Gjuha shqipe do të bëhet e barabartë me maqedonishten. Kështu premtoi Kryetari i ASh-së Arben Taravari në DailyClick, sipas të cilit gjuha shqipe do të bëhet zyrtare brenda mandatit 4 vjecar.

“Në këtë mandat, këto 4 vjet, gjuha shqipe do të qëndrojë në kushtetutë jo si 20%, por gjuha maqedonase dhe gjuha shqipe. Besoj se në këtë mandat”, tha Arben Taravari.
-Në tërë territorin e Maqedonisë?
“Gjuhë zyrtare në Maqedoni do të jenë gjuha maqedonase dhe jo gjuha e 20%-shit e atyre që jetojnë në Maqedoni, por gjuha shqipe”, deklaroi ai.

Pyetëm kryeministrin Mickoski se a është e mundur kjo gjë të ndodh, ndërsa ai u përgjgj.
“Nuk ka pasur bisedime të tilla”, tha Mickoski.
Ndryshe tema për gjuhën shqipe u hap pasi gjykata kushtetuese mbajti seancë pas iniciativave për abrogimin e disa neneve të ligjit për gjuhët. Gjithsej janë 13 iniciativa të ndryshme të partive politike maqedonase, organizatave joqeveritare madje edhe të individëve. Seanca e kushtetueses u shty për në muajin mars.

tv21