Paralajmërohen masa kufizuese – Ministri i Shëndetësisë Venko Filipçe dhe Komisioni për Sëmundjet Infektive i rekomandan Qeverisë që të vendosë masa të reja në rajonin e Tetovës për shkak të përhapjes së shpejtë të fundit të koronavirusit.Masat parashikojnë ndalimin e të gjitha manifestimeve në ambiente të mbyllura, siç janë dasmat dhe manifestimet tjera familjare që besohet të jenë dhe shkaktarët kryesor të përhapjes së virusit.

“Objektet e hotelierisë nuk duhet të mbushin më shumë se 30% të kapaciteteve ndërsa tavolinat nuk duhet të kenë më shumë se katër persona. Zbatimi i këtyre masave do të pasohet nga kontrolle të intensifikuara”, ka bërë të ditur Ministri i Shëndetësisë, Venko Filipçe.

Analizat e bëra ditët e fundit thonë se virusi,  po përhapet në mesin e të pa vaksinuarve, mbi 90 për qind të rasteve të reja janë qytetarë të pa vaksinuar. Nga ana tjetër, në Tetovë vaksinimi është nën 20 për qind”.

Në Maqedoninë e Veriut janë vaksinuar rreth 550 mijë persona, prej tyre rreth 425 mijë me nga dy doza.

Gjatë 24 orëve të fundit, janë kryer 7647 teste dhe 378 raste të reja të Covid-19 u regjistruan në:

• Shkup – 118 (territori i Shkupit me 617.646 banorë)
• Tetovë – 114 (në territorin e Tetovës me 200.678 banorë që dtth.: Komuna e Tetovës me 91.760 banorë, + Komuna e Bogovinës me 30.928 banorë, + Komuna e Zhelinës me 28.044 banorë, + Komuna e Tearcës me 22.916 banorë, + Komuna e Bërvenicës me 16.590 banorë dhe + Komuna e Jegunovcës me 10.440 banorë).
• Gostivar – 51 (111.252 banorë)
• Kërçovë – 20 (me 56.937 banorë)
• Kumanovë – 18 (me 109.228 banorë)
• Strumica – 16 (me 57.175 banorë)
• Ohër- 9 (51.591 banorë)
• Manastir – 9 (me 91.983 banorë)
• Kavadarci – 6 (me 38.741 banorë)
• Veles –4 (me  54.384 banorë)
• Koçani – 3 (me 37.758 banorë)
• Radovish – 2 (me 29.100 banorë)
• Strugë – 2 (me 65.801 banorë)
• Makedonski Brod – 1 (me  6.166 banorë)
• Prilep – 1 (me 75.132 banorë)
• Resnje – 1 (me 16.313 banorë)
• Shtip – 1 (me 43.625 banorë)
• Vinicë – 1 (me 19.391 banorë)
• Berovë – 1 (me 12.813 banorë)