëve të brendshme.
Partitë opozitare LSDM dhe PDSH protestën e djeshme të BDI-së e kanë vlerësuar si skenar për fitimin e pikëve politike. Thaçi ka kërkuar nga qytetarët që të mos bien pre e provokimeve ndërsa nga partia e Ahmetit ka kërkuar që të veproj institucionalisht pasi është pjesë e qeverisë. Zoran Zaev nga ana tjetër tha se partitë në pushtet skenarë të tillë të tensioneve ndërntike përdorin çdo herë para zgjedhjeve që mbahen në vend. Edhe Zaev ftoi qytetarët që mos ti nënshtrohen provokimeve të tilla.
Fatlume Dervishi