Ministria e Shëndetësisë informon se gjatë 24 orëve të fundit sipas informatave të deritashme janë realizuar 1019 teste dhe janë regjistruar 125 raste të reja të covid-19 edhe atë në – Shkup 89  – Tetovë 11 – Ohër 8 – Kumanovë 4   – Strugë 3 – Shtip 2 – Prilep 2 – Strumicë 2 – Veles 1 – Gostivar 1 – Kërçovë 1 dhe Resen 1.

Gjatë 24 orëve u regjistruan 7 viktima, në Klinikën për Sëmundje Infektive dhe Gjendje Febrile ndërroi jetë një pacient 79-vjeçar nga Shkupi, në Klinikën “19 Maj” një paciente 66-vjeçare nga Struga e hospitalizuar prej 8 qershorit, paciente 54-vjeçare nga Shkupi e hospitalizuar prej 5 qershorit dhe një paciente 46-vjeçare prej Tetove që ka ndërruar jeta para pranimit në ambulancë. Ndërsa në Spitalin “8 Shtatori ” në Shkup, ndërroi jetë një pacient 77-vjeçar nga Shkupi i hospitalizuar më 8 qershor dhe një paciente 73-vjeçare nga Struga e hospitalizuar 7 qershor dhe në spitalin në Shtipit ndërroi jetë një pacient 87-vjeçar i hospitalizuar më 26 maj, me çka numri i personave që kanë ndërruar jetë është 164.

Sot, Instituti i Shëndetit Publik regjistroi 6 pacientë të rikuperuar në  –  Veles 4 – Prilep 1 dhe Shkup 1 .

Numri i përgjithshëm i rasteve të diagnostikuara që nga fillimi i epidemisë është 3364, numri i pacientëve të rikuperuar është 1664, numri i të ndjerëve është 164 dhe aktualisht numri i rasteve aktive në vend për momentin është 1536.

Në bazë të dhënave, duket sikur virusi pëson një zbritje dhe se kulmi ishte më 5 qershor edhe pse sot, përsëri kishim rritje (shih diagramin lart).

Ndërsa sot, në territorin e Tetovës, gjatë 24 orëve të shkuara u regjistruan 11 raste të reja dhe kemi fatkeqësisht një viktimë një paciente 46-vjeçare ndërroi jetë, numri i përgjithshëm i rasteve aktive me covid-19 është 145.

Ja edhe renditja e qyteteve me  rastet më të larta aktive :

• Shkup – 1461, aktiv 844 (territori i Shkupit me 617.646 banorë)
• Kumanova – 573, aktiv 155 (me 109.228 banorë)
• Shtip – 312, aktiv 145 (me 43.625 banorë)
• Tetovë – 312, aktiv 145 (territori i Tetovës me 200.678 banorë: Komuna e Tetovës me 91.760 banorë, Komuna e Bogovinës me 30.928 banorë, Komuna e Zhelinës me 28.044 banorë, Komuna e Tearcës me 22.916 banorë, Komuna e Bërvenicës me 16.590 banorë dhe Komuna e Jegunovcës me 10.440 banorë)
• Struga – 109, aktive 34 (me 65.801 banorë)
• Gostivar – 52, aktiv 30 (111.252 banorë)
• Ohër- 45, aktiv 28 (51.591 banorë)
• Velesi – 145, aktiv 27 (me  54.384 banorë)
• Prilep – 220, aktiv 26 (me 75.132 banorë)
• Koçani – 53, aktiv 22 (me 37.758 banorë)
• Probishtip – 11, aktiv 9 (me 15.085 banorë)
• Manastir – 30, aktiv 3 (me 91.983 banorë)
• Kërçova – 4, aktiv 2 (me 56.937 banorë)
• Dibra  – 53, aktiv 2 (me 20.863 banorë)