Imigrantët nga Lindja e Mesme kanë bllokuar hekurudhën në  zonën kufitare midis Greqisë dhe Maqedonisë.

Ndërsa ushtria e Maqedonisë po ngre një gardh të ri me gjemba. Gjendja e refugjatëve në kufi po përkeqësohet. Maqedonia nuk pranon më shumë se 300 refugjatë në ditë, të cilët pas pak orë qëndrimi në kampet e Gjevgjelisë dhe Tananocit udhëtojnë drejt vendeve perëndimore. Agjensia e Kombeve të Bashkuara për Refugjatët thotë se kalimi i refugjatëve nëpër Maqedoni nuk duhet të paraqesë problem për vendin, përderisa ata nuk ndalen për një kohë më të gjatë këtu. (voa)