Shefi i Lidhjes social demokrate publikoi programin e ri qeverisës, shkruan Der Standard.

Ai prezantoi në mënyrë ekstra patriotike. Pas tij valëviteshin shumë flamuj maqedonas – por gjithashtu mes tyre ishte edhe flamuri i BE. Lideri opozitar maqedonas paraqiti programin e tij qeverisës të premten dhe në të njëjtën kohë i dha dhjetë ditë kohë presidentit Gjorgje Ivanov, për ta mandatuar për të krijuar qeverinë re. Presidenti deri tani e ka përdorur argumentin, që një koalicion i tillë me partitë shqiptare rrezikon shtetësinë e Maqedonisë. Hezitimi i Ivanovit ka sjellë një krizë të thellë kushtetuese. Së fundi në Shkup kanë kërkuar nga presidenti për të tërhequr vendimin edhe OSCE dhe e dërguara gjermane Christian Hellbach. Prapaskena: Partia që fitoi më shumë vota në zgjedhjet e dhjetorit OBRM-PDUKM nuk mund të krijojë shumicën parlamentare. LSDM dhe partitë shqiptare dëshirojnë vetëm – edhe nëse Ivanov nuk jep mandatin – të bëjnë thirrjen e parlamentit dhe të zgjedhin kryeparlamentarin, të informojnë Ivanovin për krijimin e shumicës dhe kabinetin e ti qeveritar. Zaevi kërkon të bëhet kryeministër.

Zgjerimi i ligjit të gjuhës

Ai tha të premten se qëllimi është sjellja e demokracisë dhe shtetit ligjor  so dhe integrimi i vendit në BE dhe NATO. Në programin e tij parashikohen edhe reforma ekonomike dhe një reformë mbi televizionin shtetëror. Në vijim duhet të zgjerohet ligji i tanishëm i përdorimit të gjuhës, ashtu që të gjithë qytetarët – tha Zaev – në gjuhën e tyre të mund të komunikojnë me institucionet shtetërore. Partitë shqiptare kërkuan që gjuha shqipe të jetë zyrtare. Kjo kërkesë ka sjellë protesta masive në gjithë territorin. Protestuesit frikësohen, që Maqedonia do jetë që shtet “bilingual” ose “binacional”. Rreth 65 përqind të banorëve paraqiten si maqedonas dhe rreth 25 përqind janë shqiptarë, ndërsa ka edhe turq, romë, serbë, boshnjakë dhe vllahë. Shumë protestues kanë deklaruar se me ligjin e ri të gjuhës detyrohen të mësojnë gjuhën shqipe. Andaj kanë frikë nga cënimi i identitetit kombëtar, federalizimit të vendit, një ndryshim të flamurit ose himnit. Bile pretendojnë se partitë shqiptare me ndihmën e Kosovës dhe Shqipërisë dëshirojnë krijimin e Shqipërisë së madhe, edhe pse kjo ska asnjë argument.

Propagandë dhe tensione

Tensionet inter-etnike janë shtuar nga kjo propagandë. Zaev kërkonte të premten të qetësojë gjendjen dhe mendonte, që është gënjeshtërt, që të gjithë duhet të mësojnë një gjuhë tjetër. Ai u bëri thirrje protestuesve, që përsëri të kthehen në shtëpi dhe tha, që i gjithë programi është konform Kushtetutës. Unitarizmi dhe sovraniteti nuk vendosen në pikëpyetje. Presidenti Ivanov që vlen si ndihmës i partisë së Nikola Gruevskit dhe punon sipas uratës së qeverisë në Moskë, pasi qeveria e re përmban Platformën shqiptare të nënshkruar në Tiranë nga kryeministri Edi Rama – pra jashtë shtetit – nuk e lejon krijimin e qeverisë së re.

Në fakt shefat e partive shqiptare u takuan në Tiranë, për të finalizuar përmbajtjen – por ajo është përpiluar në Shkup. Edi Rama, sipas të dhënave të partive shqiptare në Maqedoni, është involvuar në kauzë për shkak të dallimeve të thella të tyre dhe nuk pranonin të takoheshin në Shkup. Rritja e tensioneve pas zgjedhjes së presidentit Donald Trump dhe shtimit të ndikimit rus ishin gjithashtu tema në takimin e BE. /Bota sot/