Ministri i Arsimit Renata Deskoska njoftoi se nga shtatori numri i klasave në arsimin fillor do të ulen, përcjell Telegrafi Maqedoni.

“Nga klasa e parë deri në të tretë, numri i orëve do të kufizohet në 20, nga i katërta deri në të gjashtën në 25, ndërsa nga e shtata deri në të nëntën maksimum 30 orë në javë. Kjo gjithashtu do të ndryshojë planet e mësimeve dhe për këtë ne kemi udhëzuar Zyrën për Zhvillimin e Arsimit të punojë për këtë dhe sapo ligji të hyjë në fuqi të ofrohet një koncept i ri me orë të reduktuara, tha Deskoska në emisionin televiziv “Top Tema” në TV Telma.

Ajo theksoi se së bashku me uljen e fondit të orëve të mësimit për nxënësit, do të reduktohen edhe nevojat për zvogëlimin e fondit të orëve edhe për mësuesit nga 23 në 18 dhe askush nuk do të jetë pa punë. Ajo informoj se do të futet një lloj i arsimit të dyfishtë në arsimin e mesëm profesional, në të cilin siç tha se nuk duhet të trajtohet si një edukim që nuk të dërgon në fakultet.

Megjithatë, shkollat profesionale nuk marrin kuadër që është mjaft i kualifikuar për të qenë në gjendje të punësohen menjëherë pas mbarimit të shkollës. Prandaj, duke theksuar, ne do të formojmë një lloj arsimi të dyfishtë që do t’i lejojë nxënësit të kalojnë tre ose katër ditë në klasë dhe një ose dy ditë në kompani. /Telegrafi/